कला/मनोरञ्जन

प्रियंका सबैको आँखाबाट घेरिनुको कारण थियो उनको छोटो पहिरन


फिल्म ‘कबड्डी कबड्डी’को टिमले चिसो साँझमा सफलताको न्यानोपन बाँड्दैथियो। थरीथरीका पहिरनमा झुल्किए एकसेएक सेलिब्रिटीहरु। तर सबैभन्दा बढी ध्यान खिच्न सफल भइन् अभिनेत्री प्रियंका कार्की। ‘कबड्डी कबड्डी’मा गेस्ट रोल गरे पनि पार्टीमा चाहिँ उनी हावी भइन्।

प्रियंका सबैको आँखाबाट घेरिनुको कारण थियो उनको छोटो पहिरन। झट्ट हेर्दा ‘पेग’माथि ‘पेग’ थप्नेहरुले चिसोलाई च्यालेन्ज दिएका झैं देखिन्थे। तर, सबैभन्दा गतिलो च्यालेन्ज दिएकी थिइन् प्रियंकाले।

प्रियंकाको शरीर पनि हाड र मासुले नै बनेको हो। उनलाई जाडो नलाग्ने कुरै भएन। तैपनि चिसो खप्दै आफू ‘हट्’ बनेर माहौललाई तताउन सकेकोमा उनको तारिफ गर्नैपर्थ्यो। आफ्नो भुवादार कोट कुन कुर्सीमा लट्किरहेको थियो, उनले बिर्सिएकी थिइन्।

da55d68a9567e5d7e46958bb386b7e5d_L
पार्टीमा सहभागी एक कविले उनको तारिफ गरिहाले। गिलासभित्रको तरल पदार्थसँग छचल्किँदै ती कविले प्रियंकालाई झटारो हाने, ‘तिमीलाई कलात्मकता भन्ने थाहा छैन?’ प्रश्नले अक्मकिइन् प्रियंका। कविले मुखबाट बाफ ओकले, ‘तिम्रो पहिरनले कला होइन अतिरञ्जना पैदा गरेको छ।’

प्रियंकाको मनसाय अतिरञ्जना फैलाउनु थियो वा थिएन, उनी नै जानून्। तर, कविजी चाहिँ अतिरञ्जित भएका थिए। उनी त्यस्तो हालतमा पुग्नुमा अरु कसैको होइन प्रियंकाकै योगदान थियो।

धेरैजसो हिरोइनका लागि जाडो याम सबैभन्दा अप्रिय मौसम होला। किनभने जाडोमा ओठ फुट्ने, गाला फाट्ने, छाला फुसि्रनेजस्ता समस्या त छँदैछ। त्यसमाथि पातलो र छोटो लुगा लगाएर आफ्ना अंगहरु ‘एक्सपोज’ गर्न पनि मिल्दैन। त्यो भनेको उनीहरुको यौवन छोपिनुसरह हो।

तापक्रम जति थोरै, लुगा पनि त्यति थोरै धारण गर्नसके भीडमा नोटिस हुन सजिलो हुन्छ। प्रियंका अँध्यारोमा पनि टल्किनुको कारण त्यही थियो। प्रियंकामात्र होइन अरु महिला सेलिब्रिटी पनि चिसोलाई मात खुवाउन सिपालु छन्। एकताका रेखा थापा यस मामिलामा अगाडि थिइन्, अचेल अलि नयाँ छिमलका अभिनेत्रीहरु प्रकट भएका छन्।

सामान्यतया युवतीहरु गर्मीमा अंग प्रदर्शन गर्छन् भने जाडोमा लुगा। गर्मीमा छोटो र पातलो लुगा लगाउँदा अंगहरु उजागर हुन्छन् भने जाडोमा खापका खाप लुगा। तर, सेलिब्रिटीको हकमा यस्तो नियम लागू नहुने रहेछ।

सेलिब्रिटी त्यसमा पनि विशेषगरी फिल्मका हिरोइनहरु आफूलाई शरीरका अंगमार्फत् अभिव्यक्त गर्न चाहन्छन्। कथाको माग भन्दै कपडा छोट्याउन खोज्छन्। र पत्रकारलाई जवाफ दिन्छन्, ‘कथाले मागे नांगिनसमेत तयार छु।’

जो ‘हट्’ छ, बजारमा उसकै चर्चा हुन्छ। मिडियाले उसैलाई खोज्छ। उसकै ब्लोअप छापिन्छ। ‘हट्’ नहुनेहरुको बजार पनि सेलाएर जान्छ। यो रीतलाई बु‰छन् हिरोइनहरु। त्यसैले ६ वटै ऋतुमा ‘हट्’ हुन बाध्य छन्।

