प्रविधि

सरकारले छिट्टै उपत्यकाका पाँच नाकामा ‘रेडियो फ्रिक्वेन्सी आइडेन्टिफिकेसन’ (आरएफआईडी) प्रणाली जडान गर्दै


 मंसिर, काठमाडौं । काठमाडौं उपत्यकामा बेला-बेलामा हत्या र अपराधका घटना हुने गरेका छन् । अपराधीको पहिचान हुने कुनै प्रविधि नहुँदा घटनामा संलग्न हुनेहरु लामो समय प्रहरीको आँखाबाट जोगिन सफल हुँदै आएका छन् ।

 

तर, अब त्यो इतिहास बन्ने क्रममा छ । सरकारले छिट्टै उपत्यकाका पाँच नाकामा ‘रेडियो फ्रिक्वेन्सी आइडेन्टिफिकेसन’ (आरएफआईडी) प्रणाली जडान गर्दैछ । सोही प्रणालीको माध्यमबाट अपराध गरेर भाग्न खोज्नेहरु केहीबेरमै समातिने यातायात व्यवस्था विभागले जनाएको छ ।

यस्तो छ तयारी

उपत्यकाका विभिन्न नाकामा ‘इम्बोस्ड नम्बर प्लेट रिडर गेट’ जडान गर्ने प्रक्रिया अगाडि बढेको हो । विभागका अनुसार पहिलो चरणमा नागढुंगा, जोरपाटी, नागार्जुन, साँगा र दक्षिणकाली नाकामा उक्त गेट जडान गरिँदैछ ।

विभागका प्रवक्ता डा. टोकराज पाण्डेका अनुसार दोस्रो चरणमा उपत्यकाबाहिरका पाँच वटा मुख्य शहरमा पनि अत्याधुनिक प्रणाली जडान गर्ने तयारी छ ।

पहिलो चरणका लागि जग्गा प्राप्तिको प्रक्रिया अगाडि बढेको पाण्डेले जानकारी दिए । उनका अनुसार सम्बन्धित स्थानीय तहले जग्गा उपलब्ध गराएलगत्तै गेट जडान गरिने छ ।

इम्बोस्ड प्लेट छपाइको जिम्मा पाएको टाइगर-डेकाटुर कम्पनीले नै ती गेटहरु जडान गर्नेछ । उक्त प्रणाली सञ्चालनमा आएसँगै उपत्यकाको सवारी व्यवस्थापनमा सहयोग पुग्ने सरकारी विश्वास देखिन्छ ।

‘केही समयपछि सबै सवारी साधनलाई अनिवार्य रुपमा इम्बोस्डमा जान बाध्य पार्छौं । त्यसपछि आपराधिक गतिविधिमा संलग्न भएका सवारी भित्रिएको र बाहिरिएको रेकर्ड यस्ता गेटहरुमा रहनेछ,’ पाण्डेले भने ।

उपत्यकामा भित्रिएका र बाहिरिएका सवारी साधनको अभिलेख अटोमेटिक रुपमा सरकारलाई प्राप्त हुने भएकाले सोही आधारमा उपत्यकाको सवारी व्यवस्थापन प्रभावकारी बन्ने अपेक्षा रहेको विभागका महानिर्देशक रुपनारायण भट्टराईले बताए ।

यसरी चिन्छ गेटले सवारी साधन

इम्बोस्ड नम्बर प्लेटमा यान्त्रिक माध्यमबाट अंक र अक्षर राखिएको हुन्छ । नम्बर प्लेटको कुनामा सात वटा साना संकेत अक्षर राखिएका छन्, जसलाई रिडर मेसिनले मात्र पढ्न सक्छ । प्लेटको पछाडि सुरक्षा ‘बार कोड’ राखिएको छ ।

प्लेटमा रेडियो फ्रिक्वेन्सी इन्फर्मेसन डिभाइस पनि जोडिएको हुन्छ । यसले सवारीसाधन कहाँ र कुन अवस्थामा छ भन्नेबारे निगरानी गर्ने प्रविधियुक्त गेटले नजिकको टावरलाई जानकारी दिन सक्छ ।

प्लेटमा जोडिएको चिप्सलाई मेसिनको सहायताले ‘रिड’ गरी सवारीसाधनको विवरण हेर्न सकिन्छ । उक्त विवरण सरकारको विद्युतीय अभिलेखमा सुरक्षित रहन्छ ।

इम्बोस्ड नम्बर प्लेट जडान भएका सवारीमा एउटा चिप्स स्टिकर टाँसिएको हुन्छ । उक्त स्टिकरमा सवारी साधनका विस्तृत विवरणहरु राखिन्छन् ।

उक्त नम्बर प्लेटमा राखिने प्रविधियुक्त चिप्सभित्र पनि सवारी धनी र सवारीका विभिन्न विवरण हुन्छन्, जसका आधारमा प्रहरीले सवारीको ‘डिटेल’ तुरुन्त लिन सक्छ ।

प्रहरीले हातैमा बोक्ने रिडर मेसिनले इम्बोस्ड नम्बर प्लेटलाई सहजै जाँच गर्न सक्छ । राजमार्गहरुमा राखिने गेटले पनि सवारीको सूचना राखिरहेको हुन्छ ।

गेट वारपार गर्ने जुनसुकै सवारीका सबै विवरण मेसिनले ‘रिड’ गर्दै कम्प्युटर प्रणालीमा ‘अटो इन्ट्री’ गर्नेछ ।

सोही माध्यमबाट कुन नम्बरको गाडी, कुन समयमा, कुन ठाउँमा पुग्यो भन्ने सूचना नम्बर प्लेटकै सहयोगमा प्रहरी र विभागले प्राप्त गर्न सक्छन् । उक्त सुविधाबाट प्रहरीलाई अपराध नियन्त्रणमा सहयोग पुग्ने विभागको भनाइ छ ।

सोम, मंसिर ४, २०७४ मा प्रकाशित

यसमा तपाइको मत

Loading...
Loading...

