खेलकुद

शनिबार नेपाल र केन्याको खेल हुँदै ,वर्षा बाधक देखिए


फागुन, काठमाडौं । विश्व क्रिकेट लिग च्याम्पियनसिपमा आज शनिबार नेपाल र केन्याको खेल हुँदैछ । तर, वर्षा बाधक देखिएको छ । रातभर पानी परेको छ र, अहिले पनि पानी छिट्याइरहेको छ । जसका कारण निर्धारित समय ९ः३० मा खेल हुन सक्दैन ।

 

यद्यपि नेपाल र केन्या दुबैको टोली त्रिवि क्रिकेट मैदान कीर्तिपुर पुग्दैछ । मैदानको अवस्था हेरेपछि थप निर्णय हुनेछ ।

सुनिल डेब्यूको तयारीमा

नेपाल पाहुना टोली केन्याविरुद्ध मैदान उत्रिँदा सुनिल धमलाले राष्ट्रिय टोलीबाट डेब्यू गर्नेछन् । तर, दुबै टोलीले एकअर्कालाई कमजोर नआँक्ने र जितका लागि खेल्ने बताएका छन् ।

नेपाली टोलीका कप्तान पारस खड्काले शुक्रबार भने, केन्यालाई जति महत्वपूर्ण छ, हामीलाई पनि छ, हामीले यसलाई सहज रुपमा लिएका छैनौं ।’

केन्याली टोलीका कप्तानले पनि नेपाल सहज प्रतिद्वन्द्वी नभएको बताए । यद्यपि घरेलु दर्शकको सामू खेल्नु नेपालका लागि जति सुदख छ, त्यति नै दबाव हुने भन्दै उनले भने, हामी दबावसहित रुपमा खेल्छौं ।’

पारसबारे आज नै निर्णय

झण्डै तीन साताअघि मात्र एपेन्डिक्सको शल्यक्रिया गरेका कारण कप्तान पारसले अझै फिट भइसकेका छैनन् । उनले केही दिनदेखि अध्यास गरिरहेका छन् ।

तर, आज शनिबार खेल्ने नखेल्ने निश्चित भइसकेको छैन । यसबारे आज निर्णय हुनेछ ।

राष्ट्रिय टोलीका प्रशिक्षक जगट टमाटाले पारस मानसिक रुपमा फिट रहेको बताए । यदि पारस नखेले विकल्पमा कसलाई खेलाउने योजना रहेको उनले बताए ।

तर, कप्तान पारसको अनुपस्थितिले नेपालको सिंगो टिम केही दबावमा पर्ने त त छँदैछ, मिडिल अडरको ब्याटिङमा पनि समस्या आउनसक्छ ।

सुनिलको डेब्यू निश्चित

केन्याविरुद्ध मैदान उत्रँदा नेपाली टोलीबाट सुनिल धमलाले डेब्यू गर्ने लगभग पक्का छ । उनले उपकप्तान ज्ञानेन्ऽ मल्लसँग ओपनिङ गर्नेछन् । यू-१९ क्रिकेटबाट आएका उनी पछिल्लो समय निकै लयमा देखिएका छन् ।

शुक्रबारको प्रशिक्षणपछि प्रशिक्षक टमाटाले पनि केन्याविरुद्ध सुनिल खेल्ने संकेत गरे ।

यस्तै अलराउण्डर मेहबुब आलम पनि सम्भवत केन्याविरुद्ध मैदान उत्रिनेछन् । उनी दुई वर्षपछि उनी टोलीमा परेका छन् । प्रशिक्षक टमाटाले भने, उनले जुन प्रदर्शन गरेका छन्, त्यसलाई हेरेरै टिममा ल्याइएको हो । लोअर मिडिल अडरमा उनको रोल छ र, उनको बलमा स्वीङ पनि छ ।’

लोअर अडरमा टमाटासँग विनोद भण्डारी र मेहबुबसँगै दिपेन्द्र  सिंह ऐरी विकल्प छन् । दिपेन्द्र -१९ र राष्ट्रिय प्रतियोगिताहरुमा आक्रमक ब्याटिङ गर्दै राष्ट्रिय टोलीमा परेका छन् र, डेब्यूको पर्खाइमा छन् ।

शनि, फाल्गुन २८, २०७३ मा प्रकाशित

यसमा तपाइको मत

Loading...
Loading...

