पर्यटन

विश्वकै उत्कृष्ट पर्यटकिय गन्तव्य मानिने रसुवाको लाङटाङ अहिले खतरामुक्त


रसुवा–विनासकारी भूकम्प गएपछि सबैभन्दा कहालिलाग्दो क्षति व्यहोरेको विश्वकै उत्कृष्ट पर्यटकिय गन्तव्य मानिने रसुवाको लाङटाङ अहिले खतरामुक्त बन्दै गएको छ ।langtang
हिमपहिरोले सिङ्गो मावन बस्ती नै पुरिएर बगर एवं मरभूमिझैँ बन्न पुगेको लाङटाङ क्षेत्रको पर्यटकीय पदमार्ग मर्मत र पुनःनिर्माणपछि आवतजावतमा सहज भएको हो । स्थानिय र विदेशी तथा स्वदेशी पर्यटकहरु गरी पाँचसय भन्दा बढी नागरिककको ज्यान लिएको घटनापछि उजाड बनेको यो बस्तीबाट थातथलो छोडेर हिँडेका बाँचेका बाँकी स्थानियहरु पनि अहिले गाउँ फर्किसेकका छन् । स्वर्गजस्तै प्राकृतिक सुन्दरताको खानी लाङटाङलाई पहिलेजस्तै ब्युँताउने अठोटका साथ दैनिकी सहज बनाउने प्रयासमा जुटिरहेका छन् ।
जिल्ला प्राविधिक कार्यालय रसुवाका प्रमुख इन्जिनियर मदनमोहन श्रेष्ठका अनुसार लाङटाङ पदमार्ग मर्मत–निर्माणपछि स्याफ्रुबेंसी– खामजिङ–सेर्पागाउँ–रिम्चे हुँदै लाङटाङ क्याङ्जेनसम्म यात्रा गर्न सहज वातावरण भइसकेको छ । उनले पैदल मार्गको स्थलगत निरीक्षणपछि नेपालको तेस्रो पर्यटकीय गन्तव्य भूकम्पले क्षति पुर्याउँदा तत्कालीन अवस्थामा मानवीय उद्धार कार्यक्रम अन्तर्गत ११६ घर परिवारका ४९६ जनालाई हेलिकोप्टरबाट धुन्चेसम्म ल्याउने लाने व्यवस्था गरिएको बताए ।
हाल जिविस रसुवा मार्फत लाङटाङ खोलाको असहज गहिरो खोंचको बाटालाई छाडी सुरक्षित क्षेत्रको उक्त स्थानको पैदल मार्ग मर्मत–निर्माण गरी स्थानीयवासी र पर्यटकको ओहरदोहरमा सहज बनाइएको छ । ‘भूकम्पसँगै आएको पहिराले पुरेको लाङटाङ गाउँ हेर्न आतुर रहेका सयौँ पर्यटक बाटामा ओहरदोहर गरिरहेको अवस्थामा भेट्यौँ’, इन्जिनियर श्रेष्ठले भने, ‘अब पैदल हिँड्न समस्या हुँदैन, मानविय र प्राकृतिक खतरा पनि छैन ।’
भूकम्पपछि पर्यटकलाई लाङटाङ जान सरकारले अनुमति नदिए पनि आफ्नै हिसाबले मात्र पर्यटक जाने गरेको बताइएको छ । यस्तै भदौ महिनामा आफ्नो थातथलो फर्केका लाङटाङवासीलाई केही गैससको सहयोगमा हेलिकोप्टरले जस्तापाता लगायतका सामग्री ढुवानीमा निरन्तरता दिइरहेको स्थानीय बासिन्दाले बताए ।langtang 1
हिम पहिरोले बेपत्ता हुने एकसय ५ मध्ये लाङटाङ क्षेत्रमा केहीसमयअघिसम्म २३ वटा मानव कंकाल पहिरोबाट फेला पारिएको थियो । भेटिएका मानव कंकाल संकलन गरेर प्रहरीलाई राख्न पठाइएको छ । रसुवामा भूकम्पपछि आएको हिम पहिरो र सुख्खा पहिरोबाट १ सय ३४ जना हराइरहेकोमा त्यस मध्ये १ सय ५ जना लाङटाङ क्षेत्रमा मात्र वेपत्ता थिए । जिल्ला प्रहरी कार्यालय रसुवाले जनाए अनुसार अझैँ स्वदेशी र विदेशी पर्यटक गरी ८२ जनाको शव भेटिन बाँकी छ । तिमध्ये २२ जना विदेशी पर्यटक, २१ जना स्थानिय वासिन्दा र बाँकी अरु स्वदेशी पर्यटक र पोर्टरहरु बेपत्ता नै छन् । ‘भेटिएका मध्ये विदेशी कति र स्वदेशी कति भन्ने पहिचान प्राविधिक तथा डिएनए परिक्षणपछि मात्रै पत्ता लाग्छ’, प्रमुख जिल्ला अधिकारी शिवराज गेलालले भने । बाँकीको खोजी भैइरहेकोे उनले जानकारी दिए ।
बैशाख १२ गतेको भुकम्पले रसुवा जिल्लामा ६ सय ७० जनाको मृत्यु भएको थियो । मृतकमध्ये एकै गाउँमा मात्रै हिमपहिरो खसेर लाङटाङ गाउँ पुर्दा विदेशी पर्यटक, गाइड, पोर्टर र स्थानिय गरी ४ सय भन्दामाथि बढी मानिस पुरिएका थिए ।

