विचार

लोकप्रिय हास्यकलाकार हरिवंश आचार्य अब उपन्यासकारका रुपमा दरिने


बैशाख, काठमाडौं । लोकप्रिय हास्यकलाकार हरिवंश आचार्य अब उपन्यासकारका रुपमा दरिने भएका छन् । ०७० सालमा ‘चिना हराएको मान्छे’ आत्मकथाबाट लेखक अवतारमा देखिएका आचार्यले यस पटक उपन्यास ‘हरिबहादुर’ लेखेका हुन् ।

मह जोडीमध्येका अर्का हास्यकलाकार मदनकृष्ण श्रेष्ठले आउँदो शनिबार तीन बजे प्रज्ञा भवनको डबलीमा उपन्यासको लोकार्पण गर्नेछन् ।

 

धेरै जनाले उपन्यास लेख्न घचघच्याएपछि आफू उपन्यास लेख्न तम्सिएको हरिवंशले बताएका छन् । ‘यसअघि आत्मकथाको पुस्तक लेख्दा आफ्नै जिन्दगीको भोगाइ उतार्न त्यति सोच्नु नपरे पनि उपन्यास लेख्छु भनेर लागेपछि मैले धेरै सोच्नुपर्‍यो’, उपन्यास लेखन प्रक्रियाबारे उनले भने, ‘अन्ततः मैले मदनबहादुर हरिबहादुर टेलिशृङ्खलाको पात्र हरिबहादुरलाई असफलता र मूर्खताको प्रतीक बनाएर उपन्यास लेख्ने निर्णय गरेँ ।’

साहित्यकार रवीन्द्र समीरले उपन्यासमा मुख्य पात्र हरिबहादुरको बाल्यकाल, पारिवारिक एवम् सामाजिक जीवनको आरोह-अवरोह पढ्न पाइने बताए । उपन्यासको पाण्डुलिपि पढेका उनले थपे, ‘तत्कालीन राजनीतिले हरिबहादुरलाई कसरी प्रयोग गर्‍यो तथा हरिबहादुरले द्वन्दकालीन राजनीतिलाई कसरी प्रयोग गर्‍यो भन्ने परिवेशमा उपन्यास केन्द्रित छ ।’

स्थानीय निर्वाचनको मुखमा सार्वजनिक हुन लागेको उपन्यासले अक्षम, अयोग्य व्यक्तिहरु कसरी जालझेल गरी चुनाव जितेर सत्तामा पुग्छन् भन्ने कुराको सटीक चित्रण गरेको छ । उपन्यासको मुख्य पात्र हरिबहादुर काइते, आवारा, थेत्तरो, स्वाँठ प्रवृत्तिको प्रतिनिधि बनेर देखिएको छ र उसको क्रियाकलाप व्यक्तिगत भईकन पनि सामाजिक–राजनीतिक जस्ता लाग्छन् । आफूलाई संसारको सबैभन्दा बाठो ठान्ने हरिबहादुर हरेक पाइलामा बल्ड्याङ खान पुग्छ ।

फाइनप्रिन्टले प्रकाशन गरेको उपन्यासको मूल्य ३९८ रुपैयाँ राखिएको छ ।

 

बिहि, बैशाख २१, २०७४ मा प्रकाशित

यसमा तपाइको मत

Loading...
Loading...

बाट अन्य

नेताहरु सुखभोगमा लागे । जनताको अवस्था पहिले जहाँ थियो, त्यसमा अहिले पनि खासै सुधार आउन सकेको छैन ।

 फागुन, काठमाडौं । ‘सत्ता बन्दुकको नालबाट जन्मिन्छ’ भन्ने आदर्शसहित ०५२ साल फागुन १ गते माओवादीले तत्कालीन सरकारविरुद्ध सशस्त्र युद्ध सुरु गरेको थियो । रुकुमको राडिज्यूला प्रहरीचौकी, रोल्पाको होलेरी प्रहरीचौकी, सिन्धुलीको सिन्धुलीगढी प्रहरीचौकी र गोरखाको च्याङ्लीस्थित कृषि विकास बैंकको कार्यालयमा एकसाथ आक्रमण गरेर ‘जनयुद्ध’ सुरु भएको...

