राजनिति

प्रमुख प्रतिपक्ष दल नेपाली कांग्रेसले छायाँ सरकार बनाउने


फागुन, काठमाडौं । प्रमुख प्रतिपक्ष दल नेपाली कांग्रेसले छायाँ सरकार बनाउने भएको छ ।

 

शनिबार बसेको प्रतिनिधिसभा र राष्ट्रियसभा सदस्यहरुको संयुक्त बैठकले विधान संशोधन गरेको छ, जसमा सरकारको कामकारबाहीको अनुगमन गर्न छायाँ सरकार बनाउने अवधारणा छ ।

सांसद गगन थापाले भने, ‘केन्द्रमा जतिवटा मन्त्रालय रहन्छ, त्यति नै छायाँ मन्त्री बनाएर काम गर्छौं ।

छायाँ प्रधानमन्त्री र मन्त्रीहरुले आआफ्ना मन्त्रालय अन्र्तगत सरकारबाट भएका कामको निगरानी गर्नेछन् । प्रदेश स्तरमा पनि छायाँ सरकार बनाइने उनले बताए ।

दलको नेतापछि चयनपछि छायाँ सरकार गठन प्रक्रिया सुरु हुनेछ । यसले पार्टीका सांसदहरुलाई प्रभावकारी बनाउन पनि भूमिका खेल्ने कांग्रेस नेताहरु बताउँछन् ।
संसदीय दलको विधान अनुमोदनका केन्द्रीय समितिमा पठाइएको छ ।

पहिलो बैठकमा संसद अवरुद्ध गर्ने प्रस्ताव

बैठकले राष्ट्रियसभाका तीन सदस्य मनोनयनका लागि शेरबहादुर देउवा सरकारले गरेको सिफारिस रोकेर नयाँ सरकारको सिफारिस स्वीकृत गरेकोमा राष्ट्रपतिको आलोचना गरेको छ ।

राष्ट्रपतिको कदम असंवैधानिक भएको भन्दै कांग्रेस संसदीय दलले सच्याउन माग गरेको छ । एक सांसदका अनुसार पार्टी सभापति शेरबहादुर देउवाकै जोडबलमा यो प्रस्ताव पास भएको हो ।

बैठकमा सांसद अत्तहर कमलले यसको विरोधमा प्रतिविधिसभाको पहिलो बैठक नै अवरुद्ध गर्नु पर्ने प्रस्ताव राखेका थिए । तर, नेताहरुले अहिले विरोध मात्र गर्ने बताएका छन् ।

सर्वसम्मत भन्दा प्रकाशमानको विरोध

बैठकमा भीमसेनदास प्धानसहित केही सांसदले संसदीय दलको नेता सर्वसम्मत रुपमा चयन गर्नु पर्ने बताएका थिए । उनीहरुले चुनाव नै हुने भएपनि पार्टीको आन्तरिक भएकाले धेरै उचालेर पार्टीलाई कमजोर बनाउन नहुने धारणा राखे ।

तर, सांसद प्रकाशमान सिंहले विरोध गरे । उनले पार्टीको नेतृत्व परिर्वतन हुनु पर्ने आम कार्यकर्ताको आवाजलाई आफूले बोलिदिएको भन्दै यसलाई लुकाउन नहुने बताए ।
यसले दलको नेतामा चुनाव हुने प्रष्ट संकेत गरेको छ । सिंह दलको नेताका आकांक्षी हुन् ।

पार्टीर् सभापति शेरबहादुर देउवाले भने समिक्षा हुने पर्ने तर, अरुलाई गाली गरेर मात्र नहुने बताए । चुनावमा अन्तरघातका कारण करिव २०० नेता हारेको भन्दै उनले अन्तरघात गर्नेहरुलाई कारबाही नगरेसम्म पार्टी अघि बढ्न नसक्ने बताएका छन् ।

आइत, फाल्गुन १३, २०७४ मा प्रकाशित

यसमा तपाइको मत

Loading...
Loading...