– See more at: http://www.ratopati.com/news/23307/#sthash.T1icA3pV.dpuf

मङ्ल, पुस २१, २०७२ मा प्रकाशित

यसमा तपाइको मत

Loading...
Loading...

बाट अन्य

तिर्थ पदयात्रा पर्यटन र बागमती सभ्यता

नेपाल पद यात्रा पर्यटनको लागि बिश्व प्रसिध्द छ । हामीले यसलाइ सधै कायम राख्न  सक्नु नै बाह्य पर्यटनको क्षेत्रमा उज्वल भबिश्य देख्नु हो।  पदयात्राको मार्ग नया नया पहिल्याउनु पर्दछ।  पहिलेका पद यात्रा मार्गमा बिभिन्न भौतिक निर्माणहरुले बिस्तारै गुणात्मकमा ह्रास ल्याइराखेको हुन्छ जुन हामीले थाहै नपाइ भैरहेको...

काभ्रेको उग्रचण्डी नालामा यसकारण चाहिन्छ ग्रामीण होमस्टे पर्यटन

कृषि तथा प्राकृतिक पर्यटन ,धार्मिक पर्यटन र सांस्कृतिक पर्यटनमा उग्रचण्डी नालालाइ  काभ्रेको केन्द्र  नै बनाउनु पर्दछ। उग्रचण्डी नाला यसको आसपासको क्षेत्र पनि उत्तिकै आकर्षक र मनोरम छ । यहाँको रहनसहन, धार्मिक सम्पदा र प्राकृतिक सुन्दरताको महत्वमा हामीले त्यसको अवधारणा विकसित गर्न सक्नुपर्छ । नाला आफैँमा एउटा सुन्दर सानो शहर...

रानीकोटदेखि नालासम्म

भाद्र १, २०७५ कान्तिपुर संवाददाता काठमाडौँ — भक्तपुर प्राचीन राज्यको राजधानी हो, जहाँ कलात्मक कलाकृतिसँगै पुस्तौंअघिको संस्कृतिलाई नजिकबाट नियाल्न सकिन्छ । युनेस्कोको विश्व सम्पदा सूचीमा रहेको भक्तपुर दरबार क्षेत्र र चाँगुनारायणमात्र होइनन्, यस जिल्लामा आन्तरिक र बाह्य पर्यटकको मन जित्ने अन्य स्थानहरु पनि छन् । काठमाडौं उपत्यकाको कोलाहल, भीडभाड,...

नाला तन्चोकमा आकर्षक भ्यु टावर

विश्वमा नेपाल पदयात्राको लागि र हिमाल हेर्नको लागि उत्कृस्ट देश हो । नेपालमा आउने धेरै जसो पर्यटकहरु पदयात्राको लागि आउछन यसै कुरालाई मध्ये नजर गरि जागारुक युवाहरुले अर्को नगरकोट बनाउन नाला तन्चोकमा आकर्षक भ्यु टावर बनाइ रिसोर्ट संचालन गरेका छन् । चार ,पांच जनाको समुह बनाइ करिब...

पूर्वलडाकुको मुख्यालय रहेको शक्तिखोर युद्ध पर्यटकीय केन्द्र !

साउन, चितवन । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले तत्कालिन माओवादीको तेस्रो डिभिजन रहेको शक्तिखोर व्यारेक भएको स्थानलाई युद्ध सम्बन्धी पर्यटकीय केन्द्रका रुपमा विकास गर्न सकिने बताएका छन् ।   चितवनको भरतपुरमा भएको पर्यटन विकास सम्बन्धी छलफल कार्यक्रममा स्थानीय कालिका नगरपालिकाका तर्फबाट गरिएको प्रस्तावमाथि टिप्पणी गर्दै...

फस्टाउँदै पर्यटन

फस्टाउँदै पर्यटन याेगेश ढकाल नेपालमा पर्यटकीय गतिविधि र आर्थिक आम्दानीमा वृद्धि हुन थालेको छ । बाह्य र आन्तरिक दुवै पर्यटकको संख्या बढेको तथ्यांकले देखाउँछ । आर्थिक वर्ष ०७३/७४ मा ९ लाख पर्यटकबाट करिब ५८ अर्ब ५२ करोड रुपैयाँ आम्दानी भएको छ । ०७४/७५ को जेठसम्मको हिसाबमा ६३ अर्ब रुपैयाँ आम्दानी...