अर्थ

इनरुवामा चौधरी ग्रुपले औद्योगिक ग्राम स्थापना गर्ने


विराटनगर – जिल्लाको सदरमुकाम भएर पनि पिछडिएको सुनसरी सदरमुकाम इनरुवामा चौधरी ग्रुपले औद्योगिक ग्राम स्थापना गर्ने भएको छ । दुई अर्ब रुपैया“ लगानीमा  औद्योगिक ग्राम स्थापना गर्न लागिएको उद्योगी विनोद चौधरीले बताए।

 औद्योगिक ग्रामका लागि करिब २५ विघा जग्गा किनिसकेको चौधरीले जानकारी दिए । औद्योगिक ग्राम तीन महिना भित्रै निर्माण सुरु हुने र एक वर्ष भित्रमा सञ्चालनमा आउने चौधरीले बताए । चौधरीका अनुसार औद्योगिक ग्राममा पहिलो चरणमा चौधरी ग्रुपले दुई अर्ब लगानीमा वाइवाइ चाउचाउको उद्योग स्थापना गर्ने योजना बनाएको छ । चाउचाउस“गै चौधरी ग्रुपका  सबै उत्पादनका प्लान्टहरू क्रमशः थप्दै  जाने योजना रहेको उद्योगी चौधरीले बताए ।

नवलपरासीबाट चौधरी ग्रुपले थालेको औद्योगिक ग्राम अभियान पूर्व देखि पश्चिम सम्मका विभिन्न स्थानमा बिस्तार गर्ने योजना रहेको चौधरीले जानकारी दिए । उनले भने‘नवलपरासीबाट सुरु गरेको औद्योगिक ग्राम देशका बिभिन्न स्थानमा विस्तार गर्दै लैजाने योजना बनाएका छौं ।’ औद्योगिक ग्राम स्थापनाले स्थानीय स्रोत साधनको परिचालन हुने र रोजगारीसमेत बढ्ने छ । यतिमात्रै हैन स्थानीय क्षेत्रको विकासमा पनि औद्योगिक ग्रामको स्थापनाले मद्दत पुर्याउने छ । नेपालकै सबै भन्दा ठूलो औद्योगिक घराना चौधरी ग्रुपले ठूलो लगानी गर्ने योजना बनाएको चौधरीले बताए । उनका अनुसार चौधरीग्रुपले जलविद्युत उत्पादनको क्षेत्रमा ५० अर्ब भन्दा बढी लगानी गर्ने घोषणा गरिसकेको छ । चौधरीले भने‘हामीले मात्रै जलविद्युत क्षेत्रमा ५० अर्ब भन्दा बढी लगानी गर्ने घोषणा गरेका छौं ।’ उनले नेपालमा जलविद्युत उत्पादनको क्षेत्रमा लगानी ह्वात्तै बढेको पनि बताए । उनले भने‘जलविद्युत क्षेत्रमा वेपत्ता रुपमा लगानी भइरहेको छ ।’ विकास कम भएको स्थाननै आफ्नो प्राथमिकतामा रहेको पनि चौधरीले बताए ।

कम विकास  भएको ठाउ“मै धेरै अवसर हुने भएकाले आफ्नो रोजाइ कम विकास भएका स्थानहरू नै हुने गरेको चौधरीको भनाई छ । उनले भने ‘जहा“ कम विकास हुन्छ त्यहा“ धेरै अवसर हुन्छ ।’ अवसरको दृष्टिकोणले नेपाल पनि लगनी गर्नलाई योग्य देश रहेको चौधरीले बताए । नेपालमा वैदेशिक लगानी भित्राउने प्रयासहरू भइरहे पनि तत्कालै ठूलो मात्रामा लगनाी आउने संभावना न्यून रहेको चौधरीको विशलेषण छ ।

चुनाव हुने संकेतले राजनीतिक स्थिरता तर्फ देश अघि बढे पनि राजनीतिक स्थिरता हुन्छ भन्ने अझै सुनिश्चित भइसकेको छैन । लगानी सम्मेलनहरूमा खर्बौं रुपैया“ लगानी ल्याउने प्रतिबद्धता आए पनि राजनीतिक अस्थिरताको अवस्था अन्त्य नभए सम्म ठूलो मात्रामा लगनाी आउने संभाबना कमै हुने चौधरीको भनाई छ । उनले भने ‘स्थिर राजनीति नभए सम्म ठूलो मात्रामा बैदेशिक लगानी भित्रने संभावना न्यून छ ।’  उनले कामचालाउ वा संसोधनका नाममा बजेट रोक्ने काम गर्न नहुने पनि  बताए । उनले भने ‘कुनै पनि बहानामा बजेटलाई निर्धारित समय भन्दा पछि लैजानु हुँदैन ।’

कोसी हरैचा उद्योग वाणीज्य संघ, इन्द्रपुर जेसिज र लाइन्सक्लवले संयुक्तरुपमा मोरङको कोशी हरैंचामा आयोजना गरेको विजनेश सेमिनारलाई पनि चौधरीले सम्बोधन गरेका थिए ।मंगलबारदेखि सुरु भएको दुई दिने सेमिनारलाई सम्बोधन गर्दै चौधरीले नया“ पिढीले आफ्नो पेशालाई सम्मान गर्दै विस्तार गर्ने हो भने देश बन्न समय नलाग्ने पनि बताए ।

