स्थानीय समाचार

३३ किलो सुन तस्करी गोरेले बाबुलाई भेटेर के भने ? अनुसन्धान प्रभावित पार्ने गोरेको प्रयास!!!


 साढे ३३ किलो सुन तस्करीका मुख्य अभियुक्त चुडामणि उप्रेती गोरेसँग बिहीबार पनि बयान भएको छ । जिल्ला अदालत मोरङमा करिव ५ घण्टा चलेको बयानमा गोरेले सोधेको प्रश्नभन्दा अनौपचारिक बढी गरेका छन् । बुधबार पनि झण्डै ५ घन्टा बयान भएको थियो । तर, उनले सुन तस्करीको नेक्सस खुलाएका छैनन् । स्रोतले भन्यो, ‘बुधबारको तुलनामा गोरे केही फ्रेस देखिन्थे तर, हामीले सोधेको प्रश्नको पेरिफेरिमा केन्द्रित हुनुभन्दा अनौपचारिक कुरामा केन्द्रित छन् ।’ साढे ३३ किलो सुन हराएपछि विमानस्थलका कर्मचारीलाई बोलाएर गरेको सोधपुछ, सिलगुढीमा दिएको यातना, खनियाखर्क होटलमा बसेको बैठकको निष्कर्षबारे भने सुनाएका छन् । कान्छी चोकमा यातना दिएको पनि स्वीकार गरेका छन् । गोरेले आफूलाई ‘माथिल्लो तहका मान्छेले फसाए’ मात्र भनेका छन् । सुन तस्करीको नेक्सस खुलाएका छैनन् । स्रोतले भन्यो, ‘केही नाम त लिएका छन् तर, कोअपरेट गरेका छैनन् ।’ तर, प्रहरी अधिकारीहरुले भने बयानमा गोरेले देखाएको व्यवहार अर्थपूर्ण भएको मान्छन् । कुख्यात अपराधीहरु प्रहरी वा अनुसन्धानकर्ताको मनोविज्ञान पढ्छन् र यदि आफ्नोबारेमा पर्याप्त जानकारी छैन भने डोमिनेट गरेर कुरा मोड्छन् । एक पूर्वप्रहरीले भने, ‘मैले अनुसन्धानका क्रममा थुप्रै पटक फेस गरेको छु । तपाईले पेल्न सक्नुभयो भने खुरुखुरु सूचना दिन्छ । नभए उल्टो तपाईलाई नै पेल्छ ।’

बयानकै क्रममा बाबुलाई भेटेर के भने ? 

गोरेको बयान सकिएको छैन । तर, बयानकै क्रममा उनले बिहीबार अदालतमै बाबुलाई पनि भटेका छन् । टिफिन टाइममा उनीहरुबीच झण्डै आघा घन्टा बयान भएको कक्षमा नै कुराकानी भएको थियो । त्यसक्रममा उनले आफूलाई गौरीघाटबाट नभई बुढानीलकण्ठ क्षेत्रबाट पक्राउ गरिएको बताएका छन् । सिलगुढीबाट झापा हुँदै आएको र सोमबार नै छानबिन समितिका सदस्यले भेटेपछि आफूलाई सोधपुछ गरेको उनले बाबुलाई बताएका छन् । त्यो रात नेताको घरमा राखेको र भोलिपल्ट पक्राउ परेको भनेर सार्वजनिक गरेको उनको दाबी छ । तर, उनलाई राखिएको घर कुन नेताको थियो भन्ने खुलाएका छैनन् । तर अनुसन्धानकर्ताहरु भने गोरेको यो बयान उनीमाथि केन्द्रित अनुसन्धान प्रभावित पार्ने प्रयासमात्र भएको बताउँछन् । पक्राउ परेपछि पनि उनले सुन तस्करीबारे सोधेको प्रश्नमा यस्तै अप्रासंगिक कुरा झिकेेको छानबिन समितिका एक सदस्यले सुनाए । गोरेका बाबुले भने आफ्ना छोरालाई तत्कालीन डीआईजी गोविन्द निरौलाले समयमै बचाएको भए आफ्नो छोरा दुष्कर्ममा नलाग्ने बताएका छन् । आफ्नो छोराले गरेको गलत कामको सजाय पाउनुपर्ने तर, अरुलाई पनि छाड्न नहुने उनले बताए ।

गोरे त भर्या्ङ मात्र हुन् !

