खेलकुद

नेपाल भारतको केरलामा जारी ११औं साफ च्याम्पियनसिप फुटबलको समूह चरणबाटै बाहिरिएको छ ।


काठमाडौं । नेपाल भारतको केरलामा जारी ११औं साफ च्याम्पियनसिप फुटबलको समूह चरणबाटै बाहिरिएको छ । आइतबार साँझ त्रिबेन्द्रममा भएको समूहको अन्तिम खेलमा नेपाल आयोजक तथा उपाधि दावेदार भारतसंग ४–१ ले पराजित भयो । नेपालको ११औं साफ यात्रा समाप्त भएको छ । साफ च्याम्पियनसिप २०१५ को लिग चरणको अन्तिम खेलमा नेपाललाई सेमिफाइनल पुग्न भारतविरुद्धको खेल जित्नै पर्ने थियो । केरला यात्रा समाप्त भएसंगै खेल मिलेमतोले आचोचित भएको नेपाली फुटबल सुधारको अवसर गुमेको छ । साफ च्याम्पियनसिप नेपालका लागि छवि सुधारको अवसर मानिएको थियो ।
समूहको पहिलो खेलमा नेपाल श्रीलंकासँग १–० ले पराजित भएको थियो । समूह चरणमा लगातार दोस्रो जित निकालेको भारत समूह विजेता बन्दै सेमिफाइनलमा पुगको छ । जितसंगै भारतको ६ अंक भएको छ । नेपालको पराजयले श्रीलंकालाई फाइदा पुगेको छ । तीन अंकको श्रीलंकाले अन्तिम चारको यात्रा तय गरेको छ । अंकविहिन बनेको नेपालले २०१३ यताको यताको गोल खडेरी भने अन्त्य गरेको छ ।सन् २०११ र २०१३ को साफ च्याम्पियनसिपमा सेमिफाइनल पुगेको नेपाल २०१५ को संस्करणमा समूह चरणबाटै बाहिरिएको हो । नेपालले तेस्रो मिनेटमा गोल गर्दै लिएको अग्रता कायम राख्न सकेन ।
युवा खेलाडी विमल घर्तीमगरले भारतीय गोलरक्षक सुबर्तो पउल बिट भइसकेको अवस्थामा गोल गरे । नवयुग श्रेष्ठको प्रहार पोस्टमा ठोकिएर फर्केपछि त्यसैलाई सदुपयोग गर्दै विमलले गोल गरेका हुन् । विमलले ११ खेलको गोलविहिनता अन्त्य गरिदिए । नेपालले अन्तिम पटक सन् २०१३ को साफ च्याम्पियनसिपमा भारतविरुद्ध गोल गरेकामा यसपटक गोल गरेको हो । तेस्रो मिनेटमा विमले गोल गरेकामा २६औं मिनेटमा भारतीय खेलाडी रोलिन बोरगेसले बराबरी गोल गरे । पहिलो हाफ १–१ को बराबरीमा सकियो । दोस्रो हाफ पछि ६८ औं मिनेटमा भारतका सुनी क्षेत्रीले गोल गरे । सुनीको गोलपछि नेपाली टोली दबाबमा परेको हो ।
खेलको अन्तिमतिर ४३ नम्बर जर्सी लगाउने १८ वर्षीय लालिनजुवाला छन्टेले आक्रामक प्रदर्शन गरे । उनले ८१ औं मिनेटमा गोल गरेका उनले ९०औं मिनेटमा व्यक्तिगत दोस्रो गोल गरे । ४–१ ले पछि परेको नेपालले थपिएको अतिरिक्त समयमा कुनै प्रगति गर्न सकेन । भारत ४–१ ले विजयी भयो । यसैबीच, समूह बी बाट आपसमा भिड्नुअघि नै सेमिफाइनलमा पुगेका अफगानिस्तान र माल्दिभ्स समूहको अन्तिम खेलमा सोमबार समूह विजेता बन्नका लागि खेल्दै छन् । विजेताले सेमिफाइनलमा श्रीलंकासंग खेल्दा उपविजेताले भारतसंग खेल्ने छ ।

आइत, पुस २६, २०७२ मा प्रकाशित

यसमा तपाइको मत

Loading...
Loading...