पूर्वाञ्चलका युवा उद्योगी व्यवसायी तथा उद्योग व्यवसाय सुरु गर्न चाहने साँढे ४ सय युवाहरूको सेमिनारमा सहभागिता रहेको छ । सेमिनारमा पूर्व राजस्व सचिव रामेश्वर खनाल, व्यवसायी कर्ण शाक्य लगायतले सहजीकरण गरिरहेका छन्  ।

बिहि, बैशाख २८, २०७४ मा प्रकाशित

यसमा तपाइको मत

Loading...
Loading...

बाट अन्य

मंसिर अन्तिमसम्म प्रदेश र केन्द्रीय संसदको निर्वाचन एकै चरणमा सम्पन्न गर्ने गरी सरकारको गृहकार्य सुरु

नेपाली कांग्रेसका नेता डा. प्रकाशशरण महतले मंसिर अन्तिमसम्म प्रदेश र केन्द्रीय संसदको निर्वाचन एकै चरणमा सम्पन्न गर्ने गरी सरकारले गृहकार्य सुरु गरेको बताएका छन् ।   दुई वटै निर्वाचन एकै चरणमा गर्नु पर्ने उनले बताए । बुधबार रिपोर्टर्स क्लब नेपालले आयोजना गरेको साक्षात्कारमा नेता महतले भने भने,...

तोखा केब मिनी फनपार्कको बार्षिक उत्सव कार्यक्रम

तोखा केब मिनी फनपार्कको बार्षिक उत्सव कार्यक्रमका प्रमुख अतिथि तोखाका मुलनाइके हेमराज श्रेष्ठ विषेश अतिथि नेपाल उधोग बाणिज्य महासंघका ३ प्रदेशका अध्यक्ष दिनेश श्रेष्ठ बोतल वाटर उधोग संघका सुवाश भन्डारी लगायतले शुभकामना मन्तब्य राख्नु भएको थियो। साथै स्थानीय निकायका तोखा नगरपालिका निर्वाचीत मेयर प्रकाश अधिकारी...

एनसेलले पुँजीगत लाभकर बापतको झण्डै १३ अर्ब रुपैयाँ सरकारलाई भुक्तनी गरे

  जेठ, काठमाडौं । एनसेलले पुँजीगत लाभकर बापतको झण्डै १३ अर्ब रुपैयाँ सरकारलाई भुक्तनी गरेको छ । आज अाइतबार ऐनसेलले आन्तरिक राजश्व विभागअन्तरतको ठूला कसरदाता कार्यालयमा झण्डै १३ अर्ब रुपैयाँ बराबरको दाखिला गरेको हो । लामो समयदेखिको विवादलाई छिचोल्दै एनसेलले कर दाखिला गरेको कार्यालय स्रोतले जानकारी  दियो । ...

सरकारले आर्थिक वर्ष ०७४/७५ को बजेटमा वित्तीय हस्तान्तरण

जेठ, काठमाडौं । सरकारले आर्थिक वर्ष ०७४/७५ को बजेटमा वित्तीय हस्तान्तरणका माध्यमले स्थानीय तहलाई रकम विनियोजन गरेको छ । स्थानीय तहले वित्तीय हस्तान्तरणको माध्यमबाट जाने बटेजसँगै आन्तरिक स्रोतबाट पनि बजेट बनाउनु पर्नेछ । संविधानले स्थानीय तहलाई आर्थिक तथा कानुन बनाउनेसमेत अधिकार प्रदान गरेको छ । यसले...

अर्थमन्त्री कृष्णबहादुर महराले १० जीवन बिमा कम्पनीलाई सञ्चालन स्वीकृति दिए

काठमाडौं – अर्थमन्त्री कृष्णबहादुर महराले १० जीवन बिमा कम्पनीलाई सञ्चालन स्वीकृति दिएका छन् । युनियन, आइएमई, सिटिजन्स, रिलायबल, ज्योति, महालक्ष्मी, सन नेपाल,  सानिमा, स्टार र रिलायन्सले बिहीबार सैद्धान्तिक स्वीकृति पाएका हुन्। १२ वटा जीवन बिमा कम्पनीले बिमा समितिमा सञ्चालन स्वीकृतिका लागि आवेदन दिएका थिए । त्यसमध्ये...

हाल १३ संस्थाले हकप्रद सेयर जारी

जेठ, काठमाडौं । राष्ट्र बैंक र बीमा समितिले आफु मातहतका कम्पनीहरुलाई तोकेको चुक्ता पुँजी पुर्याउने क्रममा हाल १३ संस्थाले हकप्रद सेयर जारी गरिरहेका छन् । वित्तीय संस्थाहरुमा सहयोगी बिकास बैंक, गोर्खा बिकास बैंक, ज्योती बिकास बैंक, तिनाउ डेभलपमेन्ट बैंक, नेपाल बंगलादेश बैंक, सानिमा बैंक, गरिमा बिकास...