प्रमुख समाचार

मुख्यमन्त्री डोरमणि पौडेलले आउँदो १० वर्षमा पेट्रोलियम पदार्थबाट चल्ने गाडी हटाउने दावी


 जेठ, हेटौंडा । प्रदेश ३ का मुख्यमन्त्री डोरमणि पौडेलले आउँदो १० वर्षमा मुख्य शहरबाट पेट्रोलियम पदार्थबाट चल्ने गाडी हटाउने दावी गरेका छन् ।

बिहीबार प्रदेशसभा बैठकमा आर्थिक वर्ष ०७५/७६ को नीति तथा कार्यक्रममाथि उठेका प्रश्नको जवाफ दिंदै उनले यो योजना काल्पनिक नभइ यथार्थमा परिणत गरेर देखाउने जिकिर गरे ।

 

सरकरले समयानुकुल कार्यक्रमअघि सारेको बनाउँदै उनले कुनै पनि हालतमा पेट्रोल गाडी हटाएरै छाड्ने बताए । प्रदेश ३ सरकारले नीति तथा कार्यक्रममा २०८५ सालभित्र काठमाडौं, चितवन, हेटौंडा, धुलिखेल र बनेपामा पेट्रोलबाट चल्ने गाडी विस्थापित गर्ने उल्लेख गरेको थियो ।

साना सवारी साधनका कारण ठूला शहरमा बाक्लो सवारी चाप बढ्दै गएकाले अब सवारी साधनमा नियन्त्रण र विस्थापन जरुरी रहेको बताए ।

मुख्यमन्त्री पौडेलले विदेशमा श्रम गरेर नेपाल पठाएको रेमिट्यान्सको ठूलो रकमलाई उद्योग तथा व्यवसायमा लगानी गर्ने बताएका छन् । विदेशी भूमिमा युवाले गरेको श्रमवापतको रकम खाइखेलीमै सकिएको भन्दै त्यस्ता रकम उत्पादनको क्षेत्रमा प्रयोग गरिने उनले बताए ।

मुख्यमन्त्री पौडेलले रेमिट्यान्स पठाउनेको नाममा शेयर खडा गरिदिएर बृहत योजना वा उद्योग सञ्चालन गर्दै रोजगारी सिर्जना गर्ने योजना सुनाए ।

मुख्यमन्त्री पौडेलले प्रदेशमा आएको रेमिट्यान्स अब सरकार मातहतमा रहने गरी उद्योग तथा व्यवसायमा लगानी गर्ने बताए ।

सार्वजनिक-निजी साझेदारी र सार्वजनिक-सहकारी साझेदारीका आधारमा प्रदेश विकासको अवधारणा ल्याइएको भन्दै यसका लागि प्रदेश निर्माण कम्पनीले महत्वपूर्ण भूमिका खेल्ने भएकाले आशंका नगर्न आग्रह गरे ।

प्रदेश सरकारले ४ वर्षभित्र कम्तीमा एक सय मेगावाट विद्युत राष्ट्रिय प्रसारण लाइनमा योगदान दिने ढंगले काम गर्ने बताउदै मुख्यमन्त्री पौडेलले निजी क्षेत्रलाई समेत उर्जा क्षेत्रमा लगानीका लागि प्रोत्साहन गरिने बताए ।

सहकारीमा रहेको रकम पनि अनुत्पादक क्षेत्रमा खर्च भइरहेको भन्दै मुख्यमन्त्री पौडेलले यसलाई उद्योगमा लगाउन प्रोत्साहन गरिने बताए ।

सरकारले आउदो चार वर्षमा प्रदेशलाई समृद्ध बनाउने अभियान अनुसार नीति तथा कार्यक्रम ल्याएको भन्दै उनले सरकारले ल्याएको कार्यक्रम उत्कृष्ट रहेको दाबी गरे । ‘कार्यक्रम राम्रो रहेको भन्दै बाहृय मुलुकमा रहेका १ सय ७१ जनाले म्यासेज गरेका छन्’ उनले भने ।

नीति तथा कार्यक्रममा महिला, दलित, उपेक्षित सबै वर्ग र समुदायको भावना समेटिएको भन्दै राम्रोसँग अध्ययन गरे विपक्षिलाई पनि चित्त बुझ्ने उनको भनाइ थियो ।

प्रदेश ३ को नीति तथा कार्यक्रम बिहिबार बहुमतले पारित भएको छ ।

बिहि, जेष्ठ २४, २०७५ मा प्रकाशित

यसमा तपाइको मत

Loading...
Loading...

