शिर्ष समाचार

वैकुण्ठ मानन्धर पृथ्वी पुरस्कारबाट सम्मानित


काठमाडौं । दक्षिण एसियाली खेलकुदका कीर्तिमानी म्याराथन धावक वैकुण्ठ मानन्धर र पृथ्वी पुरस्कारबाट सम्मानित भएका छन् । राप्रपा नेपालको राष्ट्रिय खेलकुद संघ नेपालले मानन्धरलाई पृथ्वी पुरस्कारबाट सम्मानित गरेको हो ।

Baikuntha-Manandhar-Sammanराप्रपा नेपालका अध्यक्ष समेत रहेका उपप्रधान,मन्त्री कमल थापाले मानन्धरलाई उक्त पुरस्कार वापत सम्मान पत्र, पृथ्वीनारायण शाहको पूर्ण कदको मुर्ति र २ लाख नगद प्रदान गरी सम्मान गरे ।राष्ट्रिय खेलकुद संघ नेपालले गत वर्षदेखि नेपाली खेल क्षेत्रमा विशेष योगदान पुर्‍याउने पूर्व खेलाडीलाई सम्मान गर्ने उद्देश्यले यो पुरस्कारको स्थापना गरेको थियो । नेपाली राष्ट्रिय फुटबल टिमका पूर्व कप्तान राजुकाजी शाक्य यो अवार्ड पाउने पहिलो खेलाडी हुन् ।मानन्धरले पहिलोदेखि तेश्रो दक्षिण एसियाली खेलकुदमा लगातार तीन स्वर्ण जित्दै कीर्तिमान रचेका थिए । त्यो कीर्तिमानलाई तेक्वान्दोका दीपक विष्टले सागको ११ औं संस्करणमा तोडेका थिए । दीपकले ११ औं संस्करणमा स्वर्ण जित्दै सागमा व्यक्तिगत स्वर्ण संख्या चार पुर्‍याएका थिए । दीपकले आठौंदेखि एघारौसम्म लगातार चार स्वर्ण जितेका हुन् ।

भारतको कोलकातामा भएको तेश्रो साफमा मानन्धरले म्याराथन पूरा गरेको २ घण्टा १५ मिनेट ०३ सेकेन्डको समय अहिले पनि कीर्तिमानका रुपमा कायमै । विश्व एथलेटिक्स च्याम्पियनसिपमा दुई पटक सहभागिता जनाएका मानन्धर आठौंदेखि दसौं एसियाली खेलकुदमा पनि सहभागी थिए ।

त्यस्तै उनले विश्वकै सबैभन्दा ठूलो खेलकुम्भ ओलम्पिकमा चारपटक नेपालको प्रतिनिधित्व गरिसकेका छन् । १९७६ को मोटि्रयल, १९८० को मस्को, १९८४ को लस एन्जलस र १९८८ को सिओल ओलम्पिकमा मानन्धर सहभागी थिए । एसिायली ट्रयाक एन्ड फिल्डमा उनले पहिलोदेखि निरन्तर तीन संस्करणमा सहभागिता जनाए । मानन्धर विभिन्न प्रतिष्ठत पुरस्कारबाट समेत विभूषित भइसकेका छन् ।

कार्यक्रममा उपप्रधानमन्त्री थापाले पुरस्कार स्थापानले खेलाडीको योगदानको कदर हुनुका साथै पार्टीको गरिमा समेत बढेको बताए । उनले आसन्न १२ औं सागमा नेपालको सहभागिता सुनिश्चित हुने बताउँदै बजेटमा केहि समस्य भएको भए समाधानका लागि प्रयास गर्ने प्रतिबद्धता व्यक्त गरे ।पुरस्कृत मानन्धरले देशको वर्तमान परिस्थितले जनजीवन कष्टकर भएको बताउदै चाँडो भन्दा चाँडो समस्या समाधान गर्न नेताहरुलाई आग्रह गरे ।

 

आइत, पुस २६, २०७२ मा प्रकाशित

यसमा तपाइको मत

Loading...
Loading...

