राजनिति

सरकारले रंगीन कलेबरमा ७४ पृष्ठ लामो पुस्तिका सार्वजनिक


साउन, काठमाडौं । केपी ओली सरकारले आफ्नो पाँच महिने अवधिमा उल्लेख्य काम गर्न नसकेको गुनासो आइरहेका बेला सोमबार सरकारले रंगीन कलेबरमा ७४ पृष्ठ लामो पुस्तिका सार्वजनिक गरेको छ । ‘वर्तमान सरकारका ५ महिना’ शीर्षकमा प्रकाशित पुस्तिकामा सरकारले ५ महिनामा गरेका काम र अब गर्ने कामहरुको फेहरिस्त दिइएको छ ।

 

सरकारले सार्वजनिक गरेको प्रगति विवरणमा कुनै भूमिका लेखिएको छैन । कुनै कामहरु गर्न नसकिएको वा किन हुन सकेन भन्नेबारेमा जनगुनासाहरुमाथि कुनै टिप्पणी नगरी के के कामहरु भए भन्ने विवरणमात्रै प्रस्तुत गरिएको छ ।

सरकारको ५ महिने प्रगति समेटिएको पुस्तकमा बुलेट रेलको तस्वीरसमेत देख्न पाइन्छ । तर, विवरणमा सरकारका कमजाेरीबारे चर्चा छैन

मन्त्रालयगत कामहरुको विवरण दिइसकेपछि सरकारको ५ वर्षे मार्गचित्रसम्बन्धी केही ग्राफिक्सहरु दिइएको छ । विवरणको अन्त्यमा ‘संक्षेपमा बजेट शीर्षकमा आमेली सरकारले ल्याएको बजेटबारे ग्राफिक्ससहितको जानकारी गराइएको छ ।

ओली सरकारको पाँच महिने प्रगति विवरण समेटिएको पुस्तकमा अत्याधुनिक बुलेट रेलको तस्वीरसमेत देख्न पाइन्छ । रंगीन तस्वीर र ग्राफिक्सहरुले झकीझकाउ सरकारी कामको विवरणमा उल्लेख गरिएका १७ वटा ग्राफिक्स एवं बुलेटहरु हामीले यहाँ पाठकहरुको जानकारीका लागि प्रस्तुत गरेका छौं ।

१. सुशासनका लागि मानक थालनीः ओली सरकारले आफ्नो पहिलो कामका रुपमा सुशासनका लागि मानकको थालनी भएको दाबी गरेको छ । यस क्रममा यातायातको सिन्डिकेट अन्त्य गरेको, सुन तस्करी नियन्त्रण गरेको, विकासको ढीलासुस्ती हटाएको, औचित्यहीन भ्रमण रोकेको र सार्वजनिक खर्चमा मितव्ययिता अपनाइएको लगायतका दाबीहरु प्रस्तुत गरिएका छन् ।

२. हवाई सेवा र पर्यटन पूर्वाधारमा उल्लेखनीय परिवर्तनः सरकारले आफ्नो दोस्रो उपलब्धीका रुपमा हवाई क्षेत्र र पर्यटनमा ‘उल्लेखनीय परिवर्तन’ भएको दाबी गरेको छ । यसअन्तरगत विमानस्थल २१ घण्टा सञ्चालनमा ल्याएको, वाइडबढी विमान किनेको लगायतका विवरण समेटिएका छन् ।

३. नेपालका आवश्यकता र प्राथमिकतामा आधारित विदेश सम्बन्धः ओली सरकारले भारत र चीन भ्रमणबाट भएको उपलब्धीलाई तेस्रो बुँदामा समेटेको छ । सरकारले भनेको छ- ‘प्रधानमन्त्रीको दुई छिमेकी मित्रराष्ट्रहरु भारत र चीनको भ्रमणबाट छिमेक-सम्बन्ध नयाँ उचाईमा पुगेको छ । हाम्रो आफ्नै प्राथमिकता, पारस्परिक सम्मान र लाभमा आधारित विदेश सम्बन्धको अध्याय सुरु भएको छ ।’

४. अर्थ प्रशासनमा सुधार, राज्यकोषलाई उल्लेख्य लाभः कर बढाएको आरोप खेपिरहेको सरकारले अर्थ प्रशासनमा सुधार आएको र राज्यकोषलाई उल्लेख्य लाभ प्राप्त भएको दाबी गरेको छ । यस अन्तरगत लक्षभन्दा बढी राजस्व संकलन भएको र भन्सार भन्सार प्रणालीमा सुधार आएको सरकारी विवरणमा उल्लेख छ । विकास खर्चमा पनि उत्साहजनक वृद्धि भएको बताइएको छ ।

