प्रमुख समाचार

कुनैबेला अपराध, दुर्घटना र सिण्डिकेटको ‘हब’ बनेको काभ्रे परिचय फेर्न निकै संघर्ष गरिरहेको छ /


 चैत, धुलिखेल । कुनैबेला अपराध, दुर्घटना र सिण्डिकेटको ‘हब’ बनेको काभ्रेपलान्चोक बन्न थालेको काभ्रेपलान्चोकले आफ्नो परिचय फेर्न निकै संघर्ष गरिरहेको छ । प्रहरी प्रशासनले जनप्रतिनिधि र राजनीतिक दलको समेत साथ लिएर काभ्रेको छबी फेर्न खोजेको छ ।

प्रदेश ३ को राजधानी काभ्रेपलान्चोक बनाउन प्रदेश संसदमा प्रस्ताव दर्ता भइसकेको सन्दर्भमा यहाँका राजनीतिक दल, जनप्रतिनिधि, उद्योगी व्यवसायी र नागरिक समाजले पनि प्रहरीको अभियानलाई साथ दिएका छन् । जसको बलमा प्रहरी एकपछि अर्को अप्रेसमा सफल भइरहेको छ ।

 

यातायात व्यवसायीको सिण्डिकेटविरुद्धको लडाइँ सबैभन्दा पछिल्लो र पेचिलो संघर्ष थियो । यो लडाइँमा संघीय सरकारदेखि स्थानीय जनताकोमात्र होइन सिंगो देशको समर्थन पाएको प्रहरी तथा प्रशासनले ठूलो सफलता पाएको छ ।

काभ्रेका प्रहरी प्रमुख एसपी सहकुल थापाले सिण्डिकेट विरुद्धका लडाइँ चुनौतिपूर्ण रहे पनि सबैको साथ मिलेको बताए । यद्यपी यो अप्रेसन केही दिनका लागि मात्र नगरेर निरन्तर राखिनुपर्ने उनको अनुभव छ । प्रहरीका लागि अहिलेको सफलता कायमै राख्नु भविष्यका लागि पनि चुनौति बनेको छ ।

उपत्यका महाशाखामा हुँदा पेट्रोल पम्पहरुले उपभोक्तालाई ठगी गरेको सन्दर्भमा विशेष अप्रेसन गरेर सफलता पाएका थापाले काभ्रे सरुवा भएपछि सिण्डिकेट, गुण्डागर्दी र टिपरहरुको ज्यानमारा प्रवृतिविरुद्ध मिसन सन्चालन गरेका थिए । उनलाई यो मिसनमा सबैको साथ मिल्यो ।

राजधानी काठमाडौंसम्म गुण्डागर्दीको सन्जाल चलाउने काभ्रेकै धेरै भएकाले उनले शुरुमै स्थानीय जनता र प्रहरीबीच अन्तरक्रिया बढाए । जसले गर्दा गुण्डागर्दीविरुद्धको अप्रेसनमा उनलाई स्थानीयको साथ भयो । गणेश लामा जस्तै देशकै ठूला गुण्डा नाइके चुनाव लड्दा पनि काभ्रेमा कुनै हिंसात्मक घटना हुन नदिन यहि ट्रिक काम लाग्यो ।

एसपी सहकुल थापा

अपराधिक गतिविधि रोक्नका लागि सहरी क्षेत्रमा सिसिटिभि जडान्, अरनीको राजमार्गमा दैनिक रुपमा बढेको दुर्घटना न्युनिकरणका लागि साँढे बनेका टिपरहरुलाई टाइम कार्ड मार्फत सीमित गतिमा सञ्चालन गर्न समेत प्रहरी सफल भएको छ ।

दिनदिनै टिपरको ठक्करबाट मान्छेको मृत्यु हुने र राजमार्ग अवरुद्ध भइरहने समस्याबाट अहिले बनेपाले मुक्ति पाएको छ । टि्रपर, बस र अन्य सवारी साधनहरुलाई विभिन्न खालका दुर्घटना न्युनिकरण सम्बन्धी तालिमको नियमित व्यवस्थापन समेत गर्दै आएको जिल्ला ट्राफिक कार्यालय काभ्रेका प्रमुख शेरजजंग मल्लले बताए ।

राजधानीमा सहजै भित्र्याउनका लागि २१२ रोपनीमा उत्पादन भएको हजारौं बोट गाँजा नष्ट पारेको काभ्रे प्रहरीले  विभिन्न मुद्दाका फरार ५६ फरार अभियुक्तको समेत प्रहरीले पक्राउ गरेर अदालत सामु बुझाएको छ । जिल्लामा रहेका ६ थान हातहतियार सहित केही व्यक्तिहरुलाई कानुनी दायरामा ल्याएको छ ।

