अर्थ

बिराटलाई प्रतिलिटर १ सय ९० रुपैयाँमा तेल बेच्न मन्त्रालयको अनुमति


प्रतिलिटर १ सय ९० रुपैयाँमा बिराट आयल कम्पनीलाई पेट्रोल बिक्री वितरणका लागि नेपाल आयाल निगमले अनुमति दिएको छ। नेपाल आयाल निगमले एक पटकको लागि भन्दै पम्पबाट पेट्रोल बिक्रीको लागि अनुमति दिएको विराट आयलका प्रमुख पर्शुराम उप्रेतीले जानकारी दिए।
बिराट आयललाई १ सय ९० रुपैयाँमा पेट्रोल बिक्रीको लागि अनुमति दिने नेपाल आयाल निगमले भने  प्रतिलिटर १ सय ४ रुपैयाँमा पेट्रोल उपलब्ध गराईरहेको छ। बिराट आयलले १० दिन अगाडि ९६ हजार १ सय लिटर पेट्रोल काठमाडौं ल्याएको थियो। उसले पेट्रोल काठमाडौं ल्याएको १० दिन भएपनि भारतको कोलकत्ताबाट लोड गरेर नेपाल ल्याएको १ महिना २ दिन भइसकेको छ।
नेपाल आयल निगमका वितरण शाखा प्रमुख मुकुन्द घिमिरेका अनुसार मन्त्रीस्तरबाट नै विराटलाई एक पटक पम्पबाट तेल बिक्रि वितरणको अनुमति दिन निर्देशन आएबमोजिम निगमले अनुमति दिएको हो। बिराटले काठमाडौंमा पेट्रोल ल्याउनासाथ आपूर्ति मन्त्रालयलाई पनि जनकारी गराएको थियो। नापतौल तथा गुणस्तर विभागमा गुणस्तर परीक्षण गरि प्रमाण पत्रसमेत लिइसकेको बिराट कम्पनीले जनाएको छ।
पम्पबाट बिक्री वितरणको अनुमति पाएलगत्तै सम्बृद्धी आयल स्टोर गोठाटारलाई १९ हजार लिटर पेट्रोल बिक्री वितरणको लागि बिराटले जिम्मा दिएको छ।
त्यस्तै सोह्रखुट्टेको न्यू भगवति पम्पले पनि पेट्रोल मागेको बिराट आयलका प्रमुख उप्रेतीले सेतोपाटीसँग बताए। त्यस्तै हामा पम्पले पनि एक टयाङ्कर पेट्रोल ल्याएको तर उसले भने विवादमा रहको पेट्रोल पनि बिक्री वितरण नगर्ने भन्दै निगमलाई जानकारी गराएको निगम वितरण प्रमुख घिमिरेले बताए।
नेपाल आयल निगमले बिक्री वितरण गरेको पेट्रोल भन्दा ८६ रुपेयाँ महंगो रहे पनि विराट आयलले प्रतिलिटर १ सय ९० रुपैयाँको मूल्यबाट आफूहरुलाई नोक्सान भएको जनाएको छ। आफूहरुले भारतमा नै पेट्रोल किन्दा प्रतिलिटर ८० रुपैयाँ तिरेको जनाउँदै उसले नेपाल सरकारलाई तिर्नु पर्ने सम्पुर्ण कर सहित प्रतिलिटर ४० रुपैयाँ ८५ पैसा थप खर्च भएको जनाएको छ।
उप्रेतीले भने नेपाल आयल निगमले ल्याउने गरेको यूरो ३ मापदण्डको तेलभन्दा आफूले ल्याएको तेल यूरो ४ मापदण्डको रहेकोले महँगो शुल्क परेको जानकारी दिए।
त्यस बाहेक तेल ल्याउदा लाग्ने सम्पुर्ण खर्च, कर्मचारीलाई दिनुपर्ने सेवा सुविधा र लामो समयसम्म तेल बोकेर ट्याङ्कर थन्काउनुपर्दा समेत बढी खर्च भएको जनाएको छ। नेपाल सरकारले निजी क्षेत्रलाई सहजरुपमा तेल आयात गरी बिक्री वितरणको व्यवस्था गर्न नसेकोले पनि अबको दिनमा पेट्रोल ल्याउन नसक्ने उप्रेतीले  बताए।
विराट आयालसँगै नेपाल आयल निगमले कमिसनको खेलमा तेल ल्याउने अनुमति दिएको भन्दै यसअघि आयल निगमका कार्यकारी निर्देशक गोपाल बहादुर खड्का समेत विवादमा परेका थिए।
 खड्का विवादमा परे लगतै बिराटले नेपाल आयल निगमसँग गरको सम्झौता रद्द गरको थियो। त्यसपछि बिराट आयलले आफ्नै लगानीमा तेल ल्याएको हो। बिराटले ल्याएको पेट्रोल पम्पबाट बिक्री गरे वापत पम्पसञ्चालकले प्रतिलिटर ३ रुपैयाँ कमिसन खाने पाउने छन्। विक्री वितरण गर्ने पम्पसँग सोबाहेक अन्य सम्वन्ध नरहने बिराटले जनाएको छ। पम्प संचालकले पाउने यो सेवा मूल्य नेपाल आयल निगमले दिने शुल्क बराबर नै हो। १सय ९० रुपैयाँमा पेट्रोल खरिद गर्न चाहने उपभोक्ताले बिराटको पेट्रोल खरिद गर्न सक्नेछन्। petrol tanker

बुध, पुस २२, २०७२ मा प्रकाशित

यसमा तपाइको मत

Loading...
Loading...

