समाचार

२१ स्थानमा राजदूत नियुक्तिको तयारी


पुस १४, २०७२- केपी शर्मा ओली नेतृत्व गठबन्धन सरकारले सबै राजनीतिक दललाई भाग पुग्नेगरी राजदूत नियुक्तिको तयारी अगाडि बढाउने भएको छ । कूटनीतिक सक्रियताको साथै अन्तराष्ट्रिय लविङ समेत आवश्यक परेको अवस्थामा दर्जन मित्र मुलुक राजदूत विहीन भएको भन्दै सरकारले नियुक्ति अघि बढाउन लागेको हो । आगामी तीन महिना भित्र अन्य १० मुलुक खाली हुने हुनाले तत्काल नियुक्ति थलिने भएको हो । यसअघिको सरकारले राजनीतिक भागवण्डा नमिल्दा राजदूत नियुक्त गर्न सकेको थिएन् । पहिले झै लम्विदै गए अहिले पनि सहज नियुक्ति हुने देखिदैन ।

प्रमुख प्रतिपक्ष नेपाली कांग्रेसलाई छोडेर एमाले, एमाओवादी, राप्रपा नेपाल, राप्रपा र अन्य साना दलका केही सदस्य समेत रहने गरि सरकारले राजदूत नियुक्त गर्ने तयारी अघि बढाएको हो । प्रधानमन्त्री कार्यालयले अहिले खाली रहेको देखि छ महिना भित्र खाली हुने दुतवास समेतको सूचि परराष्ट्रसँग यसअघि नै मागेको हो । सूचि लगत्तै हरेक मुलुकको राजदुतको परिश्रमित र भत्ता समेतको बर्गिकरण माग गरेकोले नियुक्तिको तयारी अघि बढेको हुनसक्ने परराष्ट्र अधिकारीहरुले बताए ।

मन्त्रालय फुटाउने, जनतलाई राहत दिन नसक्ने जस्ता विषयले आलोचित बनेको सरकारले राजदुतको आधार तय गरेर अब्बल कूटनीतिज्ञलाई मात्र पठाएर छवि सुधारको थालनी गर्ने स्रोतको दावी छ । उपप्रधान तथा परराष्ट्रमन्त्री कमल थापाले सक्षम ब्यक्तिलाई मात्र राजदूत नियुक्त गर्ने बताइसकेको कारण अहिले कूटनीतिक नबुझेका र सम्वन्धित मुलुकको भाषा र अंग्रेजीमा दख्खल नराखेका ब्यक्ति राजदूत हुन कठिन छ, प्रधानमन्त्री कार्यालयका बरिष्ठ अधिकारीले बताए ।

जापान, चीन, जर्मनी, खाडी मुलुकले आफ्नो मुलुकको भाषा जानेका राजदूतलाई बढि प्राथमिकता दिदै आएकोले पनि सरकारको ध्यान अंग्रेजी बाहेक सम्वन्धीत मुलुकको भाषामा पनि ध्यान गएको हो । कार्यकारी र राष्ट्रप्रमुखले समेत आफ्नो मुलुकको भाषा जानेका कूटनीतिज्ञलाई छुट्टै भेट्नेहुनले सम्वन्धलाई उचाईमा राख्न समेत यसबाट मद्दत पुग्ने ति अधिकारीको दावी छ । प्रधानमन्त्रीका प्रमुख राजनीतिक सल्लाहकार विष्णु रिमालले कान्तिुरलाई भने, ‘नियुक्तिको तयारी अघि बढाइने छ । सरकारको प्राथमिकतामा परेको हुनाले छलफल भइरहेको छ । अब्बल ब्यक्तिहरु नै राजदूत नियुक्त हुनेछन । अहिलेको जस्तो अवस्था रहनेछैन ।’
अहिले बेलायत, जर्मनी, ब्राजिल, इजिप्ट, साउदी अरेविया, कतार, श्रीलंका, ओमान, बहराइन, जापान र बंगलादेश गरि ११ स्थान राजदूत विहिन छ । आगामी तीन महिना भित्र चीन, युनाईटेड अरब इमिरेट्स (यूएई), दक्षिण कोरिया, म्यानमार, इजरायल, अस्ट्रेलिया, पाकिस्तान, डेनमार्क,  रसिया र बेल्जियम (इयु–राजदूत) १० स्थानमा खालि हुदैछ । ति सबै स्थानमा सरकारले एकै पटक राजदुत नियुक्ति गर्न सक्छ । सरकारले यो संगै कूटनीतिक थिंक ट्यांक परराष्ट्र मामिला अध्ययन प्रतिष्ठानमा पनि कार्यकारी प्रमुख नियुक्त गर्नपर्नेछ । कूटनीतिमा २२ स्थान नियुक्ति तत्काल अघि बढ्ने रिमालले बताए ।