जिल्लामा केही प्रतिष्ठित व्यक्तिहरुले सञ्चालन गरेको जुवा तासको अखडासमेत प्रहरीले गत मंसिरमा तोडिदिएको थियो । नक्कली लाइसेन्सको एउटा गिरोह नै पक्राउ गर्नु काभ्रेका प्रहरीकोे अर्को ठूलो सफलतासमेत हो । काभ्रे राजधानी छिर्ने नाका र सबैभन्दा नजिकको ठाउँ भएका कारण पनि सुरक्षामा बहुआयामिक चुनौतिहरु रहेको एसपी थापाले बताए । यद्यपी धेरै विकृति र अपराधहरु नियन्त्रण गर्न सकिएको उनको दावी छ ।

मानव बेचबिखन, बलात्कार, महिला हिंसा जस्ता कुप्रथा विरुद्ध काभ्रे प्रहरीले दैनिक रुपमा विभिन्नखाले अभियान चलाउनु सकारात्मक भएको मानवअधिकारकर्मी भोजराज तिल्सिनाले अनलाइनखबरलाई बताए । विभिन्न बहानामा प्राकृतिक सम्पतीको दोहन रोक्नसमेत काभ्रे प्रहरी सफल भैरहेको छ ।

राजधानी नजिकैको जिल्ला भएकाले विभिन्न अपराधिक क्रियाकलाप गरेर लुक्ने स्थान बन्न सक्ने भन्दै प्रहरी विभिन्नखाले सुरक्षा योजनाका साथ अगाडि बढेको छ ।

‘डन’ र ‘गन’ नचलेको चुनाव

काभ्रेमा चर्चित गुण्डा नाइके गणेश लामा नेपाली कांग्रेसको तर्फबाट प्रदेशसभा उम्मेदवार बनेपछि प्रहरीलाई निर्वाचन सुरक्षा ठूलो चुनौतीको विषय बनेको थियो । युवा संघका उपाध्यक्ष चन्द्र लामा र गुण्डा नाइके गणेश लामाबीचको प्रतिस्पर्दा भोट र नोटमा मात्रै नभएर, पाखुरामा पनि हुन सक्ने भन्दै प्रहरीले त्यस निर्वाचन क्षेत्रमा फरक किसिमको सुरक्षा व्यवस्थापन गरेको थियो ।

निर्वाचनमा गणेश लामाले बुथ कब्जाको योजना बनाएपछि प्रहरीले बुथ कब्जा हुन सक्ने स्थानमा ठूलो शक्ति परिचालन नै गर्नु परेको थियो । यस अगाडिका निर्वाचनमा गोली चल्ने काभ्रेमा, झनै गणेश लामा उम्मेदवार भएको जिल्लामा यसपटक भने प्रहरीको सतर्कताले गोलीविहीन निर्वाचन बनाएको थियो ।

सिन्डिकेटविरुद्ध स्कर्टिङदेखि लाठीसम्म

चैत्र १ काभ्रेमा भित्रिएको मयूर यातायातलाई जिल्लामा असुरक्षित हुने अवस्था देखेपछि जिल्ला प्रहरी कार्यालय काभ्रे र इलाका प्रहरी कार्यालय बनेपाले विशेष सुरक्षा योजना बनाएर बसको सुरक्षा व्यवस्थापन गरिरहेको छ ।

प्रहरीले काभ्रे जिल्लामा इजाजत लिएर चल्न थालेका बसहरुलाई अवरोध गर्ने ३ जनालाई सार्वजनिक मुद्दासमेत चलाएको छ । ४० वर्षदेखि सिन्डिकेट कायम राख्दै आएका पुराना व्यवसायीहरुको सडक भित्रको एकाधिकार विरुद्ध प्रहरीले स्कर्टिङ र लाठी देखाएपछि मयूरसँगै साझा यातायातसहित ५ यातायात व्यवसायीहरु काभ्रेको बनेपा, धुलिखेल र पनौती भित्रन थालेका छन् ।

बनेपामा फुटपाथ व्यवस्थापन

५ वर्ष अगाडि तत्कालिन बनेपा नगरपालिकाका कार्यकारी प्रमुख सुरथ पोखरेलले थालेको अरनीको राजमार्गभित्र फुटपाथ हटाउने अभियान यतिबेला नगरपालीका र प्रहरीको सक्रियताले सार्थकता पाउने विन्दुतर्फ अग्रसर भैरहेको छ ।

जनप्रतिनिधिहरुलाई साथ दिँदै प्रहरीले २४ घण्टा फुटपाथ व्यवस्थापनमा सहकार्य गरिरहेको इलाका प्रहरी कार्यालय बनेपाका प्रहरी निरीक्षक सुनलजंग शाहले बताए । प्रहरीले फुटपाथ व्यवस्थापनमा अटेर गर्नेलाई विभिन्न खालका कारवाहीसमेत गर्दै आएको छ ।

काभ्रेपलान्चोक जिल्लालाई सुरक्षित बनाउन स्थानीय जनता र राजनीतिक दलले प्रहरी प्रशासनलाई साथ दिएका छन् । प्रदेशको राजधानी बनाउने कसरत भइरहेका बेला जिल्लालाई अपराध, सिण्डिकेट र लापरवाहीमुक्त बनाउन स्थानीय प्रहरी प्रशासनलाई सबैको साथ रहेको प्रदेशसभा सदस्य चन्द्र लामाले बताए । लामा प्रस्तावक बनेर काभ्रेलाई प्रदेश ३ को राजधानी बनाउने प्रस्ताव प्रदेशसभामा दर्ता भइसकेको छ ।

बुध, चैत्र २८, २०७४ मा प्रकाशित

यसमा तपाइको मत

Loading...
Loading...

