राजनिति

स्थानीय तह निर्वाचन नजिकिएसँगै राजनीतिक दलका नेताहरु गाउँगाउँ पस्न थाले


स्थानीय तह निर्वाचन नजिकिएसँगै राजनीतिक दलका नेताहरु गाउँगाउँ पस्न थालेका छन्। भोट माग्न र आफ्ना चुनावी अजेण्डा जनतामाझ राख्न दलका नेताहरु गाउँ पस्न थालेका हुन्। उपत्यकाका काँठ क्षेत्रका धेरै उम्मेदवार प्रचार सामग्री बोकेर भोट माग्न गाउँतिर लम्किएका छन्। यो खबर हामीले आजको नागरिक दैनिकबाट लिएका हौ।  ललितपुर महानगरपालिका प्रमुखका उम्मेदवार कांग्रेसका चिरीबाबु महर्जन स्थानीयसँग भोट माग्न र घुलमिल हुन आफू गाउँगाउँमा पसेको बताउँछन्। उनले उम्मेदवारी दिएको भोलिपल्टै च्यासल, बुङमती, भैंसेपाटी, खोकनालगायत टोलमा पुगेर स्थानीयसमक्ष आफ्ना अजेण्डा राखिसकेका छन्। ‘मैले चुनावको बेला मात्रै होइन अरु बेला पनि स्थानीयका गुनासा सुन्दै आएको छु,’ उनी भन्छन्, ‘स्थानीयसँग भिजेर काम गर्नेलाई मात्र स्थानीयले पत्याउँछन्।’ उनी आफूले चुनाव जिते ललितपुर महानगरलाई स्वच्छ र सांस्कृतिक सम्पदा सहरका रुपमा विकास गर्ने बताउँछन्। ललितपुर महानगरपालिकाकै एमाले उम्मेदवार हरिकृष्ण व्यञ्जनकार पनि घरदैलो कार्यक्रममा जुटेका छन्। उनी नागरबासीका घरघरमा पुगेर आफ्ना योजना र अजेण्डा राखिसकेको बताउँछन्। ‘सहरमा बसेर गाउँले र स्थानीयका समस्या देखिँदैन,’ उनी भन्छन्, ‘सहर र गाउँ दुवै क्षेत्रका स्थानीयको समस्या सुन्ने र व्यवहारमा उतार्नेले मात्रै चुनाव जित्न सक्छ।’ ललितपुर महानगरकै माओवादी केन्द्रका उम्मेदवार दीपेश महर्जन पनि गाउँ पस्न थालेका छन्। ‘पहिलादेखि नै स्थानीयसँग घुलमिल हुँदै आएको छु,’ उनी भन्छन्। उनले आफू विजयी भए ललितपुर महानगरपालिकालाई हराभरा बनाउने दाबी गरे। सधैँ सहरमा अनुहार लुकाइरहने नेता चुनाव लागेपछि सुनसान गाउँ पुग्न थालेपछि गाउँले अचम्मित भएका छन्।

शुक्र, बैशाख २२, २०७४ मा प्रकाशित

यसमा तपाइको मत

Loading...
Loading...

बाट अन्य

बाराको सिमरामा नेपाली कांग्रेसका उम्मेदवार चढ्ने गाडीमा प्रेसर कुकर बम बिष्फोट

मंसिर, सिमरा । बाराको सिमरामा नेपाली कांग्रेसका उम्मेदवार चढ्ने गाडीमा प्रेसर कुकर बम बिष्फोट भएको छ । बारा क्षेत्र नम्बर ४ (क) का नेपाली कांग्रेसका प्रदेश सभा उम्मेदवार ओमकृष्ण कार्की चढ्ने गाडीमा बिहान बम विस्फोट भएको हो ।   सोमबार बिहान साढे पाँच बजे भएको बम विष्फोटका...

एमाले पोलिटब्युरो सदस्य राजेन्द्र पाण्डे लडेर घाइते

कात्तिक, काठमाडौं । धादिङका वाम गठबन्धनका साझा उम्मेदवार तथा एमाले पोलिटब्युरो सदस्य राजेन्द्र पाण्डे लडेर घाइते भएका छन् । धादिङको निर्वाचन क्षेत्र नं १ को प्रदेशसभाका लागि वाम गठबन्धनका साझा उम्मेदवार रहेका पाण्डे बुधबार लडेर घाइते भएका हुन् । पाण्डेका स्वकीय सचिव दिनेश घिमिरेले दक्षिणी धादिङको धुनीवेसी...

मेरो जित सुनिश्चित जस्तै छ

योगेन्द्र सङ्ग्रौला उमेद्वार, बाम गठबन्धन काठमाडौं क्षेत्र नं.६, प्रदेश–‘ख’ लामो समयसम्म नेकपा एमालेको राजनीतिमा सक्रिय योगेन्द्र सङ्ग्रौला एउटा कुशल संगठन कर्ता, अनुभवी राजनीतिक कार्यकर्ता र सरल सामाजिक अभियन्ता हुनुहुन्छ । आगामी मंसिर २१ गते हुने निर्वाचनको लागि काठमाडौं क्षेत्र नं.६, प्रदेश–‘ख’ मा बाम गठबन्धनबाट साझा उमेद्वार सङ्ग्रौला विगतमा...

काठमाण्डौ क्षेत्र न.६ मा निर्वाचन महाअभियान सुरु

काठमाण्डौ क्षेत्र न.६ को निर्वाचन महाअभियान सुरु / क. हिमाल शर्मा को संयोजकत्वमा पूरै ६ न. क्षेत्रको साथै प्रदेश ‘क’ को क. तिलक सुनुवार र प्रदेश ‘ख’ को क. लब कुमार बस्नेतको संयोजकत्वमा निर्बाचन परिचालन कमिटी गठन गरिएको छ / यो क्षेत्रलाई बाम गठबन्धनको किल्ला बनाउने...

०६२/०६३ सालको जनान्दोलनको बेलामा पत्रिकामा छापिएको चर्चित फोटोहरु

यी दुइ फोटोहरु ०६२/०६३ सालको जनान्दोलनको बेलामा पत्रिकामा छापिएको चर्चित फोटोहरु हुन् / दुवै फोटोहरु  जनान्दोलनमा गोंगबु क्षेत्रको कमान्डर शमशेर बहादुर गाइजुको उपस्थिति दरो देखाएको छ तर आन्दोलन ताका निकै सक्रिय व्यक्तित्व चुनाबी मैदानमा किन सक्रिय देखिंदैन आम गोंगबुबासीको मनमा खुल्दुली लाग्नु स्वाभाविक हो...

मेरो उम्मेदवारी टुरिष्ट उम्मेदवारका विरुद्ध हो : लब कुमार बस्नेत

२०३५ सालदेखि तत्कालीन नेकपा एमालेबाट राजनीतिमा प्रवेश गरेका लब कुमार बस्नेत काठमाडौं क्षेत्र नं ६ को प्रदेश सभा ख का लागि बाम गठबन्धनका साझा उम्मेदवार योगेन्द्र संगौला विरुद्ध विद्रोही उम्मेदवारका रुपमा खडा भएका छन् । वि.स. २०४९ र २०५४ साल गरि २ कार्यकाल नेकपा एमालेबाट...