साहित्य गतिबिधि

सुरभिको साधारण सभा तथा पुरस्कार वितरण


काठमाडौँ, श्रावण १९ गते शनिबार ।

सुरभि साहित्य प्रतिष्ठानको दसौँ साधारण सभा, वेदमणि–सुरभि आख्यान वाचन पुरस्कार २०७४ तथा नियमित मासिक आख्यान वाचन कार्यक्रमको ९५ औँ शृङ्खला सम्पन्न भएको छ । प्रतिष्ठानका अध्यक्ष बाजुराम पौडेलको अध्यक्षतामा सम्पन्न यस कार्यक्रममा प्राज्ञ दिनेशराज पन्तको प्रमुख आतिथ्यता रहेको थियो । दुई चरणमा सम्पन्न भएको कार्यक्रममा पहिलो चरणमा साधारण सभा र दोस्रोमा आख्यानवाचन र पुरस्कार वितरण भएको थियो ।
पहिलो चरणको कार्यक्रममा अध्यक्ष र कोषाध्यक्षको प्रतिवेदन पारित भएको थियो । त्यसपछि पुरानो कार्यसमिति भङ्ग भई नयाँ कार्यसमितिको गठन भएको थियो । अध्यक्षमा बाजुराम पौडेल, उपाध्यक्षमा परशुराम पराशर, सचिव अच्युत घिमिरे, कोषाध्यक्ष रामकुमार पण्डित क्षेत्री, सहसचिव सुशीला खड्का हसिना, सदस्यहरूमा मेनका पोखरेल आचार्य, नगेन्द्र भट्टराई नयाँ कार्यसमितिमा नियुक्त हुनुभएको थियो ।
दोस्रो चरणमा नियमित आख्यान वाचन र पुरस्कार वितरणको कार्यक्रम रहेको थियो । आख्यान वाचनमा गोपाल बरालले नियात्रा, भूधरा उपाध्याय, रञ्जना पराजुली लम्साल, सागर सुवेदी, रमेश भट्टराई पुजारी, मनुसा भट्टराई, बखतबहादुर थापा, डम्बर घिमिरे र रामेश्वर फुयाँलले कथा वाचन गर्नुभएको थियो भने पवित्रा अधिकारीले निबन्ध वाचन गर्नुभएको थियो ।
कार्यक्रममा कथाकार रमेश भट्टराई पुजारीलाई वेदमणि–सुरभि आख्यान वाचन पुरस्कार र प्रमाणपत्र प्रदान गरिएको थियो ।
प्रमुख अतिथि प्राज्ञ दिनेशराज पन्तले नियमित आख्यानवाचन गराउने सुरभिको कार्य स्तुत्य छ भन्दै नेपाली रचनालाई अङ्ग्रेजीमा राम्रो अनुवाद गरे नोवल पुरस्कार पाउने कुरा राख्नुभयो । विजय चालिसेले राज्यले सुरभि साहित्य प्रतिष्ठानजस्ता अलग पहिचान बोकेका संस्थाहरूलाई टेवा पु¥याउनुपर्र्नेे कुरा उठाउनुभएको थियो । राममणि पोखरेलले सुरभिलाई फराकिलो बनाउनु पर्ने सुझाब दिनुभयो । रामेश्वर फुयालले गाउँ सहर एक बनाउने साहित्य लेखिनुपर्ने भन्दै साहित्यलाई उत्पादनमुखी बनाउनुपर्छ भन्नु भयो । कार्यक्रममा साउन पन्ध्रको सम्झनास्वरुप खिर खाजा खुवाइएको थियो । 

सोम, साउन २१, २०७५ मा प्रकाशित

यसमा तपाइको मत

Loading...
Loading...

बाट अन्य

शङ्कर लामिछानेको ९२ औँ जन्म उत्सव मनाइयो

काठमौँ, चैत्र ५ गते मङ्गलवार । नेपाल प्रज्ञा प्रतिष्ठानको सहकार्यमा शङ्कर लामिछाने प्रतिष्ठानले प्रसिद्ध निबन्धकार शङ्कर लामिछानेको ९२ औँ जन्मोत्सव समारोह राजधानीमा सम्पन्न ग¥यो । सो अवसरमा वरिष्ठ साहित्यकार पूर्व प्रधानमन्त्री लोकेन्द्रबहादुर चन्दलाई अभिनन्दन, वरिष्ठ नियात्राकार घनश्याम राजकर्णिकारलाई नगद रु. पचासहजारसहित शङ्कर लामिछाने निबन्ध पुरस्कार...

