साहित्य गतिबिधि

पृथ्वी जयन्तीमा प्रवचन कार्यक्रम


काठमाडौँ, पौष २६ गते ।
नेपाल प्रज्ञा–प्रतिष्ठानले २९७ औँ पृथ्वी जयन्ती तथा राष्ट्रिय एकता दिवसको उपलक्ष्यमा ‘नेपाली राष्ट्रियता र पृथ्वीनारायण शाह’ विषयमा प्रवचन कार्यक्रमको आयोजना ग¥यो ।
कार्यक्रमका प्रमुख अतिथि प्रधानमन्त्री के.पी. शर्मा ओलीले कार्यक्रमलाई सम्बोधन गर्दै इतिहास जे सुकै भएपनि नेपाल एकीकरणको नेतृत्व पृथ्वीनारायण शाहले गरेका हुन्, त्यसकारण पनि सबै गल्ती, कमजोरीहरूलाई छोडेर उनको राष्ट्र एकीकरणको कार्यलाई महान् ठान्नुपर्छ, उनले एकीकरणको थालनी नगरेको भए आज नेपाल एउटा स्वाधीन राष्ट्रको रूपमा उभिने थिएन, भन्नुभयो । ‘स्वतन्त्रता र स्वाधीनता नेपाली राष्ट्रियताको विशेषता हो’ प्रधानमन्त्रीले भन्नुभयो, ‘नेपाल भौगोलिक, भाषिक, सांस्कतिक र जातीय विविधतामा एकतावद्ध राष्ट्र हो, हामी इतिहासको लामो कालखण्डदेखि आजसम्म मिलेर बसेका छौँ ।’ सम्बोधनको क्रमम प्रमुख अतिथि ओलीले हाम्रो राष्ट्रियता कसैसँग निहुँ खोज्दैन तर स्वाधीनता र स्वतन्त्रतामा निरन्तर उभिन्छ, भन्नुहुँदै हाम्रो राष्ट्रियता छिमेकीहरूसँगको सन्तुलित व्यवहारमा कसैसँग कार्ड नखेली स्वतन्त्र उभिने र विश्वशान्तिको पक्षको हो, भन्ने बताउनुभयो । आज जन्मले मान्छे, मान्छेबीच कोही श्रेष्ठ र तल्लो भन्ने छैन, प्रधानमन्त्री ओलीले भन्नुभयो, ‘समयले इतिहासलाई सम्मान गर भनेको छ, अब राजसंस्था फर्कन्छ भन्नु दिवास्वप्न मात्र हो ।’ अब भने हाम्रा उपलब्धिले बाटाहरू समातिसकेका छन्, हामी बीच अब पनि कसैले दरार पार्न नखोजे हुन्छ, ओलीले भन्नुभयो ।
कार्यक्रमका विशिष्ट अतिथि माननीय संस्कृति, पर्यटन तथा नागरिक उड्डयन मन्त्री रविन्द्र अधिकारीले वस्तुनिष्ठ भएर पृथ्वीनारायण शाहको मूल्याङ्कन गरिनुपर्छ र उनको राष्ट्रनिर्माणको कार्यलाई कसैले भुल्नुहुँदैन, भन्नुभयो । उनका हरेक उद्गार राष्ट्रलाई सुखी, समृद्धि र विशाल बनाउनमा अग्रसर छन्, भन्नुहुँदै, पृथ्वीनारायण शाहको प्रभावशाली नेतृत्व आज पनि उत्तिकै सान्दर्भिक भएर रहेको छ, भन्ने बताउनुभयो ।
कार्यक्रमका सभापति तथा प्रतिष्ठानका कुलपति गङ्गाप्रसाद उप्रेतीले आजभन्दा ६ वर्षअगाडिबाट राष्ट्रिय सन्दर्भका जल्दाबल्दा विषयमा छलफल गर्न प्रज्ञा–प्रतिष्ठानले यस्ता भेलाहरू आयोजना गर्दै आएको छ भन्नुहुँदै, पृथ्वीनारायण शाहको एकताको भावले नै नेपाल राष्ट्रको एकीकरण सम्भव भएको हो, भन्ने कुरा बताउनुभयो । कार्यक्रममा प्रवचनको औचित्यमाथि प्रकाश पार्दै उपकुलपति जगमान गुरुङले स्वागत मन्तव्य राख्नुभएको थियो ।

शुक्र, पुस २७, २०७५ मा प्रकाशित

यसमा तपाइको मत

Loading...
Loading...

