परको कुरा स्थानीय समाचार

बालाजुको बाइसधारा ‘स्मार्ट पार्क’मा फेरिँदै पार्क पुनर्निर्माणमा केही वर्ष लाग्न सक्ने


१३ पुस, काठमाडौं । ‘बालाजूको बाइसै धारा’ भन्ने गीत बूढापाकालाई अझैसम्म कण्ठस्थ छ । विगतमा काठमाडौं घुम्नेहरुका लागि अनिवार्य गन्तव्य बन्ने गरेको बाइस धाराको महिमा अचेल उहिलेको जस्तो सुनिँदैन । तर, खुशीको कुरा, अब काठमाडौं महानगरपालिकाले बालाजुको बाइसधारा पार्कलाई नयाँ स्वरुपमा फेरेर पुनर्जाग्रित गराउने योजना बनाएको छ ।

पछिल्लो समयमा पार्कहरुको स्तरीकरण थालेको महानगरपालिकाले बाइसधारा पार्कलाई ‘स्मार्ट पार्क’ बनाउने योजना अघि सारेको छ ।

प्राकृतिक, धार्मिक, सांस्कृतिक र पुरातात्विक सम्पदाहरुले सजिएको बाइसधारा पार्कमा थप आन्तरिक पर्यटक भित्र्याउन भन्दै महानगरले स्तरीकरणको योजना बनाएको हो ।

balaju parkbalaju park4

पहिलो चरणमा भूकम्पका कारण क्षति पुगेका पार्कभित्रका संरचनालाई पुनर्निर्माण गरिने भएको छ । त्यसपछि बाइसधार पार्कलाई पूनर्संरचना गरी सञ्चालनमा ल्याइने काठमाडौं महानगरपालिकाले जनाएको छ ।

पहिलो चरणमा पार्कमा नयाँ कम्पाउण्ड वाल निर्माणको काम सक्ने महानगरका भौतिक निर्माण तथा विकास शाखा प्रमुख उत्तर रेग्मीले जानकारी दिए ।

शहरी क्षेत्रभित्र रहेको पार्कहरुलाई संरक्षण गरेर थप आकर्षक, सुविधायुक्त र मनमोहक बनाउने नीतिअनुरुप महानगरले बाइसधारा पार्कको छुट्टै गुरुयोजना तयार पार्ने गृहकार्य सुरु गरेको रेग्मीले बताए । ‘अब पार्कलाई मर्मत गरेर मात्र हुँदैन, यसलाई पुनःसंरचनामार्फत नयाँ स्वरुप दिएर स्मार्ट बनाउने हाम्रो सोच छ,’ रेग्मीले भने- ‘केही वर्ष लाग्ला तर, पार्कलाई स्तर उन्नती गरेर साँच्चिकै थकाइ बिसाउने उत्तम विकल्प बनाउँछौं ।’

रत्नपार्कलाई व्यवस्थित बनाएको महानगरले रानीपोखरीमा पनि पार्क निर्माण गर्ने तयारी गरिसकेको छ । यसैको निरन्तरता स्वरुप भूकम्पका कारण क्षतिग्रस्त भएको बालाजु पार्कको स्वीमिङ पुल र चेञ्जिङ हाउसको पुनर्निर्माण सकेर पार्कलाई नयाँस्वरुप दिने गरी गुरु योजना नै बनाउन लागिएको छ ।

महानगरले यसैवर्ष भित्र बाइसधारा पार्कभित्रको पिकनिक स्पटलाई व्यवस्थित गरी सञ्चालन गर्ने तयारी पनि गरेको छ ।

बालाजु पार्कको स्वामित्वमा रहेको १ सय ६२ रोपानी जग्गा छ । अब सबै जग्गा सदुपयोग गर्ने र आन्तरिक पर्याटकलाई आवास गृहसहितको आधुनिक तथा अत्यावश्यक सुविधाहरु उपलब्ध गराइने महानगरपालिकाले जनाएको छ ।

यसैका माध्यमबाट पार्कभित्रको प्राकृतिक बगैँचा र धार्मिक तथा ऐतिहासिक सम्पदाको संरक्षण पनि गर्ने महानगरको योजना छ ।

पार्क प्रवेशका लागि विद्यार्थीलाई १५ रुपैयाँ र अन्यका लागि २५ रुपैयाँको टिकट निर्धारण गरिएको छ ।

 

 

सोम, पुस १३, २०७२ मा प्रकाशित

यसमा तपाइको मत

Loading...
Loading...

