परको कुरा साहित्य

कुलचन्द्र गौतमको पुस्तक ‘लस्ट इन ट्रान्जिसन’को विमोचन


संयुक्त राष्ट्र संघका पूर्व उपमहासचिव कुलचन्द्र गौतमको पुस्तक ‘लस्ट इन ट्रान्जिसन’को शनिबार विमोचन गरिएको छ ।

कालिकास्थानस्थित पब्लिकेशन्स नेपालयमा प्रकाशकले लेखक गौतमलाई र गौतमले पूर्व राष्ट्रपति डा. रामवरण यादवलाई पहिलो प्रति हस्तान्तरण गर्दै यसैबाट अब सम्पूर्ण पाठक समक्ष पुस्तक अर्पण गरिएको घोषणा गरेकाथिए।  कार्यक्रममा यादवले गौतमले अन्तर्राष्ट्रिय अनुभवसहित नेपालको संक्रमणकाललाई देखेको बताउनुभया । समर्पण र पीडाको बीचबाट आफू हिँडेको र संविधान दिनुपर्ने नैतिक दायित्व भएकाले आफूले त्यसलाई पुरा गरेको यादवले बताउनुभयो ।

कार्यक्रममा विश्लेषक हरि शर्माले पुस्तकको परिचय गराउँदै यो राजनीतिक टिप्पणी भए पनि लेखकले आफ्ना अनुभव समावेश गरेको बताउनुभयो ।

कार्यक्रममा शर्माले लेखक गौतमसँग पुस्तकका बारेमा अन्तक्र्रियासमेत गर्नुभएको थियो । त्यस क्रममा राष्ट्रसंघको आदर्शलाई आफूले आत्मसात गर्दागर्दै यसैका निकायबाट त्यस विपरितमा भएका कामहरु देखेपछि उल्लेख गर्नैपर्ने आवश्यक ठानेको गौतमले प्रष्ट पार्नुभएको थियो ।

मुलुकमा दस वर्षे माओवादी द्वन्द्व, त्यसपछिको लामो संक्रमणकाल, संविधानसभाको चुनावदेखि लिएर संविधानसभाबाट संविधान बनाउनका निम्ति सतहमा देखिएका अन्तर्संघर्षको पृष्ठभूमि केलाउन गौतमको पुस्तकले सहयोग गर्ने शर्माले टिप्पणी गर्नुभयो ।

गौतमसँग अवकाश पाउनुअघि थुप्रै मुलुकका लडाई, संक्रमणकाल र शान्ति प्रकृयामा सहभागीतासमेत जनाएको अनुभव छ ।

नेपालको शान्ति प्रकृयामा भएका त्रुटीहरु र अन्तर्राष्ट्रिय समूदायबाट समेत भए गरेका कमजोरीहरुलाई गौतमले निर्भिकताका साथ पुस्तकमा औंल्याउनुभएको छ । जस्तोसुकै अवस्थामा पनि मानवअधिकार, विधिको शासन र प्रजातन्त्रको मामलामा आजको बेला जिम्मेवार पक्षहरुले सम्झौता गर्नै नमिल्ने मान्यता गौतमको छ ।

‘प्रजातन्त्र र समुन्नतीका आधारहरु तयार हुँदै गइरहेको बेला पहिलेदेखि हेपिएका र सिमान्तकृतहरुको भावना उठाएर माओवादीले सत्ता र शक्तिसम्मको पहुँच बनायो,’ गौतम भन्नुहुन्,छ ‘प्रजातन्त्रको पुनर्उदय हुँदै गरेको इतिहासको एउटा महत्वपूर्ण क्षणबाट यसले मुलुकलाई युद्धको भूमरीमा डुबाउँदै लग्यो ।’
स्वयं आफू नै उप महासचिव रहेको राष्ट्रसंघको नेपालस्थित नियोग (अनमिन)ले त्यतिबेला कसरी पूर्वाग्रहपूर्ण तरिकाले काम गरेको थियो भन्ने कुरा गौतमले पुस्तकमा सबिस्तार वर्णन गर्नुभएको छ ।

समाजशास्त्री चैतन्य मिश्रले समकालीन नेपाललाई बुझ्न चाहनेले यो पुस्तक ‘पढ्नै पर्ने’ भनेर उल्लेख गर्नुभएको छ ।

पुस्तकको उपसंहारमा गौतमले यतिबेला भारतले नेपालमा गरेको अघोषित नाकाबन्दीबारे बहस गर्दै ठूला छिमेकीसँग यस्तो बेलामा कसरी सम्झौता गर्दा आफ्नो हक अधिकार सुरक्षित रहनसक्छ भन्ने सुझाव पनि दिनुभएको छ ।

गौतमलाई आफ्नो प्रकाशनगृहमा लेखकका रुपमा स्वागत गर्न पाउँदा खुशीलागेको नेपालयका किरणकृष्ण श्रेष्ठले बताउनुभयो ।

