साहित्य गतिबिधि

प्रज्ञा पुस्तकालय भवन समुद्घाटन


काठमाडौँ, असार २६ गते ।
प्रधानमन्त्री के.पी. शर्मा ओलीले नेपाल प्रज्ञा–प्रतिष्ठानद्वारा आयोजित एक कार्यक्रममा नवनिर्मित पुस्तकालय भवन, प्रज्ञा छापाखाना तथा २०५ औँ भानु जयन्तीको कार्यक्रमको भव्य रूपमा समुद्घाटन गर्नुभयो ।
आज भानुभक्तको महत्त्व २०५ वर्षपछि पनि झन् बढ्दै गएको छ, प्रधानमन्त्री ओलीले भन्नुभयो, ‘देशको भाषिक एकीकरणमा प्राण प्रतिष्ठा गर्ने कामको लागि उनी महान छन् ।’ त्यस अवसरमा प्रधानमन्त्रीले पुस्तकालय भवन निर्माणको लागि भारतीय दुतावासलाई धन्यवाद दिँदै नयाँ भवनको निर्माण कार्य सम्पन्न हुनु, त्यसमा आधुनिक छापाखानाको व्यवस्थापन गरिनु एउटा राम्रो काम पूरा भएको छ र प्रतिष्ठानमा बाँकी रहेका अन्य भौतिक निर्माणका कामहरू पनि क्रमशः पूरा गर्दै लगिने कुरा बताउनुभयो ।
एकअर्को प्रसङ्गमा प्रधानमन्त्री के.पी. ओलीले आपूm प्रधानमन्त्री भएपछि भारतसँगको असमझदारी क्रमशः हट्दै गएको र यसको लागि दुवैदेशका प्रबुद्ध समूहले संयुक्तरूपमा काम गरिरहेका छन्, भन्नुभयो । ‘व्यापार, सीमा क्षेत्र, डुवान आदिको समस्या समाधान हुँदै गएका छन्’, प्रधानमन्त्रीले भन्नुभयो, ‘हामी सबै छिमेकीहरूसँग शान्तिपूर्ण रूपमा समान व्यवहार गर्न चाहन्छौँ ।’
नेपाल ज्ञान र शान्ति प्रादुर्भाव भएको भूमि हो, यो ज्ञान भूमि हो, तपो भूमि हो । हामी अरूभन्दा धन, पैसामा पछाडि हौँला तर कला, साहित्य र संस्कृतिमा हामी पछि छैनौँ, प्रधानमन्त्री ओलीले भन्नुभयो, ‘हाम्रो देश लाइट र हाइट दुवै भएको देश हो ।’ सारा दुनियाँ अन्धकारमा रुमलिएको बेला हाम्रा पूर्खाका साधना, त्याग र योगदानको प्रतिफल स्वरूप हामी ज्योतिषि हेरेर बह्माण्डको गणना गथ्र्यौं, सारा ग्रहहरूको हिसाब निकाल्थ्यौँ, प्रधानमन्त्री ओलीको भनाइ थियो । वहाँले भन्नुभयो, यतिबेला हामी राष्ट्र निर्माणको काममा जुटेका छौँ, हामीलाई आँधी, हुरी, असिना–पानी केहीले रोक्नसक्दैन र रोकिनु हुन्न । राष्ट्रका महान उद्देश्यलाई आस्था र वादका साना विचारहरूले कहिल्यै रोक्न सक्दैन ।

कार्यक्रममा संस्कृति, पर्यटन तथा नागरिक उड्डयन मन्त्री रविन्द्र अधिकारीले भानुभक्त नेपालमा साहित्यको जग बसाउने व्यक्ति हुन्, सारा नेपालीलाई भाषा, साहित्य र संस्कृतिका माध्यमले एकआपसमा जोड्ने कडी हुन्, भन्नुभयो । मन्त्री अधिकारीले अब एकेडेमीहरूले आफ्नो परिचयको साथै हाम्रा भावी पुस्ताहरूलाई जोड्नको लागि प्राज्ञिक गतिविधि बढाउनु आवश्यक छ, भन्नुभयो ।

सभालाई सम्बोधन गर्दै नेपालका लागि भारतीय राजदूत मञ्जीव सिंह पुरीले प्रज्ञा–प्रतिष्ठान नेपालीहरूको सोच, विचारको केन्द्र हो भन्नुहुँदै, सदियौँदेखिको नेपाल भारतबीचको सम्बन्धलाई गाढा बनाइराख्न यो पुस्तकालय उद्घाटन एक महत्त्पूर्ण अवसर हो भन्नुभयो । राजदूत पुरीले पुस्तकालयको बाँकी प्रोजेक्ट पूरागर्न हरतरहले सहयोग गर्ने कुरा पनि बताउनुभयो ।

कार्यक्रमका सभापति तथा प्रतिष्ठानका कुलपति गङ्गाप्रसाद उप्रेतीले उपस्थित पाउनाहरूलाई स्वागत गर्दै छिमेकी देशहरूको साथै यस क्षेत्रका देशहरूसँग पनि साहित्यिक गतिविधि बढाउँदै र सहकार्य गर्दै जाने लक्ष्य अनुरुप भारतीय साहित्य एकेडेमीसँग सहकार्यको थालनी भइसकेको बताउनुभयो । त्यस अवसरमा कुलपति उप्रेतीले ५ तलाको जगमा बनेको हालको ३ तलामा बाँकी २ तला थप्नको लागि सहयोग गरिदिन पनि अनुरोध गर्नुभयो ।