बाट अन्य

अक्षरमार्ग साहित्यिक त्रैमासिकको सातौं वार्षिक उत्सवको अवसरमा छ श्रष्टा सम्मानित

पनौतीमा वरिष्ठ साहित्यकार तथा नेपाल प्रज्ञा प्रतिष्ठानका पूर्व कुलपति श्री बैरागी काइँलाले नेपाली भाषा र साहित्यको श्रीबृद्धिमा उल्ल्ेखनीय योगदान पु¥याएका छ जना वाङ्मयसेवीहरूलाई एक कार्यक्रम वीच सम्मान गरेका छन् । अक्षरमार्ग साहित्यिक त्रैमासिकको सातौं वार्षिक उत्सवको अवसरमा आयोजित सो कार्यक्रममा प्रमुख अतिथि श्री नेपालीले उहाँहरुलाई सम्मान...

‘मदन पुरस्कार–२०७५’ का लागि ७ कृति छनोटमा

२५ असार, काठमाडौं । ‘मदन पुरस्कार–२०७५’ का लागि ७ कृति छनोटमा परेका छन् । मदन पुरस्कार गुठीको ‘श्रेष्ठ सूची’ तयार गर्न गठित समितिले विभिन्न सात कृति पुरस्कारका लागि छनोट गरेको हो । मदन पुरस्कार गुठीका अध्यक्ष कुन्द दीक्षितले प्राप्त २५७ कृतिमध्ये ७ वटालाई छनौट समितिको सिफारिसमा...

“सपनामा भगवानसँगको कुरा” कथा संग्रह लोकार्पण 

  काठमाडौँ, असार ६ गते । पूर्व मेजर टंकबहादुर बजगाई खत्रीको कथासङ्ग्रह ‘सपनामा भगवानसँगको कुरा’ एक कार्यक्रमको बीच लोकार्पण गरिएको छ । गुरू नारायणाचार्य कौशिक रिमालको सभापतित्वमा सञ्चालन भएको लोकार्पण कार्यक्रममा प्रमुख अतिथि पूर्व सहायक रथी तेजप्रकाश बानियाँ लगायत विशिष्ट अतिथि तथा अतिथिहरूले खत्रीको कथासङ्ग्रहको सामूहिक रूपमा...

साहित्यिक मैत्रीपूर्ण भलिबल खेल नुवाकोटमा सम्पन्न

काठमाडौँ, जेठ १७ गते शुक्रबार । संसाक मासिक र साहित्यकार खेलकुद समाज नेपालको आयोजनामा श्रीजनज्ञान निकेतन मा.वि., थानापति, नुवाकोटमा साहित्यकार र शिवपुरी गाउँपालिका भित्रका शिक्षकहरूको बीचमा मैत्रीपूर्ण भलिबल खेल सम्पन्न भयो । खेल उद्घाटन गर्दै गाउँपालिकाका अध्यक्ष, रामकृष्ण थापाले साहित्यकार तथा विद्वान मित्रहरूसँगको सामिप्यमा यसरी खेल खेल्न...

भमरकोटेको ‘हाइकु’ वर्णमाला विमोचन

काठमाडौं । मातातिर्थ औंशी, त्यसै नै आजको दिन आमाहरुको लागि विशेष दिन । आजको विशेष दिन पारेर दुर्गा अधिकारीद्धारा लिखित ‘हाइकु’ वर्णमाला विमोचन भएको छ । दुर्गा अधिकारी एक सफल साहित्यकारमा दरिन्छन् । उनले थुपै कविताहरु विभिन्न पत्रपत्रिकाहरुमा छपाइसकेका छन् भन्दा अत्युक्ति नहोला । उनले विशेष...

नव वर्ष २०७६ को शुभकामना आदान–प्रदान तथा क्यालेण्डर विमोचन

काठमाण्डौं, वैशाख २० गते । टोखानगरपालिका ८ नं. वडा कार्यालयले नव वर्ष २०७६ को शुभ अवसरमा ‘वडावासीहरू सबैको एउटै रहर, स्वच्छ, सफा टोखा नगर’ भन्ने नाराका साथ भित्तेपात्रो (क्यालेण्डर) विमोचन तथा शुभकामना आदान–प्रदान कार्यक्रमको आयोजना ग¥यो । भित्तेपात्रो (क्यालेण्डर) को विमोचन विमोचन गर्दै काठमाडौँ क्षेत्र नं. ६...