राजनिति

अनसनकारी विजय थापालाई डा. केसी भर्ना गरिएको शिक्षण अस्पतालमै भर्ना


माघ, काठमाडौं । पूर्वप्रधानन्यायाधीश सुशीला कार्की, पूर्वसभामुख दमननाथ ढुंगाना, केदारभक्त माथेमा र अभिशेकराज सिंहको टोली बिहीबार साँझ जिल्ला अस्पताल इलाममा पुगेका मात्र के थिए चिकित्सकहरुले भने, ‘डा. केसीलाई तुरुन्त काठमाडौं लैजानुपर्छ, हेलिकप्टरको व्यवस्था गरौं ।’

८ बजिसकेको थियो, हेलिकप्टर आउने सुनिश्चित हुन सकिरहेको थिएन । अभिशेकराज सिंहले नेकपाका एक शीर्ष नेतालाई फोन गरेर पूर्वप्रधानमन्त्री पुष्पकमल दाहाल प्रचण्ड हुँदै प्रधानमन्त्री केपी शर्मा ओली र उपप्रधान तथा रक्षामन्त्री ईश्वर पोखरेलसम्म कुरा पुर्‍याए ।

नेताहरुबीच कुरा भएपछि अन्नतः नेपाली सेनाको हेलिकप्टर डा. गोविन्द केसीलाई लिन जाने भयो । तर, इलाम होइन भद्रपुर । त्यसपछि डा. केसीलाई एम्बुलेन्समा राखेर भद्रपुर झार्ने तयारी भयो ।

डा. केसीलाई लिन हेलिकप्टर आउने थाहा पाएपछि अर्का अनसनकारी विजय थापा, जो डा. केसीविरुद्ध अनसन बसेका थिए, पनि काठमाडौं आउन तयार भए । र, स्थानीय प्रशासनले ‘माथिको आदेश’ भन्दै उनलाई पनि केही मिनेटको फरक पारेर भद्रपुर पठायो ।

डा. केसीलाई राखिएको एम्बुलेन्स भद्रपुर पुग्नु केही किलोमिटर बाँकी हुँदा अभिशेकराज सिंहको मोवाईल फोनको घन्टी बज्यो । हेलिकप्टर लिएर आएका सेनाका अधिकारीले सिंहलाई ‘डा. केसी र थापालाई सँगै लैजानुपर्ने भएको’ जानकारी दिए ।

उनीहरुका लागि यो ‘सरप्राइज’ थियो । सिंहले त्यो प्रस्ताव अस्वीकार मात्र गरेनन्, डा. केसीलाई धोका हुने भन्दै हेलिकप्टरमा नजाने, बरु बैकल्पिक व्यवस्था गर्ने जवाफ दिए ।

त्यसपछि झापाका प्रमुख जिल्ला अधिकारी जनकराज दहालले सम्बाद गर्न भन्दै भद्रपुरमा बोलाएर ‘गृहसचिवको आदेश छ, डा. केसी र थापालाई एउटै हेलिकप्टरमा लैजान पर्‍यो’ भने । तर, डा. केसीको टोलीले वैकल्पिक व्यवस्था गर्ने भन्दै अक्सिजन खोज्न थालेपछि स्थानीय प्रशासन पछि हट्यो ।

त्यसपछि थापालाई मेची अञ्चल अस्पताल लगियो भने डा. केसी शुक्रबार करिव ४ बजेतिर काठमाडौं आइपुगे ।

विजय थापालाई कसले अनसन बसायो ?

आफूसँग भएको सम्झौता कार्यान्वयनको माग गर्दै डा. केसी २५ पुसबाट इलाममा अनसन बसे । त्यसको केही दिनमा डा. केसीविरुद्ध विजय थापालाई खडा गराइयो । उनी पनि इलाम मै अनसन बसे । डा. केसीको समर्थनमा र्‍यालीहरु निस्किए । थापाको समर्थनमा पनि र्‍याली निस्कियो ।

थापाको अनसन सरकार विरद्ध होइन, डा. केसीविरुद्ध थियो । त्यसैले अमुक-अमुक मेडिकल कलेजहरुको सञ्चालकले उनलाई अनसन बसाएको आशंका थियो ।

यसैबीचमा चैतन्यप्रकाश मैनाली नामका व्यक्ति झापाको बी एण्ड सी मेडिकल कलेजको तर्फबाट उनलाई भेट्न इलाम पुगेको खबर आयो । त्यसबारे जिज्ञासा राख्दा बी एण्ड सीका सञ्चालक दुर्गा प्रसाइँले पत्रकारहरुलाई गाली गलौज गर्दै धम्की दिए ।

प्रसाईको रवैयाले थापा कसैको ‘इन्ट्रेस्ट’मा अनसन बसेको आशंकालाई थप बल पुर्‍यायो । स्मरणीय के छ भने चैतन्यप्रकाश मैनाली तिनै हुन्, जो कुनै समय बी एण्ड सी मेडिकल कलेजले सम्बन्धन पाउनुपर्छ भन्दै आमरण अनसन बसेका थिए ।

मेडिकल केलज सञ्चालन गर्न चाहनेहरुले साम, दाम, दण्ड, भेद प्रयोग गरेर सम्बन्धन हत्याउन खोज्नु वा कसैलाई अनसन बसाउनु अस्वभाविक होइन । तर, बिहीबार भद्रपुरमा जे भयो, त्यसले राज्य पनि विजय थापाकै काँध थाप्न लागेको त होइन भन्ने आशंका उब्जाएको डा. केसीका सहयोगीहरु बताउँछन् ।