‘हट्’ हुनका लागि हिरोइनले ज्यानलाई सधैं फिट राख्नुपर्यो । फिगर कोकाकोला हुनुपर्योि। भद्दा शरीर भएका केही हिरोइन प्रतिभाशाली हुँदाहुँदै पलायन भएका उदाहरण छन्। ती उदाहरणदेखि त्रसित छन् नयाँ हिरोइनहरु।

शरीरलाई फिट राखेरमात्र हट् हुने होइन। त्यो शरीरलाई प्रदर्शन पनि गर्नुपर्छ। रियल लाइफ र रिल लाइफ दुवैतिर। हिरोइन हट् भएपछि ऊसँग सेल्फी लिन जो पनि लालयित हुन्छन्। र, सोसियल नेटवर्कतिर उसैको रजाइँ चल्छ।

चिसो मौसममा ज्याकेट लगाउँदा फिगर लुक्छ। मफलर बेर्दा घाँटी र चिउँडोको कोमलता ढाकिन्छ। पन्जा लगाउँदा औंला र नेलपोलिस छोपिन्छ। बाक्लो ट्राउजरले खुट्टाका बान्कीहरु मेटिन्छन्। यस्तो अवस्थामा कसरी देखिनु हट्?

जसको फिगर कोकाकोला होइन फ्यान्टा होला, जसलाई छालामा क्रिम धस्न अल्छी लाग्ला र जसका खुट्टाहरु बान्की परेका छैनन् होला, उनीहरुलाई चिसो याम नै मन पर्ला। ज्याकेट र सबै अंग ढाक्ने लुगा लगायो, टन्टै साफ। उनीहरु बरु गर्मी याममा चिन्तित हुन्छन्, गर्मीमा के देखाउने भनेर?

तर, जसले निकै त्याग र तपस्याका साथ शरीरलाई ताछ्दै फिट् राखेका छन्, उनीहरुको चिन्ता चिसोमा चुलिनु स्वाभाविक हो। त्यसैले चिसोलाई च्यालेन्ज दिन उनीहरु कार्यक्रमस्थलको पार्किङमा पुगेर गेटअप बदल्न बाध्य हुन्छन्।

उनीहरु स्कुटीमा हुइँकिँदा बाक्लै लुगा लगाउँछन्। पार्किङमा पुगेपछि बाक्ला लुगाहरु एकपछि अर्को छोडाउँदै स्कुटीको डिकीमा थन्काउँछन्। लुकिङ ग्लासमा हेरेर अनुहार पोत्छन् र उज्यालो प्रेक्ष्यालयमा प्रवेश गर्छन् ‘हट्’ बनेर।

विदेशमा भए, एसीको उपस्थितिले कार्यक्रमस्थल न्यानो नै हुन्थ्यो। पहिरन जति छोटो भए पनि चिसो लाग्दैनथ्यो। तर नेपालमा इन्धन र बिजुली अभावले कतैकतै भएका एसी पनि चल्दैनन्। जसले गर्दा अभिनेत्रीहरु दोहोरो अभिनय गर्न विवश हुन्छन्, एक जाडो नभएको, अर्को छोटो कपडामा असहज लागे पनि सजिलो महसुस भइरहेको।

माथि नै चर्चा भइसक्यो, कथाको माग अनुसार नांगिन तयार छन् हिरोइनहरु। डाइरेक्टर र प्रोड्युसरले यसको फाइदा पनि उठाउँदै आएका छन्। बाक्लो लुगा लगाएर चिसोले हिरोइन थुर्थुर काँपेको दृश्य नेपाली फिल्ममा सायदै हेर्न पाइएला।

फिल्ममा हिरोइनहरु छोटो परिहनमै नाच्छन्। उस्तै परे स्विमिङ पुल र गाउँको झरनामा नुहाउन समेत पछि पर्दैनन्। यस्तो लाग्छ, मानौं हिरोइनका लागि फिल्मभित्र सधैं गर्मी याममात्र आउँछ।

कुनै कुनै फिल्ममा डाइरेक्टरले चिसो मौसमलाई पनि उठाउने गर्छन्। तर मौसम चिसो भए पनि हिरोइनलाई दनदनी बलिरहेको आगो ताप्न लगाउँदै माहौललाई हट् बनाइन्छ। र, ‘जल्न देऊ मलाई’ पाराको गीतमा हिरोइनको आइटम डान्स घन्काइन्छ। हलमा दर्शकको सिट्टी र ताली गुन्जिन थाल्छ।