परराष्ट्र सचिव शंकरदास बैरागीले राजदूत लामो समय खाली गर्न नहुने भन्दै पटक पटक जानकारी गराई सकेको बताए । अहिले सरकार अन्य काममा ब्यस्त भएर हो अव छिट्टै नियुक्तिको प्रक्रिया अघि बढाउने विश्वास मन्त्रालयको रहेको उनले बताए । उनले उपप्रधान तथा परराष्ट्रमन्त्री थापालाई पनि राजदूत नियुक्तिमा ढिलाई गर्न नहुने जानकारी गराउदै जतिसक्दो छिटो नियुक्ति प्रक्रिया अघि बढाउन आग्रह गरेको जानकारी दिएका थिए । थापा छ दिने चीन भ्रमणबाट मंगलबार स्वदेश फर्कनेछन् । उनी फर्के लगत्तै चीनको भ्रमणको समिक्षासंगै राजदूत नियुक्तिको छलफल गर्ने छन । चीनका राजदूत डा. महेशकुमार मास्केले आफ्नो कार्यकाल सकिन लागेको जानकारी चीनमा दिदै दूतवाास खाली नराख्न मन्त्री थापालाई सुझाएका थिए ।

राजदूतको नियुक्ति तत्काल प्रक्रिया अघि बढाउदा पनि संसदीय सुनुवाई, एग्रिमा (सहमति) लगायतको प्रक्रियाले कम्तिमा चार महिना लाग्ने हुनाले पनि ढिलाई गर्न नहुने अधिकारीहरुले बताएका छन् । सरकारले राजदूत हुन चाहने ब्यक्तिसँग त्यो मुलुकमा गर्ने कामको योजना माग्ने छलफलहरु अघि बढेको छ । परराष्ट्र मन्त्रालयका सहसचिवहरुलाई पनि स्पष्ट रुपमा मुलुकको विज्ञता हेरेर पठाउने तयारी सरकारको छ । यसपटक मन्त्रालयबाट छ जना भन्दा बढि राजदुत हुने सम्भावना रहेको छ । यसबाहेका पूर्वराजदुत, पूर्व मुख्यसचिव, सेना/प्रहरीका पूर्व बरिष्ट ब्यक्ति, प्राध्यापक तथा राजनीतिमा सक्रियताको साथै कूटनीति बुझेका ब्यक्तिलाई राजदूत बनाउने विषयमा छलफल हुदै आएको छ । विदेशमा बस्ने र डलरमा भत्ता आउने हुनाले पनि धेरैको रोजाईमा रहेको उक्त पद कूटनीतिक क्षमताको साथै ब्यवस्थापन बुझेको ब्यक्ति हुन पर्नेमा सरकारलाई लागेको छ ।

मङ्ल, पुस १४, २०७२ मा प्रकाशित

यसमा तपाइको मत

Loading...
Loading...

