प्रमुख समाचार

नेपाल मजदुर किसान पार्टीले प्रधानमन्त्रीओलीलाई विश्वासको मत दिने वा विपक्षमा रहने भन्ने बारेमा निर्णय नभएको


। प्रतिनिधिसभामा एक सिट रहेको नेपाल मजदुर किसान पार्टीले प्रधानमन्त्री केपी शर्मा ओलीलाई विश्वासको मत दिने वा विपक्षमा रहने भन्ने बारेमा निर्णय नभएको जनाएको छ । अपरान्ह १ बजे विश्वासको मतका लागि संसद बैठकबोलाइएको छ ।

 

मजदूर किसान पार्टीका अध्यक्ष नारायणमान बिजुक्छेले प्रधानमन्त्रीलाई विश्वासको मत दिने वा नदिने भन्ने निर्णय पार्टीले गरिनसकेको बताए । उनले संसद बैठकअघि पार्टीले सांसदलाई यसबारेमा निर्देशन दिने बताए । नेमकिपाबाट प्रेम सुवाल सांसद छन् ।

नेमकिपाले यस्ता विषयमा सधैं अन्तिम क्षणमा निर्णय गर्ने गरेको छ । पछिल्लो समय एमाले र माओवादीले वाम गठबन्धन बनाएर चुनाव लड्दा उनले यसको पनि आलोचना गरेका थिए । वाम गठबन्धनमा एमाले, माओवादी र राष्ट्रिय जनमोर्चा मात्र सामेल छन् ।

विश्वासको मत दिने वा नदिनेबारे पार्टीले निर्णय नगरे पनि प्रधानमन्त्री ओलीको सन्दर्भमा तपाईंको के टिप्पणी छ ? भन्ने अनलाइनखबरको प्रश्नमा बिजुक्छेले भने, ‘मैले ओलीजीको बारेमा अहिले केही सोचेको छैन । आफ्नै स्वास्थ्यबारे सोचिरहेको छु । पार्टीले जे निर्णय गर्छ त्यहि हो मेरो सोचाई ।’

पार्टीले गरेको निर्णय नै आफ्नो सोचाई हुने भने पनि नेपाल मजदुर किसान पार्टी बिजुक्छेको सोचअनुसार चल्ने गर्छ । उनी स्थापनाकालदेखि निरन्तर पार्टी अध्यक्ष छन् । पार्टीमा उनको सोचको विपक्षमा अहिलेसम्म कोही बोल्ने गरेका छैनन् । शुरुमा भेरी-कर्णाली र भक्तपुरमा राम्रो संगठन रहेको नेमकिपा अब भक्तपुरको पनि भक्तपुर नगरपालिकाभित्र सीमित हुँदैछ ।

नयाँ शक्तिको नयाँ आइडिया

यसैबीच नयाँ शक्ति पार्टीले प्रधानमन्त्री केपी शर्मा अेालीलाई विश्वास गर्ने तर अहिले विश्वासको मत भने नदिने नीति लिएको छ । अहिले प्रतिपक्षमै रहने नीति अनुसार प्रधानमन्त्रीलाई विश्वासको मत नदिने निर्णय भएको सन्चार विभाग प्रमुख विश्वदीप पाण्डेले बताए ।

प्रतिनिधिसभामा नयाँ शक्तिको एक सिट छ । एकमात्र सांसद तथा पार्टीका अध्यक्ष डा.बाबुराम भट्टराई आइतवार जाकार्ताबाट मलेसिया पुगेका छन् । उनी संसदमा उपस्थित हुने छैनन् ।

आइत, फाल्गुन २७, २०७४ मा प्रकाशित

यसमा तपाइको मत

Loading...
Loading...

बाट अन्य

अमेरिकामा हुने संयुक्त राष्ट्रसंघको ७३ औं महासभामा भाग लिन ओली २० सदस्यीय उच्चस्तरीय टोलीको नेतृत्व गर्दै अमेरिका

६ असोज, काठमाडौं । प्रधानमन्त्री केपी शर्मा ओली शनिबार साँझ अमेरिका प्रस्थान गरेका छन् । अमेरिकामा हुने संयुक्त राष्ट्रसंघको ७३ औं महासभामा भाग लिन ओली २० सदस्यीय उच्चस्तरीय टोलीको नेतृत्व गर्दै अमेरिका गएका हुन् । टोलीमा प्रधानमन्त्रीपत्नी राधिका शाक्य, परराष्ट्रमन्त्री प्रदीपकुमार ज्ञवाली, प्रधानमन्त्रीका प्रमुख सल्लाहकार विष्णु रिमालका...

