कला/मनोरञ्जन

भिमफेदीमा जन्मेकी लक्ष्मी कलाकारितामा निकै सक्रिय


नेपाल कलाकारितामा लक्ष्मी लामा नयाँ पुस्ताकी कलाकार हुन् । २०५३ सालमा मकवानपुरको भिमफेदीमा जन्मेकी लक्ष्मी कलाकारितामा निकै सक्रिय छिन् । सामान्य किसान परिवारमा जन्मेर निकै दुख र संघर्ष गर्दै यो क्षेत्रमा आएकी लक्ष्मीले धेरै हन्डर र ठक्कर खाएकी छिन् । सर्ट मुभीका कारण विवादमा परेकी एकजना कलाकार लक्ष्मी लामा पनि हुन् । उनले आफ्नो वेदना उनले यसरी बाँडिन् ।ऐना हेर्दै अभिनय गर्दै म सानै देखि अभिनयमा निकै रुचि राख्थे । टिभीमा आउने कार्यक्रम हेर्दै त्यस्तै अभिनय गर्न पाए कस्तो हुन्थ्यो मेरो मनमा खुलदुली भइरहन्थ्यो । त्यतिबेला ऐनामा हेर्दै त्यस्तै अभिनय गर्थे । मकवानपुरको त्यो विकट गाउँमा कुनै अवसरहरु थिएनन् । विशेष चाडपर्वको अवसरमा हुने साँस्कृतिक कार्यक्रममा भाग लिइरहन्थे । धेरै नाटक र गीतहरुमा अभियन गरेको छु । गाउँमा प्रशंसा बटुलेको छु । धेरै जनाले राम्रो कलाकार बन्छेस् भनेर आशिर्वाद पनि दिनुभएको छ । सम्झिरहने त्यो नाटकमैले ललितपुरको बुङमतिमा पनि पढे । त्यो बुङमतिको स्कुलमा हामीले एउटा नाटक देखाएका थियौँ । त्यो नाटक स्थानिय भेगमा चर्चित पनि भयो । बालमजदुरको करुणादायी भूमिका थियो । अरुको घरमा बसेर अध्ययन गरिरहेकी एकजना दुखि छात्राको मनोदशालाई हामीले नाटकमा उतारिएको थियो । नाटक हेरेर धेरै जना भावुक पनि भएका थिए । बुढी आमाहरुले धेरै राम्रो अभिनय ग¥यौ नानी आशिष दिएको आजपनि सम्झन्छु । त्यतिबेलाको नाटकले मलाई छुट्टै खालको आनन्द पनि दिएको थियो । त्यो आनन्द अब जीवनमा कदापि पाउन सक्तिन् होला ।अनि आए कलाको रङ्गिन दुनियाँमा कथा तपाईको दृश्य हाम्रो भन्ने चेतनामूलक सिरियलमा कुनै पात्रको कान्छी श्रीमतीको रोल गर्दै म रङ्गीन कला क्षेत्रमा प्रवेश गरेको हुँ । २०७१ सालको त्यो दिन आज पनि झल्झली याद आउँछ । त्यतिबेला टेलिभिजनमा आउने त्यो कार्यक्रम निकै चर्चित पनि थियो । टेलिभिजको स्क्रिनमा आपूmलाई देख्दा गर्व लाग्थ्यो । निकै मेहनतका साथ अभिनय गर्थे । भविष्य यसैमा बनाउँछु भन्ने दृढ अठोट पनि थियो । मेरो जीवनको टर्निङ प्वाइन्टको रुपमा रहेको त्यो अभिनय म कहिल्यै पनि बिर्सन्न । म्युजिक भिडियो मैले धेरै म्युजिक भिडियो गरेको छु । त्यो मध्ये मैले मिलन श्रेष्ठद्धारा निर्देशित जाली रुमाल धुँदै धुँदिन म तिमीलाई सम्झेर रुँदै रुदिन बोलको उक्त गीतमा अभिनय गरेपछि कला क्षेत्रमा व्यापक हुन पायो ।

