साहित्य गतिबिधि

देशविदेशका २२ जनालाई नइ पुरस्कार


काठमाडौँ, वैशाख ३० गते ।
वाङमय शताब्दी पुरूष डा.सत्यमोहन जोशीले राजधानी काठमाडौमा देशदेशान्तरका २२ जना स्रष्टाहरूलाई नइ पुरस्कार समर्पण गर्नुभयो । नइ प्रकाशनले हरेक वर्ष शताब्दी पुरूष डा. सत्यमोहन जोशीकै शुभजन्मोत्सवका अवसरमा आफ्नो वार्षिक कार्यक्रम सञ्चालन गर्दै आएको छ ।
नइ प्रकाशनका तर्फबाट डा.सत्यमोहन जोशीलाई दुबोको माला लगाएर बधाई ज्ञापन गरियो । स्रष्टाद्वय डा.मोदनाथ प्रश्रित र दीनानाथ शर्माले दुबोको माला लगाएर शताब्दी पुरूषलाई बधाई ज्ञापन गर्दै उहाँको थप कीर्तिमय र दीर्घ जीवनको कामना गर्नुभएको थियो । साथै जोशीको ९९ औं शुभजन्मोत्सवका अवसरमा नइबाट उहाँलाई शुभकामना अर्पण गरिएको थियो ।
समारोहमा वाङमय शताब्दी पुरूष डा. सत्यमोहन जोशीले तीन लाख रुपिया राशि र ताम्रपत्र सहित ‘नइ देरुनीख अन्तर्राष्ट्रिय पुरस्कार’ जर्मनीका प्रा.डा.मानफ्रेद गेहार्द थ्रोईलाई समर्पण गर्नुभयो ।
नेपाली संस्कृति, इतिहास र भाषासाहित्यको श्रीवृद्धिका लागि साढे तीन दशकअघिदेखि समर्पित रहँदै अन्तर्राष्ट्रिय क्षेत्रमा नेपालको प्रतिष्ठा बढाउन महत्वपूर्ण योगदानका निम्ति डा.थ्रोईलाई सो पुरस्कार समर्पण गरिएको हो । यो पुरस्कार विदेशी मूलका नागरिकलाई मात्र प्रदान गरिन्छ ।
त्यसै गरी सनातन हिन्दूधर्म, संस्कृतिको संवद्र्धन, संरक्षण तथा जागरणका लागि मन, वचन र कर्मबाट समर्पित संस्कृत विद्याशिरोमणि प्रा.डा.वेणीमाधव ढकाललाई ‘नइ चन्द्रधन पुरस्कार’ समर्पण गरिएको छ । नेपालको राष्ट्रियता र राष्ट्रिय भौगोलिक अखण्डताका लागि सदैव चिन्तन, विश्लेषण र प्रचार–प्रसारमा सम्लग्न हुनुका साथै भ्रष्टाचार विरोधी अभियानमा समेत अहोरात्र समर्पित भएर मातृभूमिप्रति दिएको विशिष्ट योगदानका निम्ति भरत जङ्गमलार्ई ‘नइ कीर्तिनिधि पुरस्कार’ समर्पण गरिएको छ ।
त्यसै गरी नेपाली भाषाको श्रीवृद्धिका लागि अनवरत समर्पित रहँदै आख्यान, नाटक र निबन्ध लेखनका क्षेत्रमा विशिष्ट प्रयोगशील योगदान गरी देशदेशान्तरमा नेपाली साहित्यको प्रतिष्ठा बढाउन महत्वपूर्ण योगदानका निम्ति आख्यान पुरुष डा.ध्रुवचन्द गौतमलाई ‘नइ खरा सुकीर्ति पुरस्कार’ समर्पण गरिएको छ । गीतिकविता लेखनका माध्यमबाट नेपाली भाषालाई जनप्रिय बनाउन उल्लेखनीय योगदान गर्नुका साथै तत्कालीन समयमा वृत्तचित्र र समाचार चित्रहरूमा सर्वोत्कृष्ट उद्घोषणद्वारा जनमन छुन सफल किरण खरेललाई ‘नइ भाजप पुरस्कार’ समर्पण गरिएको छ ।
