जीवन र जगत

बाँदर धपाईदिने उम्मेदवारलाई मतदान


पर्वत- लगाएको बाली सबै बाँदरले सखाप बनाएपछि यहाँका स्थानीयले जसले बादर नियन्त्रण कार्यक्रम ल्याउने प्रतिबद्धता जनाउँछ उसैलाई मतदान गर्ने योजना बनाएका छन्। पैंयूँ गाउँपालिका वडा नम्बर ६ भोर्लेस्थित काभ्राभञ्ज्याङ र काभ्रेका बासिन्दाले गाउँमा लगाएको सबै बाली बादरले घरमा भित्राउन नदिएपछि स्थानीय तहको चुनावको मुखमा यस्तो योजना बनाएका हुन।

विगत केही बर्षयता घरमा राखेको अन्नसमेत बादरले खाइदिन थालेपछि उनीहरुले अन्य सबै विकासे माग छाडेर बादर नियन्त्रणलाई प्रमुख मुद्दा बनाएका हुन्। भोर्लेको काभ्रे बादरकै समस्याले बर्षेनी बसाई सरेर तराई जान समेत लागेका छन् ।

‘बादरकै समस्याका कारण बर्षेनी ६/७ घर परिवार बसाई सर्दै गइरहेका छन्, यस्तै हो भने हामी पनि गाउँमा बस्ने अवस्था छैन’ स्थानीय बसुन्धरा भुसालले भनिन्–‘हाम्रो पहिलो प्राथमिकता नै सरकारले बाँदर नियन्त्रण गरोस् ।’ उनले यो स्थानीय तहको चुनावमा आफुसँग भोट माग्न आउनेलाई बाँदर नियन्त्रणको प्रतिबद्धता गरेमात्रै मत दिने बताइन् ।

‘अहिलेका लागि अन्य कुनैपनि विकास बरु चाहिएको छैन, हामीले लगाएको अन्नबाली आनन्दले घरमा भित्राउने वातावरण मात्रै भइदिएपुग्छ’ भुसालले भनिन् । उनले बाँदरको समस्याका कारण जग्गाजमिन समेत बाँझै छाड्नुपर्ने अवस्था भएको गुनासो गरिन् । उनीजस्तै भोर्लेमा बर्षेनी बादरको समस्याकै कारण बाझो जमिन बढ्न थालेको छ ।

बाँदर नियन्त्रण गरिदिन माग गर्दै सरकारी निकायमा समेत धाउदै आएका उनीहरुले बाँदर मार्न पाउनुपर्ने माग गरेका छन् । प्रहरी कार्यालयमा समेत पटक–पटक गएर बाँदर मार्न माग गरेका थिए, त्यहाँका बासिन्दाले। सबै निकाय धाउदा पनि कुनै सुनुवाई नभएपछि स्थानीयले अहिले चुनावको मुखमा उम्मेदवारसँग बाँदर नियन्त्रणको माग राख्ने निर्णय गरेका हुन ।

बाँदर नियन्यण गर्ने भरपर्दो प्रतिबद्धता ल्याउने उममेदवारलाई गाउँभरीकाले एकलौटी मतदान गर्ने दाबी उनीहरुले गरेका छन् । ‘खेतबारीमा मात्रै होइन, घरबाहिर कुनै अन्न राख्ने अवस्था नै छैन’ स्थानीय तोयानाथ भुसालले भने । उनले भोर्लेमा केही बर्षअघि बाँदर नदेखिने भएपनि कालीगण्डकी करिडोर खन्ने क्रममा बम पडकाएपछि त्यहाका बाँदर भोर्लेसम्म आएको दाबी गरे ।

बाँदर समस्याकै कारण भोर्लेमा अहिले ३० प्रतिशत जमिनमा पनि खेतीपाती नलगाएको उनको भनाई छ। उनले पनि गाउँमा मत माग्न आउने उम्मेदवारसमक्ष बाँदर नियन्त्रणको माग जोडदार उठाउने तयारी भएको जानकारी दिए । ‘निकै सताएपछि चुनावको मुखमा प्रतिबद्धता जनाएपछि उम्मेदवारले जितेपछि केही न केही उपाय लगाउने बिश्वास स्थानीयको छ’ भुसालले भने ।

भोर्लेमा मात्रै होइन, सरौँखोलामा समेत बाँदर निकै सताउने गरेको छ । विगतमा आफ्नै जमिनमा अन्नबाली लगाएर जिविकोपार्जन गर्नेहरु अहिले आफ्ना जग्गाजमिनहरु बाँझै राख्न बाध्य भएका छन्।

मङ्ल, बैशाख २६, २०७४ मा प्रकाशित

यसमा तपाइको मत

Loading...
Loading...

