साहित्य गतिबिधि

‘हिमवत् खण्ड कला, साहित्य सम्मिलन’ हुने


काठमाडौँ । २०५ औँ भानुजयन्तीका सन्दर्भमा मदन भण्डारी कलासाहित्य प्रतिष्ठानले ‘हिमवत् खण्ड कला साहित्य र संस्कृति ः विश्वव्यापी सम्पदा र मानवीय समृद्धि’ भन्ने मूल उद्घोषका साथ यही असार २९,३० र ३१ गते तीन दिन यस क्षेत्रमा स्थापित कला, साहित्य र संस्कृतिकोे परिचय तथा गरिमा, विचार एवं चिन्तनमा केन्द्रित लेखन, सिर्जनशील तथा समीक्षक व्यक्तित्वबाट प्रेरित सकारात्मक सार तथा कलात्मक रूपयुक्त सौन्दर्यपूर्ण कला, संस्कृति तथा साहित्यिक मान्यताका आलोकमा अग्रगामी तथा गतिशील दिशातर्फ उन्मुख हुँदै नेपाली कला, साहित्य र सांस्कृतिक क्षेत्रको समयबद्ध लक्ष्यअनुरूप हिमवत् खण्डमा आधारित कला, साहिय, संस्कृतिको समृद्धिका आधारहरू, समृद्ध समाज निर्माणमा राष्ट्रिय तथा अन्तर्राष्ट्रिय जगत्का स्रष्टा तथा साधकको योगदानको पक्षहरू प्रस्तुत गरिने महान् लक्ष्यका साथ ‘हिमवत् खण्ड कला, साहित्य सम्मिलन’–२०७५ को आयोजना गर्न लागिएको कुराकोे प्रेस विज्ञप्तिको साथै सम्मिलनको आवश्यकता, औचित्य तथा तयारीका सन्दर्भमा आयोजकलले प्रेस सम्मेलनको आयोजनासमेत गरी बताएका छन् ।
आयोजकको तर्फबाट वितरित प्रेस विज्ञप्तिमा भनिएको छ, ‘विश्वको सर्वोच्चशिखर सगरमाथा नै केन्द्रबिन्दु रहेको र यसका वरिपरि रहेका हिमवत् खण्डकामध्यमा रहेका हिमशिखरहरू र यस परिधिका मानवका निम्ति हिमाली सभ्यताका पहिलो स्रोत हुन् । ऋग्वेद कालदेखि नै सभ्यताको आधारभूमि बन्दै आएको पूर्व पश्चिम तथा उत्तर दक्षिणका समुद्री तलसम्म नै विस्तारित भएका यस खण्डलाई व्यापक अर्थमा हिमवत् खण्डका रूपमा लिने गरिएको छ । यस खण्डका लगभग दुई दर्जन राष्ट्रहरूका लोकजीवनका मिथक, पौराणिक जीवनका कथा र इतिहास तथा सामाजिक तथा सांस्कृतिक जीवनका सांस्कृतिक सम्पदाहरूले यस क्षेत्रको मानव जीवनलाई समृद्ध तुल्याँउदै ल्याएका छन् ।’
त्यसैगरी ‘सांस्कृतिक, साहित्यिकतथाकलागतमूल्यको भूगोललाई राजनीतिको भूसीमाले रोक्न सक्दैन । नेपाल बहुभाषिक, बहुसांस्कृतिक परिवेश आफैँमा एक प्राज्ञिक पक्षको समृद्ध ज्ञानभण्डार हो । नेपालको प्राकृतिक आकर्षण, पर्यावरणीय आकर्षण, मानवका निम्ति समृद्धि भौतिक र बौद्धिक दुवै किसिमको समृद्धिको आवश्यकता पर्दछ । यसरी नेपालका भाषा, कला, साहित्य र संस्कृतिको विस्तार विश्वव्यापी बन्दै गएको आजको स्थिति एकातर्फ निकै गौरवको विषय हो भने अर्कातर्फ संवेदनशील अवस्था पनि हो । यसमा रहेका प्राकृतिक र प्राज्ञिक सम्पदाहरू मुलुकको भौतिक सम्पदाको अभिन्न स्रोतका रूपमा जोडेर विकास गर्दै लान सके अबको नेपाल विश्वव्यापी मानवीय समृद्धिको आधार बन्दै जान सक्ने सम्भावना निश्चित छ’ प्रेसित विज्ञप्तिमा भनिएको छ ।
हिमवत् खण्डको भौगोलिक सीमा त नेपाल, भारत, भुटान, म्यानमार, मालदिभ्स, पाकिस्तान, अफगानिस्थान, चिन, मङ्गोलिया, कोरिया र यिनका वरिपरि रहेका अन्य अनेक राष्ट्रहरूसम्म पनि हिमवत् खण्डको भूगोल विस्तारित बनेको मानिन्छ । यसभित्रका भारोपेली र तिब्बत–बर्मेली परिवारका प्रमुख भाषा वैदिक, बौध, किरात तथा इस्लाम संस्कृति र यसबाट पोषित कलाको हजाराँै वर्षको श्रृङ्खला हिमवत् खण्डको सम्पदा हो । यिनै सांस्कृतिक मूल्यले मान्छेलाई पारस्परिक सद्भाव, सहिष्णु र समृद्ध संस्कृतिको परिचय प्रक्षेपण गर्ने जीवन शैली प्रदानगर्ने काम गरेको कुरा विज्ञप्तिमा उल्लेख गरिएको छ ।
सम्मिलनका संयोजक प्राध्यापक राजेन्द्र सुवेदीद्वारा प्रेसित विज्ञप्तिमा ‘यस हिमवत् खण्डका भाषा, साहित्य,कला र संस्कृतिले यस खण्डका मान्छेलाई मात्र प्रभाव पारेको होइन, विश्वका जुनसुकै मुलुकका मान्छेहरूमा पनि यस खण्डका भाषा, कला, संस्कृृतिर साहित्यले आकर्षण गर्दै गएको स्थिति आजको यथार्थ हो’ भनिएको छ ।
सम्मिलनमा विशिष्ट वक्ताहरूको प्रवचन, बहुसांस्कृतिक एवं साङ्गीतिक कार्यक्रम, भाषा, साहित्य र संस्कृतिसँग सम्बन्धित विभिन्न कार्यपत्रहरू प्रस्तुत, बहुभाषिक कविगोष्ठी, हाँस्यव्यङ्ग्यहरूको प्रस्तुती, भानुभक्त चलचित्र प्रदर्शन, चन्द्रागिरि सिर्जनायात्रा, नेपालबाहिरका नेपाली कविताहरूको प्रस्तुती लगायतका कार्यक्रमहरू रहेको बताइएको छ ।

