स्थानीय समाचार

राजधानीका भुस्याहा कुकुरहरुको बन्ध्याकरणका लागि ३ करोड रुपैयाँको आयोजना


सरकारले राजधानीका भुस्याहा कुकुरहdog-at-ktmरुको बन्ध्याकरणका लागि ३ करोड रुपैयाँको आयोजना सञ्चालन गर्न लागेको छ । महानगरपालिका अन्तरगत ‘काठमाडौं उपत्यका कुकुर व्यवस्थापन आयोजना’ मार्फत यो बजेट खर्च गरिनेछ ।

काठमाडौं महानगरपालिकाका कार्यकारी प्रमुख रुद्रसिंह तामाङले शनिबार ललितपुरको गोदावरीमा आयोजित एक कार्यक्रममा उपत्यका कुकुर व्यवस्थापन आयोजनाबारे जानकारी दिएका हुन् ।

उपत्यकामा भुस्याहा कुकुरको समस्या बढ्दो छ । शनिबार गोदावरीमा आयोजित उपत्यकाको एकीकृत विकाससम्बन्धी छलफलमा कुकुरका विषयमा कुरा उठेको थियो ।

सिंहदरबारका कुकुरको चर्चा

काठमाडौंको सुव्यवस्थाका विषयमा महानगरपालिकाका धनपति सापकोटाले आफ्नो प्रस्तुती राख्दै गर्दा कार्यक्रमको सहजीकरण गरेका प्रशासनिक सुधार आयोगका अध्यक्ष काशीराज दाहालले सोधे- ‘सिंहदरबारको कुकुर हटाउने काममा महानगरको ध्यान किन गएको छैन ?’

दाहालको प्रश्नको उत्तर दिन काठमाडौं महानगरपालिकाका कार्यकारी प्रमुख रुद्रसिंह तामाङ तयार भए । उनले सुरुमै कुकुरलाई मार्दा ‘एनिमल राइट’ को प्रश्न उठ्ने भएकाले काठमाडौंमा भुस्याहा कुकुर नियन्त्रण गर्न समस्या भएको बताए ।

तामाङले काठमाडौंका भुस्याहा कुुकुरको व्यवस्थापनका लागि अब ‘काठमाडौं उपत्यका कुकुर व्यवस्थापन आयोजना’ सञ्चालन गर्न लागिएको जानकारी दिए । त्यसका लागि झण्डै ३ करोड रुपैयाँ खर्च हुने पनि उनले सुनाए ।

महानगरले कुकुरको स्थायी बन्ध्याकरण गर्ने र रोकथामका लागि अन्य कार्यक्रम अघि बढाउन यो रकम खर्च गर्ने योजना बनाएको तामाङले बताए ।

यसका लागि ह्युमन सोसाइटी इन्टरनेशनल नाम संस्थासँग समझदारी पत्र (एमओयु) मा हस्ताक्षर गर्ने तयारी भइरहेको कार्यकारी प्रमुख तामाङले बताए ।

महानगरको यस्तो योजना सुनाउँदै तामाङले भने-‘सिंहदरबारभित्रका कुकर त हामी हटाउँला । तर, फेरि सिंहदरबारभित्र कुकुर नपसाउने ग्यारेन्टी चाँही कसले लिने ?’

तामाङले त्यसो भन्दा हलभित्र हाँसोको फोहोरा छुटेको थियो ।

 

आइत, पुस २६, २०७२ मा प्रकाशित

यसमा तपाइको मत

Loading...
Loading...

बाट अन्य

समिट होटलको ३८ औ बार्षिक उत्सब भब्य रुपमा सम्पन्न

हरेक बर्ष सेक्टेम्बर १५ तारिकका दिन यस समिट होटलको ३८ औ बार्षिक उत्सब मा समिट होटलको आयोजनामा भएको ४ कि.मि.दौड प्रतियोगितामा पुरष ३८ र महिला ११ गरि जम्मा ४९ जनाको सहभागितामा भएको दौड प्रतियोगितामा पुरष तर्फ़ प्रथम बुद्ध घिसिंग, दोस्रो बाबुराम राई, तेस्रो शंकर आचार्य...

गोंगबुको सांस्कृतिक सम्पदाहरु

गोंगबु क्षेत्रका गणेश मन्दिरहरु  १) बीच विनायक २)जल विनायक ३)कार्य विनायक ४)शिध्दी विनायक गोंगबु क्षेत्रका पाटीहरु  १)बकैना पाटी २)कलकत्ते पाटी ३)नेवा छ्य पाटी ४)सांख टी ख्वाउने पाटी गोंगबु क्षेत्रका इनारहरु  १)गणेशस्थान नेरको इनार (हाल लोप भैसकेको छ ) २)ग्वाराको जग्गाको इनार (हाल लोप भैसकेको छ ) ३)नाति मानान्धरको घरनेरको इनार ४)बिज्ञान लोहनीको घरनेरको इनार ५)नेवा छेको इनार गोंगबु क्षेत्रका कुवाहरु  १)चन्द्र बहादुरको घरनेरको कुवा २)सार्की...

उग्रचण्डी नालाको गाईजात्रा परम्परा

गाईजात्रा नेपाली समाजको एक महत्त्वपूर्ण सांस्कृतिक पर्व हो । नेवार समुदायबाट यो संस्कृतिको बिकाश सुरू भएको जात्रा हो । नेवार समुदायमा यो चाडलाइ सापारु भनिन्छ । नेपाली समाजमा गाईजात्रा व्यङ्ग्य गर्ने दिनको रूपमा समेत परिचित छ । नेवार समुदायमा पितृगणको सम्झनामा गाईको रूप धारण गरी...

बालबिबाह र जातीय छुवाछुत बिरुद्ध नाटक प्रर्दशन हुने

तमानखोला गाँउवालीका ४ लाम्मेला मा बालबिवहा र जातिय छुवाछुत बिरुद्ध नाटक प्रर्दशन हुने भएको छ ।। लाम्मेला परिर्वनशिल समुह काठमाण्डौ ले आज एक कार्यक्रम को आयोजना गरि आफ्नो आगामि दशैको समापन र तिहारको पूर्बसन्ध्यामा हुने कार्यक्रम को प्रर्पोजल सार्वजनिक गरेको छ । माधब छन्त्याल को...

बौद्ध धर्मावलम्बीले धुमधामका साथ मनाउने एक महिने गुँला पर्व आइतबारदेखि शुरु

साउन, भक्तपुर । विशेषगरी बौद्ध धर्मावलम्बीले धुमधामका साथ मनाउने एक महिने गुँला पर्व आइतबारदेखि शुरु भएको छ । नेपाल संवत्को गुँलाथ्व पारुदेखि ञलाथ्व पारुसम्म एक महिना मनाइने गुँला पर्वका अवसरमा विभिन्न परम्परागत बाजागाजाका साथ बौद्ध चैत्यहरूको परिक्रमा गरिन्छ ।   गुँला पर्वको अवसरमा विशेषगरी नौँ बाजा बजाउने प्रचलन...

तीन युवाहरुको नयाँ अभियान

काठमाडौं । नेपालबाट विदेश पलायन हुने युवाहरुको संख्या बढ्दो छ । नेपालमा रहेका सिमितता तथा समस्याहरुलाई कारण मान्दै सुनौलो भविष्यको खोजीमा उनीहरु विदेश गइरहेका छन्। तर, सुलभ मल्टिपर्पोज सर्भिसका सञ्चालक दोय सालिकराम गिरी कुमार धिताल तथा सुमन भारति भने नेपालमा पनि विदेशमा जस्तै संघर्ष गर्ने हो...