अन्तर्वार्ता

मंसिरको पहिलो हप्ताबाट विराटनगर जुट मिल संचालनमा आउने

-प्रकाश ढुंगाना


मुलुककै पहिलो उद्योग विराटनगर जुट मिल बन्द अवस्थामा छ।  विस १९९३ सालमा स्थापना भएको उद्योग धरासायी भएपछि सरकारले ३ पटक चलाउने प्रयास गर्‍यो । ती सबै प्रयास असफल भए ।

आजभन्दा १५ वर्षअघि नीजि क्षेत्रको गोल्छा अर्गनाइजेसनलाई सरकारले उद्योग संचालन गर्ने जिम्मा दियो ।  मजदुर आन्दोलनको भार उसले थेग्न सकेन र हात झिक्यो।

चरम राजनीतिक हस्तक्षेपको चपेटामा परेको उद्योग पुन संचालन तयारीको अन्तिम अवस्थामा पुगेको छ। यसैसन्दर्भमा विराटनगर जुट मिल लिमिटेडका अध्यक्ष बसन्त वनसँग गरिएको कुराकानी

फेरि विराटनगर जुट मिल संचालनमा आउने भयो, तयारी कहाँ पुग्यो ?

लगभग लगभग तयारीहरु सकिन लागेका छन्। हामीले युद्धस्तरमा काम अगाडि बढाइरहेका छौं।  काठमाडौं विश्व विद्यालयका मेकानिकल इन्जिनियर, इन्जिनियरिङ अध्ययन गरिरहेका विद्यार्थीहरु र यस उद्योगमा पहिले काम गरेका मेकानिकल इन्जिनियरहरुको टोलीबाट मेकानिकल अडिट पश्चात मेसिनहरु मर्मत गरिरहेका छौं ।

मंसिरको पहिलो हप्ताभित्र उद्योग संचालन गर्ने तयारीमा हामी छौं। सुरुमा दैनिक १० टन जुट उत्पादन गर्ने र केही समयपछि २० टन उत्पादन गर्ने लक्ष्य हामीले राखेका छौं । विराटनगर जुट मिलको क्षमता दैनिक ४५ टन जुट उत्पादन गर्ने हो । हामीले लिएको लक्ष्य अनुसार काम हुने हो भने जुट मिल वर्षको २८ करोड मुनाफा दिन्छ।

नयाँ मेसिन नै किन्नु भयो कि पुरानै मेसिनबाट उत्पादन सुरु गर्न सकिने भयो ?

पहिला लिजमा लिएको विनमस इन्टरनेशनलले जुट मिलका मेसिनहरु कवाडी भइसकेको र नयाँ किन्नुपर्ने बताएको थियो। हामी सबैको मानसिकता पनि पुराना मेसिनहरु के संचालनमा ल्याउन सकिन्छ भन्ने नै थियो ।

भारतमा गएर जुट मिलमा प्लान्ट हेरियो, नयाँ मेसिनहरु हेरियो।  तर पुराना मेसिनले पनि पुराना प्रोडक्ट निकाल्न सक्छ भन्नेमा हाम्रो ध्यान गयो। बोरा, चकटी, धागो त पहिला पनि ती नै मेसिनबाट उत्पादन भएका हुन। विज्ञहरुको टोलीले पनि मेसिन मर्मत गरेर संचालन गर्न सकिने बतायो । पहिलाका पुराना पनि अहिले पनि उत्तिकै बलियो रहेको उनीहरुले बताए।

जुट मिलको ऋण हेर्ने हो भने, अहिले धेरै छ। यतिका धेरै ऋण तिर्ने जिम्मेवारी पनि तपाईँ नेतृत्वको टिमले कसरी व्यवस्था गर्छ ?

