राजनिति

माइतीघर मण्डलामा कार्यक्रम गर्न नदिने गरी सरकारले लगाएको निशेधाज्ञा फिर्ता लिनुपर्ने — डा. केसी


वैशाख, काठमाडौं ।लोकतन्त्र दिवसको पूर्वसन्ध्यामा खोज अनलाइन संग संक्षिप्त कुराकानी गर्दै डा. केसीले भने– ‘अहिले दुईतिहाइवाला सरकार छ । सबै पार्टीहरु आफूलाई प्रजातन्त्रवादी लोकतन्त्रवादी भन्छन् । यिनीहरु आफूलाई समाजवादी भन्छन्, साम्यवादी भन्छन् । तर, यिनीहरु न समाजवादी हुन्, न साम्यवादी हुन् । यिनीहरु लुटतन्त्रवादी हुन् । यिनीहरुलाई लोकतन्त्रको मूल्य मान्यता पनि थाहा छैन, मर्म पनि थाहा छैन ।’

डा. गोविन्द केसीले अहिलेको सरकार निरंकुश एवं स्वेच्छाचारी भएको बताएका छन् । माइतीघर मण्डलामा प्रदर्शन गर्न नदिने सरकारी निर्णयलाई डा. केसीले निरंकुशताको पहिलो अभ्यास भन्दै आफूले यो निशेधाज्ञा तोडेरै छाड्ने बताए ।

 

 

माइतीघर मण्डलामा कार्यक्रम गर्न नदिने गरी सरकारले लगाएको निशेधाज्ञा फिर्ता लिनुपर्ने डा. केसीले बताए । उनले भने, ‘उनीहरुले यो निर्णय फिर्ता लिनुपर्छ, होइन भने म त जान्छु माइतीघरमा । म त्यहीँ गएर विरोध कार्यक्रम गर्छु ।’

तीन दिनअघि माइतीघर मण्डलामा आयोजित विरोध प्रदर्शनमा सहभागिता जनाएका डा. केसीले अब सरकारले १५ गतेभित्र निर्णय फिर्ता नलिए त्यहीँ बसेर आन्दोलन सुरु गर्ने बताए ।

‘अरु मुद्दाहरु पनि उठाउने मैले विज्ञप्ति पनि निकालिसकेको छु । १५ गतेसम्म अल्टिमेटम दिएको छु, त्यसपछि म डेफिनेट्ली निशेधाज्ञा तोड्छु,’ विगतमा अनसनमार्फत आफ्ना मागहरु अघि सार्दै र सरकारलाई घुँडा टेकाउँदै आएका डा. केसीले भने, ‘म त अब त्यहीँ माइतीघर मण्डलामै बस्छु । मलाई पक्डिउन् । अरु मुद्दाहरु पनि त्यहीँ गएर गर्छु । अब त्यहीँ पक्डिउन् ।’

डा. केसीको भनाइ उनकै शब्दमाः


अहिले दुईतिहाईवाला सरकार छ । सबै पार्टीहरु आफूलाई प्रजातन्त्रवादी लोकतन्त्रवादी भन्छन् । लोकतन्त्रको मुख्य मर्म भनेको ‘फ्रिडम अफ स्पिच’ हो । हो, अलिकति जिम्मेवार भएर बोल्नुपर्छ, त्यो आफ्नो ठाउँमा छ । तर, डेमोक्रेसीको मुख्य तत्व भनेको छ ‘फ्रिडम अफ स्पिच’ हो ।

यिनीहरु (दलका नेताहरु) आफूलाई समाजवादी भन्छन्, साम्यवादी भन्छन् । तर यिनीहरु न समाजवादी हुन्, न साम्यवादी हुन् । यिनीहरु लुटतन्त्रवादी हुन् । र, यिनीहरुलाई लोकतन्त्रको मूल्य मान्यता पनि थाहा छैन, मर्म पनि थाहा छैन । के छ भने आफ्नो स्वार्थ पूरा गर्ने ।