नेपालबाहिर रहेर नेपाली भाषासाहित्यको अन्तर्राष्ट्रिय विस्तारका लागि सृजनात्मक र सङ्गठनात्मक रूपमा निरन्तर समर्पित इजरायलकी भगवती बस्नेतलाई ‘नइ गणेशदुर्गा अन्तर्राष्ट्रिय पुरस्कार’ समर्पण गरियो । यी पाँचैवटा पुरस्कार ताम्रपत्र सहित जनही एक लाख रूपियाँ राशिका रहेका छन् ।
समारोहमा ताम्रपत्र सहित ९ जना व्यक्तित्वलाई जनही ५० हजार रूपियाँ राशिका पुरस्कार समर्पण गरिएको थियो ।
संस्कृतिका लागि चितवनका नलराज शास्त्री नेपाललाई ‘नइ भूपालदुर्गा पुरस्कार’, समालोचनाका क्षेत्रमा प्रा.ठाकुर पराजुलीलाई ‘नइ ईश्वर बराल पुरस्कार, साहित्यकार डा.महेश्वर शर्मालाई ‘नइ खरा प्रसिद्धि पुरस्कार’, नारी साहित्यका लागि रेवती राजभण्डारीलाई ‘नइ रेखा पुरस्कार’ र चित्रकलातर्फ केके कर्माचार्यलाई ‘नइ यउजा पुरस्कार’ समर्पण गरियो । त्यसै गरी गीतकार विश्ववल्लभलाई ‘नइ कोइलीदेवी पुरस्कार’, काठमाडौं बाहिरकी नारी स्रष्टा नवलपरासीका कृष्णदेवी शर्मा श्रेष्ठलाई ‘नइ बुलु शर्मा पुरस्कार’, तेस्रो लिङ्गी रुपन्देहीका आनिक राना मगरलाई ‘नइ रामलक्ष्मी पुरस्कार’ र प्रथम नारी सरोद वादक रूपा सरोद न्यौपानेलाई ‘नइ खरा गौरव पुरस्कार’ समर्पण गरिएको थियो ।
साथै समाजसेवा, श्रव्यदृश्य र नाट्यसङ्गीतका लागि डा.परिधि शर्मालाई २५ हजार रूपियाँ राशिको ‘नइ खरा पौरख पुरस्कार’ समर्पण गरियो ।
नइ प्रकाशनले आआफ्नो अध्ययनमा समर्पित भई विविध वाङमयिक गतिविधिमा प्रतिष्ठा आर्जन गर्ने १५ वर्षसम्मका ३ जना बालिकालाई ताम्रपत्रका साथ जनही १० हजार रूपियाँ राशिसहित ‘नइ देरुनीखपू बाल पुरस्कार’ समर्पण गरेको छ । यसरी पुरस्कृत हुनुहुनेहरूमा बहुआयामिकतर्फ रिहाना भट्टराई, साहित्यतर्पm एञ्जेलिना न्यौपाने, नृत्य तथा गायनतर्पm स्वन्ति श्रेष्ठ रहेका छन् ।
१० वर्ष उमेर समूहका रुनीष सुनुवारलाई नृत्य तथा सगुन श्रेष्ठलाई गायनका लागि ताम्रपत्रका साथ ७ हजार रूपियाँ राशिसहित ‘नइ देरुनीखपु कोपिला पुरस्कार’ समर्पण गरियो ।
त्यसै गरी ५ वर्षीय स्निग्धा देवकोटालाई ताम्रपत्रका साथ ५ हजार रूपियाँ राशिसहित ‘नइ देरुनीखपु चिचिला पुरस्कार’ समर्पण गरिएको छ ।
श्रीमती इन्दिरा प्रसाईको सभापतित्वमा सञ्चालित सो समारोहमा वाङमय शताब्दी पुरुष डा.सत्यमोहन जोशी, जर्मनीका प्रा.डा.मानफ्रेद गेहार्द थ्रोई, संस्कृत विद्याशिरोमणि प्रा.डा.वेणीमाधव ढकाल र नइ प्रकाशनका सदस्यसचिव नरेन्द्रराज प्रसाईबाट मन्तव्य प्रकट भएको थियो ।
समारोहमा इन्दिरा प्रसाईबाट कविता समेत वाचन गरिएको यियो भने पुरस्कृत बालबालिकाद्वारा कविता वाचन, नृत्य र गायन प्रस्तुत गरिएको थियो ।
(नइ प्रकाशन)

