अर्थ

झमझम पानी परिरहँदा केही मानिसले बानेश्वरमा सडकका खाल्डाखुल्डी पुर्न व्यस्त


साउन, काठमाडौं । शनिबार दिउँसो झमझम पानी परिरहँदा केही मानिसले बानेश्वरमा सडकका खाल्डाखुल्डी पुर्न व्यस्त थिए । उनीहरु साना ठूलो खाल्डाखुल्डी एकएक पुरिरहेका थिए । झरिका बीचमा पनि काम गरेको देख्नेहरुलाई लाग्यो, ढिलै भएपनि सरकारले जनतालाई परेको पीर मर्का बुझ्न थालेछ ।’

नयाँ बानेश्वरमा मात्र होइन, आजभोलि मूल सडकहरुमा जतातातै काम भइरहेको छ । नगरुन पनि किन ? भौतिक पूर्वाधार तथा यातायातमन्त्री रघुवीर महासेठ आफैं बेला-बेलामा सडक अनुगमनमा निस्कने गरेका छन् र जुन सुकै हालतमा होस्, भदौ १२ गतेसम्म सबै सडकको खाल्डा पुर्नु परेर निर्देशन दिएका छन् ।

 

मध्य वर्षामै सडकका खाल्डाखुल्डी पुर्न थालिएछ नि भन्ने प्रश्नमा सडक विभागका एक अधिकारीले भने, ‘विदेशी राष्ट्र तथा सरकार प्रमुखहरु आउँदैछन् भन्ने थाहा छैन ?’

हो, भदौ १४ र १५ मा काठमाडौंमा बहुपक्षीय प्राविधिक तथा आर्थिक सहयोगका लागि बंगालको खाडीको प्रयास -विमिस्टेक) को शिखर सम्मेलन काठमाडौंमा हुँदैछ । सम्मेलनका लागि भारतका साथै बंगलादेश, भुटान, म्यानमार, श्रीलंका र थाइल्याण्डका राष्ट्र तथा सरकार प्रमुखहरु काठमाडौं आउनेछन् ।

त्यही सम्मेलनका लागि धमाधम चत्रपथभित्रका सडकहरु मर्तमसम्भारको काम भइरहेको छ । मन्त्री महासेठले दिन-दिनै कामको प्रगति विवरण लिने गरेका छन् ।

सडक विभागलाई भने मध्य बर्षामा कसरी सडकलाई सुन्दर र आकर्षक बनाउने भन्ने तनाव छ । एरपोर्टबाट तीनकुने, बानेश्वर-थापाथली-टेकु हुँदै सोल्टी मोडसम्म जाने सडकलाई सबैभन्दा प्राथमिकता राखेर मर्मत तथा सुधारको काम भइरहेको छ ।

त्रिभुवन अन्तराष्ट्रिय विमानस्थल अगाडिबाट तीनकुनेसम्म सडकको दायाँबायाँ फूलबारी निर्माण गरिँदैछ । यसमा नेपाल टेलिकमलाई सहभागी गराइँदैछ ।

यस्तै त्रिपरेश्वर-महाराजगञ्ज, सिनामंगल-रत्नपार्क, रत्पपार्क आसपास, रिंगरोड, ललितपुर पाटन दरबार क्षेत्र र भक्तपुर जाने सडकमा खाल्डाखुल्डी पुर्ने काम भइरहेको छ । पानीमै प्रयोग गर्नै सकिने बिटुमिन (अलकत्रा) प्रयोग गरेर खाल्डा-खुल्डी ‘प्याचअप’ गर्ने काम भइहरेको दावी विभागका अधिकारीहरुको छ ।

मुख्य सडकमा सडक बत्तीको व्यवस्था गर्ने र सडकमा सडक संकेतको व्यवस्थासमेत गरिँदैछ ।

ढल निकास विभागलाई पानीका कारण समस्या भएका क्षेत्रको पहिचान गरी आवश्यक व्यवस्था मिलाउन पनि भनिएको छ । पानी जम्न नदिने तथा धुलो नउड्ने अवस्था सिर्जना गर्न निर्देशन दिइएको छ ।

ऊर्जा मन्त्रालयले सडक निर्माणमा अवरोध गरेका पोलहरु सात दिनभित्रै हटाएर नयाँ पोल गाड्दैछ । यसरी मुख्य सडकमा ‘जादुयी’ तवरले काम गर्ने योजना छ ।

हुन त विदेशी पाहुना आउँदा सडकलाई चिरिच्याट्ट पार्ने प्रचलन नेपालमा नौलो होइन । भारतीय प्रधानमन्त्री नरेन्द्र मोदी नेपाल भ्रमणमा आउँदा चाबहिलबाट हायत होटल अगाडिसम्म कालोपत्र रहेको सरकारले त्यसअघि र पछि सडकको दुरावस्था देखेन । अहिले पनि ठूलो पानी पर्नासाथ त्यो बाटो हिँडिनसक्नु हुन्छ ।

 

सोम, साउन २१, २०७५ मा प्रकाशित

यसमा तपाइको मत

Loading...
Loading...