नेपालको संविधान, नेपाली कानूनको स्रोत, दस्तावेज मात्रै नभएर सारा नेपालीको सामूहिक चाहना –प्र.म.ओली

असोज, काठमाडौं । प्रधानमन्त्री केपी शर्मा ओलीले वर्तमान संविधान सामूहिक चाहना समेटिएको साझा दस्तावेज भएको बताएका छन् । उनले संविधानले नेपाललाई बलियो, समृद्ध र मर्यादित बनाउने विश्वाससमेत व्यक्त गरे । ‘नेपालको संविधान, नेपाली कानूनको स्रोत, दस्तावेज मात्रै नभएर सारा नेपालीको सामूहिक चाहना समेटिएको साझा दस्तावेज हो’,...

बिम्स्टेक सदस्य राष्ट्रहरुका सेनाहरुको संयुक्त सैन्य अभ्यास शुरु नेपाल अन्तिम समयमा ब्याक

काठमाडौं:  भारतको पुणेमा सोमवारदेखि बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) सदस्य राष्ट्रहरुका सेनाहरुको संयुक्त सैन्य अभ्यास शुरु भयो। सो सैन्य अभ्यासमा नेपाल अन्तिम समयमा ब्याक भयो। नेपालको यो निर्णयसँगै भारतले असन्तुष्टि व्यक्त गरेको छ। प्रतिवद्धताका बाबजुद पनि अन्तिम समयमा नेपाल सैन्य अभ्यासबाट...

पशुपति र स्वयम्भूका बाँदरमा भएको क्यान्सरले मानिसलाइ सर्ने खतरा

भदौ, काठमाडौं । स्वयम्भू र पशुपतिका बाँदरहरुमा झाडापखाला फैलाउने जीवाणु देखिएको छ । बाँदरको दिसामा पाइएको क्याम्पिलो ब्याक्टेरिया मानिसमा सर्ने जोखिम रहेको र त्यो सरे आन्द्राको क्यान्सरसम्म हुने जानकारहरु बताउँछन् । स्ययम्भू र पशुपति क्षेत्रका धेरै बाँदरहरु बिरामी भएको जानकारी पाएपछि सेन्टर फर मनिक्युल डाइनामिक नेपाल...

चीन भ्रमणमा रहेका सभामुख महराले ल्हासामा सचिव यु यिंग्जेसँग शुक्रबार शिष्टाचार भेटवार्ता

भदौ, ल्हासा । सभामुख कृष्णबहादुर महरा र चीनको तिब्बत स्वशासित प्रदेशका कम्युनिष्ट पार्टीका सचिव यु यिंग्जेबीच भेटवार्ता भएको छ । चीन भ्रमणमा रहेका सभामुख महराले ल्हासामा सचिव यु यिंग्जेसँग शुक्रबार शिष्टाचार भेटवार्ता गरेका हुन् । भेटमा सभामुख महराले नेपालले लिएको विकास र समृद्धिको लक्ष्यमा चीन सरकारको...

चीनको मायाले तेस्रो मुलुकबाट आयातका लागि भारतीय बन्दरगाहसँगको परनिर्भरता अन्त्य हुने

२२ भदौ, काठमाडौं । नेपाल-चीन पारवाहन सम्झौताको ‘प्रोटोकल’मा लगभग सहमति जुटेको छ । बुधबारदेखि काठमाडौंमा भएको पारवहन सम्झौता प्रोटोकलको तेस्रो परामर्श बैठकले मस्यौदालाई अन्तिम रुप दिएको हो । यससँगै तेस्रो मुलुकबाट आयातका लागि भारतीय बन्दरगाहसँगको परनिर्भरता अन्त्य हुने भएको छ । सम्झौता अनुसार चीनले नेपाललाई आफ्ना...