प्रमुख समाचार

वीरगञ्जमा आयुर्वेद उद्योग खोलेका योगगुरु बाबा रामदेवको नेपाली ब्यापारिक साझेदार उपेन्द्र महतोसंग


 वैशाख, वीरगञ्ज । एक लाख परिवारलाई रोजगारी दिने भन्दै वीरगञ्जमा आयुर्वेद उद्योग खोलेका योगगुरु बाबा रामदेवको नेपाली ब्यापारिक साझेदार उपेन्द्र महतोसाग फाटो आएको छ । यससँग विवाद भएपछि रामदेवको पतञ्जली आयुर्वेद प्रालि संकटमा फसेको हो ।

 

गैरआवासीय नेपाली संघका संस्थापक अध्यक्ष उपेन्ऽ महतोले भारतीय योगगुरु बाबा रामदेवसँग मिलेर गत मंसिरमा वीरगञ्ज पथलैया सडक खण्डको प्रसौनीमा पतञ्जली आयुर्वेद प्रालि खोलेका थिए । उद्योगमा डेढ अर्ब लगानी थियो ।

तर, उद्योग खोलेको केही समयमा नै महतो र बाबा रामदेवको सम्वन्धमा फाटो आएको हो ।

रामदेवको तर्फबाट राखिएका आरके शर्मा लगायतका कर्मचारीले उद्योग छाडेका छन् । होलीलगत्तै उनीहरु बाहिरिएपछि भारतको पतञ्जलीले नयाँ कर्मचारी पठाएको छैन । नेपाली व्यवस्थापक र कर्मचारीले नै उद्योग जेनतेन चलाइरहेका छन् ।

कुल ९ विगाहा क्षेत्रफलमा स्थापना गरिएको उद्योगको २४ नोभेम्बर २०१६ मा बाबा रामदेवसमेतको उपस्थितमा राष्ट्रपति विद्यादेवि भण्डारीले उद्घाटन गरेकी थिइन् ।

उद्घाटन समारोहमा योगगुरु बाबा रामदेवले एक वर्षभित्रै पतञ्जली उद्योगमा दुई हजारले रोजगारी पाउने र पाँच/सात वर्षभित्र पतञ्जलीको माध्यमबाट थप १० हजार नेपालीले रोजगार पाउने आश्वासन दिएका थिए ।

प्रत्यक्ष र अप्रत्यक्ष गरी जडिबुटी खेतीबाट एक लाख परिवारलाई रोजगारी दिने रामदेवको दाबी थियो ।

उद्योगले साबुन, सेम्पुदेखि औषधिसम्म गरेर सय बढी प्रकारका आर्युवेदिक सामान उत्पादन थालेको थियो । तर, उद्योग खोलेको वर्ष दिन नपुग्दै विवाद आएको छ र भारतीय तर्फबाट हुने सबैखाले सहयोग बन्द भएको छ ।

विवादको चुरो

रामदेव बाबाको पतञ्जलीले पाँच महिनाअघि उद्योगमा बजार हेर्ने केही कर्मचारी नियुक्त गर्‍यो । राकेशकुमार शर्माको नेतृत्वमा आधा दर्जन कर्मचारी खटिए ।

तर, भारतीय पक्षले व्यवस्थापन सम्हाल्न थालेपछि स-सानो निहुँमा मजदुरसँग विवाद सुरु भयो । उद्योगमा माओवादीनिकट अखिल नेपाल औद्योगिक संघ एकाई गठन गरेको थाहा पाएपछि भारतीय पक्षले कडाइ गर्‍यो ।

तर, यो विवादले उग्र रुप लियो । मजदुर नेता अभिमन्यु पटेल, नितेश कुमार र दीपक कर्णलगायतलाई व्यवस्थापनले कारबाही गरेपछि आक्रोशित मजदुरहरुले १६ फागुनमा व्यवस्थापनका कर्मचारीमाथि हातपात गरे ।

यो विवाद श्रम कार्यालय हुँदै जिल्ला प्रशासन कार्यालयसम्म पुग्यो । तर, सहमति नभएपछि भारतीय पक्षले उद्योग छाड्ने निर्णय गर्‍यो ।

उद्योगका व्यवस्थापक सीतासरण कण्ठले पतञ्जली भारतबाट नियुक्त भएका शर्मा र उनीसँगै आएकाहरुले दादागिरी देखाउँदा समस्या उत्पन्न भएकोे अनलाइनखबरलाई बताए ।

‘नेपालको श्रम कानुनलाई नमानी भारतीय पक्षले मनोमानी गर्न थाले’ उनले भने, उनीहरु उद्योगमा आएदेखि शुरु भएको विवाद ३/४ महिना चल्यो । भारतीय पतञ्जलीले फिर्ता उनीरुलाई बोलाएपछि उद्योगको अवस्था सामान्य छ ।’

वीरेन्द्र महतो भन्छन् -विवाद भएकै हो

उपेन्द्रका भाइ एवं समूहका सदस्य वीरेन्द्र महतोले भारतीय पतञ्जलीसँग विवाद भएको स्वीकार गरेका छन् ।

यद्यपि भारतीय पक्ष औपचारिक रुपमा नबाहिरिसकेको उनले बताए । ‘हल्ला गर्छन् तर, जाने कि नजाने फिक्स भएको छैन’ महतोले अनलाइनखबरसँग भने ।

योगगुरु बाबा रामदेवको पतञ्जली आयुर्वेदले नेपालकै जडिबुटीबाटै नाफा लिइरहेको भन्दै उनले भने ‘गए भने पनि जान्छन्, के नेपालमा आयुर्वेद छैन र ?’

