स्थानीय समाचार

‘हाइटेक’ प्रविधि प्रयोग गरेर पेट्रोल पम्पद्वारा ठगी


काठमाडौं – पेट्रोल पम्प सञ्चालकले उच्च प्रविधि प्रयोग गरेर उपभोक्ता ठगेको भेटिएको छ। काठमाडौं सानो भ-याङको बंगलामुखी आयल स्टोर्सले ‘हाइटेक’ प्रविधि प्रयोग गरेर उपभोक्ता ठगेको नेपाल गुणस्तर तथा नापतौल विभागले जनाएको हो। अनुगमनको क्रममा डिजिटल पम्पको मदरबोर्डको सफ्टवेयरमा तेल कम दिने ‘प्रोग्राम इन्स्टल’ गरेर कम तेल दिएको विभागका महानिर्देशक विश्वबाबु पुडासैनीले बताए । ‘हाइटेक प्रविधि प्रयोग गरेर पेट्रोलियम पदार्थमा उपभोक्ता ठगेको नयाँ तथ्य भेटिएको छ,’ पुडासैनीले भने, ‘३–४ प्रतिशतसम्म कम तेल दिएको रहेछ।’ यसअघि पम्पभित्रै चिप्स प्रयोग गरेर तेल चोरी गरेपछि तीन वर्षअघि प्रहरीको अपरेसनमा एक दर्जनभन्दा बढी पेट्रोल पम्प सञ्चालक पक्राउ परेका थिए। तेल ठगीमा प्रयोग गरेको यो प्रविधि पहिलोपटक भेटिएको पुडासैनीले बताए । ‘डिजिटल पम्पको मदरबोर्डमै प्रयोग गरेकाले पत्ता लगाउन निकै हम्मे प-यो,’ उनले भने, ‘तेल ठगी गर्ने नयाँ तरिका पत्ता लाग्यो ।’ यही प्रविधि प्रयोग गरेर केही दिनअघि बाराका तीन पम्पले उपभोक्ता ठगेको भेटिएको पुडासैनीले बताए। पम्प सञ्चालकले नयाँ प्रविधि प्रयोग गरेको सूचना आए पनि प्रमाण जुटाउन निकै समय लागेको पुडासैनीले बताए । यो प्रविधिमा पम्पको नोजलले सवारी साधनमा तेल भर्न सुरु गरेर एकपटक रोक्नासाथ कम परिमाण तेल जाने सफ्टवेयर इन्स्टल गरेको पुडासैनीले बताए ।

‘पम्पको नोजल रन गरेर स्टप गरी फेरि तेल भर्दा कम जान्छ,’ उनले भने, ‘पावर अन गर्दा करेक्ट मोड । पुनः अन गर्दा इनकरेक्ट हुने सफ्टवेयर प्रयोग गरेको पाइएको छ।’ तेल ठगीमा नयाँ प्रविधि पहिलोपटक फेला पारेकाले अन्य पम्पले पनि यही प्रविधिबाट ठगिरहेको हुन सक्ने पुडासैनीले बताए । ‘अन्य क्षेत्रमा पनि अनुगमनलाई तीव्रता दिन्छौं,’ उनले भने। उपभोक्ता ठग्ने बंगलामुखी आयल स्टोर्सका सञ्चालकलाई कारबाही गर्ने उनले बताए । विभागको टोलीले उक्त पम्पमा सिल गरेर कारबाही प्रक्रिया अघि बढाएको छ। केही समयअघि मापदण्डभन्दा कम पेट्रोलियम पदार्थ बिक्री गर्ने काठमाडौं गोठाटारको भद्रकाली आयल स्टोर्सलाई कारबाही गरिएको थियो । वाणिज्य, आपूर्ति तथा उपभोक्ता संरक्षण विभागले दुई लाख जरिवानासहित पेट्रोलिय पदार्थ बिक्रीमा रोक लगाएको थियो । उपभोक्ता संरक्षण ऐन २०७५को दफा १६ को खण्ड (ख) बमोजिम निषेधित एवं अनुचित व्यापारिक क्रियाकलापमा संलग्न भएकाले कारबाही गरेको विभागले जनाएको छ। निगमले पेट्रोल पम्प चलाउने पेट्रोल पम्प सञ्चालन अनुमति तथा नियमन गर्दै आएको नेपाल आयल निगमले आफैं पम्प सञ्चालन गर्ने भएको छ । निगमले पहिलोपटक आफ्नै स्वामित्वमा सातै प्रदेशमा पम्प सञ्चालन गर्ने निर्णय गरेको हो। अहिलेसम्म निजी क्षेत्र, नेपाली सेना, सशस्त्र प्रहरी, साझा सहकारीले पम्प सञ्चालन गर्दै आएका थिए । नमूना पम्प सञ्चालन गर्ने तयारी गरेको नेपाल आयल निगमका निमित्त कार्यकारी निर्देशक सुशील भट्टराईले बताए । ‘निजी क्षेत्रले मात्र सञ्चालन गर्दा कहिलेकहीँ विभिन्न बहानामा अवरोध गर्ने काम भयो,’ भट्टराईले भने, ‘उपभोक्तालाई सेवा दिन पम्प सञ्चालन गर्ने निर्णयमा पुगेका हौं ।’ निगमले डिपोनजिक पम्प सञ्चालन गर्ने रणनीति बनाएको छ । मुलुकभर करिब १५ सय पम्प सञ्चालनमा छन्।

सोम, कार्तिक २६, २०७५ मा प्रकाशित

यसमा तपाइको मत

Loading...
Loading...

