साहित्य गतिबिधि

कुलपति उप्रेतीलाई बधाई तथा शुभकामना


काठमाडौँ, असो २२ गते ।
दोस्रो कार्यकालको लागि पुनः नेपाल प्रज्ञा–प्रतिष्ठानको कुलपतिमा नियुक्त भएर आउनुभएका नवनियुक्त कुलपति गङ्गाप्रसाद उप्रेतीलाई संसाक मासिकको अगुवाइमा आज विभिन्न साहित्यिक संस्थाहरूले बधाईको साथै सफल कार्यकालको लागि शुभकामना व्यक्त गरेका छन् ।

संसाक मासिकका सम्पादक तथा प्रकाशक एवम् बधाई तथा शुभकामना कार्यक्रमका संयोजक उमेश पाण्डेले माननीय कुलपतिलाई बधाई दिनुको साथै कार्यक्रमको औचित्यमाथि प्रकाश पार्नुभएको थियो । कार्यक्रममा साहित्यकार खेलकुद समाज नेपालका अध्यक्ष डा.शैलेन्दुप्रकाश नेपाल, संसाक मासिकका सल्लाहकार पूर्व सहायक रथी तेजप्रकाश बानियाँ, लीलाध्वज साहित्य प्रतिष्ठानका अध्यक्ष विजयध्वज थापा, निश्पक्ष मिडिया प्रा.लि.का अध्यक्ष रत्नप्रसाद श्रेष्ठ अनामणि, गोंगबुँ साहित्य समाजकी उपाध्यक्ष सीता बिष्ट कार्की, प्रा.डा.बिदुर चालिसे, प्रा.डा.फणिन्द्रराज तिमिल्सिना, साहित्यकार हरिहर खनाल, मुक्तककार गुप्तबहादुर श्रेष्ठ, गजलकार रामबहादुर पहाडी, साहित्यकार रामनारायण देव, साहित्यकार शशी थापा पण्डित, संसाक मासिककी उपसम्पादक भवानी मैया पन्त, साहित्यकार खेलकुद समाज नेपालकी कोषाध्यक्ष कवि तारा के.सी. र कवि मुकुन्द न्यौपानेलगायतका कवि, साहित्यकारहरूले कुलपति उप्रेतीलाई बधाई तथा शुभकामना व्यक्त गर्नुभएको थियो ।

बधाई तथा शुभकामना ग्रहण गरेपछि आफ्नो संक्षिप्त मन्तव्य राख्दै नवनियुक्त कुलपति उप्रेतीले सबैको सहयोगले आज पुनः नियुक्ति हुन पाएको हुँ भन्नुहुँदै प्रज्ञा–प्रतिष्ठानजस्तो प्राज्ञिक थलोमा स्रष्टा आउँदा जागिर खान्छु भन्ने विचारले आउने हैन, म काम गरेर देखाउँछु भन्ने विचारले आउने र काम गरेर देखाउन सक्नुपर्छ, भन्नुभयो । उप्रेतीले संस्थामा व्यक्ति आउँछ जान्छ तर सामूहिक भावनामा राम्रो काम गरेर जानसक्नुपर्छ, एकताको संस्कृति विकास गर्नुपर्छ, भन्नुभयो । ‘मान्छेले मान्छेलाई निशेध गरेर जाने होइन कि सामूहिक प्रयत्नमा चन्लुपर्छ’, कुलपति उप्रेतीले भन्नुभयो, ‘हाम्रा केही अधूरा र केही नयाँ योजनाहरू छन्, तिनलाई सम्पन्न गर्न सबै स्रष्टा, सर्जकहरूको साथ र सहयोग रहनु आवश्यक छ ।’ कुलपतिले भन्नुभयो, हामी सामूहिक भावना राखेर काम गर्छौं, प्राज्ञिक उन्नयनको लागि अहिलेको टिममा पर्ने नपर्ने सबैको साथ र सहयोग रहनुपर्छ ।

२०७५ भदौ १९ गते कुलपतिको आफ्नो ४ वर्षे कार्यकाल पूरा गरेर जानुभएको गङ्गाप्रसाद उप्रेतीलाई नेपाल सरकार मन्त्रीपरिषद्को निर्णयले २०७५ असोज २१ गते पुनः अर्को कार्यकालको लागि कुलपतिमा नियुक्त गरेको थियो । सदस्यसचिवमा प्रा.जगत् उपाध्याय प्रेक्षित नियुक्त हुनुभएको छ ।

मङ्ल, अशोज २३, २०७५ मा प्रकाशित

यसमा तपाइको मत

Loading...
Loading...