रामदेवले भने उपेन्द्र महतोसँग सहकार्य तोडेर नवलपरासीमा आफ्नै उद्योग खोल्ने तयारी गरेका छन् । पतञ्जली ब्राण्ड खोसिएपछि उपेन्द्र महतो समूहले भने नेपाली नाममै आयुर्वेद उद्योग चलाउने तयारी गरेको स्रोतले बतायो ।

मङ्ल, बैशाख ११, २०७५ मा प्रकाशित

यसमा तपाइको मत

Loading...
Loading...

बाट अन्य

टोखा नपा जुवाडेको हब बन्दै,टोखाबाट पाँच लाख नगदसहित १५ जुवाडे पक्राउ

माघ, काठमाडौं । महाराजगञ्जस्थित महानगरीय प्रहरी वृत्तले रु पाँच लाख ३५ हजार ८४०सहित १५ जुवाडेलाई पक्राउ गरेको छ । वृत्तअन्तर्गत महानगरीय प्रहरी वृत्त गोँगबुका प्रमुख मोहनविक्रम केसीको नेतृत्वमा खटेको टोलीले टोखा नगरपालिका–१० गणेशस्थानस्थित लोकबहादुर गुरुङको कोठामा छ थान ताससहित बुधबार राति ९ बजे पक्राउ गरेको हो...

१६ औं पटक अनसन बसेका डा. गोविन्द केसीकै विरुद्ध अर्का एकजना अनसन

इलाम । आफ्ना मागप्रति सरकारले बेवास्ता गरको विरोधमा १६ औं पटक अनसन बसेका डा. गोविन्द केसीकै विरुद्ध अर्का एकजना अनसन बसेकाछन् । इलाममा अनसनरत डा. केसीविरुद्ध खोटाङका विजय थापाले शुक्रबारबाट अनशन शुरु गरेका हुन् । केसीले संसदीय समितिबाट पारित चिकित्सा शिक्षा विधेयकको विरोध गरेका छन् भने थापाले...

तत्कालिन राजा वीरेन्द्रको औपचारिक भ्रमणपछि रोकिएको नेपाल र फ्रान्सबीचको उच्चस्तरीय भ्रमण यो वर्ष

पुस, काठमाडौं । तत्कालिन राजा वीरेन्द्रको औपचारिक भ्रमणपछि रोकिएको नेपाल र फ्रान्सबीचको उच्चस्तरीय भ्रमण यो वर्ष सम्भव होला ? नेपाल र फ्रान्सबीच दौंत्य सम्बन्ध स्थापित भएको ७० वर्ष पुगेको अवसरमा यो प्रश्नको पनि समाधान खोज्दैछन् दुवै देशका उच्च अधिकारीहरु । बुधवार यसैबारेमा दुवै देशका सचिवहरुबीच औपचारिक...

‘धैर्य गरौं, रेल आउँछ, पानी जहाज पनि चल्छ । टिकट काट्न पाइन्छ -प्रधानमन्त्री केपी शर्मा ओली

पुस, काठमाडौं । प्रधानमन्त्री केपी शर्मा ओलीले ‘नेपाल पानी जहाज कार्यालय’ स्थापनाको तयारी भइरहेको बताएका छन् । आइतबार संसदलाई सम्बोधन गर्दै ओलीले रेल र पानी जहाजको आफ्नो सपनालाई अफवाहको तुवालोमा पुर्ने प्रयास भइरहेको बताएका छन् । उनले भने, ‘कागजको डुंगा फ्याकियो, गुडिया रेल खेलाइयो । अहिले साथीहरुले...

बौध्द पुलिस चौकी अगाडी बेवारिसे लास भेटियो

बौध्द पुलिस चौकी अगाडी बेवारिसे लास भेटिको छ / हाम्रा खोज सम्बादाता अरुण तामाङ्गका अनुसार बौध्द प्रहरी चौकी नजिकै तिब्बेतियन होटेलको आगाडी उक्त लास भेटिएको हो / हालसम्म पनि लास कसको हो पत्ता लगाउन सकेको छैन /प्रहरीद्वारा अनुसन्धान भैरहेको जनाएको छ /प्रारम्भिक अनुसन्धान अनुसार...

सामुदायिक सेवा केन्द्र ,गोंगबुको मतदान सकिएको छ

सामुदायिक सेवा केन्द्र ,गोंगबुको मतदान सकिएको छ / मतदान अधिकृत उपेन्द्र नरसिह केसीले जानकारी गराउनु भए अनुसार कुल मतदाता ११७५ मा ९८४ मत खसेको जनाएको छ / अहिले आठ बजेबाट मतदान गणना गरिने जानकारी दिएका छन /झन्डै ८४ प्रतिशत मतदान गरेका थिए /निर्वाचन अति सौहार्द...