बाट अन्य

त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरे

काठमाडौँ, २४ मङ्सिर (रासस) ः त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरेका छन् । काठमाडौँ महानगरपालिका–३ धारामार्ग बस्ने ७६ वर्षीय कृष्णबहादुर बोहराले आइतबार साँझ झुण्डिएर आत्महत्या गरेका हुन् । महानगरीय प्रहरी वृत्त महाराजगञ्जका प्रमुख एवं प्रहरी नायब उपरीक्षक फणीन्द्र प्रसार्इंले अस्पतालभित्रको गणेशमानसिंह नाक, कान,...

निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त

कञ्चनपुरकी १३ वर्षिय निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त बन्दै गएको छ । अभियानकर्ताहरुले निर्मलाका लागि न्याय माग्दै सोमबार इटहरीमा समेत पोस्टर टासेका छन। एमआरआर इटहरीका अभियानकर्ताले ‘सरकार भेटियाे न्याय भेटिएन’ लेखिएका पोस्टर इटहरीको मुख्य चोक चोकमा टासेका थिए।...

सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरे

१३ मंसिर, काठमाडौं । सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरेको छ । मंसिर १४ देखि १७ गतेसम्म काठमाडौंमा हुने एसिया प्यासिफिक समिटलाई व्यवस्थित गर्न जोर–बिजोर प्रणाली लागू गर्न लागिएको हो । युनिभर्सल पिस फेडेरेसनको आयोजनामा मंसिर १४ देखि १७...

नेकां नेता अर्जुननरसिंह केसीले प्रम केपीओली जंगबहादुर,स्टालिन र हिटलर बन्ने प्रवृत्तितर्फ उन्मुख रहेको आरोप लगाए

कात्तिक, काठमाडौं । नेपाली कांग्रेसका नेता अर्जुननरसिंह केसीले प्रधानमन्त्री केपी शर्मा ओली जंगबहादुर, स्टालिन र हिटलर बन्ने प्रवृत्तितर्फ उन्मुख रहेको आरोप लगाएका छन् । शुक्रबार रिपोर्टस क्लबमा आयोजित साक्षातकारमा उनले प्रधानमन्त्रीमा शक्तिको उन्माद देखिएको र जंगबहादुर बन्न बन्ने तिब्र आकांक्षा देखिएको बताएका हुन् । ‘प्रधानमन्त्रीले काम...

नेपाली काङ्ग्रेस जिल्ला कार्य समिति काठमाडौँको भवन निर्माण कार्य २१ वर्षमा सम्पन्न

कात्तिक, काठमाडौं । नेपाली काङ्ग्रेस जिल्ला कार्य समिति काठमाडौँको भवन निर्माण कार्य २१ वर्षमा सम्पन्न भएको छ । ‘गणेशमान स्मृति भवन’ नामकरण गरिएको उक्त भवनको शिलान्यास विसं २०५४ मा भएको थियो । काठमाडौं महानगरपालिका–३० ज्ञानेश्वरमा निर्माण भएको चार तलाको १६ कोठे उक्त भवनको शनिबार १०४ औँ...

देउवाले पार्टीलाई एकतावद्ध बनाउने अभियानमा जुट्न नेता, कार्यकर्तालाई आव्हान गरे

कात्तिक, काठमाडौं । नेपाली कांग्रेसका सभापति शेरबहादुर देउवाले पार्टीलाई एकतावद्ध बनाउने अभियानमा जुट्न नेता, कार्यकर्तालाई आव्हान गरेका छन् । सभापति देउवाले आपसी मेलमिलाप नभएका कारण निर्वाचनमा अनपेक्षित हार व्यहोर्नु परेको उल्लेख गर्दै पार्टीलाई एकतावद्ध बनाउने अभियानमा जुट्न पार्टीका सबै नेता, कार्यकर्तालाई सचेत गराएका हुन् । तिहार तथा...