प्रविधि

‘हो, म वीर्य बेच्छु तर मैले कुनै अपराध गरेको छैन’


‘विक्की डोनर’ मा त अडल्ट तस्बिर लगाइएको थियो तर यहाँ त एउटा वाशरुम छ जहाँ पर्खाल, कमोड, धारा र वाशबेसिन छ ।

पहिलो पटक निकै असहज महसुस भैरहेको थियो । आफ्नो कोठामा हस्तमैथुन गर्नु र बेच्नका लागि गर्नुमा निकै ठूलो फरक छ ।

वाशरुममा एउटा प्लास्टिकको कन्टेनरमा मेरो नाम लेखिएको थियो । हस्तमैथुन गरेपछि मैले त्यो त्यहीँ छाडिदिएँ । मलाई यसका लागि चार सय रुपैयाँ दिइयो ।
म २२ वर्षको भएँ । म इञ्जिनियरिङको विद्यार्थी हूँ ।

मेरो उमेरमा गर्लफ्रेन्डको चाहना राख्नु तथा कोहीप्रति यौन आकर्षण हुनु सामान्य कुरा हो । तर यसको अर्थ यो होइन कि तपाईँ जोसुकैसँग शारीरिक सम्बन्ध राख्नुहुन्छ ।

विवाहपूर्व सम्बन्ध

मेरोजस्तो सानो शहरमा विवाहपूर्व शारीरिक सम्बन्ध राख्न त्यति सजिलो छैन । मलाई लाग्छ केटीहरुलाई पनि त्यस्तै हुन्छ होला ।

यस्तोमा केटाहरुका लागि हस्तमैथुन एउटा विकल्प बन्छ । तर मलाई त्यतिबेला थाहा थिएन मैले त्यसै खेर फाल्ने गरेको चिज एकदिन बेच्नेछु ।

स्पर्म डोनेशन(वीर्य दान) का बारेमा मैले अखबारमा एउटा रिपोर्ट पढेको थिएँ ।

योभन्दा पहिले मैले रक्तदानका बारेमा सुनेको भए पनि वीर्य दानका बारेमा भने सुनेको थिइनँ ।

मेरो जिज्ञासा बढ्दै गयो । त्यो रिपोर्ट मैले पुरै पढेँ । रिपोर्ट पढेपछि मैले थाहा पाएँ कि हाम्रो देशमा लाखौँ दम्पत्ती वीर्यमा गुणवत्ताको कमीका कारण बच्चा जन्माउन सकिरहेका छैनन् । त्यसैले वीर्य  दानको दायरा एकदमै तीव्रताका साथ बढिरहेको छ ।

म दिल्लीको जुन क्षेत्रमा बस्छु, त्यहीँ नै स्पर्म डोनसन सेन्टर रहेको मैले थाहाँ पाएँ । मलाई यस्तो लाग्यो, घरनजिकै छ त, किन एकपल्ट गएर नहेरुँ ।

म कस्तो देखिन्छुले फरक पार्दैन

म गोरो वर्णको छु । मेरो शारीरिक बनोट पनि ठिकै छ । म बास्केटबल खेल्ने गर्छु ।

जब म स्पर्म कलेक्सन सेन्टरमा गएर विर्य दानको प्रस्ताव गरेँ, त्यहाँ रहेका डाक्टर मलाई देखेर मुस्कुराए । उनी मेरो पर्सनालिटीटी देखेर खुशी भए । डाक्टरको प्रतिक्रियाका कारण मलाई अलिकति असहज महसुस भयो ।

कुरा म कस्तो देखिन्छु भन्ने मात्रै थिएन । मैले वीर्य बेचिरहेको थिएँ । त्यसैले म बाहिर जस्तो देखिन्छु, भित्री रुपमा पनि त्यत्तिकै तन्दुरुस्त छु भन्ने कुरा प्रमाणित गर्नुपर्थ्यो ।