बाट अन्य

एक युवतीलाई सामूहिक बलात्कार गरेका चारजना युवकलाई प्रहरीले पक्राउ

असार, महोत्तरी । जिल्लाको औरही गाउँपालिका–२ मा एक युवतीलाई सामूहिक बलात्कार गरेका चारजना युवकलाई प्रहरीले पक्राउ गरेको छ । पक्राउ पर्नेमा औरही गाउँपालिका–२ बस्ने २२ वर्षीय सुनिल साह, २० वर्षीय अनिकेत यादव, २१ वर्षीय रमेश पञ्जियार र २० वर्षीय सुरेश यादव रहेको जिल्ला प्रहरी कार्यालय महोत्तरीका...

भूकम्प अतिप्रभावित १४ जिल्लाका भूकम्पपीडितलेअसार ७ र ८ र ९गते पन्ध्रसय थान ट्याक्सीको नम्बर प्लेट पाउने

 असार, काठमाडौं । भूकम्प अतिप्रभावित १४ जिल्लाका भूकम्पपीडितले भोलि असार ७ र ८ र ९गते पन्ध्रसय थान ट्याक्सीको नम्बर प्लेट पाउने भएका छन् । ट्याक्सीका लागि आवेदन दिएकामध्येबाट गोला प्रथामार्फत १५ सय जनालाई ट्याक्सीको प्लेट दिइनेछ । जिल्लागत रुपमा छुट्याएर तीन दिन लगातार गोलाप्रथा गर्न...

‘दुःखमा मलम लगाउनेलाई भोट’

महेशपुरपतार गाउँपालिका–६, सितापुरकी शीलादेवी सदायको घर विभिन्न पार्टीका चुनाव चिह्नअंकित झनडाले रंगिएको छ। घरसँगै उनी पनि चुनावी रङमा रंगिएकी छिन्।  तीनपटक मिति सर्दा सितापुरमा चुनावी चहलपहलमा कमी आएको छैन। गाउँ प्रवेश गर्नासाथ झन्डै २ किमि बस्तीका ९० प्रतिशत सबै घर चुनावी झन्डाले रंगिएको देखिन्छ।  ‘पहिला कांग्रेसले राख्यो,’...

घरमै बाँधेर राखिएकी टोखा नगर वडा नं ७ की करिब ६५ वर्षीया कान्छी तामाङलाई उद्धार

मानसिक सन्तुलन गुमाएपछि एक वर्षदेखि घरमै बाँधेर राखिएकी टोखा नगरपालिका वडा नं ७ की करिब ६५ वर्षीया कान्छी तामाङलाई उद्धार गरिएको छ । प्राप्त सूचनाका आधारमा महिला बालबालिका कार्यालयलगायतका सङ्घसंस्था मावनअधिकारकर्मी, सामाजिक अभियन्तासहितको टोलेले आज उद्धार गरी मानव सेवा आश्रमलाई जिम्मा लगाएको हो । “मानसिक अवस्था गुमाएपछि...

पानी खान नपाएर जङ्गली जनावरको मृत्यु हुन थालेपछि यहाँका जङ्गलमा ८४ पोखरी निर्माण

रुकुम – पानी खान नपाएर जङ्गली जनावरको मृत्यु हुन थालेपछि यहाँका जङ्गलमा पोखरी निर्माण गरिएको छ । जिल्ला समन्वय समितिअन्तर्गत नेपाल जलवायु परिवर्तन सहयोग कार्यक्रमको आर्थिक सहयोगमा जिल्लाका मग्मा, दुली, घेत्मा, पूर्तिमकाँडा, अर्मा, रुकुमकोट, चौखावाङ र चनुवाङका विभिन्न जङ्गलमा ८४ वटा पोखरी निर्माण गरिएको हो। खानेपानी अभावका...

सिंगै गाउँभरी रुवाबासी चलायो गुल्मिको एउटा बिवाहले

गुल्मी, ‘लौ नानी अहिलेसम्म बुहारी बनाएर पालेँ, अब छोरीको रुपमा कन्यादान दिँदैछु’ तम्घास ३ कि ६२ वर्षीया लक्ष्मी नेपाललीले विधवा बुहारीलाई कन्यादान दिँदै भनिन् ‘ अव माइतीको रुपमा मेरो घरमा आए, म छोरीको रुपमा सँधै स्वागत गर्नेछु ।’ लक्ष्मीले आफ्नी बुहारीलाई छोरीको रुपमा कन्यादान दिँदा...