त्यसपछि निरन्तर ८ ओटाजति म्युजिक भिडियो गरे तर यो म्युजिक भिडियो मेरो जीवनमा सार्थक अर्थ राख्ने म्युजिक भिडियो बन्न पुग्यो । रहर र सर्ट मुभिको यात्राधेरै जनाले हेरेको बिरुमाझी, घनश्याम तिमल्सिना ‘एन्टेना’, राणा सर नृपेन्द्रजङ्ग ध्वज राणा जस्ता चर्चित सर्ट मुभी निर्देशकहरुसँग काम गरे । युट्युबमा सर्वाधिक हेरिएको सर्ट मुभी नेपालको सन्दर्भमा राम्रो मानिदैन । त्यतिबेला हाम्रो टिमले रहरै रहरमा त्यो काम गरेको थियो । रहरको कारण नै म सर्टमुभीको यात्रामा होमिएको थिए । स्पटमै गएर सुनिने स्क्रिप्ट र त्यस्तै खालका निर्देशक हामीजस्ता सोझा कलाकारको अभिनयका कारण सर्ट मुभी बदनाम बन्यो । धेरै सर्ट मुभीहरु सन्देशमूलक पनि छन् तर समाजले बुझ्ने तरिका अर्कै भयो । सामाजिक विकृतिलाई पर्दामा देखाउने हाम्रो प्रयास समाजको लागि पर्याप्त भएन । समाजले यसलाई पचाउन सकेन् । ठुला मिडियाहरुले र चलचित्र विकास वोर्डले नै चासो देखाएपछि सर्टमुभीले हावा खायो । मैले जीवनमा सर्ट मुभी गरेर नाम र दाम कमाइन । तर आफ्नो रहर पुरा गरे । यो सर्टमुभी खेलेर मलाई पिडा छैन । त्यो अल्लारे बेलामा जे गरियो । मेरो चेतनाले भ्याए अनुसार नै गरे भन्ने लाग्छ । सम्झिँदा ती दिनहरु रोचक नै लाग्छन् ।

टेलिसिरियलको यात्रासर्ट मुभीले बदनाम भएपनि टेलिसिरियलहरुले मलाई इज्जत दिए । सकुे डन, बालै फरर, छेउ कुनु, दले डन, गोलमाल जस्ता सिरियलमा अभिनय गरेपछि लक्ष्मी लामा राम्रो कलाकार हो भन्ने छाप प¥यो । आज म जे छु यिनै सिरियलहरुका कारण, म्युजिक भिडियो कारण छु । हरेक कुराका आ–आफ्नै सिमा हुन्छन् । ठुलो पर्दामा देखाइँदा त्यही कुरा सभ्य हुने र सानो पर्दामा देखाइदा त्यही कुरा असभ्य हुने । हाम्रो सोचाइ नै गलत छ । म अहिले छानेर मात्रै भिडियो खेल्छु । पढाईको कारण धेरै ठुला फिल्महरुलाई पनि माथ गरे । पछुतो लागेको छ । अब अफर आएभने राम्रा फिल्म खेल्छु । यही क्षेत्रमा भविष्य बनाउँछु । म शोषणमा परेको छैनधेरै जनाले सर्ट मुभी मार्पmत कलाकारलाई शोषण गरियो भनेर लेखे । मिडियाहरुमा व्यापक समाचार आयो । यो केही हदसम्म सत्य पनि थियो होला तर मैले सर्ट मुभी खेलेर शोषणमा परेको भन्ने कुरा होइन । कतिपय कलाकारहरु ठुलो मात्रामा आर्थिक लगानी गरेर आएका छन् । म त त्यसरी आएको होइन । यिनै निर्देशकहरुले खेलाएको भिडियोले मलाई इज्जत दिएको सान दिएको हो । आपूm इमान्दार भइसकेपछि कसैले पनि शोषण गर्दैन् । धेरै नयाँ कलाकारहरु नाङ्गै तस्विर राखेर फेसबुकमा चर्चा बटुल्छन् । निर्देशकसँग अघोषित कारोबार गर्छन् । पछि तिनै निर्देशकहरुलाई गाली गर्दै हिड्छन् । समाचार लेखिदिने पत्रकारलाई समेत धेरै तवरले उनीहरुले मान्छे नै नदेख्ने सोच बोकेका हुन्छन् । यही कारणले गर्दा खेरी समस्या आएको हो ।

आइत, अशोज २१, २०७५ मा प्रकाशित

यसमा तपाइको मत

Loading...
Loading...