सोम, बैशाख ३१, २०७५ मा प्रकाशित

यसमा तपाइको मत

Loading...
Loading...

बाट अन्य

गीतकार तथा मुक्तककार बिमला अधिकारी देवकोटाको मुक्तकसङ्ग्रह “मनको किनारा” बजारमा

गीतकार तथा मुक्तककार बिमला अधिकारी देवकोटाको पहिलो मुक्तकसङ्ग्रह मनको किनारा बजारमा आएको छ । शनिबार राजधानीमा आयोजित एक कार्यक्रममा बरिष्ठ गजलकार ज्ञानुवाकर पौडेल, समालोचक युवराज मैनाली, प्राज्ञ डा खेम बन्धु कोइराला, साहित्यकार डा विधान आचार्य, नियात्राकार प्रतिक ढकाल लगायतले संयुक्त रुपमा पुस्तकको लोकार्पण गर्नु भयो...

कर्मदा सिर्जना मञ्च नेपालको तेस्रो रचना वाचन

माघ ५ गते शनिवार मर्स्याङ्दी आधारभूत विद्यालय पाउँदिबजार लमजुङमा कर्मदा सिर्जना मञ्च नेपालको तेस्रो रचना वाचन,प्रथम साधारण सभा,आजीवन सदस्यको प्रमाण – पत्र वितरण तथा निर्वाचन,कार्यक्रम संस्थाका अध्यक्ष जगदीश्वर पोखरेलज्यूको अध्यक्षता, सुन्दरबजार नगर पालिकाकी उपमेयर ज्ञानु शाहको प्रमुख आतिथ्य तथा सुन्दरबजार नपा ७ का वडाअध्यक्ष जयराम...

साताको साहित्य पुरस्कार — २०१८

यस बर्षको साताको साहित्य पुरस्कार कवि नवीन प्यासीको कविता ‘आशीर्वाद’लाई प्रदान गरिने निर्णय गरिएको छ । ‘साताकोसाहित्यडटकम’ मा अगष्ट २०१७ देखि जुलाई २०१८ सम्म प्रकाशित भएका रचनाहरूमध्येबाट तीन उत्कृष्ट रचनाहरू केही समय अघि सार्वजनिक गरिएका थिए जसमा अन्य दुई उत्कृष्ट रचनाका रुपमा कवि बाबु त्रिपाठीको...

गोंगबु साहित्य समाजको चौतिसौ काब्य वाचन सम्पन्न।

गोंगबु साहित्य समाज ले लुनार बोर्डिङ स्कुलमा एक कार्यक्रम गरि आफ्नो ३४औ काब्य बाचन कार्र्यक्रम सम्पन्न गरेको छ। नेपाली चलचित्र क्रमि शकुन्तला शर्मा को प्रमुख आतिथ्यता,प्रा.डा.गारर्गी शर्माको बिशिष्ट आतिथ्यता र साहित्यकार चन्द्रा न्यौपानेको अध्यक्षता रहेको उक्त कार्यक्रम मा २० जना भन्दा बढि साहित्यकार , सर्जकहरुले...

पृथ्वी जयन्तीमा प्रवचन कार्यक्रम

काठमाडौँ, पौष २६ गते । नेपाल प्रज्ञा–प्रतिष्ठानले २९७ औँ पृथ्वी जयन्ती तथा राष्ट्रिय एकता दिवसको उपलक्ष्यमा ‘नेपाली राष्ट्रियता र पृथ्वीनारायण शाह’ विषयमा प्रवचन कार्यक्रमको आयोजना ग¥यो । कार्यक्रमका प्रमुख अतिथि प्रधानमन्त्री के.पी. शर्मा ओलीले कार्यक्रमलाई सम्बोधन गर्दै इतिहास जे सुकै भएपनि नेपाल एकीकरणको नेतृत्व पृथ्वीनारायण शाहले गरेका...

” भन्दिनु है बा ! ” को लोकार्पण

अमेरिकाको न्युयोर्कमा बस्दै आउनु भएकी कवि शकुन ज्ञवालीको कविता सङ्ग्रह ” भन्दिनु है बा ! ” को लोकार्पण नेपाल प्रज्ञा प्रतिष्ठानका कुलपति गङगाप्रसाद उप्रेतीले गर्नु भयो । कार्यक्रम समितिका उपाध्यक्ष दिव्य गिरीको अध्यक्षतामा सम्पन्न भएको थियो । अन्तर्राष्ट्रिय नेपाली साहित्य समाज बाग्मती समितिले आयोजना गरेको सो...