बाट अन्य

गीतकार तथा मुक्तककार बिमला अधिकारी देवकोटाको मुक्तकसङ्ग्रह “मनको किनारा” बजारमा

गीतकार तथा मुक्तककार बिमला अधिकारी देवकोटाको पहिलो मुक्तकसङ्ग्रह मनको किनारा बजारमा आएको छ । शनिबार राजधानीमा आयोजित एक कार्यक्रममा बरिष्ठ गजलकार ज्ञानुवाकर पौडेल, समालोचक युवराज मैनाली, प्राज्ञ डा खेम बन्धु कोइराला, साहित्यकार डा विधान आचार्य, नियात्राकार प्रतिक ढकाल लगायतले संयुक्त रुपमा पुस्तकको लोकार्पण गर्नु भयो...

कर्मदा सिर्जना मञ्च नेपालको तेस्रो रचना वाचन

माघ ५ गते शनिवार मर्स्याङ्दी आधारभूत विद्यालय पाउँदिबजार लमजुङमा कर्मदा सिर्जना मञ्च नेपालको तेस्रो रचना वाचन,प्रथम साधारण सभा,आजीवन सदस्यको प्रमाण – पत्र वितरण तथा निर्वाचन,कार्यक्रम संस्थाका अध्यक्ष जगदीश्वर पोखरेलज्यूको अध्यक्षता, सुन्दरबजार नगर पालिकाकी उपमेयर ज्ञानु शाहको प्रमुख आतिथ्य तथा सुन्दरबजार नपा ७ का वडाअध्यक्ष जयराम...

साताको साहित्य पुरस्कार — २०१८

यस बर्षको साताको साहित्य पुरस्कार कवि नवीन प्यासीको कविता ‘आशीर्वाद’लाई प्रदान गरिने निर्णय गरिएको छ । ‘साताकोसाहित्यडटकम’ मा अगष्ट २०१७ देखि जुलाई २०१८ सम्म प्रकाशित भएका रचनाहरूमध्येबाट तीन उत्कृष्ट रचनाहरू केही समय अघि सार्वजनिक गरिएका थिए जसमा अन्य दुई उत्कृष्ट रचनाका रुपमा कवि बाबु त्रिपाठीको...

गोंगबु साहित्य समाजको चौतिसौ काब्य वाचन सम्पन्न।

गोंगबु साहित्य समाज ले लुनार बोर्डिङ स्कुलमा एक कार्यक्रम गरि आफ्नो ३४औ काब्य बाचन कार्र्यक्रम सम्पन्न गरेको छ। नेपाली चलचित्र क्रमि शकुन्तला शर्मा को प्रमुख आतिथ्यता,प्रा.डा.गारर्गी शर्माको बिशिष्ट आतिथ्यता र साहित्यकार चन्द्रा न्यौपानेको अध्यक्षता रहेको उक्त कार्यक्रम मा २० जना भन्दा बढि साहित्यकार , सर्जकहरुले...

पृथ्वी जयन्तीमा प्रवचन कार्यक्रम

काठमाडौँ, पौष २६ गते । नेपाल प्रज्ञा–प्रतिष्ठानले २९७ औँ पृथ्वी जयन्ती तथा राष्ट्रिय एकता दिवसको उपलक्ष्यमा ‘नेपाली राष्ट्रियता र पृथ्वीनारायण शाह’ विषयमा प्रवचन कार्यक्रमको आयोजना ग¥यो । कार्यक्रमका प्रमुख अतिथि प्रधानमन्त्री के.पी. शर्मा ओलीले कार्यक्रमलाई सम्बोधन गर्दै इतिहास जे सुकै भएपनि नेपाल एकीकरणको नेतृत्व पृथ्वीनारायण शाहले गरेका...

” भन्दिनु है बा ! ” को लोकार्पण

अमेरिकाको न्युयोर्कमा बस्दै आउनु भएकी कवि शकुन ज्ञवालीको कविता सङ्ग्रह ” भन्दिनु है बा ! ” को लोकार्पण नेपाल प्रज्ञा प्रतिष्ठानका कुलपति गङगाप्रसाद उप्रेतीले गर्नु भयो । कार्यक्रम समितिका उपाध्यक्ष दिव्य गिरीको अध्यक्षतामा सम्पन्न भएको थियो । अन्तर्राष्ट्रिय नेपाली साहित्य समाज बाग्मती समितिले आयोजना गरेको सो...