बाट अन्य

सरकारले निकै उत्साहका साथ आयोजना गरेको दुई दिने अन्तर्राष्ट्रिय लगानी सम्मेलन शुक्रबार शुरु

काठमाडौं । सरकारले निकै उत्साहका साथ आयोजना गरेको दुई दिने अन्तर्राष्ट्रिय लगानी सम्मेलन शुक्रबार शुरु भयो । तर, कमजोर व्यवस्थापन र लगानीकर्ताको उदासिनताले सम्मेलन अपेक्षित सफल हुनेमा आशंका उब्जिएको छ । उद्योगमन्त्रीले नै सिट  नपाएपछि कार्यक्रम हलमा बस्न पाएनन् भने उद्घाटन समारोहमा आमन्त्रित धेरै लगानीकर्ता...

परराष्ट्रमन्त्री प्रदीप ज्ञवालीले विदेशी लगानीका अहिलेसम्मकै सबैभन्दा राम्रो वातावरण तयार भएको बताए

१५ चैत, काठमाडौं । परराष्ट्रमन्त्री प्रदीप ज्ञवालीले विदेशी लगानीका लागि मुलुकमा अहिलेसम्मकै सबैभन्दा राम्रो वातावरण तयार भएको बताएका छन् । अन्तर्राष्ट्रिय लगानी सम्मेलनमा ‘नेपालमा लगानीको अवसर’ विषयको पहिलो सत्रमा बोल्दै उनले विदेशी लगानी तथा प्रविधि हस्तान्तरण ऐन, सार्वजनिक निजी साझेदारी लगानीसम्बन्धी ऐनलगायतले विगतको भन्दा सहज...

बसुन्धारास्थित टपजव मेनपावरमा अज्ञात समूहले शक्तिशाली बम विस्फोट  गराए

काठमाडौको बसुन्धारास्थित टपजव मेनपावरमा अज्ञात समूहले शक्तिशाली बम विस्फोट  गराएको छ । सो मेनपावर वैदेशिक रोजगार महासंघको अध्यक्ष रोहन गुरुङको हो । साँझ करिव ७ः४५ तीर बम विस्फोट भएको हो । बमको ठूलो आवाज आएको स्थानीयले बताएका छन् । विस्फोटबाट के कति क्षति भयो भन्ने बारे जानकारी...

गत वर्ष उत्कृष्ट कर्मचारी पुरस्कार, यो वर्ष ६० हजार घूससहित पक्राउ

महेन्द्रनगर – कञ्चनपुरको बेलौरी नगरको प्रथम नगरसभाको उद्घाटन सत्रमा बेलौरी नगरपालिकाको योजना शाखा प्रमुख हृदयराज बजगाईंले उत्कृष्ट कर्मचारीको रुपमा सम्मानित गरिएको थियो । न्यूनतम शर्त तथा कार्य सम्पादन मापनमा बेलौरी नगरपालिकालाई सफल पार्न महत्वपूर्ण भूमिका निर्वाह गरेको भन्दै योजना शाखा प्रमुख इन्जिनियर बजागाईंलाई सम्मानपत्र र...

अर्थतन्त्रको अवस्था दिनानूदिन कमजोर बन्दै गएपछि अर्थमन्त्री डा. युवराज खतिवडा आत्तिन थाले

काठमाडौं । अर्थतन्त्रको अवस्था दिनानूदिन कमजोर बन्दै गएपछि अर्थमन्त्री डा. युवराज खतिवडा आत्तिन थालेका छन् । अर्थमन्त्री भएको ५/६ महिनासम्म ब्यापार घाटादेखि डराउनु नहुने तर्क राख्दै आएका अर्थमन्त्री अहिले त्यही ब्यापार घाटा देखेर कहालिन थालेका छन् । ‘मन्त्री हुनुवित्तिकै अर्थमन्त्रीज्यू अर्थतन्त्रलाई सजिलै ट्र्याकमा ल्याउँछु भन्नुहुन्थ्यो । तर,...

जापानमा नेपाली श्रमिक पठाउने गरी तयारी तीव्र पारिए

माघ,काठमाडौं । जापानमा नेपाली श्रमिक पठाउने गरी तयारी तीव्र पारिएको छ । आगामी अपि्रलबाट कामदार जापान पठाउने गरी दुबै देशले आन्तरिक गृहकार्य तीव्र पारेका छन् । यसका लागि नयाँ संयन्त्र निर्माण गर्न नेपाल र जापान सहमत भइसकेका छन् । हाल नेपाल कामदार लैजान जापानले पठाउने मोडालिटीको...