५. सडक रेल पूर्वाधार निर्माण तीव्र गतिमा कामः सरकारले सार्वजनिक गरेको आफ्नो पाँच महिने उपलब्धीसम्बन्धी पुस्तिकामा तीव्रगतिमा चल्ने विदेशी रेलको तस्वीरसहितको ग्राफिक्स राखिएको छ ।रेल ल्याउने विषयमा भएको प्रगतिबारे भनिएको छ-‘सिमरा बर्दिबास (१०८ कि.मि.) रेलमार्ग निर्माणको बर्दिबास लालबन्दी खण्डको ३० कि.मि. क्षेत्रमा ट्र्याक बेड निर्माण ८० प्रतिशत सकिएको छ । सन् २०१८ भित्र जयनगर -जनकपुर (कुर्था) ३५ कि.मि. रेलमार्ग सञ्चालन गर्ने लक्ष्यसहित जयनगर देखि बिजलपुर सम्म ५२ कि.मि. खण्डमा रेलमार्ग निर्माण कार्य अघि बढेको छ ।’

६. पूर्वाधार विकासमा छोटो समयमा नतिजाः यो शीर्षक अन्तरगत सरकारी प्रगति विवरणमा केही कामहरु भएको बुलेटमा उल्लेख गरिएको छ । भन्सार जाँच चौकी, पुल, सिंचाई आदि क्षेत्रमा भएका प्रगतिहरुलाई बुलेटमा देखाइएको छ ।

७. उर्जामा अत्मनिर्भरता, राष्ट्रिय आयको दीर्घकालीन साधनः यस शीर्षक अन्तरगत सिंहदरबारमा घामबाटछ बिजुली निकालेको देखि निजी परियोजनाबाट २८ मेगावाट विद्युत थपिएको सम्मका विवरणहरु समेटिएका छन् ।

८. शिक्षा क्षेत्रमा दूरगामी महत्वका तीन कामः शिक्षामा महत्वपूर्ण कामहरु भएको विवरणसहितको बुलेट पुस्तिकामा समेटिएको छ । विद्यालय भर्ना, समयमै पाठ्यपुस्तक पुगेको अनि शिक्षा आयोग गठन लगाउतका विषयलाई उपलब्धिका रुपमा समेटिएका छन् ।

९. सुरक्षाको क्षेत्रमा महत्वपूर्ण पाँच कामः सरकारले सार्वजनिक गरेको ५ महिने प्रगति विवरणमा प्राकृतिक प्रकोप नियन्त्रणसम्बन्धी विवरणहरु समेटिएका छन् ।

१०. पुनर्निर्माणमा नतिजामुखी कामः सरकारले भूकम्पपछिको पुनर्निर्माणमा महत्वपूर्ण कामहरु भएको दाबी गरेको छ । यसमा विद्यालय, ब्यारेक र निजी घरहअरु कति बने भन्ने विवरण प्रस्तुत गरिएको छ ।

११. कृषिको व्यवसायीकरणः सरकारले कृषिको व्यवसायीकरणमा केही उपलब्धिहरु हासिल गरेको बताएको छ । दूधको उत्पादन र बजारीकरण, कृषिलाई उद्यागमा बदल्ने प्रक्रियाको थालनी र अदुवा निर्यातमा सहजताबारे चर्चा गरिएको छ ।

१२. सामाजिक सुरक्षामा नयाँ थालनीः सरकारले सामाजिक सुरक्षामा नयाँ थालनी भएको भन्दै विदेशमा अलपत्र श्रमिकको उद्धार गरिएको, श्रमिकको पारिश्रमिक वृद्धि गरेको र पत्रकारको वृत्तिकोष स्थापना गरेको जनाएको छ ।

१३. प्रशासनमा शीघ्र र सहज सेवाको प्रवन्धः सरकारले सार्वजनिक सेवामा भोग्नु परेको कठिनाइ हल गर्न नसकेको र कर्मचारीले घुस मागेर दुःख दिने गरेको बताइरहेका बेला सरकारले भने प्रशासनमा शीघ्र र सहज सेवाको प्रवन्ध गरेको दाबी गरेको छ । यसमा वैदेशिक रोजगारी एवं स्थानीय तहको कानूनबारे चर्चा गरिएको छ ।

१४. सरकारले आफ्को कार्यकालको पाँच महिनामा नमूना शहर र एकीकृत वस्ती निर्माणको आधार तयार पारेको दाबी गरेको छ । सातै प्रदेशमा एक-एकवटा घनाबस्ती छनोट गरिएको सरकारले जनाएको छ ।

१५. स्वास्थ्य क्षेत्रमा उपलब्धिका रुपमा सरकारले औषधिको मूल्य निर्धारणलाई महत्व दिएको छ । मुटुरोग सम्बन्धी सेवा विस्तार एवं स्वास्थ्य विमालाई सरकारले यसअवधिमा भएको उपलब्धिका रुपमा चर्चा गरेको छ ।

