समाचार

चीनको कोसेली : आर्थिक सम्वन्धको दीर्घकालीन फ्रेमवर्क


उपप्रधान तथा परराष्ट्रमन्त्री कमल थापाले नेपाल चीनबीच आर्थिक सम्वन्धको दीर्घकालीन फ्रेमवर्क तयार भएको बताएका छन् ।

मन्त्री थापाका अनुसार प्रधानमन्त्री केपी शर्मा ओलीको चीन भ्रमणका क्रममा यो फ्रेमवर्क कार्यान्वयनमा हुनेछ । चीनले प्रधानमन्त्री केपी शर्मा ओलीलाई २०१६ मा चीन भ्रमण गर्न निम्तो दिएको छ ।

चीनको पाँच दिने भ्रमण पूरा गरेर मंगलबार स्वदेश फर्किएका परराष्ट्रमन्त्री थापाले विमानस्थलमा पत्रकारसँग भने-नेपाल र चीनबीच खुला र स्वतन्त्र व्यापार अभिवृद्धि, पारवहन सन्धी, र लगानी अभिवृद्धिबारे छलफल गरेर अघि बढ्ने समझदारी भएको छ ।’

चिनियाँ अधिकारीहरुसँग कनेक्टिभिटी र पूर्वाधार विकासबारे छलफल भएको जानकारी दिँदै उनले चीनको सीमासम्म रेल आउने भएकाले नेपालतर्फ विकासको काम अघि बढाउने उनले बताए ।

अरनिको राजमार्ग चाँडै सञ्चालनमा ल्याउने र रसुवागढी-स्याप्रुवेसी सडक १२ महिनै चल्ने बनाउने सहमति भएको छ ।

उपप्रधान तथा परराष्ट्रमन्त्री थापाले अघि भने- ‘यो भ्रमणले आधारभूमि बनाएको छ । प्रधानमन्त्री केपी शर्मा ओलीको भविश्यमा छिट्टै हुने चीन भ्रमणले यो फ्रेमवर्क कार्यान्वयन गर्नेछ ।’

यो भ्रमणले चीनसँग दीर्घकालीन रुपमा इन्धन व्यापार गर्ने बाटो प्रशस्त गरेको मन्त्री थापाले बताए । उनले भने, राजनीतिक तहबाट आवश्यक निर्देशन भएको छ । कर छुट, यातायात र मूल्बारे सम्वन्धित निकायमा छलफल गरेर अघि बढ्ने सहमति भएको छ ।’

थापाका अनुसार यसबारे छलफल गर्न नेपाल आयल नियमको टोली अहिले पनि बेइजिङमा नै छ ।

नेपाल र चीनबीच इन्धन आपूर्तिबारे समझदारी भएपनि औपचारिक सम्झौता हुन सकेको छैन । यो भ्रमणका क्रममा किन सम्झौता भएन भन्ने प्रश्नमा परराष्ट्रमन्त्री थापाले भने, हामी सम्झौता गर्न गएकै होइन ।’

उर्जा विकासमा शिचुवानको चासो

थापा नेतृत्वको नेपाली टोलीले शिचुवान र चीन स्वशासित तिब्बतका अधिकारीहरुसँग भेटेर सम्वन्ध विस्तारबारे छलफल गरेको छ । सिचुवान प्रान्तका अधिकारीहरुले उर्जा विकासमा इच्छा देखाएको परराष्ट्रमन्त्री थापाले जानकारी दिए ।

kamal thapa (2)

मङ्ल, पुस १४, २०७२ मा प्रकाशित

यसमा तपाइको मत

Loading...
Loading...

बाट अन्य

सरकारले पोर्न साइटमाथि प्रतिबन्ध लगाउने

असोज,काठमाडौं । सरकारले पोर्न साइटमाथि प्रतिबन्ध लगाउने भएको छ । सञ्चार तथा सूचना प्रविधि मन्त्रालयले नेपाल दूरसञ्चार प्राधिकरणलाई इन्टरनेटका माध्यमबाट यौनजन्य अश्लिल सामग्रीको पहुँचमाथि प्रतिवन्ध लगाउन निर्देशन दिएको छ । दूरसञ्चार प्राधिकरण नियामक निकाय हो । मुलुकी अपराध संहिता २०७४को दफा १२१ तथा अन्य प्रचलित कानुनले यौनजन्य...