डाक्टरले मैले केही जाँचहरु गराउनुपर्ने बताए ।

मेरो रगतको नमुना लिइयो । त्यसैका माध्यमबाट एचआईभी, डायबिटिजलगायतका रोगहरुको परीक्षण गरियो । सबै परीक्षणमा म सफल भएपछि मलाई तेस्रो दिन बिहान नौ बजे बोलाइयो ।

मेरो वीर्यबाट कोही आमा बन्न सक्छिन्

मलाई एउटा फारम भराइयो । जसमा गोपनीयताको शर्त थियो । त्यसपछि मलाई प्लास्टिकको एउटा सानो डिब्बा दिएर वाशरुम देखाइयो ।

त्यसपछि यो सिलसिला जारी रह्यो । म आफ्नो नाम लेखेको प्लाष्टिकको डिब्बा वाशरुममा छोड्थेँ र पैसा लिएर त्यहाँबाट निस्कन्थेँ ।

म यो कुराले खुशी हुन्छु कि मेरो वीर्यबाट कुनै महिला आमा बन्न सक्छिन् ।

वीर्य दिनका तीन दिनको समयको फरक हुनुपर्ने कुरा पनि मलाई बताइयो । अर्थात पहिलो पटक वीर्य  दिएको ७२ घण्टापछि मात्रै फेरि वीर्य  दिन सकिन्छ ।

आफै ठगिएको महसुस गरिरहेको थिएँ

केही महिनापछि मलाई यस्तो महसुस भयो कि के मैले यो कामबाट राम्रै पैसा पाइरहेको छु त ?

‘विक्की डोनर’ फिल्ममा त यो कामबाट एकाएक धनी हुन्छ । मलाई त एकपटक वीर्य  दिएको मात्रै चार सय रुपैयाँ दिइन्छ ।

हप्तामा दुईपल्ट विर्य दान गर्दा आठ सय रुपैयाँ अर्थात महिनामा ३२०० रुपैयाँ मात्रै । अब मैले आफू ठगिएको महसुस गर्न थालेको थिएँ । म स्पर्म कलेक्सन सेन्टर गएर फिल्मको उदाहरण दिँदै कम पैसा पाएकोमा आपत्ति जनाएँ ।

जब मलाई वीर्य दानका लागि मेलमार्फत लाइन लागेका कुरा कम्प्युटरमा देखाइयो, म आफ्नो शारीरिक बनोट र गोरो रंगमाथि गर्व गर्न छाडेँ । मानिसहरु मेलमार्फत नै वीर्य बेच्छु भन्दै लाइन लागेका थिए ।

मैले आफू कोही आयुष्मान खुराना त होइन नि भन्दै चित्त बुझाएँ । शायद थोरै पैसाका कारण नै हामीलाई डोनर भनिन्छ, सेलर त भनिँदैन ।

पैसा कमै पाएको भए पनि यसले मेरो जीवनमा सकारात्मक प्रभाव भने पारेको थियो । अब मलाई यस्तो लाग्छ कि त्यसै वीर्य खेर फाल्नु हुँदेन ।
अर्को कुरा घरमा हरेक दिन हस्तमैथुन गर्ने मेरो बानी छुट्यो ।

मलाई थाहा थियो मैले कुनै गलत काम गरेको छैन । तर मैले यो कुरा सबलाई बताउन पनि त सक्दिनथेँ । यसको मतलब यो होइन कि म कोहीसँग डराउँछु । मलाई हाम्रो समाज यो संवेदनशीलतालाई बुझ्न सक्ने भैसकेको छ जस्तो लाग्दैन ।

मेरो मनमा कुनै अपारधबोध त छैन, तर मानिसहरुलाई बताउन पनि त्यति सहज महसुस गर्दिनँ ।

गर्लफ्रेन्डलाई बताउन समस्या छैन

म यसबारेमा घरमा कसैलाई बताउन सक्दिनँ । किनकी यो कुराले मेरो आमाबुवालाई झट्का लाग्न सक्छ । तर साथीभाइबीच यो कुरा सामान्य हुन्छ । समस्या त परिवार र आफन्तसँग मात्रै हो ।

