राजनिति

बाढीले बस्ती खाली, छलफल गर्ने संसद् खाली


भदौ, काठमाडौं । आज प्रकाशित पत्रपत्रिकाहरुले विविध विषयहरुलाई स्थान दिएर छापेका छन् । विशेष गरेर बाढी र पहिरोका विविध पाटा–पक्षबारे आज पनि पत्रपत्रिकाहरुले लेखेका छन् ।

बाढी र पहिरोले पहाड र तराईका १२५ भन्दा बढी सर्वसाधारणको मृत्यु, हजारौं घर र लाखौं हेक्टर खेतीयोग्य जमिन डुबानमा परेको विषयमा छलफल गर्न बुधबार संसद्को बैठक बोलाइएको भए पनि संसदमा सांसदहरु उपस्थित नभएको खबर आजको पत्रपत्रिकाहरुले लेखेका छन् ।

 

नेपालमा बर्सेनि जस्तो हुने डुबानबारे पनि पत्रपत्रिकाहरुले आज लेखेका छन् । प्रदेश र केन्द्रीय संसद्को् चुनाव एकैपटक गर्न तीन दल सहमत भएको पनि आजका पत्रपत्रिकाहरुमा पढ्न पाइन्छ ।

संविधान संशोधन प्रक्रिया फेरि सुरु भएको विषयलाई मुख्य खबर बनाएको गोरखापत्रले निर्वाचन मिति घोषणा गर्न प्रधानमन्त्री परामर्शमा लागेकोदेखि प्रधानमन्त्रीलाई चीन भ्रमणको निम्तो सम्मको खबरलाई स्थान दिएर पहिलो पृष्ठमा छापेको छ ।

बाढी र पहिरोले देश तहस–नहस भएका बेला जनताका पीरमर्का राखेर सरकारलाई घच्घचाउनु  पर्ने सांसद्हरु नै संसद् बैठकमा अनुपस्थित रहेको खबरलाई आज नयाँ पत्रिका दैनिकले लेखेको छ । बाढीपीडितलाई भइरहेको राहत सहयोगबारे पनि नयाँ पत्रिकाले एक सामग्री छापेको छ ।

‘न रहे बाआमा, न रह्यो घर’ शीर्षक दिएर कान्तिपुर दैनिकले बाढीपीडितका पीडादायी कथा पस्केको छ । कान्तिपुरमै केन्द्र र प्रदेशको चुनाव एकै मितिमा हुने खबर समेत छ ।

नागरिक दैनिकले नेपाल डबाउने भारतीय बाँधबारे लेखेको छ भने राजधानी दैनिकले गाउँगाउँमा सिंहदरबार नारामै सीमित हुन पुगेको छापेको छ । अन्नपूर्ण पोस्ट दैनिकले भारतीय तटबन्धले नेपालमा बर्सेनि पार्दै आइरहेको डुबानबारे लखेको छ ।

बिहि, भदौ १, २०७४ मा प्रकाशित

यसमा तपाइको मत

Loading...
Loading...

बाट अन्य

चीनले नेपालसँगको प्रमुख व्यापारिक तातोपानी–खासा नाका सधैँका लागि बन्द गर्ने तयारी गरे

असोज, काठमाडौं । चीनले नेपालसँगको प्रमुख व्यापारिक तातोपानी–खासा नाका सधैँका लागि बन्द गर्ने तयारी गरेको छ । उसले यसबारे नेपालसमक्ष औपचारिक प्रस्तावसमेत राखेको छ । नेपालले प्रयोग गर्दै आएको खासा–ओलाङचुङगोला सडक नाका बन्द गर्ने चिनियाँ प्रस्तावपछि बुधबार थप सडक नाका खुलाउनेबारे दुई देशबीच हुन लागेको प्रोटोकल...

महोत्तरीको गौशाला नगरपालिका–८ मा ग्यास सिलिन्डर विस्फोट

भदौ, महोत्तरी । महोत्तरीको गौशाला नगरपालिका–८ मा ग्यास सिलिन्डर विस्फोट भएको छ । स्थानीय तहको तेस्रो चरणको निर्वाचन आउन एक हप्तामात्र समय बाँकी रहेको समयमा मंगलबार राति अज्ञात समूहले ग्यास सिलिन्डर विस्फोट गराएको प्रहरीले जनाएको छ ।   स्थानीयवासी उमेश महतोको उखुबारीमा अज्ञात समूहले ग्यास सिलिन्डर पड्काएर फरार...

काठमाडौं महानगरपालिकामा मेयर विद्यासुन्दर शाक्य र उपमेयर हरिप्रभा खड्गीबीच विवाद चर्किए

भदौ, काठमाडौं । काठमाडौं महानगरपालिकामा मेयर विद्यासुन्दर शाक्य र उपमेयर हरिप्रभा खड्गीबीच विवाद चर्किएको छ । एमालेबाट निर्वाचित मेयरको कार्यशैलीप्रति असन्तुष्टि जनाउँदै कांग्रेसबाट निर्वाचित उपमेयरसहित १० वडाध्यक्षले बुधबारका लागि बोलाइएको नगर कार्यपालिका बैठक नै बहिस्कार गरेका छन् ।   मेयर शाक्यले महानगरमा एकलौटी निर्णय गर्ने तथा फिर्ता लिन...

२०६ जना केन्द्रीय परिषद् सदस्यहरुले पार्टीका संयोजक डा. बाबुराम भट्टराईलाई छाडेर देवेन्द्र पौडेलको नेतृत्वमा

 भदौ, काठमाडौं । नयाँ शक्ति पार्टीका केन्द्रीय परिषद् सदस्यहरुले पनि विद्रोह गरेका छन् । २०६ जना केन्द्रीय परिषद् सदस्यहरुले पार्टीका संयोजक डा. बाबुराम भट्टराईलाई छाडेर देवेन्द्र पौडेलको नेतृत्वमा गठित ध्रुविकरण केन्द्रीय संयोजन समितिलाई समर्थन गरेका हुन् ।   पार्टीका संघीय परिषद् सदस्य बलराम पुनको नेतृत्वमा २०६ जना केन्द्रीय...

नेकपा एमालेले बाढी प्रभावित जिल्लाहरुमा राहत र उद्वारको लागि पार्टी कार्यकर्ता परिचालन गर्ने

काठमाडौं- नेकपा एमालेले बाढी प्रभावित जिल्लाहरुमा राहत र उद्वारको लागि पार्टी कार्यकर्ता परिचालन गर्ने भएको छ। नेकपा एमाले सम्बद्ध जनसंगठनहरुको नेतृत्व र समन्वय गर्ने संगठन मोर्चा संगठनको बैठक प्रमुख तथा पार्टी सचिव गोकर्ण विष्टको अध्यक्षतामा बसेको बैठकले बाढी प्रभावित जिल्लामा राहत र उद्वारको समन्वय गर्न...

डा. बाबुराम भट्टराई दुई वर्षमै एक्लिए

 साउन, काठमाडौं । विल्कुलै फरक, नयाँ र वैकल्पिक राजनीतिक दल निर्माण गर्ने उद्देश्यसहित नयाँ शक्तिको निर्माणमा लागेका पूर्वप्रधानमन्त्री डा. बाबुराम भट्टराई दुई वर्षमै एक्लिएका छन् । ३५ वर्षको कम्युनिस्ट राजनीतिबाट एकाएक ‘नयाँ कोर्स’ सुरु गरेका भट्टराई आफ्नो अभियानमा कामयावी हुन सकेनन् । अन्ततः उनी अहिले आफैंले...