कृषि प्रविधि

टेलिकमले अब कृषकलाई कृषि प्रविधि र मौसमबारे जानकारी दिने


काठमाडौं – नेपाल टेलिकम र कृषि विकास मन्त्रालय, कृषि व्यवस्थापन सूचना प्रणाली आयोजना बीच किसानहरुलाई एग्रो क्लाइमेट वेदरसम्बन्धी विशेष सूचना प्रवाह गर्न सह कार्य गर्ने सम्बन्धमा आज संझौता सम्पन्न भएको छ । सो सम्झौता पत्रमा नेपाल टेलिकमका प्रमुख व्यवसाय अधिकृत राजेन्द्र नकर्मी र कृषि व्यवस्थापन सूचना प्रणाली आयोजनाका निर्देशक शिव नन्दन शाहले हस्ताक्षर गरे ।

उक्त हस्ताक्षर कार्यक्रममा कृषि विकास मन्त्रालयका सहसचिव डा श्याम प्रसाद पौडेलले किसानहरुलाई एग्रो क्लाइमेट वेदरसम्बन्धी विशेष सूचना प्रवाह गर्न नेपाल टेलिकमले सहयोग गरेकोमा धन्यवाद दिदै यस कार्यक्रमबाट किसानहरु लाभान्वित हुने बताए । सो कार्यक्रममा बोल्दै नेपाल टेलिकमका प्रमुख व्यवसाय अधिकृत राजेन्द्र नकर्मीले कम्पनीको संस्थागत सामाजिक उत्तरदायित्व अन्तर्गत कृषि क्षेत्रको विकास तथा किसानहरुको हितका लागि नेपाल टेलिकमले सहयोग गर्न पाएकोमा गौरवको महसुस भएको बताए ।
यस कार्यक्रम अनुसार किसानहरुलाई रु.१ सयको टक भ्यालु सहितको निःशुल्क किसान सीम उपलब्ध गराउनुका साथै स्तरीय सेवा प्रवाह गर्न “हाम्रो कृषि” मोबाइल एप्लिकेसन, कृषि–पूर्व सूचना प्रणाली, टोल फ्रि नम्बर (१६६००१७७७७९), अडियो नोटिस, कृषि इन्फो एसएमएस जस्ता सेवाहरु उपलब्ध गराइने छ ।

एन्ड्रोइड स्मार्ट फोन भएका किसानहरुले “हाम्रो कृषि” नामक एपबाट मौसम सम्बन्धी जानकारी, कृषि र प्रविधी, कृषि कार्यालयका नम्बरहरु, वीमा अभिकर्ता समबन्धी जानकारीहरु र अन्य सफलताका कथाहरुबारे जानकारी लिन सक्नेछन् । सम्झौता अनुसार प्रथम चरणमा ८ जिल्ला र दोस्रो चरणमा ८ जिल्ला र तेस्रो चरणमा ९ वटा जिल्ला गरी कूल २५ जिल्लाहरुमा कार्यक्रम सञ्चालन गरिने छ ।
सम्भौता अनुसार यस कार्यक्रम अन्तर्गत नेपाल टेलिकमले प्रथम चरणमा १५ सय र दोस्रो चरणमा ४ हजार वटा सिम कार्डहरु (रु.१०० को टक भ्यालु सहित) कृषि विकास मन्त्रालय, कृषि व्यवस्थापन सूचना प्रणाली आयोजना मार्फत किसानहरुलाई निःशुल्क उपलब्ध गराउनेछ । वितरण भएका सिम तथा रिम कार्डहरु मध्ये कृषि विकास मन्त्रालयले तोकिएका नम्बरहरुमा मासिक रुपमा १५ एमबी डाटा उपलब्ध गराउने छ । त्यसैगरी नोटिस बोर्ड सेवा तथा टोल फ्रि सेवा पनि किसानहरुलाई उपलब्ध हुनेछ ।

त्यस्तै, एसएमएस मार्पmत कृषकहरुले सूचना लिन ५ डिजिटको सर्ट कोड मन्त्रालयलाई कम्पनीको प्रचलित दररेटमा उपलब्ध गराउने र पुस एसएम एस कम्पनीको प्रचलित सार्वजनिक सरोकारका क्षेत्रको लागि तोकिएको विशेष सहुलियत दररेटमा कम्पनीले उपलब्ध गराउने छ ।

 

शुक्र, पुस १७, २०७२ मा प्रकाशित

यसमा तपाइको मत

Loading...
Loading...