प्रहरी अधिकारीहरुले गोरे पक्राउ पर्नु सुन तस्करीको अनुसन्धानलाई महत्वपूर्ण उपलब्धी मानेका छन् । हो पनि, यो मुद्दामा मुख्य अभियुक्त नै उनलाई बनाइएको छ र पक्राउ परेकाहरुमध्ये उनी नै सुन तस्करीमा संलग्न माथिल्लो तहका हुन् । तर, गोरेको पक्राउ सबैथोक होइन । एक पूर्वप्रहरी अधिकारी भन्छन्, ‘गोरे त भर्या ङ मात्र हुन्, जसले सुन तस्करीका लागि आवश्यक सेटिङ मिलाउने काम गरेका हुन् ।’ गोरे स्वयंले पनि यो स्वीकार गरेका छन् कि उनी सुनको लगानीकर्ता होइनन् । सेटिङ मिलाएबापत आउने रकमबाट बेलाबेला सुन मगाउँथे । तर, लगानी जुटाउने काम एमके अग्रवालले गर्थे । उनले भारतीय लगानीकर्ताबाट रकम जुटाउने गरेको आशंका छ । तर, गोरेले यसबारे केही भनेका छैनन्, एमके फरार छन् । एक प्रहरी अधिकारी भन्छन्, ‘भारतमा वैधानिक प्रक्रियाबाट ल्याएको सुनले माग धान्न सक्दैन । त्यसैले तस्करी गरेर ल्याउँछन् । यसका लागि गोरेहरु प्रयोग भए ।’

लहरो तान्दा पहरो गयो 

हराएको भनिएको साढे ३३ किलो तस्करीको सुन र शनम शाक्यको हत्याबाट छानबिन सुरु भएको थियो । तर, जब अनुसन्धान अघि बढ्दै गयो, लहरो तान्दा पहरो नै गयो । समिति गठन भएको दुई साता बित्न नपाउँदै प्रहरीकै केही उच्च अधिकारी गोरे समूहमा संलग्न भएको प्रमाण फेला पर्योि । सुरुमा त समितिका अधिकारीहरुलाई त्यो विश्वास गर्न गाह्रै भयो । तर, जब ०७२/०७३ मा विमानस्थल सुरक्षामा खटिएका पूर्व डिआईजी गोविन्द निरौला, एसएसपी श्याम खत्री, एसपी विकासराज खनालसहितका प्रहरी अधिकारीले गोरेबाट मोटो रकम लिएको लिष्ट समितिले हात पार्यो।, त्यसपछि सुन तस्करी भयावह अवस्थामा पुगेको खुल्यो । केही प्रहरी अधिकारी बयानमा जाँदा पक्राउ परे । एसएसपी खत्री समितिको छेऊमै पुगेनन्, बरु फरार भए । बयानको बीचमै निस्किएका डिएसपी सञ्जय राउत पनि एकाएक सम्पर्कविहीन भए । त्यसपछि गोरे समूहमा उनीहरुको संलग्नता रहेको आशंकालाई विश्वास गर्न समितिलाई लामो समय कुर्नै परेन । अन्ततः बयानका लागि आएका सबै प्रहरी अधिकारी पक्राउ परे । अनुसन्धानका क्रममा पक्राउ परेका राप्रपा प्रजातान्त्रिका नेता भुजुङ गुरुङ लगायतका प्रतिवादीहरुबाट सुन गोरेको नभएको खुल्यो । भुजुङसहितका अभियुक्तले सुनमा मोहन अग्रवालको लगानी भएको बताएपछि अनुसन्धानको दायर बढ्यो । र, पछिल्लो चार वर्षको अवधिमा मात्र करिब ३८ क्वीन्टल सुन तस्करी भएको निश्कर्षमा समिति पुर्योप ।

अब बलियो अनुसन्धान चाहिन्छ 

प्रहरी अधिकारीहरुका अनुसार अहिलेसम्म छानबिन समितिले जे गरेको छ, त्यो ठूलै उपलब्धी हो । यसले कसरी सुन तस्करी भइरहेको छ भन्ने तस्वीर बाहिर ल्याएको छ । तर, अब २/४ दिन म्याद थप गरेको भरमा छानबिनलाई निश्कर्षमा पुर्याधउन नसकिने बताउँछन् । समितिलाई विस्तार गरेर वा अधिकारसम्पन्न टास्कफोर्स बनाएर छानबिन गर्दा प्रभावकारी हुने उनीहरु बताउँछन् । खासगरी विमानस्थलबाट भएको तस्करीमा भन्सार विभाग कहिँ न कहिँ जोडिन्छ । हुण्डीलगायतबाट रकम जाने भएकाले अनौपचारिक बैंकिङबारे अध्ययन गर्ने राष्ट्र बैंकको भूमिका पनि अनुसन्धानमा महत्वपूर्ण हुन्छ । एक पूर्वप्रहरी अधिकारी भन्छन्, ‘सुन तस्करीका लगानीकर्तासम्म पुग्ने हो भने छानबिन समितिको म्याद एक/दुई हप्ता थपेर हुँदैन । बरु एक वर्ष, दुई वर्ष लागे पनि लागोस् तर, प्रष्ट टीओआर बनाएर अधिकार सम्पन्न समिति बनाउनुपर्छ ।’

शुक्र, जेष्ठ ११, २०७५ मा प्रकाशित

यसमा तपाइको मत

Loading...
Loading...

