शिक्षा

खुला विश्वविद्यालय सञ्चालनमा नआउँदै दलीय भागबन्डा


काठमाडौं— उच्च शिक्षामा नेपालीको सहज पहुँच पुर्‍याउने लक्ष्यसहित सरकारले खोल्न लागेको खुला विश्वविद्यालय सञ्चालनमा नआउँदै पदाधिकारी नियुक्तिमा दलीय भागबन्डा सुरु भएको छ।

पदाधिकारी नियुक्ति दलीय भागबन्डामा भए त्यसले खुला विश्वविद्यालयको मर्मलाई धुमिल बनाउने विज्ञहरूको विश्लेषण छ। खुला विश्वविद्यालय  ऐन पास भइसकेको छ। दलका नेताले उच्च शिक्षा विकासभन्दा पनि दलका कार्यकर्तालाई जागिर खुवाउनकै लागि पदाधिकारी नियुक्तिमा भागबन्डा गर्न थालेपछि विज्ञहरूले सो प्रक्रियाकै विरोध गरेका छन्।

‘खुला विश्वविद्यालय शिक्षामा सबै नेपालीको न्यायका लागि हामी गैरआवासीय नेपालीले एक दशकदेखि क्रान्ति गरी ऐन पास गरायौं’, ढकालले नागरिकन्युजसँग भने, ‘हाम्रो आन्दोलन त्रिभुवन विश्वविद्यालयका शिक्षाध्यक्ष   र माओवदिी केन्द्रले अपहरण गर्‍यो।’

प्रधानमन्त्री पुष्पकमल दाहालले खुला विश्वविद्यालयको उपकुलपति केशरजंग बराललाई बनाउन दबाब दिइरहेका छन्। एक दशकदेखि नेपालमा खुला विश्वविद्यालय स्थापना गर्ने अभियानमा लागिपरेको गैरआवासीय नेपाली संघलाई समेत बेवास्ता गरी प्रधानमन्त्रीले बराललाई उपकुलपति नियुक्त गर्ने वातावरण बनाउन दबाब दिइरहेको संघका डा. प्रमोद ढकालले बताए।

छनोट समितिले उपकुलपतिका लागि बराल (माओवादी केन्द्र), लेखनाथ कोइराला (माओवादी केन्द्र) र शिक्षाविद् विद्यानाथ  कोइरालाको नाम छानेको छ। अनुदान आयोगका अध्यक्ष परासर कोइराला संयोजकत्वमा गठित तीन सदस्यीय समितिमा त्रिभुवन विश्वविद्यालयका शिक्षाध्यक्ष सुधा त्रिपाठी र शिक्षासचिव शान्तबहादुर श्रेष्ठ सदस्य छन्।

खुला विश्वविद्यालय ऐनअनुसार विश्वविद्यालयको कुलपति शिक्षामन्त्री  हुनेछन्। खुला विश्वविद्यालयको अवधारणा अन्यभन्दा फरक भएकाले  दलका व्यक्ति पद अधिकारी नियुक्ति गर्दा विश्वविद्यालयको उद्देश्य पूरा नहुने ढकालको ठहर छ।

‘खुला विश्वविद्यालय शिक्षामा सबै नेपालीको न्यायका लागि हामी गैरआवासीय नेपालीले एक दशकदेखि क्रान्ति गरी ऐन पास गरायौं’, ढकालले नागरिकन्युजसँग भने, ‘हाम्रो आन्दोलन त्रिभुवन विश्वविद्यालयका शिक्षाध्यक्ष   र माओवदिी केन्द्रले अपहरण गर्‍यो।’ नेपालमा बढ्दै गएको ‘ब्रेनड्रेन’ फर्काएर नेपालमै रोक्ने वातावरण खुला विश्वविद्यालयले बनाउने हो।

उनले भने, ‘खुला विश्वविद्यालयमा हामीले गरेको योगदानको बेवास्ता गरी पार्टी भागबन्डा तथा नेताहरूले आफ्नो खल्तीबाट नेतृत्व नियुक्ति गर्ने प्रक्रियाको विरोध हो। यसको नेतृत्व गैरअवासीय नेपाली नै लिनुपर्छ।’ त्रिवि शिक्षाध्यक्ष त्रिपाठी पनि त्रिभुवन विश्वविद्यालयमा माओवादि कोटाबाट नियुक्त  भएकी हुन्।

‘विश्वविद्यालय नखुल्दै दलगत भागबन्डा हुन थालेपछि विश्वविद्यालयमा उत्कृष्ट विद्यार्थी  भर्ना हुँदैनन’, उनले भने, ‘दलको कब्जामा विश्वविद्यालय गएपछि उत्कृष्ट प्राध्यापकसमेत विश्वविद्यालयमा प्रवेश गर्न पाउँदैनन् र उत्कृष्ट जनशक्ति उत्पादन हुँदैन।’

शिक्षाविद् विद्यानाथ कोइरालाले खुला विश्वविद्यालय गुणस्तरीय शिक्षा कायम गर्न र सबै नेपालीको पहुँचमा उच्च शिक्षा पु¥याउने उद्देश्यले खुलेकाले प्राज्ञिक थलोबाटै पदधिकारी नियुक्ति गर्दा उपलब्धि हासिल हुने दाबी गरे। ‘खुला विश्वविद्यालय ऐन पारित हुँदा हामीले धेरैपटक कुलपति प्राज्ञिकहरूबाटै बनाउन सुझाव दिएका थियौं । तर हाम्रो कुरा सभासद्हरूले मानेनन्, हामीले हार्‍यौं।’