१६. सरकारले आफ्नो पुस्तिकामा ‘उद्योगमा सफलताः फलाम खानी अन्वेषण’ शीर्षक दिएर ८५० किलो फलामजन्य पदार्थ परीक्षणका लागि चीन पठाएको उल्लेख गरेको छ । सातै प्रदेशमा औद्योगिक क्षेत्र निर्माणसम्बन्धी प्रतिवेदन तयार भएको सरकारले जनाएको छ ।

१७. खेलकुद क्षेत्रअन्तरगत अन्तरराष्ट्रिय र प्रदेशस्तरीय रंगशाला निर्माणको तयारीस्वरुप जग्गाको पहिचान गरिएको सरकारी विवरणमा उल्लेख छ ।

१८. सरकारी प्रगति विवरणमा मेलम्ची खानेपानी सपनाबाट यथार्थमा परिणत हुँदै गरेको दाबी गरिएको छ । त्यसैगरी भूकम्प पीडितहरु पनि विभिन्न खानेपानी योजनाहरुबाट लाभान्वित बनेको सरकारी विवरणमा उल्लेख छ ।

 

मङ्ल, साउन २९, २०७५ मा प्रकाशित

यसमा तपाइको मत

Loading...
Loading...

बाट अन्य

प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन

माघ, काठमाडौं । प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन दिएका छन् । दुईपांग्रे सवारी साधनले भाडा लिएर यात्रुहरु बोक्न नपाउने भन्दै प्रहरी प्रशासन र यातायात व्यवस्था विभागका अधिकारीहरुले आपत्ति जनाइरहेका बेला प्रधानमन्त्री ओलीले यो कार्यमा अवरोध नगर्न निर्देशन दिएका हुन्...

जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै

२५ पुस, काठमाडौं । जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै छन् । परराष्ट्र मन्त्री प्रदीपकुमार ज्ञवालीको निमन्त्रणामा विदेशमन्त्री कोनो बुधबार अपराह्न नेपाल आउन लागेका हुन् । परराष्ट्र मन्त्रालयले जापानी विदेश मन्त्री कोनो १८ सदस्यीय प्रतिनिधिमण्डलको नेतृत्व गर्दै आज नेपाल...

त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरे

काठमाडौँ, २४ मङ्सिर (रासस) ः त्रिभुवन विश्वविद्यालय शिक्षण अस्पताल महाराजगञ्ज परिसरभित्र एक वृद्धले आत्महत्या गरेका छन् । काठमाडौँ महानगरपालिका–३ धारामार्ग बस्ने ७६ वर्षीय कृष्णबहादुर बोहराले आइतबार साँझ झुण्डिएर आत्महत्या गरेका हुन् । महानगरीय प्रहरी वृत्त महाराजगञ्जका प्रमुख एवं प्रहरी नायब उपरीक्षक फणीन्द्र प्रसार्इंले अस्पतालभित्रको गणेशमानसिंह नाक, कान,...

निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त

कञ्चनपुरकी १३ वर्षिय निर्मला पन्तको हत्यारा सार्वजनिककाे माग गर्दै देशका सबै ठाउँबाट नागरिक अभियान सशक्त बन्दै गएको छ । अभियानकर्ताहरुले निर्मलाका लागि न्याय माग्दै सोमबार इटहरीमा समेत पोस्टर टासेका छन। एमआरआर इटहरीका अभियानकर्ताले ‘सरकार भेटियाे न्याय भेटिएन’ लेखिएका पोस्टर इटहरीको मुख्य चोक चोकमा टासेका थिए।...

सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरे

१३ मंसिर, काठमाडौं । सरकारले काठमाडौं उपत्यकामा चल्ने सवारी साधनमा आजबाट ४ दिन जोर–बिजोर प्रणाली लागू गरेको छ । मंसिर १४ देखि १७ गतेसम्म काठमाडौंमा हुने एसिया प्यासिफिक समिटलाई व्यवस्थित गर्न जोर–बिजोर प्रणाली लागू गर्न लागिएको हो । युनिभर्सल पिस फेडेरेसनको आयोजनामा मंसिर १४ देखि १७...

नेकां नेता अर्जुननरसिंह केसीले प्रम केपीओली जंगबहादुर,स्टालिन र हिटलर बन्ने प्रवृत्तितर्फ उन्मुख रहेको आरोप लगाए

कात्तिक, काठमाडौं । नेपाली कांग्रेसका नेता अर्जुननरसिंह केसीले प्रधानमन्त्री केपी शर्मा ओली जंगबहादुर, स्टालिन र हिटलर बन्ने प्रवृत्तितर्फ उन्मुख रहेको आरोप लगाएका छन् । शुक्रबार रिपोर्टस क्लबमा आयोजित साक्षातकारमा उनले प्रधानमन्त्रीमा शक्तिको उन्माद देखिएको र जंगबहादुर बन्न बन्ने तिब्र आकांक्षा देखिएको बताएका हुन् । ‘प्रधानमन्त्रीले काम...