साहित्य गतिबिधि

साहित्य र चलचित्र ः प्रथम र ऐतिहासिक सहकार्य


काठमाडौं, साउन २१ गते (संसाक) । साहित्यकार र चलचित्र कर्मीबीचको यो सहकार्य प्रथम र ऐतिहासिक रहेको कुरा बताउँदै नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले साहित्यकारले चलचित्रका कथा तथा गीत लेख्ने र चलचित्र कर्मीले साहित्यिक मन र भावनाले त्यसमा अभिनय गर्नसके नेपाली चलचित्रको स्तर, गरिमा र महत्व अझ बढ्ने बताउनुभयो । उहाँले भन्नुभयो ‘नेपाली चलचित्रको इतिहासलाई हेर्ने हो भने विगतदेखि आजसम्म पनि साहित्यकारहरूले लेखेका र उनका सिर्जनाहरूमाथि बनेका चलचित्रहरू धेरै अवधि चलेका, दर्शकले बढी मन पराएका देखिन्छन् ।’ कुलपति उप्रेतीले यही भाद्र २ गतेबाट नेपालभर प्रदर्शनको तयारीमा रहेको नेपाली कथानक चलचित्र ‘भुइँमान्छे’ को प्रायोजनमा संसाक पाक्षिक, निष्पक्ष मिडिया प्रा.लि. र साहित्यकार खेलकुद समाज नेपालको आयोजनामा ‘स्रष्टा र सिर्जनालाई भुइँमान्छेको सम्मान तथा राष्ट्रव्यापी कविता प्रतियोगिता’ को उद्घाटन गर्दै उक्त कुरा बताउनुभएको हो । ‘भुइँमान्छेलाई बिम्ब बनाएर मानवीय सम्वेदना, भावना र सामाजिक परिदृश्यलाई चलचित्रको टेलर, टिजर र गीतले जुन छुने काम गरेको देखिन्छ, यसबाट अवश्य पनि यो चलचित्रले सफलता पाउनेछ भन्ने लाग्छ’ प्रमुख अतिथि कुलपति उप्रेतीले भन्नुभयो, साहित्यलाई माया गरेर भुइँमान्छेको समूह खासगरी निर्माता रोहिणि भट्टराईले राष्ट्रव्यापी कविता प्रतियोगितासहित साहित्यकारहरूलाई जुन सम्मान गर्नुभयो यस्तो कार्य सायदै प्रथम र ऐतिहासकि हो, यस्ता सहआयोजनाले एकातिर चलचित्रको प्रचार–प्रसारमा ठूलो सहयोग पुग्नजानेछ भने अर्कातिर प्रतियोगी कविहरूका नयाँ सिर्जना आउनु, सम्मान र पुरस्कारले साहित्यमा लाग्न प्रेरणा मिल्नुका साथै अग्रज साहित्यकारहरूलाई पनि यस्ता साहित्यिक सम्मान र मायाले साहित्यप्रति अझ थप जिम्मेवारी बढ्नेजानेछ ।’