माइतीघर मण्डलामा त्यो बनाएदेखि नै कति वर्ष भइसक्यो, त्यहाँ कार्यक्रमहरु भइराखेका छन् । माइतीघर मण्डलामा प्रदर्शन गर्न नदिने भन्नुको मतलव के हो भने सरकारको विरोध नहोस् ।

पहिला कार्यक्रम नभएको ठाउँमा भए पनि त ल ठीकै छ, भन्न सकिन्थ्यो । पहिलेदेखि नै त्यहाँ कार्यक्रम भइराखेको छ ।

माइतीघर मण्डलामा कार्यक्रम गर्नुको मतलव वर्तमान सरकारको निरंकुश र स्वेच्छाचारिताको पहिलो कदम हो । म भन्छु– यो हुन दिइँदैन । निरंकुशता सुरु हुँदैछ अब । स्वेच्छाचारिता सुरु हुँदैछ । यो पहिलो कदम हो उनीहरुको ।

राजतन्त्र फालियो, राजा गयो र राजाजस्तो गर्ने मान्छे, पदाधिकारीहरु आए, तिनीहरु पनि फालिए । यिनीहरु, अहिलेका नेताहरु पनि राजाको जस्तो व्यवहार गरिराखेका छन् ।

राजतन्त्र फालियो, राजा गयो र राजाजस्तो गर्ने मान्छे, पदाधिकारीहरु आए, तिनीहरु पनि फालिए । यिनीहरु, अहिलेका नेताहरु पनि राजाको जस्तो व्यवहार गरिराखेका छन्

हामी सार्वभौम नेपाली नागरिक हौं । कसैले हाम्रो ‘फ्रिडम अफ स्पिच’माथि बाधा अड्चन गर्छ भने त्यसको विरोध गरिन्छ । म भन्छु– लोकतन्त्रको मूल्य मान्यता स्थापित हुन्छ । यसलाई कसैले तोडमोड गर्न खोज्छ भने त्यो हुन दिइँदैन । उहाँहरुले त्यो फिर्ता लिनुपर्छ, होइन भने म जान्छु त्यहाँ । हेरौं के हुँदोरहेछ ।

हामीले अहिलेसम्म जे मुभमेन्ट गर्‍यौं, जे उपलब्धि भयो, हाम्रो मुभमेन्ट शालीन, शान्तपूर्वक रहँदै आएको छ । जनतालाई अप्ठ्यारो हुनेखालको कार्यक्रम हामीले कहिल्यै पनि गरेनौं ।

मैले भनिहालें, उनीहरुले यो निर्णय फिर्ता लिनुपर्छ । होइन भने म त जान्छु माइतीघरमा । म त्यहीँ गएर विरोध कार्यक्रम गर्छु । मैले विज्ञप्ति पनि निकालिसकेको छु । म त निशेधाज्ञा तोड्छु । किनभने यो मेरो र नेपाली नागरिकहरुको अधिकार हो । नागरिक अधिकारको हनन हुन दिइँदैन । म त्यो तोड्छु ।

त्यो निशेधाज्ञा तोड्नु भनेको नियमविपरीत होइन । त्यो उनीहरुको स्वेच्छाचारी मानसिकता र कर्मको विरोध हो । नागरिक अधिकार हनन गर्न खोजेकाले हो । १५ गतेसम्म अल्टिमेटम दिइएको छ, त्यसपछि म डेफिनेट्ली निशेधाज्ञा तोड्छु ।

यी नेताहरुले लोकतन्त्रको मूल्य मान्यता स्थापित गर्नुपर्ने हो । मूल्य मान्यता अनुसार चल्नुपर्ने हो । उनीहरु चल्दैनन् भनेदेखि म त एउटा नागरिकको हैसियतले नागरिक अधिकार हनन हुन्छ भने मेरो कर्तव्य बन्छ, त्यसको विरोधमा उत्रिने र हनन हुन नदिने । यो मेरो कर्तव्य हो ।

म त अब त्यहीँ माइतीघर मण्डलामै बस्छु । मलाई पक्डिउन् न । म त्यहीँ जान्छु । अरु मुद्दाहरु पनि त्यहीँ गएर गर्छु अब । त्यहीँ पक्डिउन् ।

मङ्ल, बैशाख ११, २०७५ मा प्रकाशित

यसमा तपाइको मत

Loading...
Loading...

