राजनिति

संघीय समाजवादी फोरम नेपाल लाजै नमानी संघीय सरकारमा गएपछि ….


 जेठ, सप्तरी । संघीय समाजवादी फोरम नेपाल संघीय सरकारमा गएपछि सप्तरीबासी जिल्लाको विकास हुनेमा आशावादी देखिएका छन् । निर्वाचनका बेला पार्टी अध्यक्ष उपेन्द्र यादवले दिएका आश्वासन र गरेका बाचा पूरा हुने सप्तरीबासीको विश्वास छ ।

सप्तरी क्षेत्र नम्बर २ बाट प्रतिनिधिसभामा निर्वाचित भएका यादव उपप्रधान तथा स्वास्थ्यमन्त्री बनेका छन् । संघीय फोरमकै इस्तियाक राइन शहरी विकास मन्त्री बनेका छन् । दुवैले शुक्रबारै शपथ ग्रहण गरेर कार्यभारसमेत सम्हालेका छन् ।

 

मन्त्री यादव पनि सप्तरीको र श्वास्थ्य सचिव पुष्पा चौधरी पनि सप्तरीकै भएकाले जिल्लाको श्वास्थ्य क्षेत्रमा कायापलट आउने जिल्लाबासीको आशा छ ।

पार्टी अध्यक्ष यादव संघीय सरकारमा गएसँगै सप्तरीका बासिन्दाहरुले यहाँको विकास हुनुका साथै थला परेका संरचनाहरु पुनः जागेर सन्चालनमा आउने विश्वास व्यक्त गरे ।

‘अहिले उहाँ र उहाँको पार्टी स्वयं सरकारमा गएको छ,’ नागरिक सन्जालका पूर्वअध्यक्ष सुखराम यादव भन्छन्, ‘जसरी उपेन्द्रजीले आश्वासन दिनुभएको थियो, त्यो पूरा गर्ने समय आइसकेको छ ।’

सप्तरी जिल्लामा सबैभन्दा थला परेको क्षेत्र नै स्वास्थ्य क्षेत्र भएको र यादवले स्वयं सोही मन्त्रालय सम्हालेकाले स्वास्थ्य क्षेत्रको समस्या हट्ने विश्वास व्यक्त गर्छन् यादव । ‘जिल्लामा एक मात्र सरकारी अस्पताल छ, त्यो पनि रेफरल सेन्टरको रुपमा परिचित छ,’ यादव भन्छन्, ‘गजेन्द्रनारायण सिंह सगरमाथा अञ्चल अस्पताल अब साच्चिकै अस्पताल बन्ने विश्वास मलाई लागेको छ ।’

नागरिक सन्जालका अध्यक्ष यादवले पहिला पनि मधेसवादी दलबाटै श्वास्थ्य मन्त्री बनेको तर यो अस्पतालका लागि केहि गर्न नसकेको बताए । यदि मधेसवादी दलहरुको पुरानो रबैया दोहोर्‍याएमा विकास हुन नसक्ने बताउँदै उनले भने, ‘अब गर्न सकिएन भने कहिल्यै गर्न सकिँदैन ।’

उद्योगविहीन जिल्लाको रुपमा रहेको सप्तरीलाई राज्यले बजेट नदिएर उपेक्षा गरेको अध्यक्ष यादव र उनको पार्टीका अन्य नेताहरुले निर्वाचनका बेला आरोप लगाएका थिए ।

सप्तरी उद्योग वाणिज्य संघका अध्यक्ष अरुण प्रधान चुनावका बेला उपेन्द्र यादवले धेरै प्रतिवद्वताहरु व्यक्त गरेको स्मरण गर्दै ती प्रतिवद्वताहरु पूरा गर्नेमा आफू आशावादी रहेको बताए । ‘उपेन्द्रजीलाई भन्नुपर्ने, देखाउनुपर्ने, सम्झाउनुपर्ने केही छैन,’ अध्यक्ष प्रधानले भने, ‘उहाँले आफैं सबै समस्या हेर्नुभएको छ । र, सबै कुरा बुझ्नुभएको छ । त्यसैले उहाँले आफैं काम गर्नुहुन्छ भन्ने विश्वास छ ।’

श्वास्थ्य मन्त्री सप्तरीबाटै निर्वाचित भएको र स्वास्थ्य सचिव डा. पुष्पा चौधरी पनि सप्तरीकै बासिन्दा भएको समयमा जिल्लाको स्वास्थ्य समस्या नसुध्रिए कहिल्यै सुध्रिँदैन,’ प्रधानले भने, ‘यी दुवै मिलेर आफैं शय्यामा रहेको सरकारी अस्पताललाई पूर्ण रुपमा अस्पतालजस्तो बनाउनु जरुरी छ ।’

सामाजिक क्षेत्रमा काम गर्ने सप्तरी युथ नेपालका कोषाध्यक्ष विष्णु यादवले पनि निर्वाचनको बेलामा जनताले अत्यधिक मतका साथ उपेन्द्र यादवलाई जिताएको बताउँदै जनतालाई दिएका आश्वासनहरु पूरा गर्नुपर्ने बताउँछन् ।