बाट अन्य

भट्टचन द्धारा लाम्मेला परिवर्तनशील समुह काठमाण्डौ लाई ५० हजार आर्थिक सहयोग ।

लाम्मेला परिवर्तनशील समुह काठमाण्डौले दशैको समापन संगै तमानखोला गाँउपालीका ४ लाम्मेलामा कार्तिक ०५ गते देखि आयोजना गरेको “जातीय बिभेद र बाल बिवाह” बिरुद्धको नाटक प्रदर्शन तथा विविध साँस्कृतिक कार्यक्रम मा प्रभू बैक काठमाण्डौ कमलादीका अध्यक्ष एंवम समाजसेवी देवी प्रकाश भट्टचनले नगद रु ५० हजार सहयोग...

सरकारले पोर्न साइटमाथि प्रतिबन्ध लगाउने

असोज,काठमाडौं । सरकारले पोर्न साइटमाथि प्रतिबन्ध लगाउने भएको छ । सञ्चार तथा सूचना प्रविधि मन्त्रालयले नेपाल दूरसञ्चार प्राधिकरणलाई इन्टरनेटका माध्यमबाट यौनजन्य अश्लिल सामग्रीको पहुँचमाथि प्रतिवन्ध लगाउन निर्देशन दिएको छ । दूरसञ्चार प्राधिकरण नियामक निकाय हो । मुलुकी अपराध संहिता २०७४को दफा १२१ तथा अन्य प्रचलित कानुनले यौनजन्य...

‘फगत एक नजरमा कसैले लियो मन’ गायक तथा नाट्यकर्मी हरिप्रसाद रिमालको निधन

 काठमाडौं । गायक तथा नाट्यकर्मी हरिप्रसाद रिमालको निधन भएको छ । रिमालको गएराति आफ्नै निवास बानेश्वर हाइटमा निधन भएको नाट्यकर्मी अशेष मल्लले अनलाइनखबरलाई जानकारी दिए । ९३ वर्षीय रिमाल लामो समयदेखि अस्वस्थ थिए । उनी घरमै आराम गर्दै आइरहेका थिए । रिमालका ‘फगत एक नजरमा कसैले लियो मन’...

धरानमा रुखले धमाधम पैसा फलाइरहेको छ

इटहरी / रुखमा पैसा फल्छ भन्दा तपाईं पत्याउनुहुन्न होला । तर, धरानमा रुखले धमाधम पैसा फलाइरहेको छ । रुखमा घर बनाएर स–साना कटेजहरू निर्माण गरेपछि पर्यटकहरूको आगमन बढेको छ । त्यहाँ प्रवेश गर्न नै टिकट लिनुपर्छ । यसरी रुखमा पैसा फलाउँदैछन् धरानको शिरमा रहेको शिवधारा चोकबाट...

राधेश्याम लेकालीको अनेसास अध्यक्ष पदमा उमेदवारी

नेपाली भाषा, साहित्य, कला र संस्कृति को सेवामा निरन्तर क्रियाशील र समर्पित व्यक्तित्व राधेश्याम लेकालीलाई अनेसास को केन्द्रीय अध्यक्ष्य पदमा विजय गराउन सबैले सहयोग गरौँ। (अन्तर्राष्ट्रिय नेपाली साहित्य समाज, केन्द्रीय कार्यसमिति निर्वाचन (२०१८–२०२०) मा अध्यक्षका उमेदवार राधेश्याम लेकालीको घोषणापत्र ) : १. अनेसासका विभिन्न च्याप्टर तथा आजीवन...

भिटोफ–नेपाल निर्वाचन मतदाता दुई धारमा राजनीतिक समर्थन सिंखडालाई, व्यवसायीहरुको समर्थन पाण्डेलाई

मितिm २०७५ असार १२ गते शनिवार गाउँ पर्यटन प्रबद्र्धन मञ्च नेपाल (भिटोफ–नेपाल) को निर्वाचनको लागि अध्यक्षका उम्मेदवार वायुदेव पाण्डे र अर्का उम्मेदवार ध्रुव सिंखडाले आ–आफ्नो प्यानल औपचारिक घोषणा गरेसँगै अन्ततः नयाँ नेतृत्वको निम्ति भिडन्त हुने भएको छ । भिटोफ निर्वाचनमा कस्ले जित्ला भन्ने जिज्ञासाले पर्यटन...