स्थानीय समाचार

रोकिएको भिमसेन जात्रा ३ वर्ष पछि पुनः भव्य रुपमा सम्पन्न


नेवाः समुदाय मात्र नभई सम्पूर्ण व्यापार व्यवसायीहरुको आराध्य देवका रुपमा पुजिने भिमसेनको पूजाआजाले व्यापार व्यवसाय फस्टाउने विश्वास विशेषतः उपत्यकावासीमा रहिआएको छ । भाद्र महिनाको अष्टमीका रात देखि पूजाआजाकालागि घुँइचो लाग्ने पाटन दरबार क्षेत्रका भिमसेन मन्दिरको विशेष मूर्ती नवमीका रातमा नगरको परिक्रमा गराई भव्य जात्राको रुपमा मनाउने प्रचलन रहेको छ ।

पाटन नगरीको प्रमुख जात्राहरुको मूल रुट — सापारु रुटमा उपत्यकाभरीका व्यवसायीहरु वासनायुक्त धूपबत्ती बालेर भिमसेन महाराजको जयजयकार गर्दै घुमाइने गरिन्छ भने विभिन्न व्यवसायीहरु रहेका प्रत्येक घरका मूलीहरु आफ्ना घरका छतमुनी बसेर धूप अगरबत्ती र देशी घिउमा बनाइएका विशेष बत्ती बालेर स्वागतार्थ कुर्ने र पूज्ने गर्दछन । “भिन्द्योजात्रामा मात्र हैन हामी व्यवसायीहरु प्रत्येक दिन र विशेष गरि मंगल र बिहिबारका शुभदिन पारेर व्यवसाय शूरु गर्नु अगाडी नै भिमसेन देवताको पूजाआजा गर्ने गर्दछौं ।” ललितपुरका एक व्यवसायीले भने । उनका अनुसार भिमसेनको प्रिय मानिने लड्डु र पेंडा चढाई पूजाआजा गर्नाले व्यवसाय राम्रो हुने गर्दछ भने भिमसेन जात्रामा विशेष व्यवस्था गरि मंगलबजारस्थित भिमसेन मन्दिरमा पूजापश्चात ल्याइएको धूपबत्तीले वर्षभरि राम्रो व्यापार चल्ने जनश्रुति रहेको छ ।

“पाटनका साँघुरा गल्ली र तीनमा पनि भूकम्पपश्चात लगाइएका टेकोहरु रहेतापनि यस वर्षदेखि पुनःपरिक्रमा गरि सञ्चालनमा ल्याइएको भिमसेन जात्रा शान्तिपूर्वक आलेख्य जनसहभागिता र हर्षोल्लासका साथ सम्पन्न भएको छ,” ललितपुरका तयारी पोशाक व्यवसायी बिरेन्द्र शाक्यले भने, “महाभारतको पुराण अनुसार असत्यमाथि सत्यको विजयसंगै ब्यापारिक दृष्टिकोणले वैष्य समुदायको सर्वोपरि हित गर्ने आराध्य देवको रुपमा रहेका भिमसेनको जात्राको पुनःसञ्चालनले व्यवसायीहरुमा अबका दिन फेरी राम्रा हुनेछन भनि नयाँ उमंग थपिएको छ । ” तीन वर्ष पछि पुनः सञ्चालनमा ल्याइएको जात्राका क्रममा कुनै प्रकारको उश्रृmखंल र झैंझगडा नहोस भनि यस वर्ष पनि प्रहरीको व्यवस्थापन निकै सुव्यवस्थित रहेको पाइएको छ । जात्राको रथ, सडक व्यवस्था र साँघुरोपनाले निम्तिन सक्ने सम्भावित क्षेत्रहरुको पहिचान गरि सशस्त्र लगायत परिसरको समन्वयसहित विशेष पहल गरेकाले केही ठेलमठेलबीच पनि शान्तिपूर्ण र सूरक्षित तरीकाले जात्रा सम्पन्न गरिएको महानगरिय प्रहरी प्रभाग मंगलबजारका प्रहरी निरीक्षक प्रकाश थापाले जानकारी दिए ।

ललितपुरकै एक प्रतिष्ठित व्यापारीका अनुसार व्यापार व्यवसायमा धन आर्जनकालागि जसरी विशेष रुपमा लक्ष्मी पूजिने गरिन्छ त्यसरी नै व्यापारका रक्षा गर्ने आराध्यदेवका रुपमा पनि भिमसेनलाई लिइने गरिन्छ । देशभर विभिन्न स्थानमा हुने भिमसेनको जात्रामध्ये ललितपुरमा हुने भिमसेन जात्रा सर्वाधिक लोकप्रिय रहँदै आएको छ । पाटनमा जात्रा पश्चात सोही राती भिमसेनको मूर्ती पुनः मन्दिर भित्र लगेर रात्रीकालीन पूजा गर्ने चलन रहेको छ भने चार दिन पछि पुनः बिचाः पुजा पनि गर्ने गरिन्छ । भूकम्पले भित्रभित्रै क्षति पुर्याएको पाटन दरवारस्थित उक्त भिमसेन मन्दिर वरपर अझै पनि टेको लगाईएको छ । उक्त मन्दिरको जिर्णोद्धार वा पुनःनिर्माणकालागि ललितपुर उद्योग बाणिज्य संघ तत्पर रहेको र भारतीय राजदूतावास समेत सहयोग गर्न तयार रहेको बताइएतापनि यसतर्फ निर्माण कार्यमा अझैपनि कुनै टुंगो भने लागेको देखिदैंन

बिहि, भदौ १, २०७४ मा प्रकाशित

यसमा तपाइको मत

Loading...
Loading...