फोरमका जिल्ला अध्यक्ष भन्छन्– तीन महिनामै परिवर्तन ल्याउँछौं

संघीय समाजवादी फोरम नेपाल सरकारमा गएपछि जिल्लास्तरका पार्टीका नेता–कार्यकर्ताहरु पनि खुशी छन् । ‘अब काम गर्छौं र जनतालाई काम गरेर देखाउँछौं,’ फोरम नेपालका सप्तरी जिल्ला अध्यक्ष दिनेश यादवले भने, ‘सरकारमा गएपछि केन्द्रमा संविधानमा भएका त्रुटीहरु हटाएर संशोधन गर्नेतर्फ ध्यान केन्द्रित हुनेछ भने जिल्लामा विकासको लहर ल्याइनेछ ।

जिल्लामा सबैभन्दा पहिला स्वास्थ्य क्षेत्रमा व्यापक सुधार गर्ने बताउँदै उनले भने, ‘गजेन्द्रनारायण सिंह सगरमाथा अञ्चल अस्पताललाई सुधार गरेर यहाँका हरेक जनताको स्वास्थ्य समस्या समाधान गर्नेछौं ।’

‘यो आर्थिक बर्षको अन्तिम अन्तिम समय छ । अर्काे आर्थिक वर्ष लाग्ने वित्तिकै काम शुरु गर्छौं,’ जिल्ला अध्यक्ष यादवले भने, ‘काम शुरु गरेको तीन महिनाभित्रै परिवर्तन ल्याउँछौ । जनताले छर्लङ्ग काम हेर्न पाउँछन् ।’

शनि, जेष्ठ १९, २०७५ मा प्रकाशित

यसमा तपाइको मत

Loading...
Loading...

बाट अन्य

प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन

माघ, काठमाडौं । प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन दिएका छन् । दुईपांग्रे सवारी साधनले भाडा लिएर यात्रुहरु बोक्न नपाउने भन्दै प्रहरी प्रशासन र यातायात व्यवस्था विभागका अधिकारीहरुले आपत्ति जनाइरहेका बेला प्रधानमन्त्री ओलीले यो कार्यमा अवरोध नगर्न निर्देशन दिएका हुन्...

जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै

२५ पुस, काठमाडौं । जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै छन् । परराष्ट्र मन्त्री प्रदीपकुमार ज्ञवालीको निमन्त्रणामा विदेशमन्त्री कोनो बुधबार अपराह्न नेपाल आउन लागेका हुन् । परराष्ट्र मन्त्रालयले जापानी विदेश मन्त्री कोनो १८ सदस्यीय प्रतिनिधिमण्डलको नेतृत्व गर्दै आज नेपाल...

त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरे

काठमाडौँ, २४ मङ्सिर (रासस) ः त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरेका छन् । काठमाडौँ महानगरपालिका–३ धारामार्ग बस्ने ७६ वर्षीय कृष्णबहादुर बोहराले आइतबार साँझ झुण्डिएर आत्महत्या गरेका हुन् । महानगरीय प्रहरी वृत्त महाराजगञ्जका प्रमुख एवं प्रहरी नायब उपरीक्षक फणीन्द्र प्रसार्इंले अस्पतालभित्रको गणेशमानसिंह नाक, कान,...

निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त

कञ्चनपुरकी १३ वर्षिय निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त बन्दै गएको छ । अभियानकर्ताहरुले निर्मलाका लागि न्याय माग्दै सोमबार इटहरीमा समेत पोस्टर टासेका छन। एमआरआर इटहरीका अभियानकर्ताले ‘सरकार भेटियाे न्याय भेटिएन’ लेखिएका पोस्टर इटहरीको मुख्य चोक चोकमा टासेका थिए।...

सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरे

१३ मंसिर, काठमाडौं । सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरेको छ । मंसिर १४ देखि १७ गतेसम्म काठमाडौंमा हुने एसिया प्यासिफिक समिटलाई व्यवस्थित गर्न जोर–बिजोर प्रणाली लागू गर्न लागिएको हो । युनिभर्सल पिस फेडेरेसनको आयोजनामा मंसिर १४ देखि १७...

नेकां नेता अर्जुननरसिंह केसीले प्रम केपीओली जंगबहादुर,स्टालिन र हिटलर बन्ने प्रवृत्तितर्फ उन्मुख रहेको आरोप लगाए

कात्तिक, काठमाडौं । नेपाली कांग्रेसका नेता अर्जुननरसिंह केसीले प्रधानमन्त्री केपी शर्मा ओली जंगबहादुर, स्टालिन र हिटलर बन्ने प्रवृत्तितर्फ उन्मुख रहेको आरोप लगाएका छन् । शुक्रबार रिपोर्टस क्लबमा आयोजित साक्षातकारमा उनले प्रधानमन्त्रीमा शक्तिको उन्माद देखिएको र जंगबहादुर बन्न बन्ने तिब्र आकांक्षा देखिएको बताएका हुन् । ‘प्रधानमन्त्रीले काम...