सोम, असार २५, २०७५ मा प्रकाशित

यसमा तपाइको मत

Loading...
Loading...

बाट अन्य

गीतकार तथा मुक्तककार बिमला अधिकारी देवकोटाको मुक्तकसङ्ग्रह “मनको किनारा” बजारमा

गीतकार तथा मुक्तककार बिमला अधिकारी देवकोटाको पहिलो मुक्तकसङ्ग्रह मनको किनारा बजारमा आएको छ । शनिबार राजधानीमा आयोजित एक कार्यक्रममा बरिष्ठ गजलकार ज्ञानुवाकर पौडेल, समालोचक युवराज मैनाली, प्राज्ञ डा खेम बन्धु कोइराला, साहित्यकार डा विधान आचार्य, नियात्राकार प्रतिक ढकाल लगायतले संयुक्त रुपमा पुस्तकको लोकार्पण गर्नु भयो...

कर्मदा सिर्जना मञ्च नेपालको तेस्रो रचना वाचन

माघ ५ गते शनिवार मर्स्याङ्दी आधारभूत विद्यालय पाउँदिबजार लमजुङमा कर्मदा सिर्जना मञ्च नेपालको तेस्रो रचना वाचन,प्रथम साधारण सभा,आजीवन सदस्यको प्रमाण – पत्र वितरण तथा निर्वाचन,कार्यक्रम संस्थाका अध्यक्ष जगदीश्वर पोखरेलज्यूको अध्यक्षता, सुन्दरबजार नगर पालिकाकी उपमेयर ज्ञानु शाहको प्रमुख आतिथ्य तथा सुन्दरबजार नपा ७ का वडाअध्यक्ष जयराम...

साताको साहित्य पुरस्कार — २०१८

यस बर्षको साताको साहित्य पुरस्कार कवि नवीन प्यासीको कविता ‘आशीर्वाद’लाई प्रदान गरिने निर्णय गरिएको छ । ‘साताकोसाहित्यडटकम’ मा अगष्ट २०१७ देखि जुलाई २०१८ सम्म प्रकाशित भएका रचनाहरूमध्येबाट तीन उत्कृष्ट रचनाहरू केही समय अघि सार्वजनिक गरिएका थिए जसमा अन्य दुई उत्कृष्ट रचनाका रुपमा कवि बाबु त्रिपाठीको...

गोंगबु साहित्य समाजको चौतिसौ काब्य वाचन सम्पन्न।

गोंगबु साहित्य समाज ले लुनार बोर्डिङ स्कुलमा एक कार्यक्रम गरि आफ्नो ३४औ काब्य बाचन कार्र्यक्रम सम्पन्न गरेको छ। नेपाली चलचित्र क्रमि शकुन्तला शर्मा को प्रमुख आतिथ्यता,प्रा.डा.गारर्गी शर्माको बिशिष्ट आतिथ्यता र साहित्यकार चन्द्रा न्यौपानेको अध्यक्षता रहेको उक्त कार्यक्रम मा २० जना भन्दा बढि साहित्यकार , सर्जकहरुले...

पृथ्वी जयन्तीमा प्रवचन कार्यक्रम

काठमाडौँ, पौष २६ गते । नेपाल प्रज्ञा–प्रतिष्ठानले २९७ औँ पृथ्वी जयन्ती तथा राष्ट्रिय एकता दिवसको उपलक्ष्यमा ‘नेपाली राष्ट्रियता र पृथ्वीनारायण शाह’ विषयमा प्रवचन कार्यक्रमको आयोजना ग¥यो । कार्यक्रमका प्रमुख अतिथि प्रधानमन्त्री के.पी. शर्मा ओलीले कार्यक्रमलाई सम्बोधन गर्दै इतिहास जे सुकै भएपनि नेपाल एकीकरणको नेतृत्व पृथ्वीनारायण शाहले गरेका...

” भन्दिनु है बा ! ” को लोकार्पण

अमेरिकाको न्युयोर्कमा बस्दै आउनु भएकी कवि शकुन ज्ञवालीको कविता सङ्ग्रह ” भन्दिनु है बा ! ” को लोकार्पण नेपाल प्रज्ञा प्रतिष्ठानका कुलपति गङगाप्रसाद उप्रेतीले गर्नु भयो । कार्यक्रम समितिका उपाध्यक्ष दिव्य गिरीको अध्यक्षतामा सम्पन्न भएको थियो । अन्तर्राष्ट्रिय नेपाली साहित्य समाज बाग्मती समितिले आयोजना गरेको सो...