बाट अन्य

नितम्बको आकार बढाउने यो फेसन

फेसनको दुनियाँमा कहिले कुन ट्रेण्डको हावा चल्छ भन्ने कुराको अनुमान लगाउन पनि गाह्रो हुन्छ । अहिले ब्राजिलियन बट लिफ्ट अर्थात् बिबिएल फेसन यस्तो गरी बढिरहेको छ कि मानिसहरु आफ्नो ज्यानसम्म दाउमा लगाइरहेका छन् । एकजना महिला, जो ३ सन्तानकी आमा हुन् उनी यहीँ सर्जरीका लागि इंगल्याण्डबाट...

सातै प्रदेशमा कृषि अनुसन्धान निर्देशनालय स्थापना हुने

भदौ, पोखरा । अब सातै प्रदेशमा कृषि अनुसन्धान निर्देशनालय स्थापना हुने भएको छ । नेपाल कृषि अनुसन्धान परिषद (नार्क) अन्तर्गत सातै प्रदेशमा निर्देशनालय खोल्ने र प्रत्येक प्रदेशमा हावापानी, वातावरण र माटो सुहाउँदो फरक–फरक अनुसन्धान गरिने भएको हो । नार्कको कार्य प्रणालीलाईसमेत परिवर्तन गर्दै संगठनात्मक पुनर्संरचना गर्न...

अमेरिकी अन्तरीक्ष एजेन्सी नासाले इतिहासमै पहिलोपटक सूर्यको सबैभन्दा नजिक पुग्ने

अमेरिकी अन्तरीक्ष एजेन्सी नासाले इतिहासमै पहिलोपटक सूर्यको सबैभन्दा नजिक पुग्ने यानको प्रक्षेपण गरेको छ । पार्कर सोलर प्रोव नामक अन्तरीक्षयानलाई नासाले फ्लोरिडास्थित केप केनरेभलबाट प्रक्षेपण गरेको हो । पार्कर सोलार प्रोब सूर्यको सबैभन्दा नजिक पुग्ने यान हुनेछ ।   स्थानीय समयअनुसार आइतबार बिहान साढे ३ बजे उक्त यानलाई...

बोझो एक परिचय

यो घाटि बसेको निको पार्न, भोक जगाउन र पिनासको उपचार गर्न प्रयोग गरिने सामान्य जडिबुटी हो| यदाकदा यो खानेकुरामा मसलाको रूपमा पनि प्रयोग हुन्छ| जापानी समाजमा यसलाई बीरताको प्रतीकको रूपमा पनि लिइन्छ ( पातको रूप समुराई तरवारको आकारको हुना ले)| यसको स्वाद अलि परपराउने ,...

तिलौराकोट त्यो ऐतिहासिक ठाउँ हो, जहाँ राजा शुद्धोधनले सुनको हलोले खेत जोतेर धान रोप्ने प्रचलन

असार, काठमाडौं । हरेक वर्षजस्तै यस वर्ष पनि १५ असारमा राष्ट्रिय धान दिवस तथा रोपाईं महोत्सव विभिन्न कार्यक्रम गरी मनाइँदैछ । धान दिवसको अवसरमा कृषिमन्त्री चक्रपाणि खनाल (बलदेव) ले हिलो खेतमा पसेर रोपाइँ गर्नेछन् ।   विगतमा पनि असार १५ मा कृषि मन्त्रीले खेतमा हिलो खेल्दै रोपाइमा...

काभ्रेको बनेपामा पनि यस्तै विमानस्थल बन्ने हो ; सन्दर्भ निर्माणधीन वुसान विमानस्थल ।

काठमाडौं । धेरैका लागि असम्भव भएका धेरै कुरा चीनका लागि भने सम्भव देखिएको छ । त्यसको पछिल्लो उदाहरण हो, निर्माणधीन वुसान विमानस्थल । चिनियाँ कामदारहरुले नयाँ विमानस्थल निर्माण गर्न एउटा पहाडै काटिदिएका छन् । चोङक्विङका कामदारहरुले समुन्द्री सतहबाट पाँचहजार नौ सय फिट अग्लो पहाडको टुप्पो काटेर...