‘फगत एक नजरमा कसैले लियो मन’ गायक तथा नाट्यकर्मी हरिप्रसाद रिमालको निधन

 काठमाडौं । गायक तथा नाट्यकर्मी हरिप्रसाद रिमालको निधन भएको छ । रिमालको गएराति आफ्नै निवास बानेश्वर हाइटमा निधन भएको नाट्यकर्मी अशेष मल्लले अनलाइनखबरलाई जानकारी दिए । ९३ वर्षीय रिमाल लामो समयदेखि अस्वस्थ थिए । उनी घरमै आराम गर्दै आइरहेका थिए । रिमालका ‘फगत एक नजरमा कसैले लियो मन’...

धरानमा रुखले धमाधम पैसा फलाइरहेको छ

इटहरी / रुखमा पैसा फल्छ भन्दा तपाईं पत्याउनुहुन्न होला । तर, धरानमा रुखले धमाधम पैसा फलाइरहेको छ । रुखमा घर बनाएर स–साना कटेजहरू निर्माण गरेपछि पर्यटकहरूको आगमन बढेको छ । त्यहाँ प्रवेश गर्न नै टिकट लिनुपर्छ । यसरी रुखमा पैसा फलाउँदैछन् धरानको शिरमा रहेको शिवधारा चोकबाट...

राधेश्याम लेकालीको अनेसास अध्यक्ष पदमा उमेदवारी

नेपाली भाषा, साहित्य, कला र संस्कृति को सेवामा निरन्तर क्रियाशील र समर्पित व्यक्तित्व राधेश्याम लेकालीलाई अनेसास को केन्द्रीय अध्यक्ष्य पदमा विजय गराउन सबैले सहयोग गरौँ। (अन्तर्राष्ट्रिय नेपाली साहित्य समाज, केन्द्रीय कार्यसमिति निर्वाचन (२०१८–२०२०) मा अध्यक्षका उमेदवार राधेश्याम लेकालीको घोषणापत्र ) : १. अनेसासका विभिन्न च्याप्टर तथा आजीवन...

भिटोफ–नेपाल निर्वाचन मतदाता दुई धारमा राजनीतिक समर्थन सिंखडालाई, व्यवसायीहरुको समर्थन पाण्डेलाई

मितिm २०७५ असार १२ गते शनिवार गाउँ पर्यटन प्रबद्र्धन मञ्च नेपाल (भिटोफ–नेपाल) को निर्वाचनको लागि अध्यक्षका उम्मेदवार वायुदेव पाण्डे र अर्का उम्मेदवार ध्रुव सिंखडाले आ–आफ्नो प्यानल औपचारिक घोषणा गरेसँगै अन्ततः नयाँ नेतृत्वको निम्ति भिडन्त हुने भएको छ । भिटोफ निर्वाचनमा कस्ले जित्ला भन्ने जिज्ञासाले पर्यटन...

‘लघु चलचित्र प्रतियोगिता–२०७४’ मा संजिव पौडेलकोे लघु चलचित्र ‘अटुटनाता’ प्रथम घोषित

काठमाडौँ । नेपाली सेनाद्वारा आयोजित ‘लघु चलचित्र प्रतियोगिता–२०७४’ मा संजिव पौडेलकोे लघु चलचित्र ‘अटुटनाता’ प्रथम घोषित भएको छ । प्रधानसेनापति राजेन्द्र क्षत्रीले सैनिक मुख्यालयमा साेमबार साँझ आयोजित समारोहमा उक्त चलचित्रका निर्माता पौडेललाई नगद रु दुई लाखसहित प्रमाणपत्र प्रदान गर्नुभयो । प्रतियोगितामा शम्भुसेन थापाको लघु चलचित्र ‘त्याग’ दोस्रो र...