बाट अन्य

गोपाल गौरी दीगो बिकास प्रतिष्ठानले एकल महिलाहरुलाई आत्मानिर्भर बनाउदै

झापा । झापाको शिवसतासी नगरपालिका ८ की निशा अधिकारी २२ बर्ष मात्र पुग्नु भएको छ तर उहाँ श्रीमानसँग अगल भएर भएर बस्नुभएको ५ बर्ष भयो । उहाको साथमा ४ बर्षकी छोरी समेत छन् । २०७० सालमा बिवाह भएको तीन महिना पछि नै उहाँ अलग हुनुभएको बताउनुहुन्छ...

जननेता मदन भण्डारी र जीवराज आश्रितको हत्यारा खोजी  प्रक्रिया सुरू गरिएको दाबी गृहमन्त्री रामबहादुर थापा बादल

 काठमाडौं । जननेता मदन भण्डारी र जीवराज आश्रितको हत्यारा खोजी  प्रक्रिया सुरू गरिएको दाबी गृहमन्त्री रामबहादुर थापा बादलले गरेका छन् । २६ औं मदन–आश्रित स्मृति दिवसको अवसरमा मदन भण्डारी स्मृति बाटिका, कोटेश्वरमा आयोजित कार्यक्रममा बोल्दै गृहमन्त्री थापाले छानबिन प्रक्रिया सुरू गरिएकाले छिट्टै हत्यारा पत्ता लाग्ने बताए...

भूकम्पपछि बन्द रहेको प्रमुख व्यापारिक नाका तातोपानी भन्सार सञ्चालन हुने दिन नजिकिँदै

सिन्धुपाल्चोक । भूकम्प र भोटेकोशीको बाढीपछि तहस-नहस भएको नेपाल-चीन सीमा नाका तातोपानी क्षेत्रको लार्चा नजिकै पक्की मोटरेबल पुल निर्माण भएको छ । पुल तर्ना साथ एउटा विशाल र भव्य भवन देखिन्छ । भवनभित्र छिर्दैगर्दा कुनै विकसित देशको सपिङ सेन्टरभन्दा कुनै हिसाबले कमी देखिँदैन । भवनभित्र सुन्दर...

रुपन्देहीको शंकरनगर वन विहार तथा अनुसन्धान केन्द्र (वन वाटिका) मा बाल रेल संचालन

वैशाख,बुटवल । रुपन्देहीको शंकरनगर वन विहार तथा अनुसन्धान केन्द्र (वन वाटिका) मा बाल रेल संचालनमा आएको छ । वनवाटिकास्थित रोटरी बाल विकास केन्द्रमा करिब एक करोड रुपैयाँ लागतमा बाल रेल संचालनमा आएको हो । काठमाडौंको भृकुटीमण्डपपछि मोफसलको यो पहिलो बाल रेल हो । गोलाकारको करिब एक...

सरकारले निकै उत्साहका साथ आयोजना गरेको दुई दिने अन्तर्राष्ट्रिय लगानी सम्मेलन शुक्रबार शुरु

काठमाडौं । सरकारले निकै उत्साहका साथ आयोजना गरेको दुई दिने अन्तर्राष्ट्रिय लगानी सम्मेलन शुक्रबार शुरु भयो । तर, कमजोर व्यवस्थापन र लगानीकर्ताको उदासिनताले सम्मेलन अपेक्षित सफल हुनेमा आशंका उब्जिएको छ । उद्योगमन्त्रीले नै सिट  नपाएपछि कार्यक्रम हलमा बस्न पाएनन् भने उद्घाटन समारोहमा आमन्त्रित धेरै लगानीकर्ता...

परराष्ट्रमन्त्री प्रदीप ज्ञवालीले विदेशी लगानीका अहिलेसम्मकै सबैभन्दा राम्रो वातावरण तयार भएको बताए

१५ चैत, काठमाडौं । परराष्ट्रमन्त्री प्रदीप ज्ञवालीले विदेशी लगानीका लागि मुलुकमा अहिलेसम्मकै सबैभन्दा राम्रो वातावरण तयार भएको बताएका छन् । अन्तर्राष्ट्रिय लगानी सम्मेलनमा ‘नेपालमा लगानीको अवसर’ विषयको पहिलो सत्रमा बोल्दै उनले विदेशी लगानी तथा प्रविधि हस्तान्तरण ऐन, सार्वजनिक निजी साझेदारी लगानीसम्बन्धी ऐनलगायतले विगतको भन्दा सहज...