पुसको पहिलो हप्ता भएको डि–सिने अवार्ड समारोहमा पनि नम्रता सापकोटा लगायत अरु केही हिरोइन छोटो कपडामा ठाँटिएका थिए। हाँस्यकलाकार दीपकराज गिरीलाई काउकुती लागेछ। र उनले स्टेजमा उक्लेर सोधे, ‘केटाकेटीको जाडो बाख्राले खान्छ रे, यी हिरोइनहरुको जाडो चाहिँ केले खान्छ?’ दीपकसँग उभिएका थिए अर्का कमेडियन जितु नेपाल। उनले जवाफ दिए, ‘त्यो त, खानेलाई थाहा होला नि।’ यस्तो व्यंग्य चलिरहँदा हिरोइनहरु नै बढी हाँसे।

गर्मीमा घाम छल्ने क्रिम सबैले प्रयोग गर्छन्। भविष्यमा शरीर न्यानो राख्ने क्रिम आविष्कार भयो भने सायद नेपालका हिरोइनहरुले नै बढी खपत गर्नेछन्। त्यतिबेला दीपकको प्रश्नमा जितुले भन्थे होलान्, ‘हिरोइनको जाडो क्रिमले खान्छ।’

 

सोम, पुस २०, २०७२ मा प्रकाशित

यसमा तपाइको मत

Loading...
Loading...

बाट अन्य

नेपालकी श्रृखला खतिवडा मिस वर्ल्डको टप १२ बाटै बाहिरिए

मंसिर, काठमाडौं । नेपालकी श्रृखला खतिवडा मिस वर्ल्डको टप १२ बाटै बाहिरिएकी छन् । उनी एसिया एण्ड ओसियानाबाट टप १२ मा पुगेकी थिइन् । उनीसँगै न्यूजिल्याण्डकी जेसिका टाइसन र थाइल्याण्डकी निकोलेन शीर्ष १२ मा पुगेकी थिइन् । यो पटक पाँच महादेशबाट टप १२ छानिएको थियो । त्यसपछि...

बैंस ढल्कियो भन्दै गायक अमित र गायीका निर्मला

म्याग्देली लोक गायक एवम् सञ्चारक्रमि अमित विश्वकर्मा र लोक गायीका निर्मला गर्बुजाको मौलिक लोक दोहोरी गीत बैशं भिडियो सहित बजारमा सार्वजनिक भएको छ । हिम सम्झौता डिजिटल बाट बजारमा आएको यस मौलीक गीतमा गायक अमित विश्वकर्मा र निर्मला गर्बुजाको आवाज रहेको छ भने यस गीतमा...

निर्मल पुरी भोगीको शब्दमा रहेको डान्सिङ गित युट्युव मार्फत सार्वजनिक

गितकार एवं गजलकार निर्मल पुरी भोगीको शब्दमा रहेको डान्सिङ गित युट्युव मार्फत सार्वजनिक भएको छ । झ्याप्पै तिमीलाई बोलको उक्त गित भिमफेदी गाईजको युट्युव च्यानलबाट सार्वजनिक भएको हो । गितको भिडियोमा एलिशा राई र भिमफेदी गाईजका कलाकारहरुले अभिनय गरेका छन् । पवन सुस्लिङको क्यामेरा तथा सम्पादन...

दोलखाका पवन गिरी नेपाल आइडल सिजन २ बाहिरिए जजहरु भक्कानिए

दोलखाका पवन गिरी नेपाल आइडल सिजन २ को प्रतिष्पर्धाबाट बाहिरिएका छन् । उनि नेपाल आइडलको टप ६ प्रतिष्पर्धी हुन् । अब भने नेपाल आइडलमा विक्रम बराल, अमित बराल, रवि ओड, अस्मिता अधिकारी र सुमित पाठक उत्कृष्ट पाँच जना रहनेछन् । यो हप्ता बटम थ्रीमा सुमित...

कलाकार बिनोद ढकालको अर्को नयाँ गीत ड्राइभर माईक्रो बसको

नेपाली गीत संगीतको क्षेत्रमा लागेर १२ बर्ष बिताइसकेका कलाकार हुन बिनोद ढकाल । सुरुवाती दिनमा गीतकारको रुपमा चिनिएका उनि पछील्लो समय सिर्जना देखी गाएन हुँदै अभिनय सम्म अब्बल ठहरिएर दर्शक श्रोताको मन मुटुमा बास बसिसकेका छ्न । हुनत चलेका गीतका नचलेका सर्जकका रुपमा पनि उनलाई...

सुरेन्द्र महर्जन अमर “सृजना साँझ २०७५” सम्पन्न

नेपाली भाषा, साहित्य र चित्र कला क्षेत्रमा तीन दशकभन्दा बढी समर्पित रहनुभएका भाषा, साहित्य र कला क्षेत्र आफ्नो कर्म ठान्ने कवि, गीतकार, चित्रकार गायक एवम् साहित्यकार सुरेन्द्र महर्जन अमर “एकल सृजना साँझ २०७५” सम्पन्न भयो । ओ.एस नेपालको प्रस्तुति अप्सराजको इभेण्ट तथा जिम्मामा आयोजक एसियन...