बाट अन्य

वीरगञ्जमा आयुर्वेद उद्योग खोलेका योगगुरु बाबा रामदेवको नेपाली ब्यापारिक साझेदार उपेन्द्र महतोसंग

 वैशाख, वीरगञ्ज । एक लाख परिवारलाई रोजगारी दिने भन्दै वीरगञ्जमा आयुर्वेद उद्योग खोलेका योगगुरु बाबा रामदेवको नेपाली ब्यापारिक साझेदार उपेन्द्र महतोसाग फाटो आएको छ । यससँग विवाद भएपछि रामदेवको पतञ्जली आयुर्वेद प्रालि संकटमा फसेको हो ।   गैरआवासीय नेपाली संघका संस्थापक अध्यक्ष उपेन्ऽ महतोले भारतीय योगगुरु बाबा...

मालिन्दो एयरको जहाज त्रिभुवन अन्तर्राष्ट्रिय विमानस्थलमा ठूलो दुर्घटनाबाट जोगिए

काठमाडौँ, वैशाख ७ । काठमाडौँबाट मलेशियाका लागि उड्न लागेको मालिन्दो एयरको जहाज गएराति त्रिभुवन अन्तर्राष्ट्रिय विमानस्थलमा ठूलो दुर्घटनाबाट जोगिएको छ । राति पौने १० बजे मलेशियातर्फ उड्न लाग्दा धावनमार्गबाट जहाज चिप्लिएर करीब १३९ फिट पर पुगेर घाँसे मैदानमा भासिएको थियो । जहाजमा १३९ यात्रु रहेको विमानस्थल स्रोतले...

नयाँ वर्षको अवसरमा मुगुको रारा ताल किनारबाट शनिबार बिहान देशवासीलाई सम्वोधन गर्दै प्रधानमन्त्री ओली

नयाँ वर्षको अवसरमा मुगुको रारा ताल किनारबाट शनिबार बिहान देशवासीलाई सम्वोधन गर्दै प्रधानमन्त्री ओलीले भने, ‘निर्वाचनबाट प्राप्त बहुमत दम्भ र वर्चस्वका लागि होइन । त्यसरी नै प्रतिपक्षको स्थान पनि अन्त्यहीन विरोध, असहयोग र कटुताका लागि होइन ।’ उनले अघि भने, ‘म विनम्रताका साथ मुलकुमा क्रियाशील सबै...

ओली ५४ सदस्यीय प्रतिनिधिमण्डलको नेतृत्व गर्दै मित्रराष्ट्र भारतको राजकीय भ्रमणमा  प्रस्थान गरे

चैत, प्रधानमन्त्री केपी शर्मा ओली ५४ सदस्यीय प्रतिनिधिमण्डलको नेतृत्व गर्दै मित्रराष्ट्र भारतको राजकीय भ्रमणमा  प्रस्थान गरेका छन् । प्रधानमन्त्रीमा निर्वाचित भएको ५० दिनपछि प्रधानमन्त्री ओलीको पहिलो विदेश भ्रमण भारतका लागि भएको हो । यसअघि मित्रराष्ट्र भारतका प्रधानमन्त्री नरेन्द्र मोदीको निमन्त्रणामा चैत २३ गतेदेखि २५ गतेसम्म भ्रमणका लागि...

एसईई परीक्षार्थी गौरीकला रोकायको हत्यामा संलग्न ३ जनालाई प्रहरीले नियन्त्रणमा

चैत, सुर्खेत । एसईई परीक्षार्थी गौरीकला रोकायको हत्यामा संलग्न ३ जनालाई प्रहरीले नियन्त्रणमा लिएको छ । प्रहरीले हत्याको भोलिपल्ट ट्राफिक प्रहरीसहित दुई जनालाई नियन्त्रणमा लिएको हो । जिल्लाको पञ्चपुरी नगरपालिका–३, चौर स्थायी ठेगाना भएकी रोकाय एसईई परीक्षाका लागि बाबियाचौरमा बसेकी थिइन् । तर परीक्षाको तयारीमा रहेकै...

भक्तपुरका नायब सुब्बा कमल भुजेल घुस लिँदालिँदै पक्राउ

चैत, भक्तपुर । भूमिसुधार कार्यालय ब्यासी, भक्तपुरका नायब सुब्बा कमल भुजेल घुस लिँदालिँदै पक्राउ परेका छन् ।   उनी सेवाग्राहीबाट १० हजार रूपैयाँ घुससहित अख्तियार दुरूपयोग अनुसन्धान अायोगको टोलीबाट पक्राउ परेका हुन् । चाँगुनारायण नगरपालिका-८ मा जग्गाको मोही कायम गर्ने प्रयोजनको लागि उनीले सेवाग्राहीसँग घुस रकम माग गरेका थिए...