बाट अन्य

३३ किलो सुन तस्करी गोरेले बाबुलाई भेटेर के भने ? अनुसन्धान प्रभावित पार्ने गोरेको प्रयास!!!

 साढे ३३ किलो सुन तस्करीका मुख्य अभियुक्त चुडामणि उप्रेती गोरेसँग बिहीबार पनि बयान भएको छ । जिल्ला अदालत मोरङमा करिव ५ घण्टा चलेको बयानमा गोरेले सोधेको प्रश्नभन्दा अनौपचारिक बढी गरेका छन् । बुधबार पनि झण्डै ५ घन्टा बयान भएको थियो । तर, उनले सुन तस्करीको...

जेष्ठ मेला समापन गर्न हेलिकप्टर द्धारा गाँउ जादै अतिथि

शोले युवा कल्ब तमानखोला गाँउपालीका ४ लाम्मेला बाग्लुङ्गले हरेक वर्ष आयोजना गर्ने जेष्ठ मेलाको समापन ११ गते गरिने भएको छ र उक्त समापन कार्यक्रमा प्रभु बैक कमलादी काठमाण्डौका अध्यक्ष देवी प्रकाश भट्टचन,थकाली सेवा समाज काठमाण्डौ का अध्यक्ष खगेन्द्र भट्टचन,तारा प्रकाश भट्टचन र निर्गुन भट्टचन...

महानगरीय प्रहरी प्रभाग गोंगबुले यौन व्यवसायमा संलग्न ३४ जनालाई पक्राउ गरे

वैशाख, काठमाडौं । महानगरीय प्रहरी प्रभाग गोंगबुले यौन व्यवसायमा संलग्न ३४ जनालाई पक्राउ गरेको छ । प्रभागले शनिबार राति गोंगबु क्षेत्रको दीपज्योति र मित्रनगर आसपासमा गरेको संयुक्त अपरेशनमा खाजा घर सञ्चालनको नाममा यौन व्यवसाय सञ्चालन गर्ने, लागुऔषध बिक्री वितरण गर्ने तथा जुवा खेल्ने ३४ जनालाई नियन्त्रणमा...

जागिर दिने प्रलोभन देखाएर मानिस जम्मा पर्ने र रकम लिएर ठगी गर्ने समूहको धन्दा

१९ फागुन, काभ्रे । बेथानचोक ओमविक्रम लामा रोजगारीका लागि विदेश जाने तयारीमा थिए । कक्षा १२ मा अध्ययन गर्दागर्दै भारतको गोवा पुगेर वेटर काम गरेका उनी १२ बैशाख २०७२ को भूकम्पपछि नेपाल आएका थिए । घर बनाउने लगायतका काम गरेपछि गोवा होइन, विदेश जाने सोच बनाए...

लक्ष्मीप्रसाद मिश्रको दोस्रो काव्य कृति नशामा डुबेको जीवनको लोकापर्ण

खोज संवाददाता –लमजुङ, सुन्दरबजार महोत्सवको सु–अवसरमा मिठो स्वरका धनी गीतिकाव्य लेखनका बादशाह लक्ष्मीप्रसाद मिश्रको दोस्रो काव्य कृति नशामा डुबेको जीवनको लोकापर्ण प्रदेश नं ४ का मानननिय मुख्य मन्त्री पृथ्बी शुब्बा गुरुङबाट सुसम्पन्न भयो । राष्ट कवि माधव धिमिरेको जन्मथलो लमजुङलाई साहित्यको राजधानी बनाउनुपर्छ भन्ने अभियानको...

बन्दकर्ताहरुले मोरङको विराटनगरमा विहानै दुई मालबहाक ट्रकमा अागजनी

फागुन ८, काठमाडौं । अाज नेपाल बन्द गर्ने पुर्व जानकारी हुदाहुदैपनि बन्दकाे अवज्ञा गरेको भन्दै बन्दकर्ताहरुले मोरङको विराटनगरमा विहानै दुई मालबहाक ट्रकमा अागजनी गरेका छन् । मोरङको सलकपुर र ढाटमा आगजनी गरिएको जानकारी प्राप्त भएको छ । नेपाल कम्युनिस्ट पार्टीले अाज अाह्वान गरे‍को नेपाल बन्दले बन्दकाे प्रभाव विहानैबाट देशैभरी...