खेलकुद

अठारौं एसियाली खेलकुद प्रतियोगितामा पदक जित्नेलाई पोखरामा भव्य स्वागतसहित सम्मान


भदौ, पोखरा । अठारौं एसियाली खेलकुद प्रतियोगितामा रजत पदक जित्ने प्याराग्लाइडिङ टीमलाई पोखरामा भव्य स्वागतसहित सम्मान गरिएको छ ।

इण्डोनेसियाको राजधानी जकार्तामा हालै सम्पन्न एसियाडमा रजत पदक जित्ने प्याराग्लाइडिङको क्रस कन्ट्री इभेन्टका कप्तान विमल अधिकारी, विजय गौतम, सुशील गुरुङ, युकेश गुरुङ र विशाल थापा तथा प्रशिक्षक योगेश भट्टराईलाई पोखरामा स्वागतसहित सम्मान गरिएको हो ।

रजत पदक जितेर पोखरा आएका उनीहरुलाई पोखरा विमानस्थलमा माला, खादा र अवीर लगाएर स्वागत गरिएको थियो । त्यसलगत्तै गाडीमा राखेर नगर परिक्रमा गराइएको थियो । पोखरा विमानस्थल मुस्ताङचोकबाट शुरु भएको विजयोत्सव र्‍याली विरौटा, राष्ट्रबैंंकचोक, लेकसाइड, जिरो किलोमिटर, सभागृहचोक, न्यूरोड, चिप्लेढुंगा, महेन्द्रपुल, नयाँबजार, पृथ्वीचोक हुँदै पोखरा रंगशाला पुगेर सम्मान समारोहमा परिणत भएको थियो ।

पश्चिमाञ्चल क्षेत्रीय खेलकुद विकास समिति, जिल्ला खेलकुद विकास समिति कास्की, नेपाल हवाई खेलकुद संस्था ‘ना’ पोखरा, प्याराग्लाइडिङ पाइलट खुकुल क्लव पोखरा, नेपाल प्याराग्लाईडिङ एण्ड हृयाण्ड ग्लाईडिङ एशोसियसन नेपाल, राष्ट्रिय तथा अन्तर्राष्ट्रिय खेलाडी संघ र खेलकुद पत्रकार मञ्च कास्कीको संयुक्त आयोजनामा भएको कार्यक्रममा खेलाडीहरुलाई नगदसहित सम्मान गरिएको हो ।

कार्यक्रममा नेपाल सरकारका खेलकुद मन्त्री जगतबहादुर विश्वकर्मा, राष्ट्रिय खेलकुद परिषदका सदस्यसचिव केशवकुमार विष्ट, क्षेत्रीय खेलकुद विकास समितिका कार्यवाहक अध्यक्ष सम्पन्न श्रेष्ठ, जिल्ला खेलकुद विकास समिति कास्कीका अध्यक्ष यामबहादुर गुरुङलगायतले दोषल्ला, सम्मान पत्र प्रदान गर्नुका साथै माला, खादा, अवीर लगाएर सम्मान गरेका थिए ।

कार्यक्रममा भूतपूर्व खेलाडी मञ्च नेपाल र मदन भण्डारी स्पोर्टस् एकेडेमीका गण्डकी संयोजक राजेश गुरुङले रजत पदक विजेता टीमलाई नगद ५०/५० हजार रुपैयाँसहित सम्मान गरे ।

कार्यक्रममा बोल्दै खेलकुद मन्त्री जगतबहादुर विश्वकर्माले प्याराग्लाइडिङले पदक दिलाएर विश्वसामु नेपालको शिर उचो बनाएको बताए । एसियाडमा पदक दिलाउने प्याराग्लाइडिङको विकासमा पोखरेलीको हात रहेको बताउँदै उनले भने,’प्याराग्लाइडिङको विकासका लागि पोखरेलीको योगदान छ, साथ र समर्थन छ । यसकै कारण आज नेपालले पदक ल्याउन सम्भव भयो ।’

मन्त्री विश्वकर्माले खेलकुदको विकास र समृद्धी नभएसम्म नेपालमा विकास र समृद्धि हुनै नसक्ने बताए । उनले थपे, ‘खेलकुदको विकास नभएसम्म नेपाली खुशी पनि हुन सक्दैन ।’ उनले पोखरालाई स्पोर्टस् सिटी बनाएर खेलकुद र पर्यटनको विकास गर्नुपर्ने भन्दै यसको चाँडै घोषणा हुने बताए ।

राखेप सदस्यसचिव केशवकुमार विष्टले प्याराग्लाइडिङले पदक दिलाएर खेलकुदमा नयाँ सम्भावनाको ढोका खोलेको बताए ।

प्याराग्लाइडिङको क्रस कन्ट्री विधामा सर्वोत्कृष्ट खेलाडीलाई पदक दिने भए नेपालका युकेश गुरुङले गोल्ड मेडल नै पाउने दाबी गर्दै उनले पोखरामा नोभेम्बर महिनामा हुने प्याराग्लाइडिङको विश्वकपमा नेपालले स्वर्ण पदक नै जित्ने ठोकुवा गरे ।

