प्रविधि

भूकम्प प्रभावित चार जिल्लामा निःशुल्क इन्टरनेट


काठमाडौं- भूकम्पबाट अति प्रभावित चार जिल्लाका बासिन्दाले निःशुल्क द्रुत गतिको इन्टरनेट सेवा प्रयोग गर्न पाउने भएका छन्। नेपाल टेलिकमले काभ्रेपलाञ्चोक, सिन्धुपाल्चोक, नुवाकोट र रसुवामा द्रुतगतिको इन्टरनेट सेवा निःशुल्क उपलब्ध गराउन नेपाल दूरसञ्चार प्राधिकरणसँग सम्झौता गरेको छ।

ती जिल्लामा दुई वर्षसम्म निःशुल्क सेवा उपलब्ध गराउने गरी बिहीबार दुई निकायबीच सम्झौता भएको छ। उक्त योजना सम्पन्न गर्न लगभग २१ करोड १६ लाख रुपैयाँ लगानी हुने टेलिकमले जनाएको छ। उक्त जिल्लामा द्रुत गतिको इन्टरनेट पुर्‍याउन नेपाल टेलिकमले ग्रामीण दूरसञ्चार विकास कोषमा रहेको रकम प्रयोग गर्नेछ।

सम्झौतापत्रमा टेलिकमको तर्फबाट प्रबन्ध निर्देशक कामिनी राजभण्डारी र प्राधिकरणका तर्फबाट अध्यक्ष दिगम्बर झाले हस्ताक्षर गरेका छन्। सम्झौतापत्र हस्ताक्षर कार्यक्रममा प्राधिकरण अध्यक्ष झाले, ग्रामीण दूरसञ्चार विकास कोषको रकम पनि सदुपयोग गर्दै भूकम्प प्रभावित जिल्लामा दु्रत गतिको इन्टरनेट सेवा पुर्‍याउने उद्देश्यले नेपाल टेलिकमसँग उक्त सम्झौता गरिएको बताए। ‘ग्रामीण दूरसञ्चार विकास कोष अन्तर्गतका आयोजनामा नेपाल टेलिकम सहभागी भएकोमा कम्पनीलाई धन्यवाद दिँदै भविष्यमा पनि यस्ता आयोजना सञ्चालन गर्न कम्पनीको सहभागिता रहने झाले अपेक्षा गरे।

उक्त अवसरमा नेपाल टेलिकमकी प्रबन्ध निर्देशक कामिनी राजभण्डारीले प्राधिकरणले कम्पनीलाई विश्वास गरेर दोस्रो आयोजना कार्यान्वयन गर्न दिएकोमा धन्यवाद दिइन्। उनले उच्च प्राथमिकता दिएर समयमै आयोजना सम्पन्न गर्ने प्रतिबद्धता व्यक्त गरिन्।

टेलिकमले उक्त चार जिल्लामा उपयुक्त माध्यमबाट इन्टरनेट पुर्‍याउने बताएको छ। राजभण्डारीले उक्त जिल्लामा विस्तृत अध्ययन भइसकेको र ती स्थानमा जिएसएम, सिडिएमए, एडिएसएल र वाइम्याक्समध्ये स्थानअनुसार जुन प्रविधिबाट सम्भव हुन्छ सोही प्रविधिबाट द्रुत गतिको इन्टरनेट सेवा उपलब्ध गराइने जानकारी गराइन्।

यस आयोजनाअन्तर्गत नेपाल टेलिकमले भूकम्पबाट अति प्रभावित काभ्रेपलाञ्चोक, सिन्धुपाल्चोक, नुवाकोट र रसुवा जिल्लाका सरकारी एवं सामुदायिक विद्यालय, स्वास्थ्य केन्›, आयुर्वेद केन्›, वडा कार्यालय, गाउँपालिका र नगरपालिकाहरुमा दु्रत गतिको इन्टरनेट सेवा उपलब्ध गराउनेछ। साथै सो सेवाको सञ्चालन तथा मर्मत कार्यमा पनि कम्पनीले भूमिका निर्वाह गर्नेछ।

भूकम्पले अति प्रभावित चार जिल्लामध्ये काभ्रेपलाञ्चोकका गाउँपालिका तथा नगरपालिकाका ८० स्थानमा, एक सय १८ वटा सरकारी तथा सामुदायिक विद्यालयमा र ६९ वटा स्वास्थ्य एवं आयुर्वेद केन्›मा सेवा उपलब्ध गराइने छ। त्यस्तै सिन्धुपाल्चोकका गाउँपालिका तथा नगरपालिकाका ७० स्थानमा, ८२ वटा सरकारी तथा ससामुदायिक विद्यालय र ६१ वटा स्वास्थ्य एवं आयुर्वेद केन्›मा, नुवाकोटका गाउँपालिका तथा नगरपालिकाका ६२ स्थानमा, ९५ वटा सरकारी तथा सामुदायिक विद्यालय र ६१ वटा स्वास्थ्य एवं आयुर्वेद केन्›मा र रसुवाका गाउँपालिका तथा नगरपालिकाका १८ स्थानमा, १६ वटा सरकारी तथा सामुदायिक विद्यालय र १५ वटा स्वास्थ्य एवं आयुर्वेद केन्› गरी जम्मा ७४७ सेवा केन्द्रमा यो सेवा उपलब्ध गराइने छ।

शनि, बैशाख २३, २०७४ मा प्रकाशित

यसमा तपाइको मत

Loading...
Loading...