बाट अन्य

अमेरिकी अन्तरीक्ष एजेन्सी नासाले इतिहासमै पहिलोपटक सूर्यको सबैभन्दा नजिक पुग्ने

अमेरिकी अन्तरीक्ष एजेन्सी नासाले इतिहासमै पहिलोपटक सूर्यको सबैभन्दा नजिक पुग्ने यानको प्रक्षेपण गरेको छ । पार्कर सोलर प्रोव नामक अन्तरीक्षयानलाई नासाले फ्लोरिडास्थित केप केनरेभलबाट प्रक्षेपण गरेको हो । पार्कर सोलार प्रोब सूर्यको सबैभन्दा नजिक पुग्ने यान हुनेछ ।   स्थानीय समयअनुसार आइतबार बिहान साढे ३ बजे उक्त यानलाई...

काभ्रेको बनेपामा पनि यस्तै विमानस्थल बन्ने हो ; सन्दर्भ निर्माणधीन वुसान विमानस्थल ।

काठमाडौं । धेरैका लागि असम्भव भएका धेरै कुरा चीनका लागि भने सम्भव देखिएको छ । त्यसको पछिल्लो उदाहरण हो, निर्माणधीन वुसान विमानस्थल । चिनियाँ कामदारहरुले नयाँ विमानस्थल निर्माण गर्न एउटा पहाडै काटिदिएका छन् । चोङक्विङका कामदारहरुले समुन्द्री सतहबाट पाँचहजार नौ सय फिट अग्लो पहाडको टुप्पो काटेर...

ऋतिक रोशन पापड बेचिरहेको

फागुन । ऋतिक रोशनका केही तस्विर सार्वजनिक भएका छन्, जसमा उनी पापड बेचिरहेको देखिन्छन् । यी तस्विर केही दिन अघि जयपुर देखि करिब ९० किलोमिटर टाढा साम्भर रोडमा कैद गरिएका हुन् । ऋतिक त्यहाँ आगामी फिल्म ‘सुपर ३०’को सुटिङ गरिरहेका थिए । फिल्ममा उनी सुपर ३०...

सरकारलाई टेलिभिजनको डिजिटाइजेशन अघि बढाउने बाटो खुले

फागुन, काठमाडौं । सरकारलाई टेलिभिजनको डिजिटाइजेशन अघि बढाउने बाटो खुलेको छ । सर्बोच्च अदालतले यसअघि दिएको अन्तरकालीन आदेशलाई निरन्तरता नदिने आदेश दिएपछि एनालग केबल टेलिभिजनहरु बन्द गर्ने सरकारी निर्णय कार्यान्यवन हुने भएको हो । अब सरकारले यसअघि सुरु गरेको एनालग टेलिभिजन बन्द गर्ने काम अघि बढाउन...

बेलायती वैज्ञानिकहरुले फाइबरमा आधारित ब्याक्टेरियाबाट चार्ज हुने बायो ब्याट्री बनाए

बेलायती वैज्ञानिकहरुले फाइबरमा आधारित ब्याक्टेरियाबाट चार्ज हुने बायो ब्याट्री बनाएका छन् । बेलायतको बिंघम्टन विश्वविद्यालयका वैज्ञानिकहरुले यस्तो बायो ब्याट्रीको विकाश गर्न सफल भएका छन् । यो ब्याट्रीलाई भविष्यमा जिउमा पहिरिन सक्ने ग्याजेटमा राख्न सकिने सम्भावना रहेको वैज्ञानिकहरुले जनाएका छन् ।   विश्वविद्यालयको इलेक्ट्रिकल तथा कम्प्युटर साइन्स विभागका सहायक...

‘डिजिटल नेपाल’ बनाउन सञ्चार मन्त्रालयले थाल्यो तयारी, जापानी प्रतिनिधिमण्डलसँग छलफल

काठमाडौँ :  सूचना तथा सञ्चार मन्त्रालयले सूचना–प्रविधिको क्षेत्रमा फड्को मार्न रणनीतिक साझेदार भित्र्याउने सम्बन्धमा तयारी थालेको छ। सूचना तथा सञ्चार मन्त्री मोहनबहादुर बस्नेतले आज जापानी प्रतिनिधिमण्डलसँग मन्त्रालयमा भएको शिष्टाचार भेटमा नेपालको दूरसञ्चार क्षेत्रमार्फत मुलुकको प्रगति गर्न बलियो रणनीतिक साझेदार भित्र्याउने बारेमा छलफल गरेका हुन्। नेपालले विश्वको बदलिँदो नयाँ...