गीतकार तथा गजलकार रविन्द्र आशिष ‘शैली’को पहिलो एकल गजलसंग्रह ‘माया महल’ विमोचन

गीतकार तथा गजलकार रविन्द्र आशिष ‘शैली’को पहिलो एकल गजलसंग्रह ‘माया महल’ विमोचन गरिएको छ । बुधबार अनामनगरमा एक कार्यक्रमकाबीच उक्त गजलसंग्रह विमोचन गरिएको हो। कार्यक्रममा  गजलकार ज्ञानुवाकर पौडेल, साहित्यकार विजयध्वज थापा, नेपाल प्राज्ञ प्रतिष्ठानका प्राज्ञ ध्रुव मधिकर्मी, पोखराका गजलकार पीताम्बर प्रकटका साथमा गजलकार शैलीले संयुक्त रुपमा लोकापर्ण गरेका थिए...

संसाक नारायणाचार्य कौशिक विशेष अङ्क लोकार्पण

काठमाडौँ, फागुन १२ गते । ‘संसाक नारायणाचार्य कौशिक विशेष अङ्क’ खोज अनलाइनको कार्यालय, गोंगबुँमा विशेष कार्यक्रमका साथ लोकार्पण गरियो । डा.शैलेन्दुप्रकाश नेपालको प्रमुख आतिथ्य र खोज अनलाइनका प्रबन्धक रत्नप्रसाद अनामणि श्रेष्ठको सभापतित्वमा भएको कार्यक्रममा उपस्थित लेखक तथा कविहरूले आआफ्ना सिर्जनाहरू वाचन गर्नुभएको थियो । कार्यक्रमलाई सम्बोधन गर्दै...

गीतकार तथा मुक्तककार बिमला अधिकारी देवकोटाको मुक्तकसङ्ग्रह “मनको किनारा” बजारमा

गीतकार तथा मुक्तककार बिमला अधिकारी देवकोटाको पहिलो मुक्तकसङ्ग्रह मनको किनारा बजारमा आएको छ । शनिबार राजधानीमा आयोजित एक कार्यक्रममा बरिष्ठ गजलकार ज्ञानुवाकर पौडेल, समालोचक युवराज मैनाली, प्राज्ञ डा खेम बन्धु कोइराला, साहित्यकार डा विधान आचार्य, नियात्राकार प्रतिक ढकाल लगायतले संयुक्त रुपमा पुस्तकको लोकार्पण गर्नु भयो...

कर्मदा सिर्जना मञ्च नेपालको तेस्रो रचना वाचन

माघ ५ गते शनिवार मर्स्याङ्दी आधारभूत विद्यालय पाउँदिबजार लमजुङमा कर्मदा सिर्जना मञ्च नेपालको तेस्रो रचना वाचन,प्रथम साधारण सभा,आजीवन सदस्यको प्रमाण – पत्र वितरण तथा निर्वाचन,कार्यक्रम संस्थाका अध्यक्ष जगदीश्वर पोखरेलज्यूको अध्यक्षता, सुन्दरबजार नगर पालिकाकी उपमेयर ज्ञानु शाहको प्रमुख आतिथ्य तथा सुन्दरबजार नपा ७ का वडाअध्यक्ष जयराम...

साताको साहित्य पुरस्कार — २०१८

यस बर्षको साताको साहित्य पुरस्कार कवि नवीन प्यासीको कविता ‘आशीर्वाद’लाई प्रदान गरिने निर्णय गरिएको छ । ‘साताकोसाहित्यडटकम’ मा अगष्ट २०१७ देखि जुलाई २०१८ सम्म प्रकाशित भएका रचनाहरूमध्येबाट तीन उत्कृष्ट रचनाहरू केही समय अघि सार्वजनिक गरिएका थिए जसमा अन्य दुई उत्कृष्ट रचनाका रुपमा कवि बाबु त्रिपाठीको...