बाट अन्य

अर्को ग्रहमा बस्ती सुरू नगरे मानव जाति लोप हुने हकिङको चेतावनी

भौतिकशास्त्री स्टेफेन हकिङले पृथ्वी विनासतर्फ उन्मुख भइसकेका कारण मानव जातिको रक्षा गर्न बाह्य ग्रहमा मानव बस्ती सुरु गर्नुपर्ने बताएका छन्। विगत केही समयदेखि बेलायती वैज्ञानिक हकिङले निरन्तर पृथ्वीको जोखिमका बारेमा कुरा गर्दै आएका छन्। ‘पृथ्वी यति धेरै कोणहरुबाट जोखिममा परेको छ कि यसको भविष्यबारे सोच्दा सकारात्मक हुन्...

मोबाइल सेवाको गुणस्तरबारेको गुनासो मोबाइल एपमार्फत गर्न सकिने सुविधा

असार, काठमाडौं । नेपाल दूरसञ्चार प्राधिकरणले मोबाइल सेवाको गुणस्तरबारेको गुनासो मोबाइल एपमार्फत गर्न सकिने सुविधा ल्याएको छ । अब मोबाइल सेवा सम्बन्धी गुनासो एनटीए क्युओएस सर्भे मोबाइल एपमार्फत लिन सुरु गरिएको प्राधिकरणले जनाएको छ । सो एपमार्फत उपभोक्ताले मोबाइल सेवाको गुणस्तर तथा सेवा सम्बन्धी कुनै गुनासो...

भारतले सन् २०३० सम्ममा पूर्ण रुपमा विद्युतीय सवारीको प्रयोग गर्ने लक्ष्य राखे

नयाँ दिल्ली – भारतले सन् २०३० सम्ममा पूर्ण रुपमा विद्युतीय सवारीको प्रयोग गर्ने लक्ष्य राखेको छ ।  पेट्रोलिय पदार्थको प्रयोगले वातारण प्रदुषणको दर बढ्दै गएकाले सरकारले यस्तो नीति ल्याउन लागेको उर्जा मन्त्री पीयुष गोयलले बताए। हाल भारत  विश्वमै सबैभन्दा बढी तेल आयातकर्ता मुलुकहरुमध्येको तेस्रोे स्थानमा पर्छ...

दुबईमा विश्वमै पहिलो पटक रोबर्ट प्रहरी

दुबईमा विश्वमै पहिलो पटक रोबर्ट प्रहरी निर्माण गरिएको छ । उक्त रोबर्टले  मानव प्रहरीले गर्ने सम्पूर्ण काम गर्न सक्ने निर्माण पक्षको दाबी छ । निर्माण पक्षका अनुसार उक्त रोबर्टले मानव प्रहरीले जस्तै शुल्क उठाउने तथा सूचनाको जानकारी दिने जस्ता कार्य गर्ने छ । हाल उक्त प्रहरी रोबोर्टलाई...

शल्यक्रियाका लागि रोबटको प्रयोग गरिने

नयाँ दिल्ली – प्रविधिको बढ्दो प्रयोगसँगै विश्वका हरेक क्षेत्रमा नयाँ नयाँ प्रयोगहरू भइरहेको छ । यसले गर्दा मानवीय जनशक्ति विस्थापित हुँदै गइरहेको छ । यसैक्रममा शल्यक्रियाका लागि रोबटको प्रयोग गरिने भएको छ ।  भारतको नयाँ दिल्लीस्थित सफदरगंज अस्पतालमा शल्यक्रियाका लागि रोबटको प्रयोग गरिने भएको हो ।...

स्थानीय तह निर्वाचनका लागि शुक्रबारदेखि कल सेन्टर र मोबाइल एप सञ्चालन

काठमाडौँ– निर्वाचन आयोगले स्थानीय तह निर्वाचनका लागि शुक्रबारदेखि कल सेन्टर र मोबाइल एप सञ्चालनमा ल्याएको छ । स्थानीय तहको निर्वाचनमा सूचना प्रवाहलाई चुस्त र प्रविधिमैत्री तुल्याउने सन्दर्भमा निर्वाचन आयोगले कल सेन्टर र मोबाइल एप सञ्चालनमा ल्याएको हो । कान्तिपथस्थित आयोगको कार्यालयमा सञ्चालनमा ल्याइएको कल सेन्टरबाट मतदाता र...