साहित्य गतिबिधि

टोखा–बूढानीलकण्ठको संयुक्त कवि सम्मेलन


काठमाडौँ, मङ्सिर १५ गते ।
टोखा तथा बूढानीलकण्ठ नगरपालिकाको स्थापना दिवसको अवसरमा टोखा तथा बूढानीलकण्ठ नगरपालिका काठमाडौँले संयुक्त रूपमा कवि सम्मेलनको आयोजना ग¥यो । यस नगरपालिका क्षेत्रभित्र बसोबास गर्नुहुने कवि एवम् लेखकहरूसँग परिचय, भेटघाट र कवितावाचनको उद्देश्यले कार्यक्रम आयोजना गरिएको बताइएको छ ।
कार्यक्रमका प्रमुख अतिथि तथा प्रदेश ३ का मुख्यमन्त्री डोरमणि पौडेलले सुख, दुःखलाई बिर्सिएर सबैले आआफ्नो जिम्मेवारी पूरा गरे समृद्ध नेपाल र सुखी नेपालीको नारा सम्भव छ, भन्नुभयो । ‘स्रष्टाहरू समाजका ऐना हुन्, तिनका सिर्जनाले समृद्धिको बाटो देखाउनुपर्छ’ प्रमुख अतिथि पौडेलले भन्नुभयो, ‘सष्टा, सर्जकले नकारात्मक कुरालाई बढाएर आफ्ना ग्राहक, समर्थक बढाउनेभन्दा देशको भलो हुने कुरामा उनका कलम र विचार बढ्नुपर्छ ।’ कसैलाई गाली गरेरमात्र देशको विकास सम्भव छैन, पौडेलले भन्नुभयो ।
कार्यक्रमका संयोजक तथा काठमाडौँ क्षेत्र नं. ५, प्रदेश नं. ३ का सभासद् दीपक निरौलाले टोखा तथा बूढानीलकण्ठ नगरपालिकालाई पर्यटन पूर्वाधारसँग जोड्न साइक्लिङ्, हाइकिङ्, भेटघाट–छलफल जस्ता विभिन्न कार्यक्रमहरूमा कवि सम्मेलन ५ औँ कार्यक्रम रहेको बताउनुभयो । ‘यस क्षेत्रमा छरिएर रहेका स्रष्टाका विचारहरूलाई एक ठाउँमा जम्मा गर्ने यसको उद्देश्य हो’, सभासद् निरौलाले भन्नुभयो । यहाँका पर्यटकीय स्थलहरूको जानकारी र आपसी चिनजान यसको अर्को उद्देश्य हो भन्दै साहित्यको क्षेत्रबाट पनि विकास र समृद्धिलाई टेवा दिनसकियोस् भनेर कार्यक्रम आयोजना गरिएको बताउनुभयो ।
कवि सम्मेलनमा टोखा नगरपालिकाका मेयर प्रकाश अधिकारी, उपमेयर ज्ञानमाया डंगोल, बूढानीलकण्ठ नगरपालिकाका मेयर उद्धव खरेल, उपमेयर रमादेवी राई, प्रमुख प्रशासकीय अधिकृत प्रदीप पौडेल, डा.रामप्रसाद ज्ञवाली, डा. सत्यराज थपलिया, प्राज्ञ सुलोचना मानन्धर, कवि लक्ष्मी उप्रेती, उमेश पाण्डे, वासुदेव अधिकारी, आर.एम.डंगोल, भारद्वाज मित्र, दिनेश पाण्डे, तारा के.सी., धरणीधर गुरागाई, केशवराज पाठकले कार्यक्रममा आफ्ना सिर्जना वाचन गर्नुभएको थियो ।
त्यसैगरी उक्त कवि सम्मेलनमा ओमकार नेपाल, पुरुषोत्तम नेपाल, किसुन कुमार के.सी., विनोद चालिसे, अनिता लामा, गणेश मिश्र, अन्जु विष्ट, लव खड्का, क्रान्ति शिखा धिताल,प्रताप चालिसे, शिवप्रसाद श्रेष्ठ, प्रदीप खनाल, नारायण नेपाल, अनिता श्रेष्ठ, ललिता श्रेष्ठ, पुण्यराज पुडासैनी, ध्रुव खनाल, पुष्पा भण्डारी, धनबहादुर खाती, बेनीबहादुर थापालगायतले आफ्ना कविताहरू सुनाउनुभएको थियो ।

सोम, मंसिर १७, २०७५ मा प्रकाशित

यसमा तपाइको मत

Loading...
Loading...