बाट अन्य

अन्तर एयरलाइन्स टेबल टेनिस

आयोजक नेपाल वायु सेवा निगमका प्रितम प्रधान अन्तर एयरलायन्स टेबल टेनिस प्रतियोगिताको पुरुष सिंगल्सतर्फ प्रिक्वाटरफाइनलमा प्रवेश गरेका छन्। लैनचौरस्थित राष्ट्रिय टेबल टेनिस प्रशिक्षण केन्द्रमा शनिबार प्रितमले २ खेलमा जित हात पारे। पहिलो खेलमा प्रितमले हिमालयनका प्रभात भण्डारीलाई १२–१०, ११–६ र १३–११ को सोझो सेटमा पराजित गरे।...

राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच सिलान्यास

असार । राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच सिलान्यास गरिएको छ । निवर्तमान युवा तथा खेलकुद मन्त्री दलजीत विके श्रीपाली, राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पा र राखेपका सदस्य–सचिव केशवकुमार विष्टले अस्पतालको संयुक्त सिलान्यास गरे । गत जेठ २० गते...

बेनीमा दृष्टिविहीनको क्रिकेट प्रतियोगितामा कास्कीस्थित नेत्रहीन क्रिकेट क्लब विजयी

म्याग्दी –  जिल्ला सदरमुकाम बेनीमा बुधबार आयोजित दृष्टिविहीनको क्रिकेट प्रतियोगितामा कास्कीस्थित नेत्रहीन क्रिकेट क्लब विजयी भएको छ । अमरसिंह माविमाका दृष्टिविहीन विद्यार्थी सहभागी सो क्लबले म्याग्दीको रघुगङ्गा गाउँपालिका–३ मा रहेको ज्ञानोदय माविमा सञ्चालित दृष्टिविहीन स्रोतका विद्यार्थीे समूलाई पराजित गरेको थियो । बीस ओभरमा खेलाइएको प्रतियोगितामा टस जितेर...

किन हार्‍यो भारतसँग नेपाल? नेपाली टिमका प्रशिक्षक योतुकु कोजी यसो भन्छन्

मुम्बई : भारतसँग २-० को पराजय भोगेपछि नेपालका प्रशिक्षक योतुकु कोजीले अवसर पाए पनि गोल गर्न नसक्नु नै आफ्नो टिमको मुख्य समस्या रहेको बताएका छन्। ‘हामी सँधै अवसर पाउँछौँ तर गोल गर्न सक्दैनौँ’, पोस्ट म्याच कन्फ्रेन्समा उनले भने, ‘यही नै हाम्रो समस्या हो।’ कोजीले नतिजा राम्रो नआए...

तलब दिन नसकेपछि सशस्त्र प्रहरी बलले ५० खेलाडी तथा प्रशिक्षकको करार सम्झौता रद्द गरे

जेठ, काठमाडौं । तलब दिन नसकेपछि सशस्त्र प्रहरी बलले ५० खेलाडी तथा प्रशिक्षकको करार सम्झौता रद्द गरेको छ । खेलकुद कोष रित्तिएपछि वैशाखदेखि नै सशस्त्र प्रहरीले सबै करार खेलाडी र प्रशिक्षकको सम्झौता रद्द गरेको आजको नयाँ पत्रिकाले लेखेको छ । आर्थिक स्रोतको समस्या भएकै कारण करार...

भलिबल नेपालको राष्ट्रिय खेल भएको छ

भलिबल नेपालको राष्ट्रिय खेल भएको छ। बालुवाटारमा सोमबार साँझ बसेको मन्त्रिपरिषदको बैठकले नेपालको राष्ट्रिय खेल भलिबल बनाउने निर्णय गरेको हो। बैठकपछि मन्त्रीपरिषदको निर्णय सुनाउँदै सूचना तथा सञ्चारमन्त्री सुरेन्द्र कार्कीले हाम्रो राष्ट्रिय खेल नभएकोले आजदेखि भलिबललाई राष्ट्रिय खेल बनाएको बताए। लामो समयदेखि डन्डिबियोलाई राष्ट्रिय खेलको रूपमा मानिदै...