बाट अन्य

प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन

माघ, काठमाडौं । प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन दिएका छन् । दुईपांग्रे सवारी साधनले भाडा लिएर यात्रुहरु बोक्न नपाउने भन्दै प्रहरी प्रशासन र यातायात व्यवस्था विभागका अधिकारीहरुले आपत्ति जनाइरहेका बेला प्रधानमन्त्री ओलीले यो कार्यमा अवरोध नगर्न निर्देशन दिएका हुन्...

जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै

२५ पुस, काठमाडौं । जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै छन् । परराष्ट्र मन्त्री प्रदीपकुमार ज्ञवालीको निमन्त्रणामा विदेशमन्त्री कोनो बुधबार अपराह्न नेपाल आउन लागेका हुन् । परराष्ट्र मन्त्रालयले जापानी विदेश मन्त्री कोनो १८ सदस्यीय प्रतिनिधिमण्डलको नेतृत्व गर्दै आज नेपाल...

त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरे

काठमाडौँ, २४ मङ्सिर (रासस) ः त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरेका छन् । काठमाडौँ महानगरपालिका–३ धारामार्ग बस्ने ७६ वर्षीय कृष्णबहादुर बोहराले आइतबार साँझ झुण्डिएर आत्महत्या गरेका हुन् । महानगरीय प्रहरी वृत्त महाराजगञ्जका प्रमुख एवं प्रहरी नायब उपरीक्षक फणीन्द्र प्रसार्इंले अस्पतालभित्रको गणेशमानसिंह नाक, कान,...

निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त

कञ्चनपुरकी १३ वर्षिय निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त बन्दै गएको छ । अभियानकर्ताहरुले निर्मलाका लागि न्याय माग्दै सोमबार इटहरीमा समेत पोस्टर टासेका छन। एमआरआर इटहरीका अभियानकर्ताले ‘सरकार भेटियाे न्याय भेटिएन’ लेखिएका पोस्टर इटहरीको मुख्य चोक चोकमा टासेका थिए।...

सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरे

१३ मंसिर, काठमाडौं । सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरेको छ । मंसिर १४ देखि १७ गतेसम्म काठमाडौंमा हुने एसिया प्यासिफिक समिटलाई व्यवस्थित गर्न जोर–बिजोर प्रणाली लागू गर्न लागिएको हो । युनिभर्सल पिस फेडेरेसनको आयोजनामा मंसिर १४ देखि १७...

नेकां नेता अर्जुननरसिंह केसीले प्रम केपीओली जंगबहादुर,स्टालिन र हिटलर बन्ने प्रवृत्तितर्फ उन्मुख रहेको आरोप लगाए

कात्तिक, काठमाडौं । नेपाली कांग्रेसका नेता अर्जुननरसिंह केसीले प्रधानमन्त्री केपी शर्मा ओली जंगबहादुर, स्टालिन र हिटलर बन्ने प्रवृत्तितर्फ उन्मुख रहेको आरोप लगाएका छन् । शुक्रबार रिपोर्टस क्लबमा आयोजित साक्षातकारमा उनले प्रधानमन्त्रीमा शक्तिको उन्माद देखिएको र जंगबहादुर बन्न बन्ने तिब्र आकांक्षा देखिएको बताएका हुन् । ‘प्रधानमन्त्रीले काम...