कार्यक्रममा भुइँमान्छेका निर्माता रोहिणि भट्टराई, अभिनेता रमेश बुढाथोकी र निर्देशक नवराज बुढाथोकीले साहित्य र चलचित्र एक आपसमा अन्तर्सम्बन्धित छन् । असल साहित्यकारले सिर्जना गरेको लेख, रचनाभित्र चलचित्र निर्माण गर्नसके नेपाली चलचित्र झनै उत्कृष्ट बन्नसक्ने र सफल पनि हुने लागेर नै साहित्यकारसँगको यो सहकार्यलाई जोडेको हो भन्नुभयो । ‘साहित्यकारहरू देशका गहना हुन्, निधि हुन् र समाजका ऐना हुन् । उनीहरूको सम्मान गर्नु सिङ्गो देशको, पूरै समाजको सम्मान हुने लागेर आज यसरी भुइँमान्छेको समूहले साहित्यकारहरूलाई यो सम्मान गरेको हो’, उहाँहरूको भनाइ थियो । आपूmले निर्माण गर्ने आगामी चलचित्रहरूमा साहित्यकारको लेख, रचनाहरूलाई प्रमुख स्थान दिने कुरा निर्माता रोहिणि भट्टराईले त्यस अवसरमा बताउनुभयो । अभिनेता रमेश बुढाथोकीले आजसम्म निर्माण भएका धेरै नेपाली चलचित्रहरू कारखानाबाट निकालिएका जस्ता एकै प्रवृत्तिका भएका र नयाँ विषय वस्तुलाई छुन नसकेकाले अस्पतालमा लास चिर्नेमान्छेको कथा–वस्तुमा आधारित भएर नयाँ प्रस्तुितका साथ आएको ‘भुइँमान्छे’ फिल्म उत्कृष्ट हुने कुरा बताउनुभयो ।
त्यसअवसरमा ‘भुइँमान्छे’ समूहको तर्फबाट प्रमुख अतिथि कुलपति उप्रेतीलाई सम्मान गरिएको थियो । कार्यक्रममा रचना वाचन गर्नुहुने अतिथि कविहरू प्रा.डा. गार्गी शर्मा, डा. सत्यराज थपलिया, वासुदेव गुरागाईं, वेदमणि घिमिरे, राधेश्याम लेकाली, भाग्यशाली अधिकारी, विजयध्वज थापा, नरेन्द्र बहादुर श्रेष्ठ, रामप्रसाद पन्त, अतृप्त पाण्डे, मोहनमणि पोखरेल, हरिमाया भेटुवाल, छविरमण सिलवाल, नरबहादुर बी.सी., शशी थापा पण्डित, गुप्तबहादुर श्रेष्ठ, सुदेश सत्याल, भैरबी ढुङ्गाना, थरेन्द्र वराल, सुस्मिता अर्याल, राधा पाण्डे, गोपा शर्मालगायतलाई पनि सम्मान गरिएको थियो ।
राष्ट्रव्यापी कविता प्रतियोगितासमेत आयोजना गरिएको त्यस समारोहमा प्राप्त ७१ वटा कविताहरूलाई पछिपार्दै नुवाकोटका कवि कृष्ण मोक्तान प्रथम, सोलुखुम्बुका कवि गणेशप्रसाद खतिवडा द्वितीय र काभ्रेकी कवि यशोदा अधिकारी, काठमाडौंका कवि प्रकाश वस्नेत गफाडी, काठमाडौंकै कवि गोविन्द नेपाल तृतीय हुनुभएको थियो । प्रथम हुनेलाई नगद रु.५ हजार, शिल्ड र प्रमाण–पत्र, द्वितीय हुनेलाई नगद रु.३ हजार, शिल्ड र प्रमाण–पत्र र तृतीय हुने तीनजनालाई क्रमशः नगद रु.२ हजार, शिल्ड र प्रमाण–पत्र प्रदान गरिएको थियो ।
सहप्राध्यापक हेमनाथ पौडेल, सहप्राध्यापक ध्रुव भट्टराई र उपप्राध्यापक गीता त्रिपाठी रहेको तीन सदस्यीय निर्णायक समितिले पुरस्कृत उत्कृष्ट पाँचवटासहित वाचनको लागि ३५ वटा कविताहरूको छनोट गरेको थियो ।
त्यसअघि कार्यक्रमलाई व्यवस्थित, मर्यादित र सहज बनाउन डा.शैलेन्दुप्रकाश नेपालको संयजकत्वमा सदस्यहरू उमेश पाण्डे, रत्नप्रसाद अनामणि श्रेष्ठ, तारा के.सी. र सन्जिव पौडेल रहेको ५ सदस्यीय आयोजक समिति गठन गरिएको थियो ।
अस्पतालमा लास चिर्ने व्यक्तिको जीवनका विविध पक्षलाई समेटेर निर्माण गरिएको बताइएको फिल्म ‘भुइँमान्छे’ मा रमेश बुढाथोकी र भलिबल खेलाडी सिपोरा गुरुङको प्रमुख भूमिका रहेको छ । आगामी भदौ २ गतेबाट देशैभर प्रदर्शन हुने यस फिल्मको प्रचार–प्रसारको लागि भुइँमान्छेको समूह देशव्यापी प्रचार अभियानमा छुटेको छ ।

शुक्र, साउन २७, २०७४ मा प्रकाशित

यसमा तपाइको मत

Loading...
Loading...