तिमध्येका एक भन्छन्, ‘अहिले नै धेरै भन्न सक्ने अवस्थामा छैनौं, तर हिजोको घटनाले विजय थापालाई राज्यले नै सहयोग गरेको आशंका जम्माएको छ ।’

उनका अनुसार, सरकारले देशमा धेरै जना अनसनकारी छन् भन्ने पारेर डा. केसीको सत्याग्रहलाई निस्तेज पार्न चाहेको हुन सक्छ । थापालाई डा. केसी भर्ना गरिएको शिक्षण अस्पतालमै लैजानुले पनि सरकारको नियतमा शंका उब्जाएको छ ।

केसीका एक सहयोगी भन्छन्, ‘डा. केसीसँग सम्वाद गर्ने भन्दा पनि विजय थापाहरुलाई अगाडि सारेर चिकित्सा शिक्षा सुधारको मुद्दालाई विद्रुप बनाउन उद्दत भएको हो कि भन्ने भएको छ ।’

मङ्ल, माघ ८, २०७५ मा प्रकाशित

यसमा तपाइको मत

Loading...
Loading...

बाट अन्य

चर्चित गायक प्रमोद खरेलले सत्ता पक्ष र प्रतिपक्षले पशुपति शर्माको गीतमाथि राजनीति गरेको आरोप

काठमाडौं– चर्चित गायक प्रमोद खरेलले सत्ता पक्ष र प्रतिपक्षले लोक गायक पशुपति शर्माको गीतमाथि राजनीति गरेको आरोप लगाएका छन् ।     प्रतिनिधिसभाको सोमबारको बैठकमा काँग्रेस सांसद अमरेश कुमार सिंहले गायक शर्माले गाएको गीतलाई सरकारले प्रतिबन्ध लगाएको आरोप लगाउँदै शर्मालाई आफ्नो फागुन महिनाको तलबबाट २५ हजार रूपैयाँ पुरस्कार...

नेपाल कम्युनिष्ट पार्टी  र प्रमुख प्रतिपक्षी नेपाली कांग्रेसका सांसदबीच प्रतिनिधि सभा बैठकमा दोहोरी चलेको

गायक पशुपति शर्माको नयाँ गीत ‘लुट्न सके लुट कान्छा…’ बारे सत्तारूढ नेपाल कम्युनिष्ट पार्टी  र प्रमुख प्रतिपक्षी नेपाली कांग्रेसका सांसदबीच प्रतिनिधि सभा बैठकमा दोहोरी चलेको छ। सोमबारको बैठकको शुन्य समयमा बोल्दै कांग्रेस सांसद अमरेशकुमार सिंहले  गायक शर्मालाई आफ्नो फागुन महिनाको तलबबाट २५ हजार रूपैयाँ दिने घोषणा...

प्रमुख प्रतिपक्षी दल नेपाली काँग्रेसले सरकारविरुद्ध आज (सोमबार) देशभर शक्ति प्रदर्शन

काठमाडौँ– प्रमुख प्रतिपक्षी दल नेपाली काँग्रेसले सरकारविरुद्ध आज (सोमबार) देशभर शक्ति प्रदर्शन गर्दैछ । ७७ वटै जिल्ला सदरमुकाममा प्रदर्शन र विरोधसभा गर्न लागिएको काँग्रेसले जनाएको छ । विरोध सभाका लागि काँग्रेस शीर्ष तथा केन्द्रीय नेताहरू जिल्लामा पुगिसकेका छन् । विरोध प्रदर्शनमा सहभागी हुन अधिकांश शीर्ष नेताहरूले...

मुलुकभर मौसम बदली हुनका साथै केही भू–भागमा वर्षा र हिमपात

काठमाडौँ– मुलुकभर मौसम बदली हुनका साथै केही भू–भागमा वर्षा र हिमपातको सम्भावना रहेको जल तथा मौसम पूर्वानुमान महाशाखाले जनाएको छ । पश्चिमी वायुको प्रभावले देशभर मौसम बदली हुनुका साथै अधिकांश भू–भागमा वर्षा र हिमपातको सम्भावना रहेको मौसमविद् विभूति पौखरेले बताइन् । उनका अनुसार पश्चिम र मध्यक्षेत्रका...

प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन

माघ, काठमाडौं । प्रधानमन्त्री केपी शर्मा ओलीले मोटरसाइकलमा यात्रुहरु बोक्ने कार्यमा रोक नलगाउन निर्देशन दिएका छन् । दुईपांग्रे सवारी साधनले भाडा लिएर यात्रुहरु बोक्न नपाउने भन्दै प्रहरी प्रशासन र यातायात व्यवस्था विभागका अधिकारीहरुले आपत्ति जनाइरहेका बेला प्रधानमन्त्री ओलीले यो कार्यमा अवरोध नगर्न निर्देशन दिएका हुन्...

जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै

२५ पुस, काठमाडौं । जापानका विदेशमन्त्री तारो कोनो नेपालको दुई दिने औपचारिक भ्रमणका लागि आज नेपाल आउँदै छन् । परराष्ट्र मन्त्री प्रदीपकुमार ज्ञवालीको निमन्त्रणामा विदेशमन्त्री कोनो बुधबार अपराह्न नेपाल आउन लागेका हुन् । परराष्ट्र मन्त्रालयले जापानी विदेश मन्त्री कोनो १८ सदस्यीय प्रतिनिधिमण्डलको नेतृत्व गर्दै आज नेपाल...