नेपाल बैंक लिमिटेडबाट १ करोड ७५ लाख ऋण लिएकोमा हाल बैंकको ब्याज मात्र १ सय ५५ करोडभन्दा बढी पुगेको छ। एनआएडिसीबाट १० लाख ऋण लिएकोमा ब्याज मात्र १ करोड ५७ लाख पुगेको छ।

२०५१ सालमा उदयपुर सिमेन्टबाट ४५ लाख रुपैयाँ लिएकोमा ८ करोड ७६ लाख रुपैयाँ उसलाई तिर्नुपर्ने छ। औषधि लिमिटेडबाट लिइएको औषधिको रकम तिर्न सकिएको छैन।

यसअघि जुट मिल थला परेपछि उस्कान बेला बेलामा ऋण लिइएको देखिएता पनि ब्यवस्थापन कमजोरका कारण त्यसलाई सेटल गर्न सकिएन। ऋण तिर्दा विशेष छुटको ब्यवस्था हुने कानुनी प्रावधान रहेछ। ऋण कसरी तिर्ने भन्ने विषयमा सरकार पनि सेयर होल्डर भएको हुदाँ विज्ञ टिम बसेर यसलाई टुंग्याउछौं ।

जुट मिलमा देखिएको सेयर विवाद के हो ?

सरकारको सेयर र नीजि क्षेत्रको सेयरमा विवाद देखिदैँ आएको छ।  श्री इन्डष्ट्रिजको नाममा २२७२१ कित्ता र सर्वसाधारणको नाममा ३५६६६ कित्ता देखिएको छ। अरुले पनि दाबी गरेका छन् ।

अब हामीले पुराना सेयरको हकवाला को हो थिए भने इतिहासकार राखेर हकवाला खोज्छौ। धितोपत्र बोर्डले सेयर निष्कासन गर्ने कम्पनीमा पहिलो विराटनगर जुट मिल र नेपाल बैंक लिमिटेड  भनेर सम्मान सम्मान समेत गरेको छ। विराटनगर जुट मिल बन्द भएपछि सेयर कारोबार बन्द भयो। बन्द भएका उद्योगहरुको सेयर कारोबार ओटिसीमार्फत थाल्ने तयारी भइरहेको छ।

विराटनगरमा नै अहिले ५ वटा जुट मिल संचालनमा छन्, उनीहरुसँग प्रतिष्प्रर्धा गर्न कत्तिको चुनौति छ जस्तो लाग्छ ?

उनीहरुसँग हाम्रो स्वस्थ प्रतिष्प्रर्धा रहन्छ। सहकार्य गरेर हामी अघि बढ्छौं। अर्को कुरा नेपालबाट अहिले जुट खेती लोभ भइसकेको छ। वाषिर्क ३ हजार देखि ४   हजार टन जुट उत्पादन नेपालमा हुन्छ भनिन्छ । सबैले जुट ल्याउने मुख्य बजार भनेको भारत हो, त्यसपछि बंगलादेश । अहिलेको बजार पनि उतै छ। उनीहरुसँग हाम्रो स्वस्थ प्रतिष्प्रर्धा रहन्छ।

संचालन हुदैँ पटक पटक बन्द हुदैँ आएको उद्योग संचालनमा जोखिम त छदैछ ? दिर्घकालिन रुपमा उद्योग संचालन गर्न केही योजनाहरु तय गर्नुभएको छ कि ?

अहिले ७० जना जनशक्ति छन् । २० टन उत्पादन सुरु गर्ने बेलामा १३ सय कामदार चाहिन्छ। मेसिन बनाएर पुरा संचालन गर्ने सोच छ। ४५ टन प्रतिदिन उत्पादन गर्न ३ हजारभन्दा बढीले रोजगारी पाउँछन् ।

नेपालमा पुरानो उद्योग भएका कारण औद्योगिक संग्राहलय निमार्ण गर्ने योजना छ। यसका लागि आवश्यक पहल अगाडि बढिसकेको छ। अवको ४ वर्षमा जुटको झोला र कपडा बनाउने मेसिन आयात गरेर उद्योगलाई आधुनिक रुपमा विस्तार गर्ने सोच छ।

४ वर्षमा १० हजार रोजगारी सिर्जना गरिनेछ । कृषकहरुलाई जुट खेतीतर्फ आकर्षित गर्न सरकारसँग मिलेर विभिन्न प्याकेजहरु ल्याउने छ।

आइत, कार्तिक २६, २०७४ मा प्रकाशित

यसमा तपाइको मत

Loading...
Loading...