मलाई आफ्नी प्रेमिकालाई यो कुरा भन्न समस्या हुँदेन । त्यसो त अहिले मेरो कोही प्रेमिका छैन । पहिले थिइन् । तर मेरो प्रेमिका जोसुकै हुन्, उनी पढेलेखेकी होलिन् र यो कुरालाई सही ढंगले बुझ्नेछिन् ।

मलाई लाग्छ धेरै श्रीमती पोजेसिव हुन्छन् । उनीहरु चाहँदैनन् कि आफ्नो श्रीमान बाहिर गएर कसैलाई वीर्य  दिऊन् । म पनि आफ्नी श्रीमतीलाई यो कुरा भन्न चाहन्नँ ।

त्यसो त वीर्य किन्नेहरुले अविवाहित युवकहरुलाई नै प्राथमिकता दिन्छन् । उनीहरुले २५ वर्षसम्मका युवालाई बढी प्राथमिकता दिने गर्छन् ।

एउटा स्पर्म डोनर भएको नाताले मलाई धेरै कुरा थाहा छ । वीर्यकाे  मूल्य केवल गुणस्तरले मात्रै निर्धारण हुँदैन । तपाईँ कस्तो पारिवारिक पृष्ठभूमिबाट हुनुहुन्छ, आमाबुवा के गर्नुहुन्छ, तपाईँको पढाई–लिखाई कस्तो छ, सबै कुराले निर्धारण गर्ने गर्छ ।

यदि तपाईँ फरर अंग्रेजी बोल्नुहुन्छ भने वीर्यको मूल्य बढी पाउनुहुन्छ । तर अंग्रेजी बोल्ने व्यक्तिको वीर्यबाट जन्मने सन्तानमा त्यसको के असर पर्छ मलाई थाहा छैन ।

मलाई थाहा छ मेरो पहिचार जीवनभर स्पर्म डोनरका रुपमा रहने छैन । किनकी जीवनभर वीर्य  पनि रहने छैन । मलाई थाहा छ स्पर्म डोनरका रुपमा मेरो पहिचान मेरी आमाको लागि लाजको विषय बन्न सक्छ । त्यस्तै कुनै युवती मसँग विवाह गर्न मान्ने छैनन् । तर उनीहरुलाई यो त थाहा हुनुपर्छ कि मेरो उमेरका युवाहरु हस्तमैथुन गर्छन् । यदि स्पर्म डोनशन शर्मनाक कुरा हो भने हस्तमैथुन गर्नु पनि शर्मनाक कुरा हो ।

तर म यो मान्छु कि दुवै कुरा लाज र बेइज्जतको कुरा होइन ।

(यो कथा एक युवकको जीवनमा आधारित छ । युवकसँगको कुराकानीमा यो सामग्री बीबीसी संवाददाता रजनीश कुमारले तयार पारेका हुन् । युवकको पहिचान गोप्य राखिएको छ ।) 

यो कथा #HisChoice   शृङ्खलाको हिस्सा हो । यो शृङ्खलामा त्यस्ता पुरुषहरुको कथा पस्कने गरिएको छ, जो समाजको परम्परागत ढाँचामा जीवन बिताउन अस्वीकार गर्दछन् ।

आइत, अशोज २८, २०७५ मा प्रकाशित

यसमा तपाइको मत

Loading...
Loading...

बाट अन्य

The History of DNA (डी एन ए ईतिहास )

1800’s 1 . 1859 – Charles Darwin publishes The Origin of Speci 2 .1866 – Gregor Mendel discovers the basic principles of genetics 3 .1869 – Friedrich Miescher identifies “nuclein” 1900’s 1 .1900s – The Eugenics Movement 2 .1900 – Mendel’s theories are rediscovered by researchers 3 .1902 – Sir Archibald Edward...

