साहित्य गतिबिधि

पुष्पपराग साहित्य प्रतिष्ठानको वार्षिकोत्सव


पुष्पपराग साहित्य प्रतिष्ठानको वार्षिकोत्सव नेपाल प्रज्ञा प्रतिष्ठानका सदस्य सचिब प्रा. डा. जिवेन्द्र देव गिरी ज्यू को प्रमुख आतिथ्य, नेपाल ललितकला प्रज्ञा प्रतिष्ठानकाका भुतपुर्व उपकुलपती वरिष्ठ मुर्तिकार ठाकुर प्रसाद मैनाली ज्यू र डा. कृष्ण भण्डारीको विशिष्ट आतिथ्यमा अतिथिहरु ज्ञानुवाकर पौडेल, प्रा .डा. निर्मोही ब्यास, प्रा .डा. हेमचन्द्र नेपाल, डा. घनेश्याम न्यौपाने `परिश्रमी´, डा. बम बहादुर जिताली, डा. राम प्रसाद ज्ञावली, समाजसेवी प्रेम खड्का, डिल्लीराज अर्याल, राम बहादुर पहाडी, भुवनहरी सिग्देल, निपाली छन्द निर्माण अभियन्ता पोस्टराज चापागाईं लगायतको आतिथ्यमा डा. देवी नेपाल, सितल गिरी, डा. हेमन्त खतिवडा, कोसराज न्यौपाने, विभिन्न साहित्यिक सस्थाका अध्यक्षहरु मन्जुश्री प्रधान, द्वारिका कुइकेल, भाग्यशाली अधिकारी, कौसिला रिसाल, मणिराज सिंह, विजयध्वज थापा, लगायत १५७ जना साहित्य प्रेमिहरुको उपस्तिथिमा सम्पन्न भयो।

यस कार्यक्रममा साहित्यकार डिल्लीराज अर्याललाई रु १०००० सहित “पुष्पपराग वर्ष सम्मान, २०७४” पुरस्कार प्रमुख अतिथि नेपाल प्रज्ञा प्रतिष्ठानका सदस्य सचिब प्रा. डा. जिवेन्द्र देव गिरी ज्यूको हातबाट प्रदान गरिएको थियो।
त्यस्तै रु ५००० सहित राम ब. पहाडीलाई “तिल कुमारी खड्का स्मृति पुरस्कार, २०७४” प्रमुख अतिथि र समाजसेवी तथा पुरस्कारका संस्थापक प्रेम बहादुर खड्काको हातबाट र नेपाली गजललाई वर्तमान अवस्था सम्म आइपुग्न योगदान दिनुभएका गजल पुनर्जागरणकर्ता ज्ञानुवाकर पौडेललाई पुष्पपराग मानार्थ सदस्य, संस्थाका अध्यक्ष तथा कार्यक्रमका सभाध्यक्ष डा. येज्ञश्वर निरौला र प्रमुख अतिथिको हातबाट प्रदान गरिएको थियो ।

पुष्पपराग साहित्य प्रतिष्ठानमा वर्षभरी वाचन भएका (संस्थालाई तत्काल लिखित रुपमा बुझाइएका मात्र) रचनाहरुमध्ये सर्वोत्कृष्ट रचनाकारहरू आर्य आयुसा, मार्मिक रोशन, देवु लुइटेल, बसन्ती ओली`वसन्ती´ र एन्जिला अधिकारीलाई “पुष्पपराग सर्वोत्कृष्ट रचना सम्मान,२०७४” प्रदान गरिएको थियो।
प्रतिष्ठानलाई बिशेष योगदान पुर्याएवापद ॐ ज्ञान मन्दिर स्कुलका प्रध्यानाध्यापक राम प्रसाद सुवेदी र कौटिल्य
र स्कुलका प्रध्यानाध्यापक प्रमोद सिलवाललाई प्रशंसापत्र दिनुका साथै पुष्पपराग साहित्य प्रतिष्ठानको आजिवन सदस्य बन्नुभएकोमा प्रा. डा. निर्मोही ब्यास, ढुन्दिराज पोखरेल, गिता मैनाली, राजबाबु श्रेष्ठ `सागर´ शारदा घिमिरे `भैल´, अनिता रेग्मी `यात्री´, रन्जु दाहाल, र रचना रचुलाई आजिवन सदस्य प्रमाणपत्र प्रदान गरिएको थियो।

डा. राम प्रसाद ज्ञावलीद्वारा लिखित “ज्ञावलि सूक्ति संग्रह” पनि यसै कार्यक्रममा विमोचन भएको थियो। सम्मानित तथा पुरस्कृत साहित्यकार डिल्लीराज अर्यालको ब्यक्तितब चर्चा पनि डा. ज्ञावलीद्वारा गरिएको थियो भने ज्ञावलीको सूक्ति संग्रह माथी प्रा .डा. हेमचन्द्र नेपालले प्रकाश पार्नुभएको थियो। त्यस्तै अर्का सम्मानित तथा पुरस्कृत साहित्यकार राम बहादुर पहाडीको ब्यक्तित्व चर्चा डा. बम बहादुर जितालीले गर्नुभएको थियो ।

प्रतिष्ठानका सदस्य तोय भट्टले संचालन गर्नुभएको यस कार्यक्रममा संस्थाका सचिब डा. प्रदीप मैनाली `स्वनाहम्´ले स्वागत मन्तब्य, सदस्य राजबाबु श्रेष्ठ `सागर´ले धन्यवाद ज्ञापन गर्नुभएको थियो भने अध्यक्ष डा. येज्ञश्वर निरौलाले कार्यक्रम समापन गर्नुभएको थियो।

शनि, फाल्गुन २६, २०७४ मा प्रकाशित

यसमा तपाइको मत

Loading...
Loading...