वाम एकताबाट लोकतन्त्रको अपहरण हुन्छ कि भन्ने कांग्रेसको जुन आशंका छ, त्यो व्यर्थ देखिन्छ

जनताको बहुदलीय जनवाद र एक्काइसौं शताब्दीको जनवादपक्षधर प्रमुख कम्युनिस्ट पार्टीबीच चुनावी तालमेल तथा पार्टी एकीकरणले नेपालको राजनीतिक तहमा आठ रेक्टरको भूकम्प सिर्जना गरेको छ। एमाले र माओवादी केन्द्रले उपर्युक्त दुवै सिद्धान्तको प्रतिपादन परिस्थितिको ठोस विश्लेषण गरेरै गरेका हुन्। एमालेका तत्कालीन महासचिव मदन भण्डारीले समग्र कम्युनिस्ट आन्दोलनको...

को हुन् एमाले-माओवादी एकताका सूत्रधार ?

असोज, काठमाडौं । ०६४ सालको संविधानसभा निर्वाचनबाट माओवादी ठूलो मतान्तरसहित मुलुकको पहिलो दल बनेपछि प्रचण्डले आन्तरिक भेलाहरुमा भनेका थिए, अब सके एमालेलाई निल्ने नत्र ऊसँग मिल्ने नीतिअनुरुप नेपालमा एउटै कम्युनिस्ट केन्द्र बनाउनुपर्छ ।   ‘सके मिल्ने नसके निल्ने’ नीति कुनैबेला माओवादीले लियो भने त्यही नीति एमालेले ०७०...

२५ वर्षको तथ्यांकः मधेसमा कम्युनिष्ट बढ्दै, कांग्रेस घट्दै

दुई नम्बर प्रदेशको भूभागअन्तरगत रहेको नेपालको मधेस नेपाली कांग्रेसको आधार क्षेत्र हो कि कम्युनिष्टहरुको ? वा यो प्रदेश क्षेत्रीय-जातीय पार्टीहरुको आधार क्षेत्र हो ? आउनुहोस् यस विषयमा ०४८ साल यताको करिब २६ वर्षको इतिहास खोतलौं- हुन त मधेसमा कांग्रेस र कम्युनिष्टहरुको जनाधारको चर्चा गर्दा ०४८ सालभन्दा...

प्रचण्डले सपना देखेको हुनसक्छ, पार्टी एकता सम्भव छैनः बाबुराम

 साउन, काठमाडौं । नयाँ शक्ति पार्टी नेपालका संयोजक डा. बाबुराम भट्टराईले पार्टी एकताबारे माओवादी केन्द्रका अध्यक्ष प्रचण्डसँग कुनै सम्वाद नभएको बताएका छन् । माओवादीसँग तत्काल पार्टी एकताको कुनै सम्भावना नरहेको समेत उनले बताए । पार्टीको संघीय परिषद् बैठकका निर्णयहरु सार्वजनिक गर्न शुक्रबार आयोजित पत्रकार सम्मेलनमा सञ्चारकर्मीसँग...

गोर्खाल्याण्ड: नकोरिएको इतिहास

प्रसिद्ध राजनीतिज्ञ नेलसन मण्डेलाले भनेका छन्-  ‘इफ यू स्पिक टु अ म्यान इन अ ल्याङ्वेज ही अन्डरस्ट्यान्डस, इट गोज् टु हिज माइन्ड बट इफ यू स्पिक इन हिज ल्याङ्वेज इट गोज टु हिज हर्ट  अर्थात् , यदि कसैसँग उसले बुझ्ने भाषामा कुरा गर्नुभयो भने त्यो...