बाट अन्य

सरकारको लाचारी र व्यवसायीको दादागिरीको मारमा भने सार्वसाधारण

असोज, काठमाडौं । केपी शर्मा ओली सरकारले सार्वजनिक यातायातमा सिन्डिकेट अन्त्य गरेको भनेर छाति पिट्दै आएको छ । तर, दशैंको मुखमा यातायात मजदुरको नाममा भएको आन्दोलनले यो संवेदनशील क्षेत्र अझै सरकारको नियन्त्रणमा नरहेको आभास दियो । सिन्डिकेट अन्त्यपछिको नीतिगत अस्पष्टताले गर्दा यातायात क्षेत्र व्यवस्थित हुनुको साटो...

काठमाडौं महानगरपालिकाले शनिबारबाट ५ वटा जेट मेसिन सञ्चालनमा

सहरको सरसफाइका लागि काठमाडौं महानगरपालिकाले शनिबारबाट ५ वटा जेट मेसिन सञ्चालनमा ल्याएको छ। १३० हर्सपावर क्षमता र युरो मापदण्ड ४ बमोजिमका जेट मेसिन ५००० लिटर क्षमताका हुन्। ५ हजारमध्ये ४ हजार लिटर सफा पानी र १ हजार लिटर ढलको फोहोर पानी अट्ने छुट्टाछुट्टै ट्यांकी छन्। थुनिएको...

सत्तारूढ तेस्रो ठूलो दल राप्रपा सरकारबाट फिर्ता

सत्तारूढ तेस्रो ठूलो दल राप्रपा सरकारबाट फिर्ता भएको छ। सोमबार पार्टी मुख्यालयमा बसेको कार्यसमिति बैठकले सरकारबाट बाहिरिने निर्णय गरेको पार्टीका सहप्रवक्ता मोहन श्रेष्ठले जानकारी दिए। ‘बैठकले सरकारलाई दिएको निर्णय फिर्ता लिने, प्रधानन्यायाधीशविरुद्ध दर्ता भएको महाअभियोग प्रस्ताव फिर्ता लिन कांग्रेस र माअोवादीलाई अाग्रह गर्ने निर्णय गरेको...

भक्तपुरका एक युवकले प्रेमिकालाई प्रयोग गरेर एक व्यापारीको अपहरण

चैत, काठमाडौं । भक्तपुरका एक युवकले प्रेमिकालाई प्रयोग गरेर एक व्यापारीको अपहरण गरेका छन् । अपहरित व्यापारीबाट फिरौती लिएपछि प्रेमिकाकै हत्या गरेर फरार भएका छन् । अन्य दुई जना भने पक्राउ परेका छन् ।   महानगरीय प्रहरी अपराध महाशाखाका अनुसार भक्तपुर बागेश्वरीका प्रकाश लामिछानेको समूहले शनिबार मख्खनगल्तीमा...

राष्ट्रपतिसँग इन्टरपोल अध्यक्षको भेट

काठमाडौँ-राष्ट्रपति विद्यादेवी भण्डारीसँग इन्टरपोलको २३ औँ एसिया प्रशान्त क्षेत्रीय सम्मेलनमा भाग लिन नेपाल भ्रमणमा रहेको प्रतिनिधिमण्डलसँग आज भेटवार्ता भएको छ । प्रतिनिधिमण्डलका नेता तथा इन्टरपोलका अध्यक्ष मेङ होङवेल र महासचिव जर्गन स्टकलगायतले शीतल निवासमा शिष्टाचार भेट गरेको राष्ट्रपतिको कार्यालयले जनाएको छ । रासस ...

नेपाल र चीनका थिंक ट्यांकहरुको पहिलो सम्मेलनका आकर्षण पूर्वप्रधानमन्त्री तथा एमाले अध्यक्ष केपी शर्मा ओली

काठमाडौं । चीनको सरकारी समाचार एजेन्सी सिन्हृवाले मंगलबार काठमाडौंमा आयोजना गरेको नेपाल र चीनका थिंक ट्यांकहरुको पहिलो सम्मेलनका आकर्षण पूर्वप्रधानमन्त्री तथा एमाले अध्यक्ष केपी शर्मा ओली थिए ।   ओलीजन्य स्वभाव अनुसार कार्यक्रमको निर्धारित समयभन्दा करीव आधा घण्टा ढीलो केपी ओली दरबारमार्गस्थित अन्नपूर्ण होटलमा पुगे । उनी...