सत्तारुढ दल कांग्रेस र माओवादी केन्द्रबीच भएको चुनावी तालमेललाई यि दुबै दलका नेता कार्यकर्ताहरुले ‘असहज’ मानेका छन्। चार महानगरपालिकामा चुनावी तालमेल गरेर जाने निर्णय गर्दै यो तालमेललाई गाउँतह सम्मै लैजाने भन्ने सञ्चारले तल्लो तहमा ‘तरंग’ मच्चाईदिएको छ । यि दुबै पार्टीका तल्लो तहका नेता कार्यकर्ताहरुले ‘चुनावी तालमेल’ लाई पार्टी नेतृत्वबाट भएको गम्भिर त्रुटीका रुपमा अर्थ्याएका छन् । तालमेलका नाममा एकले अर्कोलाई स्वीकारेर जानै नसकिने कडा बिचार समेत ब्यक्त भैरहेका छन्।
माओवादी दाङका नेता विश्वराज आचार्यले चार नगरपालिकामा आफ्नो पार्टीले कांग्रेससंग गरेको चुनावी तालमेललाई निकै अशोभनीय महशुस गरे । गाउँतह सम्मै तालमेललाई फैलाउने भन्ने सञ्चारले जेठ ३१ मा निर्धारित निर्वाचनमा कांग्रेसलाई मतदान गर्नुपर्ने दिन आउने होकी भन्ने ‘शंशय’मा उनी छन् । उनले ‘माओ’को पुकार गर्दै सामाजिक सञ्जाल फेसबुकमा लेखेका छन् ‘हे माओ रक्षा गर,रुखमा भोट हाल्नबाट जोगाउ।’
माओवादी नेता आचार्यको पुकार जस्तै कांग्रेस घोराही घोराही उपमहानगरपालिका १३ का कोषाध्यक्ष निरज गिरीले पनि माओवादीलाई भोट हाल्ने दिन नआए हुन्थ्यो भन्नेमा छन् । बीपी कोईराला र गिरीजा प्रसाद कोईरालालाई पुकार्दै उनले पनि लेखेका छन् ‘हे बीपी र जिपी,हँसिया हथौडाको प्रचार कसरी गरुँ ?’ माओवादीसंगको चुनावी तालमेललाई स्थानीय स्तरमा निकै अशोभनीय मानिएको भन्दै गिरीले यो तालमेलले कार्यकर्ता भाँडिने खतरा रहेको बताए । ‘यस्तो तालमेलले कार्यकर्ता पंक्तीमा मनोबल गिरेको छ,’उनले नागरिकसंग भने ‘कुनै बेलाको ‘कट्टर दुश्मन’लाई कसरी भोट दिने ? भन्ने बुझाई आम कार्यकर्तामा छ ।’
त्यसोत, तुलसीपुर नगरपालिकामा कांग्रेसका तर्फबाट उपमेयरको उम्मेदवारका रुपमा अँफूलाई प्रस्तुत गरिरहेका तेजबहादुर कार्किले माओवादीसंगको तालमेल कुनै पनि हालतमा आँफुहरुलाई मान्य नहुने दाबी गरेका छन् । उनले पनि माओवादीलाई मतदान गर्न नसकिने भन्दै सामाजिक सञ्जाल फेसबुक मार्फत घोषणा गरेका छन् ‘कुनै पनि हालतमा हँसिया हथौडामा भोट हाल्न सकिदैन ।’
पार्टीका दुई शिर्षनेताहरुको सहमतीकै आधारमा तल्लो तहमा दुईपार्टीका कबार्यकर्ताविच मतदानमा ‘एकता’ कायम हुने रतिभर सम्भावना नरहने स्थानीय तहका कार्यकर्ताहरुको मनोभावले पुष्टि गरेको छ । कारण र उदेश्य विहिन दुईनेताको सम्झौतालाई कार्यकर्ता पंक्तीले कुनैपनि हालतमा नमान्ने राजनीतिक विश्लेषक बिनोद पोख्रेल टिप्पणी गर्छन् । उनले यो तालमेललाई कारण र उदेश्य हिन हुनुनै सबैभन्दा ठूलो कमजोरीका रुपमा अर्थ्याए। ‘जुन तालमेलको उदेश्य र कारण नै छैन,पदमा आफ्नो मान्छे मात्रै राख्ने स्वार्थले तालमेल गरिन्छ भने किन प्रजातन्त्र चाहियो ? पञ्चायतै सहि थियो त,’उनले भने ‘फेरी यो तालमेल देउवा र प्रचण्डको मात्रै हो,पार्टीहरुकै आधिकारीक नभएकाले पनि कार्यकर्ताहरुले मान्ने कुरै हुँदैन।’ उनले यि दुबै पार्टीको आधिकारीक निर्णय बेगर दुई नेताबीच भएको तालमेललाई कार्यकर्ता तहमा नपचाईने बताउँछन् ।