बाट अन्य

यशश्वी उपन्यासकार लीलाध्वज थापाको प्रतिमा कपिलवस्तुमा भव्य समारोहको बीच अनावरण

लीलाध्वज थापा साहित्य प्रतिष्ठान र लुम्विनी वाड़मय प्रतिष्ठानको सं युक्त आयोजनामा यशश्वी उपन्यासकार लीलाध्वज थापा को प्रतिमा साहित्य चौतारी कपिलधाम कपिलवस्तुमा भव्य समारोहको बीच अनावरण भयो । प्रतिमा को अनावरण प्रतिष्ठानको अध्यक्ष विजयध्वज थापाले गर्नुभएको थियो । सो कार्यक्रमको अध्यक्षता लुम्विनी वाड़मय प्रतिष्ठानका अध्यक्ष हिमलाल ज्ञवालीले...

संस्मरण:- बिचलन भएकाे मन

कार्यक्रममा थिए तर मेराे मन मसँग थिएन।भित्र भित्रै पीडाबाेद्व भइरहेकाे थियाे। असाेज १२ गते सम्ममाेहन मुक्तक संग्रह बिमाेचन समाराेह ए वान पार्टी प्यालेस सिनामंगलमा। बुबाकाे अवसानपछि मैले बाहिर हिडेकाे याे पहिलाे कार्यक्रम थियाे मेराे। घरमा एक्लै हुदाँ पीडा बाेद्व असाध्यै हुने। अाफु समालिन धेरै गाह्राे...

काव्य गोष्ठी सम्पन्न

काठमाण्डौ, मङ्सिर २ गते। आधुनिक साहित्य परिषद्को आयोजनामा बृहत् साहित्यिक उत्सव – २०७५ डिल्लीरमण-कल्याणी रेग्मी स्मारक पुस्तकालय, लाजिम्पाट, काठमाण्डौमा सञ्चालन भइरहेको कार्क्रममा अनुपम सिर्जना प्रतिष्ठान नेपालले पनि सहभागी भएर काव्य गोष्ठी सम्पन्न ग-यो । उक्त गोष्ठीमा स्रष्टाहरूले छन्द, स्वचन्दका कविता, गीत तथा गजल वाचन गरे ।...

आधुनिक साहित्य परिषदको आयोजनामा बृहत साहित्यिक उत्सव हुने

आधुनिक साहित्य परिषदको आयोजनामा बृहत साहित्यिक उत्सव हुने भएको छ ।  यहि  मंसिर १,२ र ३ गते तीन दिनसम्म सञ्चालन हुने उक्त कार्यक्रममा एकल कविता वाचन,पुस्तक विमोचन,साहित्यिक प्रवचन र गजल वाचन लगायतका कार्यक्रम रहेका छन् । काठमाडौंको लाजिम्पाटस्थीत डिल्लीरमण पुस्तकालयको हलमा हुन लागेको उक्त कार्यक्रममा करिव...

मञ्जुश्री के.सी.प्रधान भारतमा नेपाली साहित्यकार सम्मानित

कार्तिक २५ गते भारतको शिद्घार्थ नगर जिल्ला इटवा बजारमा अन्र्तराष्ट्रिय तथागत सृजन सम्मान समारोह २०१८ सम्पन्न भयो । सो समारोहको आयोजना शिद्घार्थ तथागत कला साहित्य संस्थानले गरेको थियो । समारोहमा साहित्यकार राजेन्द्र परदेशी अध्यक्ष, कमन वैल्थ बोकेशनल युनिर्भसिटी टाँगाका डीन डा. बेगराज सिंह प्रमुख...

बि.सी.को युरोप डायरी विमोचन

काठमाडौँ, कात्तिक २१ गते । महिला बालबालिका तथा जेष्ठ नागरिक मन्त्री, थममाया थापाले एक कार्यक्रमकाबीच साहित्यकार नरबहादुर बि.सी.को ‘युरोप डायरी’ को लोकार्पण गर्नुभयो । पुस्तक विमोचन गर्दै मन्त्री थापाले नरबहादुुरको युरोप डायरीले आम पाठकहरूलाई युरोप बुझ्न सजिलो हुने बताउँदै यतिबेला सरकारले थुप्रै कानुनहरू निर्माण गर्नुपर्ने भएकोले कानुन...