विचार

८६ बर्षीय वयोवृद्ध मिनबहादुर शेरचन दोस्रोपटक सगरमाथा आरोहणका लागि आधार शिविरतर्फ


आफ्नो तोडिएको किर्तिमान फर्काउन ८६ बर्षीय वयोवृद्ध मिनबहादुर शेरचन दोस्रोपटक सगरमाथा आरोहणका लागि आधार शिविरतर्फ लागेका छन् ।

 

आइतबार सगरमाथा प्रदुषण नियन्त्रण समितिसँग अनुमति लिएका शेरचन सोमबार हिमाल आरोहणका लागि प्रस्थान गरेका हुन् ।

दश वर्षअघि ७६ वर्षको उमेरमा सगरमाथा चढेर उनले विश्वको अग्लो शिखरमा उक्लिने सबैभन्दा पाको व्यक्तिको किर्तिमान बनाएका थिए । सन् २००८ मे २५ मा सगरमाथा चढेका शेरचनको नाम गिनिज बुकमा लेखिएको थियो । तर सन् २०१३ मा जापानी आरोही मिउराले ८० बर्षको उमेरमा सगरमाथा चढेर उनको किर्तिमान भंग गरे ।

कीर्तिमान तोडिएलगत्तै सन् २०१३ र २०१५ मा उनले पुनः आरोहण प्रयास गरेका थिए । तर, सन् २०१३ मा उनले आरोहणको मौका नै पाएनन् भने सन् २०१५ मा भूकम्पका कारण नाम्चेबाटै फर्किनु पर्‍यो ।

सगरमाथा प्रदुषण नियन्त्रण समितिका अनुसार शेरचनको आरोहण टोलीमा ९ जना रहेका छन् । जसमा ६ जना अनुभवी गाइड छन् ।

३१ टोली सगरमाथा बेसक्याम्पमा

अहिले सगरमाथा आरोहणका लागि ३१ समूह बेसक्याम्प पुगेका छन् जसमा २ सय ९४ आरोही छन् । तीमध्ये दुईवटा टोली भने नेपालीका हुन् ।

त्यस्तै ल्होत्से हिमाल चढ्न ६ टोली बेस क्याम्प पुगेका छन् । टोलीमा ७० जना आरोही छन् । साथै न्हुत्से हिमाल चढ्नको लागि २ टोली बेसक्याम्प पुगेका छन् जसमा १९ जना छन् ।

सगरमाथा आरोहण टोली क्याम्प नं. २ मा जाने तयारीमा छ, जसका लागि अहिले सामान ओसार पसार भइरहेको सगरमाथा प्रदुषण नियन्त्रण समितिका कर्मचारीहरु बताउँछन् ।

मङ्ल, बैशाख ५, २०७४ मा प्रकाशित

यसमा तपाइको मत

Loading...
Loading...

बाट अन्य

गोर्खाल्याण्ड: नकोरिएको इतिहास

प्रसिद्ध राजनीतिज्ञ नेलसन मण्डेलाले भनेका छन्-  ‘इफ यू स्पिक टु अ म्यान इन अ ल्याङ्वेज ही अन्डरस्ट्यान्डस, इट गोज् टु हिज माइन्ड बट इफ यू स्पिक इन हिज ल्याङ्वेज इट गोज टु हिज हर्ट  अर्थात् , यदि कसैसँग उसले बुझ्ने भाषामा कुरा गर्नुभयो भने त्यो...

नेता रामचन्द्र पौडेलले प्रधानमन्त्री किन र केका लागि हुने भन्ने प्रश्न गरे

जेठ, काठमाडौं । नेपाली कांग्रेसको कार्यसम्पादन समितिको बैठकमा नेता रामचन्द्र पौडेलले प्रधानमन्त्री किन र केका लागि हुने भन्ने प्रश्न गरेका छन् । निकै भावुकरुपमा प्रस्तुत भएका पौडेलले नेतृत्वको गलत निर्णयका कारण पार्टी स्थानीय तह चुनावमा पराजित भएको जिम्मा कसले लिने, संगठन कसले र कसरी चलाउने भन्ने...

मधेस मतदान गर्न आतुर

सुनसरी- दुहबी–११ स्थित तनमुना बस्तीका बासिन्दा शुक्रबार मध्याह्नको टन्टलापुर घाम छल्न रूखमुनि बनाइएको चौतारोमा गफिइरहेका थिए। असार १४ मा हुन लागेको दोस्रो चरणको स्थानीय तह चुनावमै उनीहरूको गफ केन्द्रित थियो। नेपाल लोकतान्त्रिक फोरमका अध्यक्ष विजयकुमार गच्छदारको घरभन्दा करिब तीन किलोमिटर दक्षिणमा रहेको यो बस्तीमा मधेसी समुदायको बाहुल्य...

देवी ज्ञवाली भन्छन्ः प्रचण्ड र शेरबहादुरसँग चुनाव लडेको हुँ

जेठ, चितवन । पहिलो चरणमा निर्वाचन भएका ४ महानगरपालिका मध्ये ललितपुर नतिजा कांग्रेसको पक्षमा आइसकेको छ भने पोखरा-लेखनाथ महानगरपालिकाको परिणाम एमालेको पोल्टामा गएको छ । काठमाडौंमा पनि एमाले जितको सन्निकट छ । तर, भरतपुर महानगरपालिकामा भने कसले चुनाव जित्ला भन्ने कौतुहलता कायमै छ । अत्यास लाग्दो...

सरकारले विराटनगर र विरगञ्जलाई महानगरपालिका घोषणा गर्दै तराइ मधेसका १९ वटा जिल्लामा २३ गाउँपालिका थप गर्ने निर्णय गरे

सरकारले विराटनगर र विरगञ्ज उपमहानगरपालिकालाई महानगरपालिका घोषणा गर्दै तराइ मधेसका १९ वटा जिल्लामा २३ गाउँपालिका थप गर्ने निर्णय गरेको छ। स्थानीय तहको संख्या र सीमा निर्धारण आयोगको प्रतिवेदन अनुसार सोमबार राति बसेको मन्त्रिपरिषदको बैठकले तराई मधेसका जिल्लामा स्थानीय तहको संख्यामा हेरफेर गरेको हो।  मन्त्रिपरिषद बैठकले तराई...

भाँडा बनाउँथे, अब सहर बनाउँछन्

भक्तपुर नगरपालिकामा चुनाव गराउनै पर्दैन, नेमकिपालाई यत्तिकै टीका लगाइदिए हुन्छ।’ भक्तपुर जिल्लाको एक नम्बर क्षेत्र र भक्तपुर नगरपालिकाको चुनावलाई लिएर यस्ता थुप्रै ‘जोक’ बनेका छन्। भक्तपुरका चार नगरपालिकामध्ये नेवारहरूको बाहुल्य रहेको यस नगरपालिकामा नेपाल मजदुर किसान पार्टीको यति बलियो प्रभाव छ, यहाँ अरू पार्टीको कुनै जोड...