पार्टीको चुनावी घोषणा पत्रमा एकले अर्को लाई आक्षेप लगाएका दलहरुविचनै चुनावी तालमेल हुनुलाई स्वाभाविक मान्न नसकिने टिप्पणी हुने गरेको छ । बाम विश्लेषक सुशील गौतमले पार्टीगत विचार र सिद्धान्त मिल्दो जुल्दो पार्टीसंग तालमेल हुनुलाई स्वाभाविक मान्न सकिएपनि विपरीत ध्रुवमा रहेका दलहरुबीच भएको तालमेललाई अहिले अस्वाभाविक रुपमा हेरिएको बताउँछन्।
जेठ ३१ मा हुने दाङको निर्वाचनमा पनि तालमेलको त्रासदी विस्तारै फैलिईरहेको छ । मुख्यतः यहाँका दुई उपमहानगरपालिकामा तालमेल हुन सक्ने आशंका रहेपनि त्यसखालको परिपत्र भने भैसकेको छैन । तथापी यहाँका पार्टीगत कार्यकर्ताहरुमा कदापी फरक पार्टीको उम्मेदवारलाई मतदान नगर्ने कडा स्वरहरु सुनिईरहेका छन् । ‘शेरवहादुर देउवाले माओवादीलाई भोट हाल्नु भनेर मैले माओवादीलाई नै भोट हाल्नु पर्छ ?’घोराही उपमहानगरपालिकाका सुशील आचार्यले भने ‘म नेपाली कांग्रेसको सच्चा कार्यकर्ता हुँ,भोट हाल्दाखेरी मेरो हात कदापी हँसिया हथौडामा जाने छैन ।’ कांग्रेसीहरुले सबै भन्दा ठूलो पार्टीको यो व्यवहारलाई हार मानसिकता भनेका छन् भने विचार र सिद्धान्त मिल्दै नमिल्ने शक्तिसंगको तालमेल स्वीकार्य हुनै नसक्ने अडान लिएका छन् ।
कांग्रेस दाङका सचिव शंकर प्रसाद डाँगीले चार महानगरपालिकामा भएको तालमेलका कारण जिल्ला तहमा पनि त्यसको आशंका बढ्दै गएको र यहाँ तालमेल नहुने कुरामा विश्वास दिलाईरहेको वताए।
‘तालमेलका उदेश्य र कारण हुनुपर्छ,’उनले भने ‘यो कारण कार्यकर्ताहरुलाई बुझाउन सकियो भने मात्रै त्यो फलदायी बन्छ,जिल्ला तहमा पनि हलिे बढेको आशंकालाई हामीहरुले होईन भनेरै विश्वस्त पारिरहेका छौँ ।’ माओवादी केन्द्रका नेता निर्मल आचार्यले भने स्थानीय तहको निर्वाचन स्थानीय तहका जनताहरुको हितका लागि हुन लागेकाले जनताका लागि दलहरुविच हातेमालो हुनुलाई अस्वाभाविक मान्न नसकिने वताउँछन् ।
आइत, बैशाख २४, २०७४ मा प्रकाशित
यसमा तपाइको मत
बाट अन्य
दुई हप्तामा अन्तर्राष्ट्रिय टर्मिनल भवनको भित्री र माथिल्लो भागमा उल्लेख्य परिवर्तन
काठमाडौँ । त्रिभुवन अन्तर्राष्ट्रिय विमानस्थलमा उत्रिएका सुविन साह झुक्किए । उनलाई आफू नेपालमै आइपुगेँ कि कतै ट्रान्जिटमा छु भन्ने लागेछ । ६ महिनापछि अष्ट्रेलियाबाट घर फर्किएका उनलाई अहिले आफ्नै मुलुकको विमानस्थल यति सफा र व्यवस्थित भएको थाहा रहेनछ । हो, यतिखेर त्रिभुवन अन्तर्राष्ट्रिय विमानस्थल पुग्ने जो...