नेपाली वैज्ञानिकको पहिलो नानो स्याटेलाइट भूउपग्रह ४ वैशाखको राति २ बजे अमेरिकाको भर्ज्निियाबाट प्रक्षेपण हुने

काठमाडौं – नेपाली वैज्ञानिकले बनाएको पहिलो नानो स्याटेलाइट ९भूउपग्रह० ४ वैशाखको राति २ बजे अमेरिकाको भर्ज्निियाबाट प्रक्षेपण हुने भएको छ । यो समाचार आजको नयाँ पत्रिका दैनिकमा छ । नेपाल विज्ञान तथा प्रविधि प्रज्ञा प्रतिष्ठान ९नास्ट० का वैज्ञानिकहरूले जापानमा बनाएको स्याटेलाइट जापान एरोस्पेस एक्स्प्लोरेसन एजेन्सी ९ज्याक्सा०...

सञ्चार तथा सूचना प्रविधिमन्त्री गोकुल बास्कोटाले रेडियो नेपाल र नेपाल टेलिभिजनको इतिहासमा उथलपुथल आउने जनाए

काठमाडौं / सञ्चार तथा सूचना प्रविधिमन्त्री गोकुलप्रसाद बास्कोटाले रेडियो नेपाल र नेपाल टेलिभिजनको इतिहासमा उथलपुथल आउने जनाएका छन् । रेडियो नेपाल र नेपाल टेलिभिजनलाई गाभेर सार्वजनिक प्रसारण संस्था (पिएसबी) मा रुपान्तरित हुने भएकाले सोही अनुरुपको मनस्थिति बनाउन सम्बन्धित कर्मचारीलाई आग्रह गरेका छन् । रेडियो नेपालको ६९...

चीनले एउटा यस्तो विशाल भवनको निर्माण गरेको छ, जुन ठाडो होइन सुतेको छ

छिमेकी मुलुक चीन विज्ञान, प्रविधि तथा भौतिक पूर्वाधारको क्षेत्रमा चमत्कार गर्न माहिर छ । यसपटक पुनः यो देशले इन्जिनियरिङको एक अद्वितीय नमूना पेश गरेको छ, जसलाई देख्न पाउँदा दुनिया नै दङ्गदास नभईरहन सक्दैन । चीनले एउटा यस्तो विशाल भवनको निर्माण गरेको छ, जुन ठाडो होइन सुतेको...

फेसबुकले प्राइभेसी फिचर लञ्च गर्दै

सोसल मिडिया प्लाटफर्म फेसबुकले अन्ततः प्रयोगकर्ताले व्यग्र रुपमा प्रतिक्षा गरिरहेको एउटा प्राइभेसी फिचर लञ्च गर्दैछ । Clear History नामक उक्त फिचरको सहयोगमा फेसबुक प्रयोगकर्ताले फेसबुकमा एकित्रत गरिएका डाटा डिलिट गर्न सक्नेछन् । फेसबुकका प्रमुख वित्तिय अधिकारी डेभिड वेहनेरले बार्सिलोनामा जारी मिडिया एण्ड टेलिकम कन्फ्रेन्सका अवसरमा उक्त जानकारी...

दुई फरक फरक विभागबीच युवा वैज्ञानिक सम्मेलन तथा सार्कस्तरीय वैज्ञानिक सम्मेलन

प्रदेश–ं ३ को उद्योग, पर्यटन, वन तथा वातावरण मन्त्रालय र त्रिभुवन विश्व विद्यालयको दुई फरक फरक विभागबीच युवा वैज्ञानिक सम्मेलन तथा सार्कस्तरीय वैज्ञानिक सम्मेलन गर्ने गरी शुक्रबार समझदारी पत्रमा हस्ताक्षर गरिएको छ ।  प्रदेश–ं ३ का मुख्यमन्त्री डोरमणि पौडेल र उद्योग, पर्यटन, वन तथा वातावरणमन्त्री...