बाट अन्य

सोह्र श्राद्ध

हरेक वर्ष शारदीय नवरात्र प्रारम्भ हुनुअघि आश्विन कृष्ण पक्षलाई पितृपक्ष वा सामान्य बोलीचालीको भाषामा सोह्र श्राद्ध भनिन्छ/ सोह्र श्राद्ध भाद्र शुक्लपक्ष पूर्णिमाबाट सुरु हुन्छ र असोज कृष्णपक्ष औंसीमा समाप्त हुन्छ ।श्राद्धको सीधा अर्थ हो आफ्ना पूर्वजहरूप्रति श्रद्धा । शास्त्रले भनेको छ- ‘श्रद्धया इदम् श्राद्धम्’ अर्थात् पितृहरूका  निमित्त श्रद्धापूर्वक गरिने...

विश्व मुटु दिवसमा मंगलबजारदेखि नालासम्म साइकल यात्रा

काभ्रेको प्राचीन शहर नालाको पहिचानलाई धेरैभन्दा धेरै समुदायसम्म पुर्याउनुका साथै मुटुरोगसम्बन्धी जनचेतना जगाउनका लागि नालाका युवाहरुले मंगलबजारदेखि नालासम्म साइकल यात्राको आयोजना गरेका छन् । असोज १३ गते(२९ सेप्टेम्बर)मा मनाइने विश्व मुटु दिवसका अवसरमा साइकल यात्राको आयोजना गरिएको आयोजक जी व झिगु नालाका संयोजक ईश्वर अनामणि श्रेष्ठले...

पल्ला घरे ठुली आमाको नक्कली छोरी र म

बुबा सधै भनु हुन्थ्यो छोरो पैसा छ भन्दैमा अरुले देख्ने गरि सबैको अगाडी नदेखाउ छोरा ! तँ कुनै दिन लुटिन्छ हेर मार्न पनि सक्छ सचेत भै हिड्नु ल ! जमाना अर्कै छ त्यो पनि कली युग हो कसैले कसैलाई बिश्वास गर्न एकै चोटी हुन् हेर आफ्नो सम्पतिको आफैले ख्याल नगरे कसले गर्छ ? त्यसैले छोरा ख्याल राखेस है...

समिट होटलको ३८ औ बार्षिक उत्सब भब्य रुपमा सम्पन्न

हरेक बर्ष सेक्टेम्बर १५ तारिकका दिन यस समिट होटलको ३८ औ बार्षिक उत्सब मा समिट होटलको आयोजनामा भएको ४ कि.मि.दौड प्रतियोगितामा पुरष ३८ र महिला ११ गरि जम्मा ४९ जनाको सहभागितामा भएको दौड प्रतियोगितामा पुरष तर्फ़ प्रथम बुद्ध घिसिंग, दोस्रो बाबुराम राई, तेस्रो शंकर आचार्य...

ल्हासा पासा सरस्वती गुफामा ध्यान गर्ने लामा मिलारेपा र नालाको फिरफिरे

एघारौ शताब्दीमा तिब्बतमा एक बालकको जन्म भएको थियो। उक्त बालकको नाम मिलारेपा राखेको थियो ।  मिलारेपा ७ बर्षको हुदा उसको बुवाको देहावसान भयो।  काकाका परिवारले सबै सम्पति लिएको हुदा मिलारेपाको बहिनि र उ खुब दुखमा परे।  आफ्ना काकासंग खुब बिन्ति भाव गरे तर उस्को कुरा...

गोंगबुको सांस्कृतिक सम्पदाहरु

गोंगबु क्षेत्रका गणेश मन्दिरहरु  १) बीच विनायक २)जल विनायक ३)कार्य विनायक ४)शिध्दी विनायक गोंगबु क्षेत्रका पाटीहरु  १)बकैना पाटी २)कलकत्ते पाटी ३)नेवा छ्य पाटी ४)सांख टी ख्वाउने पाटी गोंगबु क्षेत्रका इनारहरु  १)गणेशस्थान नेरको इनार (हाल लोप भैसकेको छ ) २)ग्वाराको जग्गाको इनार (हाल लोप भैसकेको छ ) ३)नाति मानान्धरको घरनेरको इनार ४)बिज्ञान लोहनीको घरनेरको इनार ५)नेवा छेको इनार गोंगबु क्षेत्रका कुवाहरु  १)चन्द्र बहादुरको घरनेरको कुवा २)सार्की...