बाट अन्य

मिस नेपाल यूएस  को सातौँ संस्कररण अक्टोबरमा नेब्रास्कामा हुने 

नेब्रास्का नेप्लीज सोसाइटीको आयोजना र मिस नेपाल यूएसको संयोजनमा मिस नेपाल यूएस  को सातौँ संस्कररण यस वर्षआगामी अक्टोबरमा नेब्रास्कामा हुने भएको छ । मिस नेपाल यूएस का संस्थापक अध्यक्ष अमित शाह र नेब्रास्का नेप्लीज सोसाइटीका अध्यक्ष राज आचार्यको पछिल्लो पटक भएको सहमति अनुसार सो प्रतियोगिता आगामी अक्टोबर १२ मा नेब्रास्काको ओमाहामा गर्ने निर्णय भएको हो । सन् २०११ मा...

स्वर्गीय कलाकार तथा पत्रकार चन्द्रमणि मुडभरिको आत्माको चिर शान्तिको कामना

२०४८ असार ३० गते नुवाकोट जिल्लाको बेलकोटगढी नगरपालिका वडा नम्बर ३ कुमरीमा पिता नवराज मुडभरी र माता गङ्गा मुडभरीको कोखबाट जन्मेका अन्त्यन्त मिजासिला र हसिला ब्यतित्व थिए , नायक चन्द्रमणि मुडभरी । सानै देखि गीत संगीत र कलाकारितामा रुचि राख्ने मुडभरिको बाल्यकाल नुवाकोट मै बित्यो...

बाग्लुङ्ग बुर्तिबाङ्गमा भब्य कार्यक्रम गरि मनाउदै जातीय भेदभाव तथा जातीय उन्मुलन दिवस ।

जातीय भेदभाव तथा छुवाछुत उन्मुलन दिवस यहि जेष्ठ २१ गते देशभर बिभिन्न कार्यक्रम गरि मनाउने तयारि रहेको छ । जस अन्तर्गत पश्चिम बाग्लुङ्गको बुर्तिबाङ्गमा पनि विविध कार्यक्रम गरि मनाउने तिब्र तयारी रहेको छ । क्षेत्रीय दलित सञ्जाल क्षेत्र नं २ बाग्लुङ्गको आयोजनामा सम्पन्न हुन लागेको...

मौलिकताले सिङ्गारिएकोे गलबन्दी चर्चाको शिखरमा

प्रकाश सपूतको आफ्नै च्यानल मार्फत बजारमा भित्रिएको मौलिक गीत गलबन्दीले छोटो समयमै धेरै दर्शक श्रोताको मन जितेको छ, प्रकाश सपूत र शान्तिश्री परियारको स्वर रहेको उक्त गीतमा स्वयम् प्रकाशकै शब्द, संगीत रहेको छ । प्रिज्म स्टुडीयोमा रेकड गरिएको यस गीतको एरेन्ज कृष्ण के.सी. “भान्जाले गरेका...

धुर्मुसद्वारा कुलमान घिसिङसँग सहयोगको माग, समस्या समाधान गर्न घिसिङको निर्देशन

काठमाण्डाै –चितवनमा गौतम बुद्ध अन्तर्राष्ट्रिय क्रिकेट रंगशाला निर्माणमा लाग्नुभएका हास्यकलाकार सिताराम कट्टेल (धुर्मुस)ले नेपाल विद्युत प्राधिकरणका कार्यकारी निर्देशक कुलमान घिसिङसँग सहयोग माग गर्नुभएको छ । सोमबार घिसिङलाई भेटेर धुर्मुसले आयोजनास्थलमा उच्च भोल्टेजको बिजुली नहुँदा ठूला संरचनाको काम गर्न अप्ठेरो भएको गुनासो गर्नुभएको थियो । भेटमा कार्यकारी निर्देशक कुलमान घिसिङले आफू...

दोहोरी साँझको वास्तविकता खुलाउदै प्रकाश कटुवाल र बिनोद ढकाल

नेपाली गीत संगीतमा निरन्तरता मौलिकतालाइ प्राथमिकता, यसै भावनालाई आत्मसाथ गर्दै म्युजिक ल्याब प्रा लि ले फेरी अर्को लोक दोहोरि गीत बजारमा ल्याएको छ। नेपाली मौलिक कला र संस्कृतिको संरक्षणमा जुटिरहेको यस कम्पनीले एकपछि अर्को गीत बजारमा ल्याउने क्रममा दोहोरि साझामा भन्ने गीत बजारमा ल्याएको हो।...