‘यो पुस्तकको शिर्षकै संक्रमणमा रुमलिएको मुलुकलाई लिएर तयार पारिएको छ,’ श्रेष्ठले भन्नुभयो, ‘संक्रमण कालकै अर्का प्रतीक व्यक्तित्व पूर्व राष्ट्रपतिलाई यो हस्तान्तरण गरेर समस्त पाठकलाई सुम्पेका छौं ।’

६ सय ७५ रुपैया मूल्य राखिएको पुस्तक प्रमुख विक्रेताहरु कहाँ उपलब्ध छन् । त्यसैगरि यसलाई इ–बुकका रुपमा एन्ड्रोइड र आइओएसका प्रयोगकर्ता पाठकले धभचभबम।अयm।लउ मा आफ्ना उपकरणहरुमा प्राप्त गर्न सक्ने नेपालयले जनाएको छ

सोम, पुस १३, २०७२ मा प्रकाशित

यसमा तपाइको मत

Loading...
Loading...

बाट अन्य

केएल दुगडको नेपालगन्ज, भुजईगाउँस्थित तेल तथा खाद्यान्न गोदाममा आगलागी

नेपालगन्ज – केएल दुगडको नेपालगन्ज, भुजईगाउँस्थित तेल तथा खाद्यान्न गोदाममा आगलागी भएको छ । आज (शनिबार) दिउँसो ४ः१५ बजे लागेको आगो अहिलेसम्म नियन्त्रणमा आएको छैन । बाँकेका प्रहरीप्रमुख एसपी टेकप्रसाद राईले आगो कसरी लाग्यो भन्नेबारे नखुलेको बताए ।आगो निभाउन नेपाली सेना, सशस्त्र प्रहरी बल र नेपाल...

खाजापसल हुँदै फोर स्टारसम्म

कुनै पनि पेशा, व्यवसाय गर्न लगानी या वातावरण भएन भन्दै विदेश पलायन हुनु यतिखेर आम नेपालीको प्रवृत्ति नै बन्दै छ । विदेश पलायन हुनेहरूले उता पुगेर गुनासो गर्न थाल्छन्, नेपालमा अवसर नै छैन । तर स्वदेशमा बसेर मेहिनेत गर्ने हो भने धेरै कुरा सम्भव छ...

भीमसेन थापाको समयदेखि नेपालमा पुतलीको अध्ययन

प्रधानमन्त्री भीमसेन थापाको समयदेखि नेपालमा पुतलीको अध्ययन भएको पाइन्छ । नेपालको प्रथम (प्रधानमन्त्री) मुख्तियार पाएका थापाको समयदेखि अध्ययन भए पनि पुतलीको महत्व धेरैलाई थाहा छैन । पुतलीमा अमेरिकाबाट विद्यावरिधि गरेका प्रा.डा. भैया खनालका अनुसार सन् १८२६ देखि नेपालमा पुतलीको अध्ययन भएको हो । त्यतिबेला बेलायती नागरिक...

बैतडीको दशरथचन्द नगरपालिकाको नगरप्रमुखमा पराजित राप्रपाका उम्मेदवारद्वारा मत परिणाम अस्वीकार

असार, बैतडी । बैतडीको दशरथचन्द नगरपालिकाको नगरप्रमुखमा पराजित राप्रपाका उम्मेदवार पुष्करराज जोशी ‘लख्खाभाइ’ले मत परिणाम अस्वीकार गरेका छन् । कांग्रेसका नरेन्द्रसिंह थापासँग ६२ मत अन्तरले पराजित जोशीले पुनः मतगणनाको माग गरेका छन् ।   नेता लोकेन्द्रबहादुर चन्दको गृहजिल्ला बैतडीमा एउटा पनि सिट नजितेको राप्रपाले मत गणनामा धाँधली...

मंसिर अन्तिमसम्म प्रदेश र केन्द्रीय संसदको निर्वाचन एकै चरणमा सम्पन्न गर्ने गरी सरकारको गृहकार्य सुरु

नेपाली कांग्रेसका नेता डा. प्रकाशशरण महतले मंसिर अन्तिमसम्म प्रदेश र केन्द्रीय संसदको निर्वाचन एकै चरणमा सम्पन्न गर्ने गरी सरकारले गृहकार्य सुरु गरेको बताएका छन् ।   दुई वटै निर्वाचन एकै चरणमा गर्नु पर्ने उनले बताए । बुधबार रिपोर्टर्स क्लब नेपालले आयोजना गरेको साक्षात्कारमा नेता महतले भने भने,...

केन्द्रमा १८ मन्त्रालय प्रस्तावित

काठमाडौं- मन्त्रिपरिषद्को आकार चाहिने भन्दा ठूलो भएर राज्यलाई आर्थिक भार परेको भनी हुँदै आएको आलोचनालाई दृष्टिगत गरी अधिकार सम्पन्न एक समितिले केन्द्रमा १८ मन्त्रालयमात्र कायम गर्न सुझाव दिएको छ। अधिकारसम्पन्न संघीय प्रशासनिक पुनःसंरचना समितिले बुधबार संसद्को राज्यव्यवस्था समितिमा पेस गरेको प्रारम्भिक प्रतिवेदनमा प्रधानमन्त्री कार्यालयसहित १८ मन्त्रालय...