संस्कृति/धर्म

राजाको बिँडो थाम्दै पशुपतिमा ‘कम्युनिष्ट’ राष्ट्रपतिको पूजा (तस्वीरसहित) जानकार भन्छन्- राजा महाराजाले मात्रै यस्तो पूजा गर्थे


१३ पुस, काठमाडौं । केपी ओली नेतृत्वको सरकारले मन्त्रालय भागवण्डा गरेर देश र जनतालाई सास्ती दिइरहेका बेला ‘राष्ट्र कल्याण’ को कामना गर्दै ‘कम्युनिष्ट’ राष्ट्रपति विद्यादेवी भण्डारीले पशुपतिनाथमा सोमबार विशेष पूजाअर्चना गरेकी छन् ।

पशुपति क्षेत्र विकास कोषका अनुसार राष्ट्रप्रमुखले राष्ट्र कल्याणको कामना गर्दै पशुपतिनाथमा पूजा गरेको यो पहिलोपटक हो । र, राष्ट्रपति भण्डारीको इच्छा अनुसार नै यो पूजाको आयोजना गरिएको हो ।

‘राष्ट्रपतिको कार्यालयबाट यस्तो इच्छा जाहेर भएपछि हामीले कार्यक्रम राखेका हौं र उहाँ आउनुभएको हो’ पशुपति क्षेत्र विकास कोषका कार्यकारी निर्देशक रमेश उप्रेतीले अनलाइनखबरसँग भने ।

राष्ट्र संकट परेको अवस्थामा पशुपतिनाथमा संकट मोचन पूजा गर्ने लिच्छवीकालीन इतिहास र राजा महाराजाले जारी गरेको फरमानहरुमा उल्लेख रहेको बताइन्छ ।

तर, प्रथम राष्ट्रपति डा. रामवरण यादवले शिवरात्रिका अवसरमा पशुपतिनाथको दर्शन गर्ने गरे पनि यस्तो संकटमोचन पूजा भने गरेका थिएनन् ।

मुलुकमा भइरहेको संकट मुक्तिको कामना गर्दै वामपन्थी पृष्ठभूमिकी राष्ट्रपतिले विशेष पूजाअर्चना गरेकी हुन् । उनले मूल मन्दिरमा भट्टमार्फत राष्ट्रकल्याणको संकल्प गर्दै विशेष पूजा अर्चना गरेकी छन् भने मन्दिर परिसरमा रहेका मन्दिरहरुमा पनि पूजा गरेकी छन् ।

धर्मनिरपेक्ष मुलुककी राष्ट्रपति भण्डारी कम्युनिष्ट राजनीतिबाट आएकी हुन् । राष्ट्रपति हुनुअघि उनी एमालेकी उपाध्यक्ष हुन् र एमालेका जननेता मदन भण्डारीकी पत्नीसमेत हुन् । पशुपतिमा यसरी पूजा अर्चना गरेर संकट मोचन हुन्छ भन्ने सोचाइलाई कम्युनिष्ट एवं भौतिकवादीहरुले अन्धविश्वास मान्दै आएका छन् ।

President bidhya bhandari At Pasupatinath (8)

राष्ट्रपति विद्यादेवी भण्डारी विशेष पूजाका लागि पशुपति पुग्दा सर्वसाधारणलाई प्रवेशमा रोक लगाइएको थियो ।

राष्ट्रपति भण्डारीले आफ्नो एक महिनाको तलव पशुपति क्षेत्र विकास कोषलाई दान गरेकी छन् भने चन्दा बक्समा पनि स्वेच्छाले रकम राखेकी छन् । राष्ट्रपतिसँगै पशुपतिमा पूजा गर्न गृहमन्त्री तथा एमाओवादी स्थायी समिति सदस्य शक्ति बस्नेत पनि पुगेका थिए । उनले रुद्राक्ष र फूलमाला लगाएका छन् ।

President bidhya bhandari At Pasupatinath (1)

सोम, पुस १३, २०७२ मा प्रकाशित

यसमा तपाइको मत

Loading...
Loading...