उनका अनुसार प्रधानमन्त्री पुष्पकमल दाहालले उपकुलपतिमा केशरजंग बराललाई च्यापेका छन्। शिक्षामन्त्रीको अनिर्णयका कारण उपुकलपति नियुक्ति हुन नसकेको उनले बताए। यसैगरी रजिष्ट्रारमा माओवादी केन्द्रका कमल ढकाल र कांग्रेसका कमलदीप ढकालको नाम सिफारिस भएको छ।  खुला विश्वविद्यालय प्राज्ञिक पहुँचभन्दा बाहिर जाने संकेतलाई इंगित गर्दै शिक्षाविद् कोइरालाले भने, ‘खुला विश्वविद्यालयमा पार्टीकरण भयो भने यो प्रमाणपत्र खरिदबिक्रीको थलो बन्ने खतरा बढ्छ।’

शनि, चैत्र १२, २०७३ मा प्रकाशित

यसमा तपाइको मत

Loading...
Loading...

बाट अन्य

शिक्षामा नौटंकी नाटक , राष्ट्रिय पाठ्यक्रमको नयाँ प्रारुप आज पारित

शिक्षामन्त्रीद्वारा १ देखि १२ सम्मको नयाँ पाठ्यक्रम स्वीकृत: यस्तो छ अबको पाठ्यक्रम राष्ट्रिय पाठ्यक्रमको नयाँ प्रारुप आज पारित भएको छ । शिक्षा मन्त्री गिरिराजमणि पोखरेलको अध्यक्षतामा बसेको राष्ट्रिय पाठ्यक्रम विकास तथा मूल्याङ्कन परिषद्ले उक्त प्रारुप पारित गरेसँगै कक्षा ११ र १२ पनि कक्षा एक देखि १०...

ट्युसन पढाएरै खर्बपति बने

हालैका दिनहरुमा चीनका एकजना शिक्षक चर्चामा छन् । मानिसहरु उनको कमाईका बारेमा सुनेर अचम्ममा पर्दछन् । नपरुन् पनि किन ? उनी ट्युसन पढाएरै खर्बपति बनेका छन् । अहिले उनीसँग १ खर्ब रुपैयाँ बराबरकोे सम्पत्ति छ । चीनका ३६ वर्षीय लियु याचोले केही वर्षयता राजधानी बेइजिंगमा विद्यार्थीहरुलाई...

नेपाल शैक्षिक परामर्श संघ (इक्यान) को अध्यक्षमा विष्णुहरि पाण्डे  विजयी

वैशाख, काठमाडौं । नेपाल शैक्षिक परामर्श संघ (इक्यान) को अध्यक्षमा विष्णुहरि पाण्डे  विजयी भएका छन् । अध्यक्षका प्रत्यासी सरोजकुमार बस्नेतलाई पराजित गर्दै पाण्डे अध्यक्षमा निर्वाचित भएका हुन् । शनिबार सम्पन्न निर्वाचनमा पाण्डेले १७७ मत ल्याए भने बस्नेत १६५ मतमा रोकिए ।   प्रथम उपाध्यक्षमा भने बस्नेत समूहका महेशबाबु...

इक्यानको बस्नेत समूहले उम्मेदवारी घोषणासँगै संघको भावी कार्यक्रमका कार्यपत्रहरु सार्वजनिक

काठमाडौं । अस्ति बेलुका ६ बजेबाट शुरु भएको इक्यानको १२औं महाधिवेशनको तयारीमा बस्नेत समूहले उम्मेदवारी घोषणासँगै संघको भावी कार्यक्रमका कार्यपत्रहरु सार्वजनिक गरेको छ । २४ बुँदे घोषणापत्रमा “२४ महिना २४ काम सही नेतृत्व, साझा इक्यान” भन्ने उद्घोष सहित कार्यक्रम शुरु भएको थियो । शैक्षिक परामर्श संघमा आबद्ध सदस्य...

माध्यमिक शिक्षा परीक्षा (एसईई) बिहीबारबाट सुरु

८ चैत, काठमाडौं । माध्यमिक शिक्षा परीक्षा (एसईई) बिहीबारबाट सुरु भएको छ । चार लाख ८५ हजार ५ सय ८६ विद्यार्थीहरु सहभागी परीक्षा चैत २० गते सकिने छ नियमिततर्फ ४ लाख ६१ हजार ५ सय १५ र एक्जाम्टेडतर्फ २४ हजार ७१ जना परीक्षार्थी सहभागी छन् । ८...

बुध्द प्रकाश सेकेन्डरि स्कुल त्यस क्षेत्रकै नमूना स्कुल

हरेक बच्चा हरुको प्रतिभा प्रस्फुटन गर्ने उद्देश्यका साथ संचालित स्कुल बुद्ध प्रकाश सेकेन्डरी गोकर्नेश्वोर ६  नारायणटारमा पर्दछ । करिब ७00 बिध्यार्थी पठन पाठन गरिरहेको यो स्कुलमा किताबको ज्ञानको अलावा अतिरिक्त क्रियाकलापलाई पनि विशेष ध्यान दिइने गरिन्छ । बाल बालिकाभित्र लुकेर बसेका प्रतिभालाइ पहिचान गरि उजागर गर्न प्रोत्साहन...