शहरी विकास तथा भवन निर्माण विभाग, डिभिजन कार्यालय काठमाडौँका डिभिजन प्रमुख सु.ई. वसन्त कुमार राईले भवन निर्माण सम्बन्धी प्रतिवेदन प्रस्तुत गर्दै ५ तलासम्म धान्ने जगमा हाल बनेको ३ तलाको कूल लागत मूल्य अभिवृद्धि कर बाहेक ४ करोड, १२ लाख, २६ हजार, २ सय ४७ रुपैयाँ र ७ पैसा रहेको बताउनु भयो । राईले वि.सं.२०७० साल मङ्सिर १० गते सम्झौता भई त्यसको भोलिपल्ट ११ गतेबाट काम थालिए र २०७१ साल चैत्र १० गते अर्थात १५ महिनामा काम सम्पन्न गर्नुपर्ने सम्झौता भए पनि विविध कारणले निर्माण कार्य ढिला भई २०७४ जेठ २१ गते मात्रै निर्माण सम्पन्न भएको बताउनुभयो ।

नव निर्मित पुस्तकालय भवनको सि.एम.कन्स्ट्रक्सन प्रा.लि., जोरपाटी, काठमाडौँले निर्माण कार्य सम्पन्न गरेको थियो ।

बिहि, असार २८, २०७५ मा प्रकाशित

यसमा तपाइको मत

Loading...
Loading...

बाट अन्य

मनमतीमा तीन कृतिको लोकार्पण

काठमाडौँ, चैत्र २२ गते । मनमती साहित्य समाज कलङ्कीले नियमित रूपमा आयोजना गर्दै आएको साहित्यिक कार्यक्रम ग्रीन फिल्ड स्कुल बाफलमा विशिस्ट अतिथि साहित्यकार ज्ञानमणि नेपाल र गजलकार ज्ञानुवाकर पौडेलको आतिथ्यमा सप्पन्न भयो । कार्यक्रमको सभापतित्व समाजका अध्यक्ष श्रीधर पौडेलले गर्नुभएको थियो । कार्यक्रममा मनमती साहित्य समाजका अध्यक्ष...

मैनाली कथा सम्मान विजय सागरलाई प्रदान

काठमाडौँ, चैत १९ गते । नेपाल प्रज्ञा प्रतिष्ठान आख्यान विभागको सहकार्यमा साहित्यिक पत्रकार संघले ‘३७ औं कथा दिवस’ समारोहको आयोजना ग¥यो । संघका अध्यक्ष राधेश्याम लेकालीको अध्यक्षतामा सम्पन्न सो कार्यक्रममा वरिष्ठ आख्यानकार गीता केशरी प्रमुख अतिथि रहनुभएको थियो । सो अवसरमा कथाकार विजय सागर (भैरहवा) लाई २०७५...

नियात्रा लेखनमा घनश्याम राजकर्णिकारको चर्चा !

काठमाडौँ, चैत २३ गते । अन्तर्राष्ट्रिय नेपाली साहित्य समाज, नेपाल च्याप्टरको नियात्रा महिला समितिले ‘नियात्रा उत्सव’ कार्यक्रम राजधानीमा आयोजना ग¥यो । उद्घाटन वरिष्ठ नियात्राकार घनश्याम राजकर्णिकारले गर्नुभएको थियो । कार्यक्रमको उदेश्य र महत्वमाथि अनेसासका केन्द्रीय अध्यक्ष राधेश्याम लेकालीले प्रकाश पार्नुभएको थियो । समितिका सयोजक सरु सुवेदीको सभापतित्वमा सम्पन्न...

साहित्यकार खेलकुद समाज (साखेस) नेपालको साहित्यिक वनभोज

काभ्रे (नाला), चैत्र ९ गते शनिवार । साहित्यकार खेलकुद समाज नेपालले आयोजना गरेको वनभोज कार्यक्रम काभ्रेको नाला, सानोवन स्थित सिद्धार्थ युनिभर्सिटीको गुम्बा परिसरमा सम्म्पन्न भएको छ । साखेस नेपालले प्रत्येक वर्ष आयोजना गर्दै आएको वनभोजमा कार्यक्रम यो वर्ष तेस्रो हो । यसअघि यसले २०७३ मा पहिलो...

विश्व कविता दिवसमा विशेष कवि गोष्ठी

काठमाडौँ, चैत्र ७ गते । नेपाल प्रज्ञा–प्रतिष्ठान, काव्यविभागद्वारा विश्व कविता दिवस (२१ मार्च) का अवसरमा विशेष कवि गोष्ठीको आयोजना गरियो । विशेष कवि गोष्ठीमा बोल्दै नेपाल प्रज्ञा–प्रतिष्ठानका पूर्वकुलपति तथा कार्यक्रमका प्रमुख अतिथि वरिष्ठ कवि बैरागी काइँलाले संसारका विभिन्न देशले विभिन्न अवसर पारेर कविता उत्सव (दिवस) को...

शङ्कर लामिछानेको ९२ औँ जन्म उत्सव मनाइयो

काठमौँ, चैत्र ५ गते मङ्गलवार । नेपाल प्रज्ञा प्रतिष्ठानको सहकार्यमा शङ्कर लामिछाने प्रतिष्ठानले प्रसिद्ध निबन्धकार शङ्कर लामिछानेको ९२ औँ जन्मोत्सव समारोह राजधानीमा सम्पन्न ग¥यो । सो अवसरमा वरिष्ठ साहित्यकार पूर्व प्रधानमन्त्री लोकेन्द्रबहादुर चन्दलाई अभिनन्दन, वरिष्ठ नियात्राकार घनश्याम राजकर्णिकारलाई नगद रु. पचासहजारसहित शङ्कर लामिछाने निबन्ध पुरस्कार...