बाट अन्य

उत्तरप्रदेशका मुख्यमन्त्री योगी आदित्यनाथ जनकपुरधाम आए

२६ मंसिर, धनुषा । उत्तरप्रदेशका मुख्यमन्त्री योगी आदित्यनाथ जनकपुरधाम आएका छन् । विवाह पञ्चमी महोत्सवमा मुख्य अतिथिको रुपमा आदित्यनाथ जनकपुरधाम आएका हुन् । निजी विमान चढेर जनकपुर विमानस्थलमा ओर्लिएका आदित्यनाथ त्यहाँबाट सीधै जानकी मन्दिरमा गएका थिए । जानकी मन्दिरमा उनले पूजा गरेका छन् । विमानस्थलमा प्रदेश २...

नेपाल संवत् ११३९ देशभर विविध कार्यक्रम

कात्तिक, काठमाडौं । नेपाल संवत् ११३९ आज देशभर विविध कार्यक्रम गरी मनाइँदैछ । यस संवतलाई हाल नेवार समुदायले नयाँ वर्षका रुपमा मनाउने गरेका छन् । राष्टिय विभूति शङ्खधर साख्वाले विसं ९३७ ९इसं ८८०० मा गरीब जनताको ऋणमोचन गरी नेपाल संवत्को शुरुवात गरेका थिए । नेपाल संवतले...

संस्कृत भाषा देवभाषा वा देववाणी

  संस्कृत भाषा नेपाली देवनागरिक लगायत समस्त भारतीय उपमहाद्वीपका भाषाहरूकाे जननी हाे / विश्वकाे सबभन्दा प्राचीन भाषा हाे। ‘संस्कृत’शब्दकाे शाब्दिक अर्थ परिपूर्ण भाषा हाे । संस्कृत भाषा  पूर्णतया वैज्ञानिक तथा सक्षम भाषा हाे। संस्कृत भाषाकाे व्याकरणले विश्वभरिका भाषा विशेषज्ञहरूकाे ध्यानाकर्षण गरेकाे छ। यसकाे व्याकरणलार्इ देखेर नै अन्य भाषाहरूका...

सिएनएनको संसारका ५० मीठो पेयपदार्थको सूची ‘नेवा: ऐला’

अमेरिकी सञ्चार संस्था ‘सिएनएन’ ले संसारका ५० मीठो पेयपदार्थको सूची निकालेको थियो। नेपालको एउटा पेय सूचीको ४१ औं स्थानमा थियो। त्यो हो, ‘नेवाः ऐला’। अर्थात्, रक्सी। उक्त रक्सी वर्णन गर्दै सिएनएनले भनेको छ, ‘कोदो वा चामलबाट बनाइने रक्सीको गन्ध नाकले थाहा पाइहाल्छ। यो पिउँदा घाँटीमा एकैछिन पोले...

सोह्र श्राद्ध

हरेक वर्ष शारदीय नवरात्र प्रारम्भ हुनुअघि आश्विन कृष्ण पक्षलाई पितृपक्ष वा सामान्य बोलीचालीको भाषामा सोह्र श्राद्ध भनिन्छ/ सोह्र श्राद्ध भाद्र शुक्लपक्ष पूर्णिमाबाट सुरु हुन्छ र असोज कृष्णपक्ष औंसीमा समाप्त हुन्छ ।श्राद्धको सीधा अर्थ हो आफ्ना पूर्वजहरूप्रति श्रद्धा । शास्त्रले भनेको छ- ‘श्रद्धया इदम् श्राद्धम्’ अर्थात् पितृहरूका  निमित्त श्रद्धापूर्वक गरिने...

“थारू समुदायको महान पर्व अटवारी”

थारू समुदायमा थारू पुरूषले निराधार वर्तबसि मनाईने पर्व अटवारी पश्चिम तराई दाङ, बाँके, बर्दिया, सुर्खेत, कैलाली, कञ्चनपुर र अहिले काठमाडौंमा बस्ने थारू समुदायमा यति बेला उल्लासमय  छ । अाइतबार दाजुभाइ व्रत मात्रै बसेनन् दिदिबहिनिहरू लाई दिने अग्रासन (कोसेली) समेत छुट्याए । सोमबार दिदिबहिनिहरूले माईतबाट अाउने...