पोखरालाई चिनाउन खेलकुद काफी भएको बताउँदै उनले भने, ‘मैले सँधै भन्दै आएको छु, पोखरालाई चिनाउन फेवातालको नाम लिनु पर्दैन, न त माछापुच्छ्रे हिमालकै नाम लिनुपर्छ, अब पोखरा खेलकुदले पनि चिनिन सक्छ । त्यतिमात्र हैन अब प्याराग्लाइडिङ, क्रिकेटलगायतका खेलले नेपाललाई नै चिनाउन सक्छ ।’

सदस्यसचिव विष्टले पोखरा स्पोर्टस् सिटी हुने बताउँदै भने, ‘स्पोर्ट्स सिटीको अध्ययन सकिएको छ, अब चाँडै घोषणा हुन्छ ।’

मङ्ल, भदौ १९, २०७५ मा प्रकाशित

यसमा तपाइको मत

Loading...
Loading...

बाट अन्य

विश्वकप क्रिकेटमा भारतसँग पाकिस्तान पराजित

असार, काठमाडौं । विश्वकप क्रिकेटमा भारतसँग पाकिस्तान पराजित भएको छ । इंग्ल्यान्डको म्यान्चेस्टरमा भएको खेलमा भारतसँग पाकिस्तान ८९ रनले पराजित भएको हो । ३३७ रनको लक्ष्य पछ्याउँदै ब्याटिङ गरेको पाकिस्तानले ब्याटिङ गरिरहेकै बेला पानी परेपछि खेल ४० ओभरमा छोट्याइएको थियो । अब ४० ओभरमा पाकिस्तानले ३०२ रनको...

विश्वकप क्रिकेट अन्तर्गत शुक्रबारदेखि अभ्यास खेल सुरु हुँदै

आईसीसी विश्वकप क्रिकेट अन्तर्गत शुक्रबारदेखि अभ्यास खेल सुरु हुँदैछन् । ३० तारिखदेखि शुरु हुने प्रतियोगिता अघि सबै टिमले अभ्यास खेल खेल्न लागेका हुन् । आज दिउँसो नेपाली समय अनुसार सवा ३ बजे २ वटा अभ्यास खेल हुनेछन् । ब्रिस्टेलमा पाकिस्तान र अफगानिस्तान बीच खेल हुनेछ ।...

दक्षिण एसियाली राष्ट्रको सबैभन्दा ठूलो खेल मेला(साग)को प्रतिक र मस्टक सार्वजनिक

दक्षिण एसियाली राष्ट्रको सबै भन्दा ठूलो खेल मेला दक्षिण एसियाली खेलकुद (साग) को १३ औं संस्करणको प्रतिक र मस्टक सार्वजनिक भएको छ । युवा तथा खेलकुद मन्त्रालयमा सोमबार एक कार्यक्रम आयोजना गर्दै खेलकुद मन्त्री जगतबहादुर विश्वकर्माले १३ औं सागको मस्कर र लोगो सार्वजनिक गरे । १३...

अन्तर्राष्ट्रिय क्रिकेट काउन्सिलका अनुसार विश्वकै सर्वाधिक विकेट लिने स्पिनर बने सन्दीप

काठमाडौं । अन्तर्राष्ट्रिय क्रिकेट काउन्सिल (आइसिसी)का अनुसार नेपाली लेग स्पिनर सन्दीप लामिछाने सन् २०१९ मा सर्वाधिक विकेट लिने स्पिनर बनेका छन् । सन् २०१९ को जनवरीदेखि अप्रिल १ सम्म सन्दीपले २७ विकेट लिँदै पाकिस्तानका पूर्वकप्तान शाहिद अफ्रिदी, अफ्गानिस्तानका राशिद खान, बङ्गलादेशका सकिब अल हसनलाई पछि पार्दै...

प्रदेश पाँचमा हुने आठौं राष्ट्रिय खेलकुद प्रतियोगिता वैशाखमा हुने

काठमाडौं । प्रदेश पाँचमा हुने आठौं राष्ट्रिय खेलकुद प्रतियोगिता वैशाखमा हुने भएको छ । राष्ट्रिय खेलकुद परिषद् (राखेप) को बोर्ड बैठकले वैशाख ५ देखि ११ गतेसम्म नेपालगञ्जमा गर्ने मिति तय गरेको हो । यसअघि चैत महिनामै गर्ने भनिएको आठौं राष्ट्रिय खेलकुद प्रतियोगिता सरेर वैशाखमा पुगेको हो...

भलिबल खेल्दा विवादपछि भएको झडपमा सुर्मा गाँउपालिका वडा नम्बर ५ मा एक जनको ज्यान गए

बझाङ – भलिबल खेल्दा विवादपछि भएको झडपमा सुर्मा गाँउपालिका वडा नम्बर ५ मा एक जनको ज्यान गएको छ । ज्यान जानेमा १८ वर्षीय आनन्द विक रहेका छन् ।आइतबार दिउँसो गाँउ नजिकै भलिबल खेल्दा विवाद भएपछि वडा नम्बर ५ कै १८ वर्षीय जीवन बोहरा र रनु...