बाट अन्य

‘निर्मला प्रकरणमा कुनै कमजोरी देखिए संसदमा राखेर मेरो बर्दी खोल्दिनुस’

प्रहरी महानिरीक्षक सर्वेन्द्र खनालले बालिका निर्मला पन्तको बलात्कारपछि हत्याको घटनाको अनुसन्धान साँघुरिँदै गएको संसदीय समितिलाई जानकारी गराएका छन् । राष्ट्रियसभा, दिगो विकास तथा सुशासन समितिको आजको बैठकमा उहाँले अनुसन्धानलाई साँघुरो बनाउँदै लगिएको तर निष्कर्ष कहिले आउने भनेर समय तोक्न नसकिने बताए । महानिरीक्षक खनालले भने , “हाम्रो...

भखरै काठमाडौंको रातोपुलमा प्रहरीले चलाएको गोली लागेर एक फरार अभियुक्त घाइते

काठमाडौंको रातोपुलमा प्रहरीले चलाएको गोली लागेर एक फरार अभियुक्त घाइते भएका छन् । अपराध महाशाखाको विशेष टोलीसँगको मुठभेडमा गुण्डा राजन लिम्बू घाइते भएका हुन् । उनको खुट्टामा गोली लागेको छ । प्रहरीले पक्राउ गर्ने क्रममा लिम्बु भाग्न खोजेपछि गोली चलाएको दाबी गरेको छ । महाशाखाका अनुसार...

महापाल स्थित जय भिमसेन बचत तथा ऋण सहकारी संस्थाको दशौं वार्षिक साधारण सभा सम्पन्न

ललितपुर । महापाल स्थित जय भिमसेन बचत तथा ऋण सहकारी संस्थाको दशौं वार्षिक साधारण सभा सम्पन्न भएको छ । संस्थाका अध्यक्ष जीवनलाल श्रेष्ठको सभापतित्वमा आयोजित सभा मंसिर ८ गते सम्पन्न भएको हो । ललितपुर जिल्ला बचत तथा ऋण सहकारी संघ लि.का अध्यक्ष रामशरण घिमिरेको प्रमुख आतिथ्य...

टोखा अभियान सहकारी सस्थाद्वारा आयोजीत ‘मोटिभेसन ट्रेनिङ’ कार्यक्रम भव्य रुपमा सम्पन्न

काठमाडौ जिल्ला टोखा नगरपालिका ३ मा रहेको टोखा अभियान बचत तथा ऋण सहकारी सस्थाले आफ्ना सदस्यहरुलाई भेला गरेर एक दिने मोटिभेसन ट्रेनिङ कार्यक्रम संचालन गरेको थियो। टोखा नगरपालिका मै सहकारीले संचालन गरेको सम्भवत यो पहिलो कार्यक्रम हो। टोखा नगरपालिकाका वडा नम्बर दुई र तिनका वडा अध्यक्ष...

युवा नेत्र सेवाले कीर्तिपुरमा गरेको मोतिबिन्दु शल्यक्रिया कार्यक्रम आयोजना गरे

काठमाडौं । युवा नेत्र सेवाले शनिबार कीर्तिपुरमा गरेको मोतिबिन्दु शल्यक्रिया कार्यक्रम आयोजना गरेको छ । स्वास्थ्य क्षेत्र सर्वसाधरणको पहुँच भन्दा बाहिर रहेको भन्दै युवा नेत्र सेवा अर्थात युथ आइ सर्भिस टेकुले स्वास्थ्य सेवा प्रदान गर्न गरेको मोतिबिन्दु शल्यक्रिया कार्यक्रम आयोजना गरेको हो । अर्थात युथ...

टोखा १० मा दसैंको शुभकामना र चियापान

काठमाडौँ, असोज २७ गते । नेपालीहरूको महान् चाड विजयादशमी, शुभदीपावली, नेपाल सम्वत् र छठ पर्वको पावन अवसरमा टोखा न.पा.वडा नं. १० ले शुभकामना आदान–प्रदान तथा चियापान र नगरबासीहरूबीचमा भेटघाट कार्यक्रमको आयोजना ग¥यो । त्यस अवसरमा कार्यक्रमका प्रमुख अतिथि टोखा नगरपालिकाका प्रमुख प्रकाश अधिकारीले जनताको विश्वास जितेर...