बाट अन्य

एभरेष्ट प्रिमियर लिग (ईपीएल) क्रिकेट प्रतियोगितामा आज दुई खेल हुँदै

२३ मंसिर, काठमाडौं । एभरेष्ट प्रिमियर लिग (ईपीएल) क्रिकेट प्रतियोगितामा आज दुई खेल हुँदै छन् । टियु क्रिकेट मैदानमा पहिलो खेलमा आज ललितपुर प्याट्रिएट्सले चितवन टाइगर्ससँग प्रतिस्पर्धा गर्नेछ । आफ्नो पहिलो खेलमा नै विराटनगर वारियर्ससँग ३ विकेटले पराजित भएको ललितपुर दोस्रो खेलमा जित हात पार्ने लक्ष्यमा...

प्रथम नाला फुल कन्ट्याक नेशनल च्याम्पियन सिप हुदै

यहि आउँदो २१ र २२ गते नाला केक्युशियन कराते डो द्वारा आयोजित प्रथम नाला फुल कन्ट्याक नेशनल च्याम्पियन सिप प्रतियोगिता हुँदैछ / सो प्रतियोगिता नेपाल अधिराज्यब्यापी प्रतियोगिता हुन् लागेको कुरा नाला केक्युशियन कराते डो का अध्यक्ष पंचम श्रेष्ठले हामीलाई जानकारी गराउनुभएको छ / उक्त खेलमा सो क्लबका प्रशिक्षक...

महिला फुटबलको एसिया छनोटमा नेपालले प्रतिद्धन्दी आयोजक म्यानमारसँग प्रतिस्पर्धा गर्दै

कार्तिक, काठमाडौं । ओलम्पिक खेलकुदअन्तर्गत महिला फुटबलको एसिया छनोटमा नेपालले आज बलियो प्रतिद्धन्दी आयोजक म्यानमारसँग प्रतिस्पर्धा गर्दैछ । थुवुन्ना रंगशाला स्थानीय समयअनुसार बेलुकी ६ बजे म्यानमारसँग नेपालले प्रतिस्पर्धा गर्न लागेको हो । नेपालभन्दा म्यानमार निकै बलियो टिम हो । तर नेपालले पहिलो खेलमा नै भारतलाई बराबरीमा...

साफ च्याम्पियनसीप अन्तर्गत पहिलो सेमिफाइनल नेपालका लागि इतिहास रच्ने अवसर

काठमाडौँ– साफ च्याम्पियनसीपअन्तर्गत पहिलो सेमिफाइलनमा नेपालले बुधबार दिउँसो ३ः४५ बजे ढाकास्थित बङ्गबन्धु रङ्गशालामा माल्दिभ्सविरुद्ध खेल्दैछ । पच्चीस वर्षे साफ च्याम्पियनसीपको इतिहासमा बुधबार हुने सेमिफाइनल नेपालका लागि इतिहास रच्ने अवसर हो । अहिलेसम्म सेमिफाइनलभन्दा माथि नपुगेको नेपाल माल्दिभ्सलाई पराजित गर्नसके साफ च्याम्पियनसीपमा नयाँ इतिहास कायम गर्ने सफल...

अठारौं एसियाली खेलकुद प्रतियोगितामा पदक जित्नेलाई पोखरामा भव्य स्वागतसहित सम्मान

भदौ, पोखरा । अठारौं एसियाली खेलकुद प्रतियोगितामा रजत पदक जित्ने प्याराग्लाइडिङ टीमलाई पोखरामा भव्य स्वागतसहित सम्मान गरिएको छ । इण्डोनेसियाको राजधानी जकार्तामा हालै सम्पन्न एसियाडमा रजत पदक जित्ने प्याराग्लाइडिङको क्रस कन्ट्री इभेन्टका कप्तान विमल अधिकारी, विजय गौतम, सुशील गुरुङ, युकेश गुरुङ र विशाल थापा तथा प्रशिक्षक...

प्याराग्लाइडिङको पुरुष व्यक्तिगत एकुरेसीमा नेपालका विजय गौतम आठौं भएका छन्

भदौ, काठमाडौं । प्याराग्लाइडिङको पुरुष व्यक्तिगत एकुरेसीमा नेपालका विजय गौतम आठौं भएका छन् । नेपालकै सुशील गुरुङ २४ औं भए । १० चरणको यो स्पर्धामा ३३ खेलाडीले सहभागिता जनाएका थिए । इन्डोनेसिया पहिलो, थाइल्यान्ड दोश्रो तथा दक्षिण कोरिया तेश्रो भए । तेस्रो चरणसम्मको खेल हुँदा विजय...