बाट अन्य

यशश्वी उपन्यासकार लीलाध्वज थापाको प्रतिमा कपिलवस्तुमा भव्य समारोहको बीच अनावरण

लीलाध्वज थापा साहित्य प्रतिष्ठान र लुम्विनी वाड़मय प्रतिष्ठानको सं युक्त आयोजनामा यशश्वी उपन्यासकार लीलाध्वज थापा को प्रतिमा साहित्य चौतारी कपिलधाम कपिलवस्तुमा भव्य समारोहको बीच अनावरण भयो । प्रतिमा को अनावरण प्रतिष्ठानको अध्यक्ष विजयध्वज थापाले गर्नुभएको थियो । सो कार्यक्रमको अध्यक्षता लुम्विनी वाड़मय प्रतिष्ठानका अध्यक्ष हिमलाल ज्ञवालीले...

टोखा–बूढानीलकण्ठको संयुक्त कवि सम्मेलन

काठमाडौँ, मङ्सिर १५ गते । टोखा तथा बूढानीलकण्ठ नगरपालिकाको स्थापना दिवसको अवसरमा टोखा तथा बूढानीलकण्ठ नगरपालिका काठमाडौँले संयुक्त रूपमा कवि सम्मेलनको आयोजना ग¥यो । यस नगरपालिका क्षेत्रभित्र बसोबास गर्नुहुने कवि एवम् लेखकहरूसँग परिचय, भेटघाट र कवितावाचनको उद्देश्यले कार्यक्रम आयोजना गरिएको बताइएको छ । कार्यक्रमका प्रमुख अतिथि तथा...

संस्मरण:- बिचलन भएकाे मन

कार्यक्रममा थिए तर मेराे मन मसँग थिएन।भित्र भित्रै पीडाबाेद्व भइरहेकाे थियाे। असाेज १२ गते सम्ममाेहन मुक्तक संग्रह बिमाेचन समाराेह ए वान पार्टी प्यालेस सिनामंगलमा। बुबाकाे अवसानपछि मैले बाहिर हिडेकाे याे पहिलाे कार्यक्रम थियाे मेराे। घरमा एक्लै हुदाँ पीडा बाेद्व असाध्यै हुने। अाफु समालिन धेरै गाह्राे...

काव्य गोष्ठी सम्पन्न

काठमाण्डौ, मङ्सिर २ गते। आधुनिक साहित्य परिषद्को आयोजनामा बृहत् साहित्यिक उत्सव – २०७५ डिल्लीरमण-कल्याणी रेग्मी स्मारक पुस्तकालय, लाजिम्पाट, काठमाण्डौमा सञ्चालन भइरहेको कार्क्रममा अनुपम सिर्जना प्रतिष्ठान नेपालले पनि सहभागी भएर काव्य गोष्ठी सम्पन्न ग-यो । उक्त गोष्ठीमा स्रष्टाहरूले छन्द, स्वचन्दका कविता, गीत तथा गजल वाचन गरे ।...

आधुनिक साहित्य परिषदको आयोजनामा बृहत साहित्यिक उत्सव हुने

आधुनिक साहित्य परिषदको आयोजनामा बृहत साहित्यिक उत्सव हुने भएको छ ।  यहि  मंसिर १,२ र ३ गते तीन दिनसम्म सञ्चालन हुने उक्त कार्यक्रममा एकल कविता वाचन,पुस्तक विमोचन,साहित्यिक प्रवचन र गजल वाचन लगायतका कार्यक्रम रहेका छन् । काठमाडौंको लाजिम्पाटस्थीत डिल्लीरमण पुस्तकालयको हलमा हुन लागेको उक्त कार्यक्रममा करिव...

मञ्जुश्री के.सी.प्रधान भारतमा नेपाली साहित्यकार सम्मानित

कार्तिक २५ गते भारतको शिद्घार्थ नगर जिल्ला इटवा बजारमा अन्र्तराष्ट्रिय तथागत सृजन सम्मान समारोह २०१८ सम्पन्न भयो । सो समारोहको आयोजना शिद्घार्थ तथागत कला साहित्य संस्थानले गरेको थियो । समारोहमा साहित्यकार राजेन्द्र परदेशी अध्यक्ष, कमन वैल्थ बोकेशनल युनिर्भसिटी टाँगाका डीन डा. बेगराज सिंह प्रमुख...