परको कुरा

पशु विकास मन्त्रालय बनेकोमा पोल्ट्री व्यवसायीको स्वागत


 पुस, चितवन । नेपाल सरकारले कृषि मन्त्रालयलाई टुक्र्याएर पशु विकास मन्त्रालय बनाएकोमा पोल्ट्री व्यवसायीहरुले त्यसको स्वागत गरेका छन् । नेपाल अण्डा उत्पादक सङ्घको केन्द्रीय समितिले सोमबार चितवको नारायणगढमा पत्रकार सम्मेलन आयोजना गरी विगत लामो समयदेखि व्यवसायीले माग गर्दै आएकोमा हाल मन्त्रालय बनेकोमा स्वागत गर्यो ।

मन्त्रालय बनेकोमा सङ्घसहित नेपाल पोल्ट्री महासङ्घ, नेपाल कुखुरा व्यवसायी मञ्च, नेपाल दाना उद्योग सङ्घ, नेपाल ह्याचरी उद्योग सङ्घ, नेपाल कुखुरा बजार व्यवस्थापन सङ्घ, नेपाल पोल्ट्री सप्लायर्स कल्याणकारी सङ्घ, चितवन नवलपुर दाना वितरक सङ्घ, नेपाल पशुपक्षी औषधि व्यवसायी सङ्घ र कुखुरा व्यवसायी सङ्घ पूर्वी चितवनले निर्णयको स्वागत गरेका हुन् ।

सो अवसरमा अण्डा उत्पादक सङ्घका अध्यक्ष शिवराम केसीले कूल जनसङ्ख्याको ६६ प्रतिशत रोजगारीको अवसर कृषि क्षेत्रले प्रदान गरी कूल ग्राह्स्थ उत्पादनको ३३ प्रतिशत योगदान दिएको बताउँदै यसका लागि छुट्टाछुट्टै मन्त्रालय आवश्यक रहेको बताए । कुल ग्राह्स्थ उत्पादनको चार प्रतिशत अंश कुखुरापालन क्षेत्रले ओगटेको पनि उनले जानकारी दिए ।

जिल्लाका व्यवसायीले १० वर्ष अगाडि नै पशुपक्षी विकास मन्त्रालय छुट्टै हुनुपर्ने माग गर्दै आएका थिए । कार्यक्रममा नेपाल पोल्ट्री महासङ्घका उपाध्यक्ष टीकाराम पोखरेल, चन्द्रमान श्रेष्ठ, नेपाल दाना उद्योग सङ्घका निवर्तमान अध्यक्ष डा. तिलचन्द्र भट्टराई, जिल्ला पशुसेवा कार्यालयका प्रमुख डा. रामकुमार कार्की, पोल्ट्री व्यवसायी अर्जुन अर्याललगायतले सङ्घीयता कार्यान्वयन भएपछि मन्त्रालयको सङ्ख्या घट्दै गर्दा पनि पशु विकास मन्त्रालय कायम हुनुपर्ने माग गरे ।

पशुको विभागदेखि जिल्ला हुँदै गाउँतहसम्म कार्यालय रहेकाले र प्रत्यक्ष सेवाग्राही हुने हुँदा छुट्टै मन्त्रालय सधैंँका लागि हुनुपर्ने व्यवसायीको माग थियो । रासस

मङ्ल, पुस १४, २०७२ मा प्रकाशित

यसमा तपाइको मत

Loading...
Loading...

बाट अन्य

जनमत वाङमय प्रतिष्ठान नेपालले आफ्नो ३४ वार्षिकोत्सब तथा सम्मान कार्यक्रम बनेपामा गरे

चैत २४गते जनमत वाङमय प्रतिष्ठान नेपालले आफ्नो ३४ वार्षिकोत्सब तथा सम्मान कार्यक्रम बनेपामा गरेको छ।कार्यक्रम प्रमुख अतिथि ठाकुर पराजुलीबाट वरिष्ठ साहित्य साधक हृदयचन्द्रको तस्बिरमा माल्यार्पण गरेर उद्घाटन गरिएको थियो । दश विशिस्ट प्रतिभाहरूलाई सम्मान अभिनन्दन गरिएको थियो । हृदयचन्द्र वरिष्ठ जनमत साधक सम्मान डा देवीप्रसाद सुवेदी लमजुङ...