नेपाल वायुसेवा निगमले नयाँ दुई एयरबस खदिका लागि वित्तीय स्रोत जुटाए
जेठ, काठमाडौं । नेपाल वायुसेवा निगमले नयाँ दुई एयरबस खदिका लागि वित्तीय स्रोत जुटाएको छ । कर्मचारी सञ्चय कोष र बायुसेवा निगमबीच आइतबार जहाज किन्ने ऋण सम्झौतामा हस्ताक्षर भएको छ । भोलि सोमबार नागरिक लगानी कोषले निगमसँग यस्तै सम्झौतामा हस्ताक्षर गर्नेछ । नागरिक लगानीकोषसँग आजै समझौता...
हुम्लाका स्थानीयले विमानस्थलमै प्रवेश गरी उडान ठप्प पारे
नेपालगञ्ज- नेपाली यात्रु नबोकेको भन्दै हुम्लाका स्थानीयले विमानस्थलमै प्रवेश गरी उडान ठप्प पारेका छन्। बिहान ६ बजेदेखि उडान हुने हुम्लामा अहिलेसम्म उडान भएको छैन। नेपाल नागरिक उड्डयन प्राधिकरण नेपालगन्जका प्रमुख प्रताप तिवारीले हुम्लाको अवरोध नहट्दासम्म उडान हुन नसक्ने बताए। हुम्ला र नेपालगन्ज विमानस्थल पुगेका कैलाश मानसरोवर...
निगममा पाइलट टिकाउनै गाह्रो
काठमाडौं – राष्ट्रिय ध्वजावाहक नेपाल वायुसेवा निगम सानादेखि ठूला जहाज थप्ने तयारीमा छ तर, वरिष्ठ पाइलटले भने संस्था छाडिरहेका छन् । निजी क्षेत्रका विभिन्न आन्तरिक वायुसेवा कम्पनीमा पाइरहेको आकर्षक तलबभत्ता छाडेर निगममा ‘जेट इन्जिन’ जहाज उडाउन पाइने आसमा आएका चार पाइलटले राजीनामा दिएपछि उडान तालिकासमेत प्रभावित...
जेठ, काठमाडौं । १० पटक सम्म सगरमाथाको सफल आरोण गरिसकेका नेपाली पर्वतारोही फुर्वा तेन्जीङ शेर्पालाई बिहिबार सगरमाथाको बेसक्याम्पबाट उद्दार गरिएको छ । ११ आैं पटक सगरमाथा आरोहण गर्ने क्रममा शेर्पालाई स्वास प्रश्वासमा समस्या भएपछि क्याम्प २ बाट उद्दार गरिएकेा छ । शेर्पालाई स्वास प्रश्वासका साथै फ्रोस्ट वाइट...
पर्यटन विभागका अनुसार यो वर्ष ४१ समूहका ३७४ जनाले सगरमाथाको आरोहण
सल्लेरी सोलुखुम्बु, जेठ १ – सोमबारदेखि सगरमाथा आरोहणका लागि बाटो खुल्ला भएको छ । ज्यागेड ग्लोब कम्पनीका ११ जना पवर्तारोही शेर्पाको सक्रियतामा क्याम्प ४ देखि चुचुरोसम्मको बाटो निर्माण गरेसँगै आरोहणका लागि बाटो खुल्ला भएको हो । कम्पनीका पर्वतारोही शेर्पा पेमा छिरिङ शेर्पाको नेतृत्वमा गएको टोलीले बाटो...