बाट अन्य

‘केपी ओली उधारो भाका राख्छन्, वचन पूरा गर्दैनन्’– राधाकृष्ण मैनाली

माघ, काठमाडौं । नेकपा एमालेका पुराना नेता राधाकृष्ण मैनाली झापा आन्दोलन हुँदै तत्कालीन नेकपा मालेका जन्मदाता हुन् । वामपन्थी नेता मैनालीसँग दुईवटा पार्टी एकताका तीतामीठा अनुभव छन्ः एक- ०४७ साल चैतमा माले र मार्क्सवादीलाई मिसाएर नेकपा एमाले जन्माउँदाको  मीठो अनुभव । अनि दोस्रो -०५६ को...

कार्ल मार्क्सको दुर्लभ अन्तर्वार्ता, भने – “आजसम्म कुनै पनि महान् आन्दोलन विनारक्तपान भएको छैन”

सन् १८७९ मा अमेरिकी रिपब्लिकनहरुको अखबार ‘शिकागो ट्रिब्युन’ का एक सम्वाददाताले कार्ल मार्क्ससँग उनको लण्डनस्थित आफ्नै घरमा अन्तर्वार्ता लिए । धेरै वर्षसम्म ‘ट्रिब्युन’ समाजवाद र उदीयमान ट्रेड युनियनहरु दुबैको भावनात्मक झड्काको बिस्फोटन बनेको थियो (तिनीहरु समान ठानिएका र हरेक रचनाले मार्क्सलाई विश्व षडयन्त्रको मास्टरमाइन्डको रुपमा स्थिर रुपले चरितार्थ गर्यो ।)...

एकतामा दुबै अध्यक्ष सकारात्मक हुनहुन्छ, भोलिदेखि धेरै कुरा स्पष्ट हुन्छ: नारायणकाजी

छिट्टै पार्टी एकता गर्ने भन्दै एउटै घोषणापत्र बनाई प्रदेश र प्रतिनिधि सभाको चुनाव लडेका दुई वाम पार्टीहरु एमाले र माओवादी केन्द्रबीचको एकता प्रक्रियामा पछिल्लो समय केही आशंका उब्जिएको छ। दुई पार्टीको एकता संयोजन समितिको बैठक बस्न सकेको छैन। पार्टी नेतृत्व र सरकार गठनका विषयमा पनि दुई...

केपी ओली अशल शासक र भारतका असल मित्र हुन्- रञ्जित राय

पुस, काठमाडौं । नेपालका लागि भारतीय पूर्वराजदूत रञ्जित रायले नेकपा एमालेका अध्यक्ष केपी शर्मा ओलीको प्रशंसा गर्दै उनी भारतका असल मित्र एवं नेपालका अशल शासक भएको बताएका छन् ।   भारतीय पत्रिका दि वायरका लागि भारतीय पत्रकार माया मिरचाँदनीले लिएको भिडियो अन्तरवार्तामा पूर्वराजदूत रायले ओलीको मुक्तकण्ठले प्रश्ंसा...

‘शेरबहादुरले विश्राम नलिए म हस्तक्षेप गर्छु’

मंसिर, काठमाडौं । नेपाली कांग्रेसका युवा नेता एवं सांसद गगन थापाले शेरबहादुर देउवालाई स्वेच्छाले पार्टी सभापतिबाट विश्राम लिन र केन्द्रीय सदस्यमात्रै भएर बस्न आग्रह गरेका छन् । स्वेच्छाले जिम्मेवारी त्याग नगरे साथीहरुसँग मिलेर पार्टीभित्र हस्तक्षेप गरिने थापाले चुनौतीसमेत दिएका छन् । अनलाइनखबरसँगको विशेष अन्तरवार्तामा सांसद थापाले...

यौनिक अल्पसंख्य समुदायकी एकमात्र उम्मेदवार पिंकी

मंसिर, काठमाडौं । गुन्युचोलीमा सजिएकी युवतीको तस्वीर डा. बाबुराम भट्टराईकै ब्यानरको एक छेउमा देखिन्छ ।सडकमा यी युवती पनि अन्य उम्मेदवारहरुजस्तै माला र खादा लगाएर भोट माग्न व्यस्त भइन् । तर, यिनी महिला उम्मेदवार होइनन् र पुरुष उम्मेदवार पनि होइनन् ।   चुनावमा उनको एजेण्डा नै यस्तो रहेछ...