बाट अन्य

नाैलाे साहित्यिक बिहान समाज र याक्थुम प्रज्ञा प्रतिष्ठानले अायाेजित बहुभाषिक संगाेष्ठी भब्यताका साथ सम्पन्न

खाेज संवाददाता जेठ २७ पाँचथर फिदिम नाैलाे साहित्यिक बिहान समाज र याक्थुम प्रज्ञा प्रतिष्ठानलेले अायाेजना गरेकाे बहुभाषिक संगाेष्ठी भब्यताका साथ सम्पन्न भयाे ।अाजकाे कार्यक्रममा सभापति प्राज्ञ श्रवण मुकारूङ र प्रमुख अतिथि प्रज्ञाप्रतिष्ठानका कुलपति गंगाप्रसाद उप्रेती हुनुहुन्थ्यो । प्रेम अाेझा, राज माङ्गलक, मुनराज शेर्मा ,इन्द्रसिह राजवंशी, लक्ष्मी...

पाँचथर फिदिम बजारमा दुई दिवसिय बहुभाषिक साहित्य संगाेष्टि शुरू

खाेज संवाददाता जेठ २५ २०७५ पाँचथर पाँचथर जिल्लाकाे सदरमुकाम फिदिम बजारकाे  जिल्ला समन्वय समितिकाे हलमा दुई दिवसिय बहुभाषिक साहित्य संगाेष्टि शुरू भएकाे छ ।  नेपाल प्रज्ञाप्रतिष्ठान  काठमाडौंकाे प्रायाेजनमा नाैलाे  साहित्यिक समाज नेपाल र  याक्थुम पज्ञा प्रतिष्ठानले अायाेजना गरेकाे उक्त प्रदेश स्तरीय कार्यक्रममा अविरल वर्षाका बाबजुत पनि...

बरिष्ट साहित्यकार विश्वबिमोहन श्रेष्ठ सम्मानित

आज २०७५ साल ज्येष्ठ १२ गते युगकवि सिध्दिचरण श्रेष्ठको १०७औं जयन्ति मनाउँदै लीलाध्वज थापा साहित्य प्रतिष्ठानको एकाईसौं रचना वाचन तथा स्रष्टा सम्मान कार्यक्रन सम्पन्न भयो । सो कार्यक्रममा वरिष्ट साहित्यकार श्री विश्वबिमोहन श्रेष्ठ स्रष्टा सम्मान ग्रहण गर्नुहुँदै युगकवि सिध्दिचरण तथा उपन्यासकार लीलाध्वज थापाको बारेमा चर्चा...

साहित्य समाजकाे सर्जक जमघट

सर्जक जमघट साहित्य समाजकाे सर्जक जमघटकाे श्रृङखला डा घनश्याम परिश्रमीकाे प्रमुख अातित्यतामा र अतिथिहरूमा डा विदुर चालिसे ,पाेष्टराज चापागाईं, कलानिधि दाहाल र सुनिल अधिकारी अादी रहनुभएकाे छ । कार्यक्रममा ३ वटा मुक्तक, एक गजल र एक कविता मध्ये कुनै एक विधामा रचना वाचन गर्न पाइन्थ्यो...

देशविदेशका २२ जनालाई नइ पुरस्कार

काठमाडौँ, वैशाख ३० गते । वाङमय शताब्दी पुरूष डा.सत्यमोहन जोशीले राजधानी काठमाडौमा देशदेशान्तरका २२ जना स्रष्टाहरूलाई नइ पुरस्कार समर्पण गर्नुभयो । नइ प्रकाशनले हरेक वर्ष शताब्दी पुरूष डा. सत्यमोहन जोशीकै शुभजन्मोत्सवका अवसरमा आफ्नो वार्षिक कार्यक्रम सञ्चालन गर्दै आएको छ । नइ प्रकाशनका तर्फबाट डा.सत्यमोहन जोशीलाई दुबोको माला...

थापा र अधिकारीलाई बधाई तथा शुभकामना !

काठमाडौं, वैशाख २७ गते । संसाक मासिक र खोज टी.भी.ले कवि मित्र रविन्द्र थापा र यशोदा अधिकारीलाई एक कार्यक्रमकाबीच बधाई तथा शुभकामना प्रदानगरेको छ । थापा हालै प्रहरी नायव निरीक्षक पदबाट प्रहरी निरीक्षक पदमा बढुवा हुनुभएको छ भने अधिकारीले रेडियो नेपालको अधिकृत तहमा लोकसेवा उत्तीर्ण गरी कामको...