बाट अन्य

नुवाकोटमा मिनी ट्रकलाई साइड दिँदा सडकबाट बस खसेर २० जना घाइते

सांकेतिक तस्वीर ३० साउन, काठमाडौं । नुवाकोटमा मिनी ट्रकलाई साइड दिँदा सडकबाट बस खसेर २० जना घाइते भएका छन् । सदरमुकाम विदुरतर्फ आउँदै गरेको ना २ ख २८०४ नम्बरको बस ढुंगेचौतारो भन्ने ठाउँमा सडकबाट खसेको जिल्ला प्रहरी कार्यालय नुवाकोटले जानकारी दिएको छ । विपरीत दिशाबाट आउँदै गरेको मिनी...

सरकारले आफ्नो ५ महिने उपलब्धी सार्वजनिक गरे

साउन, काठमाडौं । प्रधानमन्त्री केपी शर्मा ओली नेतृत्वको सरकारले सोमबार आफ्नो ५ महिने उपलब्धी सार्वजनिक गरेको छ । सरकारको काम कारबाही प्रभावकारी नभएको गुनासो आइरहेका बेला मन्त्रिपरिषद् कार्यालयले भने केपी शर्मा ओली नेतृत्वको सरकारले गरेका कामको ७४ पृष्ठ लामो प्रतिवेदन नै बनाएको छ ।   सरकारले आफ्नो उपलब्धीको...

उपक्षेत्रीय अस्पताल डडेल्धुरामा गर्भपतन गराउनेको संख्या वर्षेनी बढ्दै गए

साउन, डडेल्धुरा । प्रदेश नम्बर ७ को पहाडी जिल्लामा रहेको एक मात्र उपक्षेत्रीय अस्पताल डडेल्धुरामा अझै डाक्टर अभाव छ । तर, दरबन्दीअनुसारका चिकित्सक र स्वास्थ्यकर्मी नहुँदा उपचारमा समस्या भए पनि गर्भपतन गराउनेको संख्या भने वर्षेनी बढ्दै गएको छ । अस्पतालमा एक जना मेसुसहित २१ जना कन्सलटेन्ट...

भक्तपुरमा भएको प्रहरी इन्काउण्टरको घटनाबारे गृहमन्त्री रामबहादुर थापा बादलले छानबिन गर्ने

साउन, काठमाडौं । भक्तपुरमा भएको प्रहरी इन्काउण्टरको घटनाबारे सरकारले छानबिन गर्ने भएको छ । बिहीबार प्रतिनिधिसभाको राज्य व्यवस्था तथा सुशासन समितिको बैठकमा गृहमन्त्री रामबहादुर थापा बादलले घटनाबारे छानबिन गर्ने प्रतिवद्धता जनाएका हुन् ।   काठमाडौं काँडाघारीका बालक निशान खड्काको अपहरणपछि हत्यामा संलग्नको आरोपित गोपाल तामाङ र अजय तामाङलाई नियन्त्रणमा...

 हेटौँडामा रहेको हल ओम्याक्समा आगलागी

२३ साउन, हेटौँडा । हेटौँडामा रहेको हल ओम्याक्समा आगलागी भईरहेको छ । विहान करिव साढे ९ बजेदेखि आगलागी शुरु भएको प्रत्यक्षदर्शीहरुले जनाएका छन् । आगलागी हलको पर्दाको भागबाट शुरु भएको थियो । अहिले पनि आगोका लप्काहरु बाहिर आईरहेको छ भने धुँवाको मुस्लो बाहिर निस्करहेको छ । हेटौँडा...

एसियाकै पहिलो र एकमात्र आदिवासी जनजातिहरुको टेलिभिजन (ईण्डिजिनियस टेलिभिजन) को दोश्रो वार्षिकोत्सव

नेपालको तथा एसियाकै पहिलो र एकमात्र आदिवासी जनजातिहरुको तथा अन्य सबै समुदायहरुको विशेष मुद्दा बोकेको टेलिभिजन “ईण्डिजिनियस टेलिभिजन” को दोस्रो वार्षिकोत्स श्रावन २२ गते सांस्कृतिक संस्थान (रास्ट्रिय नाचघर,जमलमा) भव्यताका साथ मनाईने भएको छ । बिगत २ वर्ष देखि २४सै घण्टा रास्ट्रिय तथा अन्तरास्ट्रिय बिषयवस्तुलाई रास्ट्रीय...