बाट अन्य

“ दशैं र तिहारको बेला प्राय हस्पितलहरूमा रगतको अभाब हुने मध्य नजर गर्दै  समिट होटेलमा रक्तदान”

हरेक बर्ष जस्तै यस बर्ष पनि  दशैं र तिहारको बेला प्राय हस्पितलहरूमा रगतको अभाब  हुने हुदा त्यसलाइ मध्य नजर राख्दै प्रत्येक बर्ष यस समिट होटल प्रा.लिको प्रायोजनमा अखिल नेपाल होटल क्यासिनो तथा रेस्टुरा मजदुर संघ समिट होटल प्रा.लि र स्टाफहरूको तर्फ़बाट रक्तदान काय्रक्रममा गरिदै आएकोमा यस बर्ष जम्मा ११६ जनाले...

विश्व मुटु दिवसमा मंगलबजारदेखि नालासम्म साइकल यात्रा

काभ्रेको प्राचीन शहर नालाको पहिचानलाई धेरैभन्दा धेरै समुदायसम्म पुर्याउनुका साथै मुटुरोगसम्बन्धी जनचेतना जगाउनका लागि नालाका युवाहरुले मंगलबजारदेखि नालासम्म साइकल यात्राको आयोजना गरेका छन् । असोज १३ गते(२९ सेप्टेम्बर)मा मनाइने विश्व मुटु दिवसका अवसरमा साइकल यात्राको आयोजना गरिएको आयोजक जी व झिगु नालाका संयोजक ईश्वर अनामणि श्रेष्ठले...

समिट होटलको ३८ औ बार्षिक उत्सब भब्य रुपमा सम्पन्न

हरेक बर्ष सेक्टेम्बर १५ तारिकका दिन यस समिट होटलको ३८ औ बार्षिक उत्सब मा समिट होटलको आयोजनामा भएको ४ कि.मि.दौड प्रतियोगितामा पुरष ३८ र महिला ११ गरि जम्मा ४९ जनाको सहभागितामा भएको दौड प्रतियोगितामा पुरष तर्फ़ प्रथम बुद्ध घिसिंग, दोस्रो बाबुराम राई, तेस्रो शंकर आचार्य...

गोंगबुको सांस्कृतिक सम्पदाहरु

गोंगबु क्षेत्रका गणेश मन्दिरहरु  १) बीच विनायक २)जल विनायक ३)कार्य विनायक ४)शिध्दी विनायक गोंगबु क्षेत्रका पाटीहरु  १)बकैना पाटी २)कलकत्ते पाटी ३)नेवा छ्य पाटी ४)सांख टी ख्वाउने पाटी गोंगबु क्षेत्रका इनारहरु  १)गणेशस्थान नेरको इनार (हाल लोप भैसकेको छ ) २)ग्वाराको जग्गाको इनार (हाल लोप भैसकेको छ ) ३)नाति मानान्धरको घरनेरको इनार ४)बिज्ञान लोहनीको घरनेरको इनार ५)नेवा छेको इनार गोंगबु क्षेत्रका कुवाहरु  १)चन्द्र बहादुरको घरनेरको कुवा २)सार्की...

उग्रचण्डी नालाको गाईजात्रा परम्परा

गाईजात्रा नेपाली समाजको एक महत्त्वपूर्ण सांस्कृतिक पर्व हो । नेवार समुदायबाट यो संस्कृतिको बिकाश सुरू भएको जात्रा हो । नेवार समुदायमा यो चाडलाइ सापारु भनिन्छ । नेपाली समाजमा गाईजात्रा व्यङ्ग्य गर्ने दिनको रूपमा समेत परिचित छ । नेवार समुदायमा पितृगणको सम्झनामा गाईको रूप धारण गरी...

बालबिबाह र जातीय छुवाछुत बिरुद्ध नाटक प्रर्दशन हुने

तमानखोला गाँउवालीका ४ लाम्मेला मा बालबिवहा र जातिय छुवाछुत बिरुद्ध नाटक प्रर्दशन हुने भएको छ ।। लाम्मेला परिर्वनशिल समुह काठमाण्डौ ले आज एक कार्यक्रम को आयोजना गरि आफ्नो आगामि दशैको समापन र तिहारको पूर्बसन्ध्यामा हुने कार्यक्रम को प्रर्पोजल सार्वजनिक गरेको छ । माधब छन्त्याल को...