‘कांग्रेसलाई शेरबहादुर देउवाबाट जोगाऔं’ वृद्धभत्ता सम्बन्धी निर्णय देउवाको अल्पवुद्धि हो

प्रधानमन्त्री र नेपाली कांग्रेस पार्टी सभापति शेरवहादुर देउवाप्रति दया गर्ने कि माया ? सवै कांग्रेसजनलाई जस्तै मलाई पनि दोधार भैरहेको छ । देउवालाई कांग्रेस र लोकतन्त्रको शत्रु ठान्ने कि मित्र ? छुट्याउन गाहृो छ । कांग्रेसभित्र देउवाका जब्बर समर्थक र आलोचक छन् । समर्थकहरु स्वार्थवश मात्र...

केएल दुगडको नेपालगन्ज, भुजईगाउँस्थित तेल तथा खाद्यान्न गोदाममा आगलागी

नेपालगन्ज – केएल दुगडको नेपालगन्ज, भुजईगाउँस्थित तेल तथा खाद्यान्न गोदाममा आगलागी भएको छ । आज (शनिबार) दिउँसो ४ः१५ बजे लागेको आगो अहिलेसम्म नियन्त्रणमा आएको छैन । बाँकेका प्रहरीप्रमुख एसपी टेकप्रसाद राईले आगो कसरी लाग्यो भन्नेबारे नखुलेको बताए ।आगो निभाउन नेपाली सेना, सशस्त्र प्रहरी बल र नेपाल...

खाजापसल हुँदै फोर स्टारसम्म

कुनै पनि पेशा, व्यवसाय गर्न लगानी या वातावरण भएन भन्दै विदेश पलायन हुनु यतिखेर आम नेपालीको प्रवृत्ति नै बन्दै छ । विदेश पलायन हुनेहरूले उता पुगेर गुनासो गर्न थाल्छन्, नेपालमा अवसर नै छैन । तर स्वदेशमा बसेर मेहिनेत गर्ने हो भने धेरै कुरा सम्भव छ...

भीमसेन थापाको समयदेखि नेपालमा पुतलीको अध्ययन

प्रधानमन्त्री भीमसेन थापाको समयदेखि नेपालमा पुतलीको अध्ययन भएको पाइन्छ । नेपालको प्रथम (प्रधानमन्त्री) मुख्तियार पाएका थापाको समयदेखि अध्ययन भए पनि पुतलीको महत्व धेरैलाई थाहा छैन । पुतलीमा अमेरिकाबाट विद्यावरिधि गरेका प्रा.डा. भैया खनालका अनुसार सन् १८२६ देखि नेपालमा पुतलीको अध्ययन भएको हो । त्यतिबेला बेलायती नागरिक...

बैतडीको दशरथचन्द नगरपालिकाको नगरप्रमुखमा पराजित राप्रपाका उम्मेदवारद्वारा मत परिणाम अस्वीकार

असार, बैतडी । बैतडीको दशरथचन्द नगरपालिकाको नगरप्रमुखमा पराजित राप्रपाका उम्मेदवार पुष्करराज जोशी ‘लख्खाभाइ’ले मत परिणाम अस्वीकार गरेका छन् । कांग्रेसका नरेन्द्रसिंह थापासँग ६२ मत अन्तरले पराजित जोशीले पुनः मतगणनाको माग गरेका छन् ।   नेता लोकेन्द्रबहादुर चन्दको गृहजिल्ला बैतडीमा एउटा पनि सिट नजितेको राप्रपाले मत गणनामा धाँधली...